影片
港鐵鰂魚涌站 C 出口, 步行約4分鐘
繼續閱讀
電話號碼
98339823
56836987
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
食家推介
相關文章
成日聽朋友講話有間懷舊西式餐廳好掂，終於約到時間一齊試。入到去滿滿的舊香港情懷，復古燈光配木枱木椅，瞬間穿越返70年代老香港西餐廳，氣氛滿分！款款都想試，最後索性豪啲，一次過叫咗成枱嘢。-🥩 鐵板美國牛封門柳（鮮菇燒汁）$130封門柳夠晒淋身，七安士份量啱啱好，肉味濃得嚟唔會韌。鮮菇燒汁撈埋薯蓉一齊食，-👑 美國安格斯牛肉眼扒（黑松露燒汁）$20010安士超大塊！肉眼扒脂肪分布靚，切開仲係粉紅色，黑松露燒汁超濃郁，每一啖都係奢華享受。呢個價錢好抵食！琺瑯鍋慢煮牛面珠墩肉配紅糙米飯牛面珠燉得夠耐，夾起嚟成舊肉都係入口即溶，汁收得夠靚，仲有隻溫泉蛋撈飯一流。紅糙米飯煙煙韌韌，唔會太硬，配埋個汁一齊食真係好啱。*update 5-course set $40 跟沙律杯、餐湯、餐飲、甜品🥗 凱撒沙律沙律菜新鮮爽脆，芝士味香濃，煙肉煙韌有咬口，加埋提子乾同沙律醬，層次豐富，開胃之選！🧀西班牙巴斯克芝士蛋糕表面焗至焦香，中間少少流心口感。芝士味濃郁但唔會太重，甜度啱啱好，係會想一食再食嗰種。呢間餐廳真係有驚喜，由主菜到小食都好有心機，唔會有啲行貨味。環境舒服，服務人員都好有禮。成晚食得超滿足，之後一定會再嚟，尤其係個蘑菇湯同巴斯克芝士蛋糕，實要encore‼️😛紅星餐廳 (北角)北角英皇道668號健康村2期UG樓UG10號舖
繼續閱讀
近北角圖書館同街市斜對面，都幾多附近街坊幫襯。餐廳係懷舊復古風嘅老牌扒房格局，有質感既高背椅，精緻水晶燈，仲有古典搖擺鐘，舊時香港嘅高級西餐廳，優雅又帶點懷舊feel。近年周街都係所謂新派冰室，呢d算買少見少了。難得加上店員服務貼心，好有親切感。menu都感受到對食客既誠意，餐牌選擇多到爆，鴨、魚、豬手、牛扒、羊扒、海鮮飯、鐵板牛脷、牛尾，感覺有d癲，乜都有！！😆街坊生意，價錢又唔貴。行過附近，呢間真係食得過👍❣️🦆 法式油封鴨腿配煙肉 呢道油封鴨腿係皇牌！鴨髀皮薄脆，咸香撲鼻，入口微焦好香口，內裏鴨肉鮮嫩多汁，唔會乾柴。配上香橙黑加侖子忌廉汁，醬汁酸甜濃郁，橙香突出，杰身得黎好平衡鴨肉嘅油膩，調味啱啱好。🐟 鑊仔燴香煎鱸魚扒配蕃茄肉醬 鱸魚扒煎得外脆內嫩，連魚皮，魚皮無散架！！！魚肉鮮滑唔腥，配上蕃茄肉醬（可揀辣或唔辣），辣既幾惹味。好欣賞呢度既飯用紅糙米添！健康又有咬口，吸晒醬汁。🐂 🍷琺瑯鍋紅酒雜菜炆牛尾 牛尾炆得軟腍入味，肉質鬆化，輕輕一咬就散開，紅酒醬汁濃郁香醇，帶點雜菜嘅清甜，味道層次豐富。琺瑯鍋保溫一流，食到最後都熱辣辣，配飯一流！🍲 紅菜頭忌廉湯 餐湯日日唔同，嗰日咁啱紅菜頭忌廉湯。本身個人麻麻地紅菜頭，但有驚喜佢處理得唔錯！無平時食紅菜頭陣草腥味，紅菜頭打爛得細滑，佢應該仲溝左少少粟米，估唔到咁夾！入口鮮甜清新。飲飲下我竟然飲晒個紅菜頭湯！😋🍰 Basque Burnt Cheesecake餐+$20就有埋個Cheesecake,真心抵！平時一塊Basque Burnt Cheesecake閒閒地5,60蚊，表面微焦香氣濃，內裏creamy雖然唔算好軟心，但甜度適中，食完好滿足！懷舊扒房，街坊價錢，又咁有人情味既小店，買少見少！真係要食多d呢類小店🩷👍
