Zappy (已結業)

同同事食lunch，係眾多選擇既銅鑼灣揀左呢間小餐廳，聽聞幾好食同抵食。上百樂中心13樓，得兩部細電梯，如果多人就要分開上樓啦。餐廳大約只有兩百尺，包場最多坐到18人。Lunch menu食物選擇比較少，大約只有四個main course揀，湯只有一款，而甜品只有兩到三款左右。今次就叫左以下幾款食物:牛肝野菌湯: 同普通餐廳飲到既唔同，唔係好結好thick果種西湯。湯既texture算係稀身，但就好滑，有好香牛肝菌味。飲得出湯本身落左好多奶，所以先做到咁幼滑，好似飲絲襪奶茶既感覺，所以對奶敏感既人就未必岩飲啦。香烤孜然雞扒配飯及沙津: 孜然味非常香，一上菜時真係成間餐廳都會好香孜然味。我只係試左小小雞扒，雞扒有成隻手咁大塊，而且厚肉鬆化，唔會太乾，不過就唔算特別juicy同入味。醬汁就係酸酸地既，女仔都可以食得哂成碟飯同雞扒，因為醬汁好令人開胃。泰式冬蔭蝦意大利麵: 呢個意大利麵非常抵食！大家唔洗怕佢會太辣，佢既冬蔭sauce少少酸又少少辣，味道岩岩好。配埋蝦同雜菌非常好食。不過美中不足既就係麵質都係普通係出面食到既扁意粉，唔好expect佢係啲好精緻既手工麵，同埋蝦都應該只係雪藏蝦。

今日放工，好想休息放鬆一下心情！所以一個人黎到以前黎過的銅鑼灣cafe.環境真的一流，雖然唔算好大，但將大自然溶入了這間餐廳中，有好多花朵及植物的展品及裝飾。配上輕鬆愉快的英文歌曲，舒適的座椅及大大特窗戶，真的製造了一個大自然又休閒的環境好多菜餚選擇，今次選了冬蔭公大蝦意大利粉及服務員推薦的夏日的水果酒西班牙的水果酒顏色好靚哦！酒的濃度可以讓客人自己要求，配合不同客人的需要，好貼心我這個唔識飲的客人。酸酸甜甜又好香水果味，水果有好多喔：青紅蘋果、青檸、檸檬、藍莓、橙子、士多啤梨等等，好開胃又有少少酒令客人放鬆一下冬蔭功大蝦意大利麵賣相好靚又吸引；香味四溢！意大利麵好香好彈牙又唔會太硬，香茅味及冬蔭功的酸辣好夾好配，更有唔同口感的雜菇及菜苗及甜紅椒，好香又健康大蝦好鮮又爽口，好多又好大隻！好貼心地去除蝦殼，只剩尾部，讓客人輕輕的一咬就開了，好味道！整個意大利麵都好吸引又適合夏天開胃之選！這間cafe環境舒服、食物又美味又靚呀！服務也很好、飲用水有薄荷葉的清香女仕們好推薦的餐廳

連續3日假期, 同老公黎到銅鑼灣百樂中心, 食一個優質午餐!餐廳整齊潔淨, 感覺清新, 舒適悠閒!  有4款午市套餐, 套餐包括餐湯、主菜和飲品, 價錢合理!雜菌忌廉湯湯既質感細滑, 帶少許雜菌碎, 雜菌香氣濃郁! 再加上少許香草同適量忌廉, 令雜菌忌廉湯更香滑!泰式冬蔭蝦意大利麵 $88 蝦肉鮮甜爽口, 份量不少, 配上泰式冬蔭醬汁, 好惹味!意大利麵係扁意粉, 以泰式冬蔭醬汁配以西式方法炒扁意粉, 這道fusion菜真的好出色!食第一啖扁意粉已經食到冬蔭功最標誌性既酸酸辣辣! 真係好味到停唔到口呀!再加上細蔥, 雜菇菌, 紅椒絲, 令口感好豐富, 味道一流! 十分推介! 香烤孜然雞扒 配飯及沙律 $88以中式孜然粉配以西式方法烤焗雞扒, 呢道fusion菜同樣令人驚喜!雞扒厚身大塊, 烤得皮脆肉嫰, 嫰滑多汁, 熱辣辣, 火候控制得非常到位! 當切開雞扒時, 雞皮脆得發出聲音, 雞肉即時滲出肉汁!再加上雞扒上滿滿既孜然粉同孜然醬汁, 孜然味濃郁, 令雞扒好惹味! 超讚呀!北海道千層蛋糕 $48賣相非常吸引!  蛋糕層層分明, 千層蛋皮滑溜富蛋香, 夾著既忌廉帶有濃濃牛奶香味! 好好

