Zan Chee (已結業)

呢家Zanchee，真係打工仔嘅救星😋。今日我揀咗紅米飯，佢滋味更加健康，口感又有點點嚼勁，好正。我嘅便當揀咗甜辣雞，當我打開盒蓋嗰刻，熱氣腾腾飄出來，真係令人垂涎三尺🤤。雞肉脆皮炸得啱啱好，齋聽個聲都知夠晒香脆，咬落去肉質鮮嫩，甜甜地嘅辣醬仲留哂喺舌尖上，真係食指大動！再講吓個辣炒年糕。攪咗少少意外，因為佢個形狀唔似我以前食過嗰種，不過辣甜勁道醬汁掩蓋過咗其他所有。可能因為佢唔夠煙韌，有啲地方食落去硬硬地，要留意下😅。不過整體來講，依家便當仲有幾款配菜，不過要記住上佢哋IG睇，呢個做法真係新穎，都算係玩味十足。韓式料理嘅味道，加上香港嘅快節奏生活，Zanchee真係幫到手。下次我一定會試吓其他款式，希望有更多驚喜等緊我🎉。講真，便當界嘅新星，就係佢咯！…查看更多

呢日同事仔萬歲，係外賣平台揀左呢間既便當，同事仔勁推呢間食店叫我地一定要試下🤭🤭⭐️紫菜飯卷+炸紫菜便當🍱唔好睇佢得6件飯卷，每件都好足料好大件，唔想食飯既朋友仔仲可以轉成蛋。炸紫菜正常發揮，炸粉唔會好厚，雖然外賣黎到既時候已經唔係熱辣辣但都唔會淋晒。雖然幾好食但成$8x個便當有少少貴🤭…查看更多

-便當-飯可以揀紅米白米，唔揀就預設為紅米。便當嘅配菜係指定，未必係menu上有嘅配菜款，需要每日上佢社交媒體網站 (@zanchee.hk) 睇story upload每間分店嘅配菜相，佢地會係大約中午12點1點左右upload。我原本想早一個鐘叫定，但老闆未update IG，我又心急，未等到佢update 社交媒體網站就直接打左電話過去問配菜。 聽電話嗰個staff唔識講中文 (外賣自取到店舖攞餐時候見到有幾個staff都係韓國人)，只可以講到日常溝通水平嘅英文， 但打電話講配菜keywords都聽得明 (例如“kimchi”, “sausage”, “black bean”, “stir fried noodles”)。…查看更多

韓國菜外賣店散買略貴便當 $80 可以揀豬牛雞今次叫咗雞 個盒好豐富有六個餸卷蛋加咗蟹柳食落有層次感唔好俾茄子上面啲辣椒呃到食落唔辣又多汁好味👍👍個豆腐上有蘿蔔下有蔴醬感覺清新👏但酸菜泡菜重口味帶酸唔係人人啱食個肉未食已經冇乜期望韓式肉都係肉碎咁分唔到部位不過呢個肉味道適中同埋都林嘅個飯就咁睇起碼落咗紅米黑糯米幾健康嘅overall 食完都飽肚 (對男士黎講) …查看更多

Lunch同事又帶我食新野，去左呢間買韓國便當/飯卷。Btw灣仔真係好多野食，返左咁耐都未試晒😂。🔅辣炒豬肉&5種配菜飯 ($80)🔸辣炒豬肉豬肉辣辣地夠晒惹味，送飯一流🥺。雖然底都有油，不過擺落飯到印一印食落又ok。🔸炒年糕年糕比較粗，唔算太煙韌、比較硬身，不過比豬肉更辣，好正！其實食年糕唔使食飯都夠飽🤣。🔸雞蛋🔸芝麻醬撈西蘭花加鵪鶉蛋西蘭花爽口，有芝麻醬就有啲味唔會好齋🖖🏻。🔸泡菜比較鹹，一般般。🔸蘿蔔唔夠入味、硬左少少🙈…🔸紅米飯夠晒健康，都有成碗飯咁多😳。💬整體都ok，選擇又多，等5min都唔使就拎得幾快手。雖然作為lunch偏貴少少，但偶然想食下韓國野都不失為好選擇。…查看更多

