喜來稀肉 (金巴利道)

營業中

休息中

放工約左同事farewell去食韓燒，其實一向對韓燒興趣不大，食的話都係為左陪阿媽食。今次既然同事提議又見佢地咁想，便去一試。約左尖咀分店8點鐘，餐廳係上一層，都算大，而,且座位都好多下。但值得一讚係油煙味不算大，通風幾好。一行5人，都點左幾多野食。我地坐低，侍應先送上前菜，包括泡菜、芽菜及鮮洋葱。特別之處係呢度個燒鍋個邊可以俾你倒蛋汁落去，一路燒，順便熱熟啲蛋，仲無限添加。招牌喜來稀肉，砌到成朵花咁靚上枱，雖然得一塊，但捲到成朵花,咁，都幾有技巧。而且仲係塊菇上面印左個店名，有啲gimmick。肉質都結實多汁，燒落甜甜地，幾好食~再係護心肉，肉質較厚身，係韓燒必食的，因為唔似一般牛肉咁脂肪較多，而係走爽口的路線。牛肋條切成長條型，燒時好方便，肉厚多脂，好味!!!牛五花鋪滿成碟上枱，份量係令人滿意的。五花肥美，脂肉分明，輕輕燒幾燒其實已經食得。五花腩係好食的，因為肉厚但燒完唔會肥笠笠，包生菜食係好正~~到了豬皮，同事話係必食，但我覺得燒左豬皮質感比較乾身，膠質感不重。比預期失望。我地燒左一輪牛肉，又包生菜乜乜乜，但大食的我地，都唔夠飽。所以點左幾個熟食。反而熟食質素令人有啲驚喜。泡菜葱