以樓上cafe嚟講，呢度有兩大面牆都係大玻璃，同相鄰樓宇距離唔算太近，個view都幾令人放鬆。cafe細細，book場搞party應該唔錯。先飲啖濃湯暖胃，幾香肉味，可能加咗雞湯。主菜點咗泰式冬陰蝦意大利麵，一試小cafe嘅fusion菜水準如何。一心以為係湯意粉，完全冇諗過冬陰可以用湯以外嘅形式呈現眼前。食第一啖扁意粉已經食到濃厚忌廉味，然後會食到蝦乾鹹香同香草味。可能食唔到冬陰最signature嘅蕃茄酸味同香茅味，整碟意粉味道唔太似冬陰，但味道真係唔錯，唔會令你失望。尤其係意粉上多隻爽口嘅蝦同入味菇菌，令人覺得值回票價。飲品點咗mocha，原價$35，轉餐飲半價。朱古力味幾濃，但咖啡味偏淡。甜品點咗千層蛋糕。上返openrice先發現唔少人彈呢款甜品。我都同意蛋糕望落好似比較乾，顏色亦太sharp，但食落又唔係呢一回事。千層蛋皮出奇地濕潤富蛋香，層與層之間有別於一般cafe以支裝輕忌廉填充，而係用上芒果打成嘅mousse，啖啖都好香。美中不足就係太細件，好快就食晒...

落住黃雨，但好難得抽到時間出嚟，只能頂硬上吧~百樂中心全棟有唔少餐廳，食過幾間都幾唔錯，但人流稀少，生意難做。星期六set lunch要計返加一，揼心口呀！西蘭花濃湯雞湯味反而比較出，質地綿滑。可以半價轉其他飲品。凍咖啡杯底分別透出粉紅同淡啡色，但著重賣相嘅不妨點熱飲，表面裝飾會更典雅。可能冰比較多，咖啡味略淡，但玫瑰同榛子味幾出。跟住就係令我喜出望外，強烈建議大家試試嘅香烤孜然雞扒。嚟到cafe，見到孜然雞扒感覺有啲奇怪，完全唔係西餐，亦算不上fusion菜。但當我哋乾脆脷落咁切開雞扒，滲出肉汁嘅一刻，就知廚師係以西式方法烤熟雞扒。時間、火候控制得恰到好處，先做得到皮香肉嫰。雞扒取自雞脾位，厚身、大塊，但肉由內到外都係剛好熟。如果以中式方法大火烤熟係做唔出呢種軟嫰多汁嘅雞扒。雞皮上滿滿嘅小茴香散發清新香氣，融入雞油香，毫不肥膩。無花果橙柳合桃沙律亦係人氣之選。在場唔少係少女，平日客源亦應以OL為主，輕食自然有佢喺市場。無花果粉紅色嘅果肉圍成花形，見到已經叫人心花怒放。新鮮沙律菜切絲食起嚟更方便，亦更能沾上橙汁。更驚喜嘅係入面加咗同合桃好match嘅cream cheese，不過合桃量

鬧市中的百樂中心 ，我們從時代廣場走過去只需幾分鐘，頗方便。餐廳位於13樓，面積小小的，大慨廿幾個座位，如果是平日的話，可能要預先訂位了！踏出電梯，大大個ZAPPY CAFE招牌，就知自己沒有來錯地方了。星期六，明顯地人流較少，相信能任性地慢慢hea坐，過一個零壓逼感的午飯時間。進店剎那間，立即被這個90度玻璃角落角落所吸引，幸好時間尚早，這一刻暫時屬於我，倚窗而坐，遙望遠景，不像其他只有4幅牆的餐廳，多了點空間，少了侷促感，休閒舒適。我慢慢翻看餐牌，冬蔭公蝦意大利麵的配搭頗有趣，成功引起本小姐的好奇心。咪咪摸摸的我諗下食咩都已經十多分鐘，心大心細去點餐又花了不少時間，值得一讚是店員臉上不但沒有不耐煩的臭臉，還滿臉笑容跟我推介飲品，真心覺得很好。午餐由$88至$108不等，連餐湯、主菜及飲品，價錢合理，可再加$48選擇甜品 - 檸檬雪葩及北海道千層蛋糕。除了一般餐飲外，還可以選擇咖啡、蘋果汁及橙汁。果汁選擇，好似其他地方也少於在午餐時段提供這類選擇，而我當然選擇了至愛的蘋果汁，應該是盒裝貨，味道可以架 ^^  不過建議大家記得叫少冰！(我飲到最後．．．淡了)今日是忌廉西蘭花濃湯，簡單健

Although the restaurant is a bit small. However, the atmosphere was perfect as it was cosy and the setting was on point. I was really happy with the service as we were treated nicely with our visit. Food potion was rather small, but was worth the money as the food were full of flavour. Highly recommended!!!

