影片
地點為於大古廣場三期的隔鄰, 午飯時段理應坐滿人, 但不知為何尚有三成坐位空置. 此店屬於”永豪閣”地下鋪位, 前兩年, 曾聽過太古想收購這棟大廈, 作擴建太古廣場之用, 但土地屬”甲類”住宅地段, 要轉商廈用途, 需獲規劃許可, 但商用地的地積比有15倍之限, 可能太古最後計唔條婆乸數, 連原本太古廣場三期的未用盡樓面也計埋落去, 令地積比達到16倍, 超晒標.1984年入伙, 一梯三伙, 實用面積230-320呎, 同我屋企間房差唔多大, 網上八一八, 最近期的成交, 已經是2010年前的事情. 隔離座的永豐大廈, 1981年入伙, 同樣二百幾呎, 同樣四年無成交, 個個都等收購. 鬼咩… 上一些的星街既樓價, 近年好似火箭一樣, 單棟式大廈, 實用面四百呎, 都要賣到千五萬, 中一次1000萬既六合彩, 都買唔起啦… 香港樓價真係發咗神經呀….., 講錯..., 應該係…香港人發咗神經…哈哈樓買唔起, 但飯要照食…. 此店的Set Lunch, 份份同價: HK$155. 位於高級寫字樓側, 午餐價格還算合理範圍.全店都是"外語人士"幫襯, 所以服務員都是"外語人士".天氣熱, 午餐都來一杯冰凍啤酒. 現在全城都供應法國Kronenbourg 1664, 據聞此啤只採法國Alsace地區的strisselspalt hops釀製 (其實Alsace地區釀造的啤酒多的是, 宣傳技倆就係咁攪嘢, 講出來好似好勁, 其實無甚特別), 然而宣傳單張講到”味道清香, 卻沒有啤酒的苦澀味”, 這點我是同意的. 由最初唔太喜歡那種奶味, 到飲多幾次反而習慣了, 後來再到飲得太多太悶…, 今天….唔好喇啩…. 但此店只有一種Draft….無得揀...."有得飲, 真係唔飲?" 唯有...."飲住先"囉.....哈哈.Soup of the Day. 聽店員講, 好似係…海鮮湯, 但加咗好多菜粒, 攪到整體上”cheap”咗好多, 杰度太高, 味道偏鹹, 合格水準以下.Salmon & Cod Fishcake. 三文魚和鱈魚混合的炸魚餅, 兩款魚都必定係雪藏貨, 煮熟後, 三文魚肉偏實, 鱈魚肉比較軟, 混在一起, 兩補不足, 炸起後, 皮脆但不厚, 內裡質感缺水, 較乾身, 味道適中, 尚且合格.Balsamic Glazed Ribeye. 話明係火燒, 當然有燒後的鐵絲痕跡, 同事怕血, 落單要medium well, 出場時應變咗well done, 然而相差無幾.…啫. 一般的高、中、低級餐廳都寫著賣Ribeye(肉眼扒), 這件所謂牛胸第六至十二條肋骨中的厚肉, 脂肪應該比”西冷”要高, 油脂商即是更軟熟. 同事切了一少片給我一嚐... 唔...唔....唔... 結論係: 鞋唔過沙紙, 韌唔過橡根.... 見同事食得好滋味, 好滿意....口味呢家嘢, 真係....兩粒小蕃茄好熱, 咬入蕃汁流出, 同事"哎"了一聲. 火箭菜新鮮爽脆, 加了一點parmesan cheese, 口感味道也滿意. 薯角超大件, 超多份量, 可能太厚身, 炸起後, 入口, 咬落中間有些少生和硬. 外落的英式芥末醬, 香味和辣度都不足, 唔知係咩嘢牌子….南瓜義大利燴飯, 英文餐牌寫: Squash & Sage Risotto. Sage 是鼠尾草, 但餐牌上出現一個”鼠“實在有點兒嚇人, 所以通常中文都會譯作”南瓜檸檬香草意大利飯”. 營養學課有介紹過不同香料的優點與缺點, 也提起過鼠尾草(Sage). 鼠尾草是屬於抗氧化食物, 可令人青春常注, 增強記憶. 我未老先衰, 常常忘記要做的事, 最啱我了….哈哈… 鼠尾草有木屑的氣味, 聞一聞, 唔多覺, 只聞到一陣南瓜香味, 估計廚師只是放了兩片香葉在表面, 並沒有切碎放入飯中一起煮, 意大利人唔鐘意食軟飯, 香港人就係 唔鐘意”比人話”食軟飯, 兩者 … 差唔多…哈哈… 雖然有南瓜粒, 南瓜粒煮得軟身好味, 但飯身並沒有滲入南瓜的味道, 廚師煮的時候可能加入了南瓜後, 只係求其攪一攪、炒一炒就上碟, 但芝士香而濃, 香港人最熟悉做risotto的米: Vialone, Carnaroli, Arborio, 最平價是Arborio, 理應是餐館最愛, 但今天吃的這款比較大粒和長身, 應該不屬於三款之一.最後的甜品, Cheesecake 正四方體一小件芝士餅, 頂部的一粒紅梅, 加了點熱情果醬汁, 賣相好. 入口軟滑, 芝士味道未算太濃, 口感偏軟, 合我心水, 好滿意.Chocolate Cake, 一件brownie, 也是紅梅點綴, 配上好細件的雲呢拿雪糕, 再淋上朱古力醬, 同事至愛, 無分比我.
