Zecond (已結業)

又來介紹我最鍾意嘅Cafe～今次就喺鬧市中，揀咗一間幾舒服嘅Cafe 雖然個空間就唔算好大，但成個氛圍都係好寧靜，完全冇乜壓迫感甚或是好擠迫嘅感覺！今次我自己就叫咗個lunch set 同朋友們係演唱會前enjoy一下個lunch～首先前菜嚟咗一碗粟米濃湯同埋一杯嘢飲濃湯飲落去好清甜都幾開胃👏🏻太妃糖茶茶味幾濃郁未調仲有少少甜嘅香氣 冬天飲都幾暖胃主菜我哋就叫咗卡津孜然雞扒呢塊雞扒幾油脂感唔算好重，邊位幾脆口🫶🏻咬落去好juicy肉質都好滑仲有淡淡嘅孜然香之後仲有一個主菜就係冬陰功大蝦意大利麵蝦肉非常之彈牙仲要大大隻🥰仲有掛住冬陰功嘅湯汁，勁有泰式嘅感覺～仲有啲洋蔥同埋車厘茄炒埋一齊，令到成碗食物勁香濃🙌🏻

發覺上環蘇杭街開咗好多精緻嘅小店， 計上次食過poke bowl 之後， 今日喺對面食咗zecond餐廳！ 點咗$158套餐Starter - 牛肝野菌奶油濃湯 個湯好重奶油香味，口感好滑，偏杰身。 味道香濃滑口。 好好味！ Main Dish - 香烤煙燻鴨胸 + 冬蔭大蝦意大利麵香烤煙燻鴨胸 - 鴨胸比平時食到嘅肥美， 份量好大， 配埋個沙律菜side dish 加藍莓醬， 味道清新唔會令到淨係鴨胸有嘅油膩感覺， 唔錯！冬蔭大蝦意大利面 - 大蝦新鮮大隻，呢個冬蔭味同其他餐廳唔同嘅係配料比一般餐廳豐富，除咗大蝦同意大利粉之外，有好多洋蔥、蕃茄、西芹等等嘅材料去煮成。本來諗住試埋佢哋嘅甜品，但係因為已經太飽，留返下次有機會再食！

誤打誤撞入左黎食晚飯, 本身冇乜大期望咁入黎,只係想醫下肚,估唔到咁大驚喜!🤩首先一入去即刻有人帶位同介紹menu, 雖然座位唔多，但正正呢樣野就係佢嘅優點. 成餐飯都靜靜地咁食，而且每位食客都可以照顧到. 加上暗暗地嘅燈光寧舍有feel, 所以成餐晚飯嘅感覺都好唔錯👍🏻主菜叫左個煙燻鴨胸，佢有啲沙律菜伴碟，食落好新鮮開胃. 至於個鴨胸，食落好濃郁嘅煙燻味，好厚肉，而且好稔，唔鞋口，好食呀！😋至於飲品就叫左個果汁，正正常常，下次即管試埋佢啲酒精飲品.

上環休閑cafe小店意粉、pizza 、主食等也具有特色，以fusion的手法， 用上不同國家的烹調方式製作出來，很有心思！《冬蔭大蝦意大利麵》$148以冬蔭湯的味道來配搭意大利麵，創新的做法，冬蔭湯微微的酸辣味道融入大蝦意粉當中，非常開胃。《卡津孜然雞扒》$138孜然味道的雞扒煎得香口，皮脆內嫩，極香的孜然味，香噴噴，而且雞扒很大塊！飲品方面特色的茶飲也很讓人放鬆心情呢！《女爵紅茶》$38以特別的玻璃杯子沖飲女伯爵紅茶，很香很香的茶香！《蜜桃汁》$28解渴一流的水果汁，甜甜蜜蜜的蜜桃味。總結：清新小店飲食有心思。

係上環呢個咁繁忙既地方，係呢度可以搵到一間旺中帶靜既西餐廳小店實在好難得。一入去到雖然地方唔係好大，但氣氛好好，燈光暗暗地幾有格調，而且服務好唔錯，一入到就有人Serve同埋講野好溫柔～有高級餐廳既感覺！☺️同朋友只係小聚片刻，所以每人只係叫左個main course，好有驚喜呀！我叫左個冬蔭功意粉，一食就好鍾意。首先個意粉係al dente，第二個汁做得好濃，有齊冬蔭功既酸、甜同埋好重既椰汁味，加上佢有少少辣味吊番起成個汁，所以食落唔會有漏既感覺。🤩意粉亦配左幾隻蝦，幾隻食落都係新鮮而且好好咬口，唔會過熟，非常好食。👍🏻冇諗過求其入一間都有呢個水準，呢間野值得更多人去支持！

