影片
電話號碼
23366711
開飯介紹
主打正宗泰國菜，不時推出期間限定菜式；此分店裝潢雅致，帶點園林氣息，讓你在輕鬆的氣氛下，忙裡偷閒享用美食。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
00:00 - 23:00
公眾假期前夕
00:00 - 23:00
以上資料只供參考, 請與餐廳確認詳情
有關獎賞計劃
相關文章
今日去完元朗行山，加上天氣好熱想食開胃泰菜，就順便去bookmark 左一段時間的呢間餐廳。一入餐廳空間感幾好，樓底夠高裝修都好有泰式style，枱與枱之間又唔會覺得迫。餐牌都好多款唔同泰菜，新派fusion 泰菜都有好多選擇。柚子沙律 $108柚子肉好大粒，夠水潤又甜，佢個調味做得好好，香料味夠得黎又唔會過濃，加埋啲香脆嘅腰果粒，更加有口感。泰式燒豬頸肉 $128燒得好香口，又夠爽，點埋佢個辣辣地嘅汁真係幾夾。泰式燒老虎蝦（兩隻）$168一拎上枱就已經聞到好香嘅炭燒味，老虎蝦大大隻，職員好細心比定手套同埋濕紙巾我哋；食得出係新鮮蝦，因為啲蝦肉好爽口彈牙，蝦頭仲會有啲膏，推介。鹽燒馬友 $248一打開個魚皮，啲魚嘅鮮味出晒嚟，魚肉好嫩滑，我平時好怕食到好腥的魚，呢個一啲腥味都冇。手搖香芒檸檬變態紅茶 （加大）$73 甜甜的芒果味再加上好香濃檸檬嘅紅茶底，撞埋一齊真係好適合夏天飲，好解渴仲要大大杯。金柚香芒沙冰 $78有唔少嘅香甜柚子肉粒，芒果沙冰又夠透心涼。甜品點可以唔叫芒果糯米飯，佢係用咗三色飯，有蝶豆花糯米飯，普通糯米飯，同埋斑斕糯米飯，飯粒夠煙靭粒粒分明，個椰汁就甜咗少少，但佢個芒果都幾甜同最梗要係冇渣。呢度如果多啲人嚟食仲可以試多啲唔同款嘅食物。藥房星期六晚上七點至九點都有live music 可以邊食邊chill住聽歌。
繼續閱讀
元朗泰斗元朗大樹下東路633號餐廳門口可以泊車，夠哂方便，餐廳面積非常大，門口仲有好多打卡位，啱晒情侶過來，室外非常寬敞，綠色植物為主題，坐得非常舒服，菜式應有盡有明爐魚$228熱辣辣完條大魚上枱，size非常大，魚肉吸滿湯汁嘅味道，酸酸辣辣，越食越開胃，肉質嫩滑，旁邊仲有啲熱辣辣嘅湯，可以慢慢加入去，湯底入邊好多配菜，有大量嘅薑絲同芹菜，加蔥花肉碎同埋菇類，連埋啲魚肉一齊食夠晒惹味，喜歡這道菜有肉又有湯柚子沙律$98一道清新可口的菜，用泰國柚子肉酸甜適中，果肉鮮嫩多汁，加入一些堅果、蝦米加入自己調製的醬汁，開胃醒神，甜甜酸酸嘅味道火焰新派老虎蝦$328大大隻老虎蝦（4隻），非常大隻，啖啖肉，蝦頭仲好多膏，一小杯烈酒點火，再淋上面，很漂亮的火焰蝦，老虎蝦肉質鮮甜，爽口彈牙，蝦頭的蝦膏甘香，並用上冬陰功做醬汁，很特別蠔仔肉碎豆腐湯$138材料很豐富，有蠔仔、肉碎、豆腐、雜菇、粉絲等，粉絲給收了湯底，很入味，湯底清甜，蠔仔也很肥美可口，大約有十多隻蠔仔，一路用火爐煲住入口，熱辣辣，又夠暖胃椰汁紅豆冰$42濃郁的椰香和甜美的紅豆，香滑口感與紅豆的軟糯，好味,又唔會太甜，奶味濃郁椰汁冰$42純天然的椰香味，入口濃郁，香甜順滑
繼續閱讀
