影片
港鐵黃大仙站 D3 出口
繼續閱讀
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
返足成日工好攰，收工買外賣順便買埋甜品返屋企沖完涼慢慢嘆💁🏻♀️💁🏻♀️揀咗人氣大熱嘅豆乳狂人🌟除咗招牌8.6特濃豆乳、狂人豆花、豆乳茶、豆乳奶蓋等，仲有桃膠系列、多芒系列、三色芋圓、狂人小食、狂人粢飯，真係超多選擇，款款都好吸引，揀咗好耐先揀到😆😆🔹仙草豆乳天然仙草凍配搭香濃滑順原味豆乳，豆味濃郁、香滑不膩口！🔹堅果芋泥豆花除咗有香滑豆花之外，仲有多種堅果同埋綿滑芋泥，口感層次十足，飽肚之選～🔹奶蓋桃膠豆乳茶豆乳狂人我最愛就係呢一款奶蓋桃膠豆乳茶，面頭有一層厚厚嘅奶蓋，鹹香味濃～加入份量十足嘅軟滑桃膠，配埋濃郁豆乳茶，多重層次飲落超滿足！🔹酥炸雞軟骨即叫即炸雞軟骨金黃酥脆，細細粒易入口，惹味至極！🔹牛油果吉列蝦青瓜絲粢飯豐富配料嘅粢飯粘軟好有口感，包裹軟滑牛油果、香脆彈牙吉列蝦、爽口青瓜絲等，每啖都爆餡勁滋味！豆乳狂人✨📍荃灣大河道100號海之戀商場2樓2036號舖📍樂富聯合道198號樂富廣場 ZoneA 1樓 1168 -1170號舖📍沙田大涌橋路20-30號河畔花園地下28號舖📍黃大仙中心南館地下G10A-G10B號舖📍將軍澳唐德街9號將軍澳中心G樓G01及G02號舖
繼續閱讀
之前聽同事講過呢間豆乳狂人幾好味，不過位置唔太就腳，冇機會試到。最近見佢越開越多間，黃大仙都有分店喇🎉！除咗招牌嘅豆乳好出名，連港式糖水都比佢玩到咁多花款🍡，有豆腐花、仙草、桃膠、芋泥、芋圓等等，真係大把選擇。同埋佢啲包裝都好得意，糖水係用密實筒仔裝起 (💡記得洗乾淨重用呀)，分店都有個好Colorful嘅打卡位比你「相機食先📸」，不過黃大仙店只限外賣。🥭🍉芒西豆花 $55🩷今期新品推品係西瓜系列，芒西豆花真係必嗌🌟。底層係佢哋正宗無糖嘅豆腐花，頂層就係粒粒清甜嘅西瓜同芒果，仲要走晒核，啱晒我呢啲懶人可以食吓生果😍，食埋豆花清清熱氣。好特別係佢面頭落咗厚厚嘅奶蓋🥛，好重奶香，成件事好夾 好Creamy。本身以為食唔到咁多，但有西瓜同芒果真係Perfect Match，食食吓都食晒喇，好推介大家要試呢個呀🌟👍🏻！🍡三色芋圓豆花 $32呢個又係有驚喜，啲芋圓係低糖，但又食到三款芋圓嘅分別，蕃薯嗰粒味道好出。呢個好啱買返去比長輩食，我媽咪都力讚話唔甜👍🏻，幾啱佢胃口又清清地。🕵🏻♀️：不過我覺得有啲淡，健康嘢係淡味啲🌯吉列豬扒粢蛋飯 $45粢飯又係港式早餐好重要嘅成員。呢度嘅狂人粢飯都有好幾款，我呢個吉列豬扒雖然係有啲貴🤏🏻，不過大大舊又滿滿材料，有齊豬扒、榨菜、油炸鬼同肉鬆，係幾好味，仲好飽肚👌🏻！🥛鮮芋泥豆乳 $32用粗飲管飲就可以品嚐到個層次感💜。啲鮮芋泥都打得幾蓉，味道都係偏低糖，好健康又有啲口感咁！