星期六可以去到上環，依家外面保留住香港傳統入面有西式休閒風格的cafe蜜桃汁一種新鮮嘅感覺清新為你準備好好嘅一餐伯爵茶淡麗嘅味道加上靚靚嘅玻璃杯休閒感覺冬陰功意大利面放落嚟香氣撲鼻，而且幾隻大虾絕對吸引眼睛視覺嘅享受配上青檸汁食落去成為新鮮刺激個人可以諗到這個不同味覺配合嘅意大利麵有一種嶄新嘅感覺孜然粉香燒雞扒放落嚟香到一個極點，因為孜然粉嘅味道實在太令人着迷 加落去雞扒嘅肉汁流咗出嚟真係好好味雞肉，簡直係絕配蔬菜薯感覺好清新，亦都減少雞扒嘅油膩感覺無論眼睛舌頭感官都有很好的休閒體驗大家離開上環，不妨來試吓

星期六嚟到上環呢一頭慢活一下，咁岩見到呢一個舖位開咗間新Cafe，就入去試吓啦！餐廳裝修簡潔舒服，好似置身喺一間文青主題嘅Cafe，頭盤方面係一客粟米濃湯，味道濃郁得來又唔油膩，粟米嘅香甜浸沒喺濃湯入面，幾好！主菜方面嚟咗個香煎三文魚配薯蓉同沙律，三文魚採用左加拿大野生三文魚，廚師將個皮半煎炸咁樣整到好脆口，用刀刮落去係有聲㗎！上面仲配上一層蛋黃醬同埋蟹子，估唔到蛋黃醬同埋三文魚其實咁夾！最後想讚一讚個薯蓉，係我喺其他餐廳都冇見過嘅外型，好似一個切咗一半嘅大蒜頭咁樣，外表係煎香左，入面嘅薯蓉好鬆軟！飲品方面叫咗杯Rose latte, 味道好令人驚艷，佢淡淡的玫瑰味撈埋咖啡，喺咖啡嘅味道之中滲出一陣意想不到嘅花香味，仲有一浸甜甜嘅糖漿，係一杯令人想叫多次嘅飲品！

放假係要去下上環多野行下又輕鬆既地方行下, 食下野咁。去左呢間Cafe 小店, 雖然位置唔算多, 但係環境溫馨, 野食種類都升多, 星期六都有lunch set~有湯同一杯飲品~今日既湯係粟米濃湯, 好甜~冬蔭大蝦意大利麵$148覺得真材實料, 大蝦真係有好多, 唔係一隻放係面俾人睇到就算。味道方面真係幾好食, 有番茄、西芹、洋蔥同意粉一齊炒好, 意粉濕度岩岩好, 唔會太乾。卡津孜然雞扒 $138唔好睇佢平平無奇咁, 一切開雞扒食好滑好嫩, 同有好香既孜然味, 薯仔都吸到少孜然味都好好食~太妃糖茶見佢幾得意,叫黎試下。聞落又真係有一陣甜味, 飲落就有少少似伯爵茶偏甜少少既茶, 都幾得意。

上環呢頭好多文青CAFE.見到ZECOND都幾別緻就試左呢間餐廳。孜然雞排都幾特別,好大塊,又嫩,大廚調既汁又幾特別,面頭既孜然粉令到個雞排好唔同,又入味,味道豐富有層次。個SIDE DISH都幾正既,係西蘭花加少少薯容,係其他地方未食過,仲有少少沙律夠清新。飲品都特別,係水蜜桃果汁,甜甜地,好飲。如果唔中意飲果汁,其實花茶款式都多。呢度有聖誕花又有聖誕樹,仲有D小燈泡,真有聖誕氣氛。打卡影相一流。

