影片
以上資料只供參考, 請與餐廳確認詳情
相關文章
食評 (313)
前排喺YouTube見到有人介紹深水埗區嘅大排檔，我bookmark左兩三間今晚禮拜六同fd一行十人食飯就提議下，提早打咗去book位，店員都講明未必即刻有位可能要等10 零分鐘，但係有位就會俾我哋，結果我哋提早到咗，不過店員都係話要嚟咗一半人數先可以入座～我哋總共叫左14樣野，兩支啤酒，幾支汽水同幾個飯，埋單$2432👅👅蜜椒薯仔牛柳粒（中）鎮店之寶，叫左中size都幾大份薯仔好重蜜糖味偏甜，口感都外脆內軟嘅，牛柳幾香口唔韌，整體唔錯👍👅👅小炒王韭菜花冇渣，腰果香口，蝦乾嗰啲就正常，唔會太鹹👅👅風沙雞（半隻）外皮幾香脆唔會太肥，肉質都滑👍👅豬油渣炒菜心豬油香口，少許油膩，菜心炒得啱啱好👅沙拉骨肉質OK肥瘦都均勻，但係啲沙拉醬太太太多😨 好膩⋯⋯👅蒜蓉蒸帶子嗰晚蟶子嘅價係$78一隻，帶子$48一隻正常水準，啲粉絲索咗蒜蓉香味唔會輸👅豉椒炒鵝腸味道OK，鵝腸份量偏少👅炸鱔口感香脆，正正常常👅豉椒炒蜆味道OK，蜆都算大粒，不過某啲都係有少少沙👅馬拉盞通菜啲蝦乾幾香口👍調味適中，如果係煲仔上仲正仲惹味👅椒鹽鮮魷呢個有油益味，鮮魷又細條，炸得偏油，極差！！👎👎👅滷水拼盤冇乜特別，唔算入味亦唔香滷水味，可以唔駛專登點😅👅粟米魚肚羹都算足料嘅，不過質地太稀好水👅蠔仔粥同樣幾足料，甚至多到冇乜粥底😅不過個人嚟講都係覺得蠔仔有腥臭味唔好食，唔係我杯茶🙈
繼續閱讀
在香港的美食地圖上，深水埗以其地道的風味和多樣的選擇而聞名。萬發餐廳以其經典的薯仔牛柳粒吸引了不少食客，值得大家一試。薯仔牛柳粒的主要成分是嫩滑的牛柳和香脆的薯仔。牛柳經過精心腌製，保留了肉質的鮮嫩，配合特製醬汁，味道濃郁且不過於油膩。薯仔則外脆內軟，香氣撲鼻，與牛肉的鮮美相得益彰。每一口都能感受到牛肉的鮮甜和薯仔的香脆，口感層次分明。薯仔牛柳粒的份量相當足夠，適合與朋友分享。價位亦相對合理，性價比高，是許多食客願意回訪的重要原因。對於喜愛肉類和薯仔的小食者來說，這道菜無疑是滿足味蕾的最佳選擇。萬發的薯仔牛柳粒是一道不容錯過的美食。無論是從口味、質量都是十分的出色，配上白飯更是一絕。😍😍😍
繼續閱讀
-一大班人食飯一定揀萬發，仲要係九江街呢間，其實佢有幾多個舖位依然係一個迷薯仔牛柳粒水準唔穩定，有時會得好少牛柳，同埋薯仔炸得唔夠脆，不過中size都已經超大碟夠八個人食，暫時未見到大size實物，食薯仔食到停唔到口🤤，jap爆滷水拼盤超大碟一定要叫，有我最鍾意食嘅魷魚牛腱，椒鹽鮮魷份量都有好多，最重要係炸皮薄，通菜煲都好大煲、雖然價錢有啲唔抵生炒骨完全係over rate，完全冇諗過佢咬落真係脆，炸得好好食而家先知原來炸子雞係叫做風沙雞，都係一定要叫，炸皮薄得來香脆肉嫩，但唔係甘香皮爽海蜇手撕雞可以唔使叫，手撕雞得好少😖仲有啲咩係must need?🫡🫡-▶︎薯仔牛柳粒中size | $138▶︎滷水拼盤 | $168▶︎椒鹽鮮魷 | $138▶︎生炒骨 | $118▶︎金牌風沙雞 | $138▶︎啫啫通菜煲 | $88▶︎海蜇手撕雞 | $118-📌 -👅【萬發海鮮菜館】📍深水埗九江街150-152號地舖-
繼續閱讀
最近我去咗萬發海鮮酒家，因為我一向都好鐘意食佢個薯仔牛柳粒，份量又大，味道又好食。每次去都期待能夠享受呢道招牌菜，但今次的經驗真係有啲失望。以前嘅薯仔牛柳粒，薯仔外脆內軟，口感惹味，搭配嫩滑的牛柳，真係一絕，簡直係唔可以錯過。但今次食到的薯仔竟然唔脆，變得軟綿，完全冇咗以前嗰種令人驚喜的口感。而牛柳方面，雖然仲有啲味道，但口感好似有啲乾，冇咗以前咁嫩滑。其他菜式的表現都一般，冇咗以前的水準，尤其係小菜，感覺份量都變少咗，令整個用餐體驗減分。冇左招牌菜式，喱次真係幾失望，應該短期內都唔會再返去食啦。
繼續閱讀
唔會再幫襯。職員好惡，態度又差，又鬧顧客，簡直不知所謂，自己聽錯嘢，又話返我哋！安排好混亂，想落單又唔知搵邊個，過黎就開始鬧人，唔知邊度得罪咗佢。環境好差，預咗大排檔唔會咁乾淨。但個碗好似冇洗過咁。上面都係油漬！食物方面，都好多油。炒蜆全部都係殼。唔會再黎呢間食！啲嘢普普通通，再好食咁嘅態度我都唔會再黎，我都唔會推薦朋友去食！應該係我食大排檔體驗最差一次！入座未食晒，就開始趕人走！唔會再黎呢間食！
繼續閱讀