門面高級，裏面有一個雪櫃，同有一個食物櫃，食物整齊排列。但我要買的紫菜包飯，整好一盒盒， 室溫放喺食物櫃上面，冇放入櫃。入面冇位坐，有一個好細的立食區。Menu有落成本製作，硬卡紙。外賣袋同食物盒係美觀既🍴烤牛肉飯卷食材都豐富多樣，有紅蘿蔔、蛋、牛蒡、酸瓜、青瓜、蟹柳、牛肉。料多過飯，蔬菜為主，味道太淡，牛肉偏碎，同太少，牛肉調味太甜。所有材料配搭口感清淡，一條切出嚟約有10個。想健康同減肥人士可以選擇。…查看更多

公司附近既Zan Chee已經幫襯左好多次...終於的起心肝幫佢寫返個食評...本人本身就好鍾情韓國料理...如果唔係疫情既關係幾乎每年都要飛轉韓國搵好野食~Zan Chee最吸引既就係呢D便當...一個主菜配5款小菜及紅米飯,一般女生都可以食得晒!今次叫左辣魷魚便當~呢款幾乎係我個人首選~辣汁加洋蔥及青蔥炒魷魚...魷魚多數都係鬚位岩岩好一口一條~辣汁相對起辣炒豬肉會辣多少少~如果食唔到太辣就要留意下~是日5款小菜除左基本既泡菜及蛋卷外...竟然係胡麻豆腐...醋漬蒜苗及凍茄子...同辣魷魚主菜好大對比...可以中和一下~…查看更多

Saw this new rest on online delivery platform and since it was so close to office, I decided to head over to buy some Korean bentos myself. There was a massive display fridge with various types of kimchi for sale. I almost did not find the bentos (doshiraks) but found them on the menu. I chose the spicy pork dorshirak $80, which contained 5 types of daily appetizers/kimchii. I also ordered marinated black beans $40 and marinated perilla leaves $60. They gave me purple rice which was satisfying and tangy. I think we will visit here often and buy our healthy lunches!…查看更多

今天中午在這裡買了泡菜海鲜湯飯， 但是材料很少。 只有兩隻青口 小量魷魚 及大量豆腐， 沒有其他了。 紅米飯生米。 買外賣回到公司發現品質太差， 非常太失望了。 這水準不值75元。 …查看更多

住在灣仔已經住左成年，每次經過都無興趣行入去，最近食飯時間都在灣仔搵食，又想想搬屋，於是決定試埋佢。不過我的直覺是對的，根本唔試好過試。我㨂左個魷魚便當，幾個前菜無得揀已經預左，都係啲cheap野，炒魷魚好少食，所以揀左炒魷魚。魷魚都係一般般，好多油，預咗，份量亦好少。個便當仲係$85， 仲要無野飲。仲要佢只係做外賣。其實佢排哂啲前菜出嚟，懶高貴咁都覺得佢無好野。俾得起其實都無必要食。講返前菜，泡菜又霉又臭，是一劈野咁，唔係一條條。一件凍豆腐加芝麻醬，好慳。紅米飯正常，份量少。灣仔區韓國菜得QRE上面有一間幾好，午餐有套餐又多泡菜。鍾意食韓國菜可能灣仔唔啱，銅鑼灣高質素啲。講到服務質素，連一個識講廣東話嘅人都無，仲請好多姐姐企享度，遞下野，間鋪又細，用來做樣的。…查看更多