上環一帶一向中午人流極旺，夜晚就相當靜局，呢日夜晚嚟開上環，同朋友見到呢間小店環境清幽咁就入去一試餐廳屬小店經營，店員都一手一腳熱情招待，我地太口渴嘅關係就先叫兩杯凍飲，另外因為我戒糖，店員仲特別推介左呢杯青檸梳打走甜俾我是日餐湯係牛肝菌忌廉湯，牛肝菌嘅香味濃郁冬蔭大蝦意大利麵 ($148)主菜方面店員就大力推介呢款冬蔭公大蝦意粉，本身我同朋友都怕太辣，但見店員咁落力推介都心絲絲想試下，結果食落味道唔算太辣，非常惹味香口，意粉索晒醬汁香味，亦唔會煮得太冧香烤煙燻鴨胸 ($138)另外鴨胸肉係意外驚喜，呢款鴨胸處理得肉質嫩滑之外仲保留到滿滿嘅肉汁，好少食到鴨胸肉唔係肥膏嘅香而係肉汁嘅香，再配上酸酸甜甜嘅紅酒煮紅莓醬味道更加清新，簡直絕配

位於工作地點附近嘅Zecond, 中午人流較旺，晚上反而清靜，適合同久未碰面嘅朋友小聚。餐湯味道濃郁，我和朋友都清盤了。主食點了店長推薦的冬蔭大蝦義大利麵，本來忌辣嘅我有點猶疑，但店主一再推薦，所以都決定嘗試。一上桌已聞到香口嘅味道，入口辣味和香味嘅平衡亦取得剛好。更有驚喜係另一道主菜香烤煙燻鴨胸肉，肉質鮮嫩，配上紅梅汁特別入味，伴碟的蔬菜薯餅亦出色。飲品點了檸檬紅茶，店長體貼地安排了少甜，不會過分地又冰又甜，晚上喝還好。

係上環站同朋友食lunch，見佢都有lunch set，大約百零蚊一個餐都唔貴。坐得幾舒服，一路食一路傾下計都唔錯😀叫左個冬蔭大蝦意大利麵，一個叫左卡津孜然雞扒。lunch set有湯、飲品，是日餐湯係牛肝菌湯，呢個好好飲，勁香濃！！唔好覺得雞扒好普通，呢塊煎到雞皮脆脆地咁，孜然味好香，肉質同味道都幾好。切開都唔乾柴冬蔭大蝦意大利麵都算係fusion的款式，泰式mix西式意粉，炒得乾身，加入乾葱食起上黎好有口感，酸酸辣辣咁，好好食！大蝦都有４隻，蝦肉爽口，正！

🍝海膽醬蟹肉牛油果意大利麵 $158☕️榛子咖啡 +$15🔸上環一間新開無幾耐，好似有啲格調嘅西餐小店。今次路過就試佢個午餐，選擇都幾多，意粉又好，扒類又好，應有盡有🤤而且款式上都幾多特別配搭唔會悶，今次揀咗海膽醬蟹肉牛油果意大利麵，成個味道搭配都幾夾，海膽醬係鮮甜零怪味，蟹肉份量多，而牛油果做到好好嘅配襯角色，同時提升成個營養價值👍🏻🔸本身午餐送果汁，但我想飲咖啡所以升級咗榛子咖啡，都係色香味俱全😃

【#SUPERMAMA開心SHARE】泰國意大利Crossover -- 泰。意。愛@Zecond星期六導賞團後解散，突然氣溫驟降，迷路的人又凍又餓，迷入內街，看到外觀有格調、樣子不錯的小店，就進內試試。牛肝菌湯熟悉的濃濃牛肝菌湯，為凍了好一陣的自己，馬上驅走寒意，帶來的暖意，冬蔭大蝦意大利麵喜歡冬蔭功的朋友可以一試，冬蔭湯不外露表面，但滿滿香味深入意大利粉中；處理乾淨的大蝦新鮮彈牙，4大隻，好滿足；番茄、西芹、洋蔥經油香爆炒過，脂香包裹，為冬日外出覓食的人提供溫暖。玫瑰茉莉茶吃飽飽，漱漱口飯後一杯茶，玫瑰茉莉芬芳，清膩留香。是日導賞團 + 美食進出平衡，健康生活，完美！

休假日最想做的事就是尋找休閑舒適的美好～ 自行享受一天寧靜！係上環搵到一間環境舒適休閒嘅cafe, 餐廳以紫色牆做背景～ 門外有一點綠葉的裝飾，更顯休閑!我點了黑松露大啡菇意大利麵同埋飲左花茶～ 做一時三刻全素的環境小文青～黑松露大啡菇好好味，意大利麵內除咗大啡菇仲有唔同嘅蘑菇喺入面混合忌廉醬一起吃～ 意大利麵還有Cheese的加持，突顯意大利麵的口感層次很分明！健康又好味的全素大啡菇意大利麵配合埋藍莓花茶一起吃真的非常美味！花茶去了一下忌廉的油膩～為一天帶來了清新的感覺！