繼續閱讀
金鐘和灣仔交界的STAR St. (星街)聽ABC朋友講是香港新興的brunch好地方。襯住黃金星期五就一個人摸上來。考慮到以往去的all day breakfast restaurant 地點都比較狹窄，較在前在星街網做功課時巳經鎖定Waygu，全因為他們標榜自己走的是獨特的咖啡室的悠閒風「Wagyu Café offers a unique new approach to café dining. Set in a relaxed yet visually exciting interior」。實店不失所望，café 一半是高級玻璃房; 另一半是開放的bar style。我坐的是外面，微微冷氣又有陽光，周邊是金髮情侶和韓國女子組。我點的是Spinach mushroom egg benedict - 時前上碟時是所有食物都是熱的，好感度大升。切下去時鮮黃色蛋汁湧出，蛋汁和醬汁味道相配得宜，再加上點點蔥花，味道更新鮮。當中最令我欣賞的是蛋的部份相對實淨但又沒有overcook，邊切邊食時蛋可以保持賣相沒有下陷，證明煮蛋的技巧不庸。麵包温熱，再淋上蛋汁夾住spinach很好味!!!薯仔我留到最後才吃，放進口時還是温熱，估計都是即叫即煮才可以保持温度。薯仔在口中跟牛油和蜜糖的甜一起在口中融化。正好可以當作是整個full set的dessert。再加一杯cappuccino，就是一個perfect的 weekend start了!最後不得不提及的是，大多數食客只知道cappuccino"1/3 espresso, 1/3 foam, 1/3 steamed milk" definitions，而未必了解到泡沬的高度都是一個main point。這裡的泡沬雖然不是我在香港見到最完美的一個，但泡高度和結實度的確是中上的水準。下次可以帶多本書來這裡嘆cappuccino和蛋糕去過打發周未的黃昏吧~
繼續閱讀
週日同埋閨密一齊喺星街搵食，行行吓見到有老蘭食開嗰間wagyu，相信食物味道應該差不多，所以決定入去食brunch。Cafe裝修行悠閒路線，簡約寧靜，最啱同朋友嘆茶傾偈⋯見到menu上有我至愛既All Day Breakfast，立即落單，大家叫既配搭都唔同，實行開心Share。我個朋友點左Eggs Marianne 跟peppermint tea。點餐後一陣子就上菜，快靚正 我點既配料有水煮蛋丶香腸丶煙肉、薯仔片丶蘑菇粒丶蕃茄丶茄汁豆及多士，雖然煙肉略為乾身及偏咸，不過食番d鮮蘑菇粒又平衡了味道，而水煮蛋亦做到應有既流心 ，至於薯仔片丶茄汁豆作為配角填肚則不過不失！至於朋友點既係典型egg benedict，水煮蛋置頂，加三文魚片及嫩波菜葉做餡放在吐司上，仲有薯仔片同蕃茄伴碟，醬汁味道不太濃，令淡淡既三文魚香更為突出。整體而言，雖然味道上唔係特別深刻，不過勝在份量十足，而且環境舒服，不失為一個放假mode填肚既落腳點！
繼續閱讀
We weren't planning to come here but the other places closeby were all full. I ordered an eggs benedict - American, which was served with avocado and bacon. The whole dish was rather tasteless except for the bacon (but who can ruin a bacon?). The eggs were overcooked. The hollandaise sauce was thick and without seasoning. Overall, it wasn't too bad, but wasn't good either.
繼續閱讀
The old Oolaa petite location. Interior is exactly the same, since they are both from the same group. Was a bit hot and stuffy in the restaurant.Had great and refreshing pink grapefruit and watermelon juices. 1. Wagyu Steak Sandwich was not bad. Taste was good and the dough was excellent. Full of lettuces, tomatoes, and onions. Excellently fresh fries! The steak... wasn't too Wagyu to me.2. Eggs Marianne was good. Salmon and spinach were just the right proportion. Hollandaise sauce was on the light side.Overall a 7/10!
繼續閱讀