此店間中都會食，唔算特別好食，只是因為公司附近沒太多韓國鋪，其實食開$75已經貴，點知以家仲貴左，一加就加$5，我比錢個下都愕然，其實以家好多店鋪都有做外賣優惠，佢唔做仲加真係奇巴，就算以前經濟好既時候，最多見過加$3，相信今次係我最後一次吃了！…查看更多

Zanchee 主要賣韓式便當，非常方便打工仔，每個便當可以自選一類protein，然後配菜就每日唔一樣，可以上佢既 ig睇個日配菜啱唔啱食，都幾方便。佢地仲有賣蛋捲，韓式拌飯、炒粉絲啦同醃好既肉等等，我另外仲有食過佢既炒粉絲，都好好味。佢灣仔鋪頭睇落好簡潔好乾淨，但比較隱蔽唔係幾容易搵得到，而由於鋪頭太細，lunch time 時會逼爆曬等攞外賣既人，建議大家早d 網上落order ，減少係鋪頭等外賣既時間～…查看更多

行完灣仔公仔街(太原街)，經過街尾見有一間專做外賣嘅韓國小店，店舖簡潔亮麗，媽咪肚餓兼比佢吸引住，買咗三款食物返屋企試試，不過質素只屬一般，下次都係食返”Kelly’s Cape”。🥢炸蝦飯卷 $35⭐️⭐️炸蝦凍咗腍咗好難食，而且無蝦味，飯卷雖然多料但太鬆散，咬一啖已經跌晒啲材料出嚟，食得超狼狽！🥢烤牛肉·煎蛋拌飯 $65⭐️⭐️⭐️正常嘅辣醬拌飯，超多料超大碗，牛肉幾惹味。🥢煎魚餅(細) $55⭐️⭐️⭐️唔清楚咩魚，感覺似食粟米魚塊走咗粟米同茨咁，魚腍身微熱富蛋香，一盒細起碼有8件好抵食。二人共消費：$155後記：接手外賣果刻，見有個店員無戴口罩响廚房行出嚟，之後去咗食物櫃前面，無意識戴返口罩兼不停同佢同事傾計，就算疫情過咗，對住無包裝嘅食物都應該要注重下衛生囉！…查看更多

外賣韓國飯卷🍱店員都係講韓文為主店面既裝修我自己都幾鍾意今次試左豬扒韓國紫菜包飯之前試過牛肉同魚糕牛肉好惹味 魚糕就比較清淡豬扒飯卷入面會有🌶唔食得辣既朋友要小心d 挑出黎另外佢仲有d 韓式便當🍱包5款前菜同埋糙米飯賣相好精緻之餘感覺好健康而且味道都唔錯其他仲有炸雞 煎蛋卷 炸紫菜粉絲卷 炒粉絲 煎餅 韓式拌飯等等...外賣黎講選擇真係好多而且味道都唔錯…查看更多

Zan Chee (灣仔) 正宗韓式便當😍#cteateat_高質推介 喺公司附近有呢間韓式外賣便當,成日都同同事買來食,一早想出post同大家介紹一下呢間韓式便當細細地,但入邊嗰啲全部都係韓國人主理，便當有好多種選擇有紫菜飯、有炸雞、有蓋飯，仲有好幾十款嘅配菜選擇。不過我試咗好多次中最鍾意都係呢個便當，我叫咗牛肉便當，佢每日都會有唔同嘅配菜俾你，冇得自己揀嘅，勁豐富，又好食！價錢$75一盒，你可以揀主要肉類包括雞肉豬肉牛肉辣魷魚，每到午餐時間都勁多人排隊🤣佢而家都開咗成四間分店可以試吓 我好鍾意食，最最吸引到我嘅係佢嘅設計，盒野勁靚🌾用餐心情:只限外賣，開party或者午餐晚餐都隨意買來食買唔同嘅款式仲可以同好多朋友一齊分享！地址：灣仔皇后大道東248號地下G1號舖味道👅: 8/10服務💁🏻‍♀️：7/10環境🌾：7/10人均消費💰：75…查看更多