聽講元朗有一間擁有秘密花園嘅泰國餐廳，今次趁放假就過咗來食飯同打卡！餐廳空間感十足之餘，室內嘅座位有唔同嘅植物做點綴，室外仲有啲好夢幻嘅打卡位添～✨招牌沙律三步曲可以一次過滿足哂三個願望！有青芒絲沙律配燒北海道帶子、炸軟殼蟹柚子沙律同埋木瓜蝦沙律，三款都味道酸酸甜甜，令人好開胃～✨汁燒安格斯牛小排安格斯牛小排肉質軟嫩，表面仲帶有微微嘅焦香，散發住誘人嘅香氣～✨生菜包用脆嫩嘅生菜包住充滿泰式香味嘅豬肉碎，感覺清爽又唔會油膩～✨串燒沙嗲牛(2串)牛肉串燒肉香四溢，配搭濃郁嘅沙嗲醬，味道一流～✨泰式香葉肉碎炒飯味道微辣有鑊氣，令人忍唔住食哂成個炒飯～✨泰斗暴打變泰檸檬茶除咗新鮮嘅檸檬香味之外，茶底仲多咗一種獨特嘅泰式風味，好特別～✨泰斗三檸七喜用咗桔仔、青檸同埋檸檬，七喜嘅甜味同氣泡令到成杯飲品更加清新清爽～另外，店員嘅服務態度超親切，值得一讚！👍🏻餐廳亦有提供埋多個車位比客人免費泊車，雖然位置比較隱世，但專程過來食飯同打卡都非常值得～
繼續閱讀
在元朗尋得這間泰國菜專門店，實為食客之幸！從踏進店門那刻起，店員燦爛笑容與主動引座的貼心舉動，瞬間消解城市煩囂。一句「薩瓦迪卡」伴隨溫潤泰語問候，並非制式招呼，而是真切流露的東南亞熱情——這種賓至如歸的氛圍，正是品嘗異國料理的完美前奏。🌟 黃金必點菜式三冠王古法咖喱炒蟹：嚴選菲律賓肉蟹浸潤於泰南風味咖喱，蛋花如金箔包裹蟹鉗，辛香與椰漿在舌尖跳起雙人舞。附贈的酥脆蒜蓉包，蘸取濃郁醬汁堪稱神來之筆。火山排骨」視覺系鎮店之寶：疊成山形的肋排淋上青辣椒醬汁，酸辣衝擊感如岩漿爆發，肉質卻意外軟嫩脫骨，嗜辣者必試！芒果三色糯米飯」藝術甜點：蝶豆花、斑斕葉染出漸層糯米，當季呂宋芒甜潤多汁，淋上現熬椰漿那刻，彷彿聽見曼谷街頭的甜點車鈴聲。✨ 細節見真章的用餐體驗環境哲學：挑高空間搭配藤編燈具，半開放式廚房飄散香茅與檸檬葉清香。桌距寬達一米餘，即便滿座亦能從容交談，顛覆傳統泰菜館擁擠印象。潔淨強迫症福音：服務員每道菜後必換骨碟，玻璃杯壁不見水漬，連泰式魚露四味碟都排列成放射狀，處處顯露管理嚴謹。驚喜彩蛋：凡點選海鮮類菜品，店家附贈自製青芒絲沙拉解膩，醃漬酸度精準拿捏，味蕾重置術令人叫絕。暮色初上時分，透過落地窗望見元朗街燈漸亮，手捧冰鎮椰子沙冰，再舀一匙黃咖喱軟殼蟹——此刻方知，原來最地道的泰北風情，早已在港式生活圈裡生根發光。
繼續閱讀
藏身元朗街角的泰國菜專門店，憑一道「炸軟殼蟹柚子沙律」征服無數食客！金黃酥脆的軟殼蟹現炸上桌，蟹殼薄如蟬翼卻飽含豐腴蟹香，咬下時「咔嚓」聲伴隨熱氣騰騰的蟹汁迸發；底下鋪滿清爽的粉紅柚子肉，澆上魚露、青檸與辣椒調製的泰式醬汁，酸辣交織中透出椰糖溫潤，薄荷葉與烤花生碎增添層次，冷熱交融的絕妙口感令人一試難忘！更值得稱許的是店員真摯的待客之道。甫入座即奉上燦爛笑容，點餐時耐心解釋菜式特色，見我猶豫不定時輕聲推薦：「軟殼蟹沙律係我哋招牌，今日嘅蟹特別靚仔喎！」上菜後更主動詢問辣度是否合宜，席間多次貼心添水卻不過度打擾。離座時更笑盈盈遞上自製泰式檸茶解膩，一句「多謝支持，下次試吓我哋生蝦刺身啦！」讓整頓飯由味覺到心靈皆飽足而歸。小店裝潢洋溢泰北風情，藤編燈籠與手繪大象牆畫相映成趣，開放式廚房飄來香茅與南薑的誘人氣息。人均消費約$150即可品嚐正宗泰味，軟殼蟹沙律（$128）份量十足，足夠二至三人分享。若您追求的不只是地道美味，還有如泰國「薩瓦迪卡」般的溫暖體驗，這間隱世小店定能讓您齒頰留香，心滿意足！
繼續閱讀
您可能會有興趣的...