今日係銅鑼灣行街，係時代廣場附近又咁岩落大雨，所以近近地搵開餐廳食個晚餐，同時避開場過雲雨。因為呢日係星期二，6點左右天仲未黑，又未到食晚時間，所以一入黎既時候人唔多，可以靜靜咁享受一下~打開menu，叫左兩個主食，同埋兩杯野飲。首先上左咖啡先。友人叫左杯樁子咖啡，入口樁子味香香的。而我就叫左玫瑰咖啡 Rose Latte，有淡淡嘅玫瑰香味 同 咖啡香，配合周圍既環境，令人有種寧靜嘅感覺。之後就係士多啤梨煙三文魚意大利飯，呢個配搭平時係出面好少見到，而且對於女仔黎講份量岩岩好~賣相好靚，煙三文魚味好濃，比例亦都好多，飯有種士多啤梨酸酸甜甜嘅感覺，好特別。另外就係辣椒蒜頭橄欖油意大利粉，睇名就知道晒啲材料，但原來都係有菇架。呢個意粉雖然無肉，適合鐘意素食既人，但唔代表佢會淡味架。食落好香口，有好濃郁嘅蒜蓉味，意粉煙韌彈牙。而睇落佢係唔辣，但原來隻辣椒幾麻，幾刺激到舌頭，到後期越食越辣，要邊食邊飲野呢。份量同樣唔算大，女士們食岩岩好~ 既健康又香口~最後係一杯西班牙飲品，Sangria。係以紅酒做底，再加上梳打、水果既一款酒精飲品，有西柚、草莓、藍莓等等。本身唔多飲酒既我，飲落都覺得好香甜

平時去開銅鑼灣其實都食到唔知有咩好食朋友建議去試間樓上鋪，就陪下佢，不竟呢D小店其實質素都幾參差有時入到去，人唔錯好多，可能係星期一既關係雖然地方唔算好大，但氣氛都幾好既，幾適合情侶或者三五知己輕鬆咁傾下計我同朋友兩個女仔食量唔算好大，又唔係好肚餓，所以只係叫左一個MAIN CAUSE同一個小食，之後再追加一個甜品由於我唔食牛既關係，叫左個烤豬扒上碟既時候已經覺得好大份，足足有兩個手掌咁厚而且肉質好豐富好JUICY，真係食到可以鎖住肉汁既感覺，呢個係有驚喜既!另外仲叫左一個烤鯖魚，呢個鯖魚我同朋友都覺得好抵食只係$58，仲大份過平時去日本餐廳食既份量而且烤得黎又唔會好乾，配埋D酸酸甜甜既汁，好開胃!最後叫左個蜜桃雪芭外型真心一流，係一個完整既蜜桃入面裝埋雪芭好實在，完全無偷工減料!總結呢餐係有驚喜既，估唔到小小既鋪頭有呢種質素!值得ENCORE既小店!

Sangria，好細心比我地自己加Red wine調節好味，杯Sangria幾fresh幾有水果味，用黎伴菜都係幾好嘅選擇🤭炸物拼盤小食黎講2人份量岩岩好，春卷普普通通，炸雞唔會油膩，配埋啲醬食都幾香口，呢碟最好食係個泡菜雞翼餃子，啲泡菜令到雞翼唔會好乾得黎又好入味🤤鵝肝多士個鵝肝煎得岩岩好!!表面少少脆入面軟熟真係好好食😚旁邊啲蒜蓉多士都幾好食，不過如果熱少少會好啲😆士多啤梨煙三文魚燉飯成晚最期待就係呢碟Risotto!上菜見到已經覺得好靚唔捨得食😢好少見有士多啤梨作為醬汁嘅主菜，食左第一啖就已經好有驚喜，好香濃嘅士多啤梨味好配啲香菌蘑菇🤤最開心係食到士多啤梨果肉，士多啤梨控必試呀😆除左啲食物味道唔錯，服務亦都好好，有機會會再番黎食。

出後向左，門面細細但內裏環境整齊，裝修簡潔，但唔知點解有一隻蚊滋飛來飛去，座位同座位好近，隔離檯講咩都聽到。午餐唔算多款，得四個選擇是日餐湯幾香滑錯處開始來，叫D餐佢送來B餐，佢話佢聽到B囉，我屋企人唔食海鮮唔食辣，點會叫B，算數，你落錯，我都唔想你難做，我照食，麵味道唔錯，但蝦唔算鮮甜。本來德國腸意粉係我食，但屋企原本碟雞來錯變左蝦，佢唔食，只好食腸，但腸味道唔啱最後只食哂意粉，我食埋腸。影完菇都未食，用緊手機，佢就收碟，我都未食，跟住佢話你未食完放返隻碟俾我，但你已掉左紙巾係上面，我點食呀趕客咩。餐飲蘋果汁，味一般，但唔明點解我無冰，隔離檯兩杯都有冰咖啡香濃總括食物係有水準，但服務就錯漏百出，百幾蚊餐飯換來茶記服務😭走時有同另一位餐廳員工講，佢有同我講唔好意思，但我已經無信心再去。