繼續閱讀
餐廳：紅星餐廳地點：鰂魚涌菜式：西餐餐牌：主餐牌主菜15選1，有多款肉類，可以自選配餐項目，包括沙律/餐湯麵包/芝士蛋糕/飲品等。旺市後入座同前離座仲有八折。美國安格斯牛肉眼扒（約八安士）黑松露醬燒汁 $180 另加一美國安格斯牛肉眼扒超大塊，我叫左7成熟，肉質仲嫩帶少少無血水，外皮少少脆，好多肉食。面頭加上充足燒汁同一pat黑松露醬，味道剛好，入口絕對唔會乾。配有新鮮秋葵兩條，車厘茄兩粒同香草滑溜薯蓉。鐵板法式羊扒 腰果芥末醬 迷迭香蒜蓉汁 $130 另加一鐵板法式羊扒一客三件，用錫紙包好方便用手食。熱辣辣用鐵板上枱，服務員仲幫我倒燒汁。羊扒我叫左七成熟，肉質好嫩，連筋。個汁夠鹹香，而羊扒面頭加左迷迭香蒜蓉汁，好夠味。伴有新鮮秋葵兩條，車厘茄兩粒同洋蔥條，仲有少少滑溜薯蓉。琺瑯鍋紅酒雜菜炆牛尾配意大利粉或紅糙米飯 $90 另加一琺瑯鍋紅酒雜菜炆牛尾真係一大個琺瑯鍋上，入面有四大件炆得超淋既牛尾，肉多又嫩又帶厚厚骨膠原。伴有紅蘿蔔同洋蔥，個紅酒汁好味又唔會太濃，撈意粉唔錯。意大利粉另上，擺得精緻而上面加有香草。凱撒沙律 加$30 另加一凱撒沙律好大碟，爽口新鮮羅馬菜加上適量沙律醬，芝士片，甜甜提子乾，煙肉粒同脆脆，口感味道豐富得黎又健康。餐湯及麵包 加$20 另加一湯可以揀意大利菜湯或者白湯，我揀左紅湯。個意大利菜湯味道剛好而有豐富蔬菜，包括蕃茄、紅蘿蔔同椰菜。個餐包好大個，暖暖地上枱，好鬆軟，伴有一包牛油。西班牙巴斯克焦香芝士蛋糕 加$20 另加一西班牙巴斯克焦香芝士蛋糕擺盤唔錯，一隻長碟加上朱古力粉鋪既星星，代表餐廳個名紅星。主角西班牙巴斯克焦香芝士蛋糕非常濃厚滑溜，而焦香味適中，呢個價錢一流。四款果汁有100% 橙汁、100% 蘋果汁、100% 菠蘿汁同石榴汁，加$10就有。我最鍾意石榴汁，好濃厚，香甜滑溜好好飲。菠蘿汁都好香甜。今餐食物飲品令人滿意，呢個價錢實在係太實惠。餐廳環境復古懷舊，座位舒適，好有氣氛。唔怪得平日午市超多人。
繼續閱讀
北角七姊妹道算是北角上班一族覓食的一條街，這間在轉角處的西餐廳環境優雅，門面有數個幾顯眼的易拉架印上餐牌，不知為什麼平日午間都不會人流如鯽，只有零星幾個堂食及外賣客。單是午餐都有十數款選擇，$100以內都有不少選擇，而且還可以選擇沙律、餐湯、麵包等配餐，豐儉由人。鑊仔燴香煎鱸魚扒、意大利蕃茄醬配意大利粉 ($80) ★★★★★鱸魚扒雖然不算頂級魚扒，沒什麼魚味，但煎得非常香脆，而且蕃茄醬非常出色——有新鮮番茄蓉之餘有一點四川辣醬的fusion感覺，而且店員還容許我叫小辣，意粉蘸上茄醬剛剛好。整體賣相很不錯，而且這個環境水平這個價錢能夠品嚐到這道午餐，我認為是物超所值。餐茶有別於一般普遍的熱檸茶，這裏是橙茶，橙片放進茶杯會令熱茶溢出，茶和橙片都很慷慨。總括而言，這間餐廳性價比很高，而且餐牌上有很多看上去價廉物美的選項，下次有機會會再到訪！
繼續閱讀
在餐廳出面看以為很老土，但一走進餐廳，覺得很復古，給人很優雅的感覺。有點似日本的喫茶室。食物款式多，味道很好，擺盤也不錯。選了兩個$80的全餐，價格非常優惠。我們點了鐵板豬扒和鐵板雞扒。豬梅扒質地外脆內軟，比起高級餐廳的黑毛豬更好味。配溫泉蛋和意粉或糙米飯，非常鮮味。洋蔥湯和雜菜湯也很香濃，最後的芝士蛋糕更是令人滿足。另外，也點了鴨腿和羊肚菌忌廉意粉，兩樣也很出色。能感受到這間小店認真的態度，非常推薦。
繼續閱讀