Crispy Bistro (已結業)

放工去左西環見見朋友，揀左近地鐵站的crispy去飲杯野。 餐廳唔大，但小店的一枱一櫈，每件擺設都滿有心思。開放式設計感覺開揚，正中間的吧枱同埋一旁的枱櫈，隨意得黎又寫意。 晚上人主要客人以外國人為主，小杯淺酌，傾下計。點左個煙三文魚窩夫套餐，連1款crepe。 小店裏一邊聽住歌，一邊傾計，感覺relax，換了在中上環一帶，很難找到這種寧靜。套餐材料算豐富，3大塊窩夫配蜜糖食，香脆可口。蛋略嫌濕左啲、但煙三文魚、沙律菜同焗豆都不錯。點了Shirley temple 及Long island，粉紅色同淺棕色，大大杯好抵飲。 甜品配了雜莓crepe，面頭滿滿的士多啤梨和cream，仲有大大球雪糕，賣相好吸引。Crepe皮薄，雪糕酸酸甜甜，配上士多啤梨同cream，簡單得黎又好食！ 咁啱有外國人帶住狗仔黎同朋友飲返杯，店員都好友善，無驅趕，好有人情味。 輕快的音樂，低聲笑語，可愛的小狗，仲有輕怡又可口的美食，為這裏帶來一片鬧市難得的悠閒。