新記特式車仔麵

營業中

休息中

星期六晚打完網球去左西環一帶食新興，但點知無開，擇無可擇去左食隔離的文記車仔麵。見店面貼住好多明星幫襯過，所以應該都穩陣。一行5人各自點左個車仔麵，外加2個小食魷魚同埋生腸。上枱算快，但生腸同埋魷魚都唔入味，食落口係無味咁，都唔太緊要，最難接受的係熱住上枱，平時食開街頭的，都係凍食的，但今次的熱食感覺好唔習慣。雖然姐姐好熱心咁叫我地點秘製辣醬，但都無補於事。辣醬係好食，但個生腸同埋魷魚都唔得。再講啲車仔麵，個湯底都係無乜味，車仔餸都係無乜味。所以都幾失望，價錢仲要唔算平。其實一啲唔太好食的餐廳，真係唔太想晒時間寫返佢，但門口貼住咁多明星相，真係好容易令人唔小心中了伏。