今晚約左一個好耐冇見嘅朋友，朋友在銅鑼灣收工，就揀咗百樂中心其中一間餐廳食晚飯同朋友咁耐冇見，當然要搵間舒服啲嘅餐廳啦！，我是上了餐廳等朋友到來才點餐，靜靜坐著看餐牌都朋友來了我們點了一杯紅酒一杯白酒，解解渴紅洒的味道好香濃，容易入口唔錯架白酒我朋友選了較甜的味道，帶有甜味他十分喜歡而且十分欣賞黑松露薯條炸得好鬆脆可口，黑松露嘅味道好香，送酒一流美酒配薯條簡直是一大嘅樂事龍田揚炸雞好香可口，有沙律醬增添美味整體來說，環境舒服適合一班或者三五知己去聚一聚的好地方

星期六行開銅鑼灣，行到攰攰地，想搵個有冷氣有安靜嘅地方坐下，就上咗嚟百樂中心13樓。地方雖然不大，但環境雅致，空調溫度舒適，遠離時代廣場的煩囂，感覺舒適。餐湯是忌廉蘑菇湯，蘑菇打成細粒，口感柔滑，蘑菇味濃郁，不過味道較為清淡，習慣食得重口味嘅朋友可能會覺得唔夠味，不過個人鍾意健康飲食，所以對呢個餐湯幾滿意。午市套餐可選擇配咖啡、茶、蘋果汁、橙汁、可樂。煙熏三文魚牛油果沙律食煙熏三文魚最怕太鹹，呢度嘅三文魚新鮮得來味道適中，唯獨欠缺一些油脂，味道相對單調，如果肥瘦均勻就更加好了，不過一定要讚下呢度熟透的牛油果，口感creamy ，入口香甜，質素幾好。我全家都係泰菜頭號粉絲，今次嚟食西餐，冇估到也可品嚐泰式風味，呢個泰式冬陰公蝦意大利麵超級有驚喜！係必點菜式之一！冬陰公味道突出，看起來似乎不太多醬汁，但味道濃郁，絕對有冬陰公的酸酸辣辣感覺和泰式香草的清新。意大利麵口感煙韌，甚至有手打意大利麵的口感，食材有質素。最後加左＄48配北海道千層蛋糕，可惜份量比想像中少，預期＄48買件咁细嘅蛋糕，我寧願去附近餅店買件cake食。總括來講呢度＄98食到整個午市套餐，有餐湯、主菜和飲品，食到飽一飽出嚟，

約左朋友係銅鑼灣食飯，上OpenRice睇下，見到呢間舖感覺好似唔錯，所以就即刻訂位試下。book左7點半，去到既時候只有1枱客人，過左一陣就滿了8成了!初初以為呢間餐廳應該幾大，原來唔係好大架乍，好在我地有book位!去到已經好肚餓啦，同友人睇過餐牌後，叫左2個意大利飯同每人加左$88轉套餐，套餐包前菜、餐湯同埋野飲!飲品就係咖啡茶果D。大概坐左10分鐘，前菜就黎啦!白酒煮蜆，洋蔥配上蜆，味道非常好味!淨係食呢個都覺得加錢加得好!鵝肝什菌湯，味道非常濃郁，唔會好稀，飲落都飲到菇粒黑松露蟹肉意大利飯，完全無諗過咁足料，個飯一黎到已經聞到好香既黑松露味，D蟹肉唔會得好少，而且已經撈左落D飯到!飯入面仲有菇，所以食落好香!香煎帶子墨魚汁意大利飯，帶子好大粒，煎到外脆內軟，個飯應該係加左檸檬汁，食落酸酸地，唔會好漏!同樣呢個飯入面都有菇，感覺好full!其實食完個餐都好飽，但又好想試下佢既甜品，所以就叫左一個蛋糕同埋雪葩!北海道千層蛋糕，味道唔錯，食落唔會好似Lady M咁漏，可能冇佢咁大份啦!菠蘿雪葩(是日精選)，雖然比其他甜品貴，但真係好好味!個雪葩好菠蘿味，但又唔會好似出面果D咁好甜!

I have had dinner with my best friends and love this cozy place very much. Good food and great service. We love the salad and no mentioned, those lovely pineapple and peach sorbet. It will definitely become my first choice of restaurants in CWB.