🥛8.6 特濃豆乳 $24睇質感就知特濃，佢個Texture好似係平時冬天會用勁滋潤版Toner嗰隻杰杰地嘅質感🤣🤣。不過因為係無糖，所以飲落唔會好有味，可以試真啲個豆香。食完糖水，我都洗返乾淨兩個兜仔備用💁🏻♀️。雖然外賣角度睇係唔太環保，總係會有人即棄。不過洗返嚟用又幾好，仲係磨砂面 + 有蓋包裝，用嚟裝嘢擺入雪櫃幾啱用👌🏻 。今次第一次試完豆乳狂人 印象都幾好！下次會想試吓其他豆乳口味，好似黑糖珍珠/可可味，好有信心佢唔會爆甜🫡。嚟緊好似話會再開分店，希望土瓜灣快啲開返間，強力建議將芒西豆花變做Regular Menu呀唔該🙌🏻！
繼續閱讀
豆乳狂人開左好多分店，原來除左豆乳，其他甜品同粢飯都好吸引，甜品可以外賣，連甜品樽都可以留番黎用👍.🥑牛油果鰻魚玉子粢飯 $55粢飯好足料，有油條、牛油果🥑、青瓜🥒，蛋🍳同鰻魚，食完起飽肚🤣鰻魚好肥美，帶少少細骨，飯都沾滿蒲燒汁，係好新鮮嘅配搭💯.🍠滋潤之選 $45有滿滿芋泥，芋圓，桃膠，珍珠，西米，芋泥唔會好甜，配上特濃椰奶好濃味😆.🍡蕨餅丸子 $45蕨餅好煙韌😍仲有布丁🍮小丸子，芋圓，都係好足料又唔會過甜❣️
繼續閱讀
#📍 @soymarthk依幾日天氣真係熱到暈 真係要食D甜品解暑😋我見好多人都力推豆乳狂人 我都bookmark左好耐想食 今日就一於去食下佢🤤豆乳狂人有好多唔同既種類既甜品同小食可以選擇 我真係花多眼亂 樣樣都想試下豆乳沒有添加消泡劑 味道鮮甜 營養保留較高 真係健康又消暑之選✨十勝紅豆豆乳🥛材用8.6特濃豆乳 入口非常順滑又濃郁仲有大大粒紅豆🫘又唔會偏甜黑白芝麻豆乳🥛芝麻味濃豆味香 但唔會搶過芝麻味 ✌🏻多芒系列🥭多芒楊枝甘露、多芒西米🥣芒果味超香又好新鮮 勁甜😳大大粒芒果肉 西米好彈牙好夾😋而楊枝甘露鋪滿左金柚 口感豐富左 而且兩個都係食到底都仲有芒果👍🏻
繼續閱讀
終於的起心肝🥴 專程走黎黃大仙幫襯依間超出名嘅豆乳專門店😋 除咗經典嘅豆乳飲品，仲有超級多款特色甜品同埋茶飲可以選擇🥰❤️ 有興趣仲可以買鹹食配返豆漿🤩🌟 真係超正🫶今次黎就每樣都試下😚 㨂咗蕨餅丸子、芋泥桃膠小丸子、多芒楊枝甘露同埋黃金脆脆豆乳茶😚 款款都勁大壺份量十足😍❤️ 超級抵食😘 蕨餅丸子個組合好特別，軟綿綿又煙韌嘅蕨餅加入豆乳入面一齊食，滋味令人難忘又深刻🤤 值得一試👍 芋泥桃膠小丸子令人極驚喜🥰❤️ 桃膠塊塊都超厚又有嚼感😋 沾滿濃郁嘅豆乳，豆香滿滿😍 加埋軟滑綿密嘅芋泥一齊食，芋香嘅滋味同豆乳好夾，真係誠意之選👍 多芒楊枝甘露好足料👍 勁多芒果同埋西柚係入面🤤 每一啖都充滿濃郁嘅香味🤭 酸酸甜甜勁清新又開胃😚 用豆奶代替常用嘅花奶，無咁膩之餘又多添一分豆香😘 黃金脆脆豆乳茶特別配有一串軟糯香甜嘅丸子😋 沾上奶蓋醬，食落甜甜地好好味🫶 豆乳茶集豆香和茶味於一口，醇香嘅滋味令人回味無窮❤️❤️❤️
繼續閱讀
您可能會有興趣的...