X-Bar (已結業)

轉眼間 X-bar 已開左差不多五六年喇，間中都會黎奉吓場既 ~ 以前都有好野食吓，依家真係食飽先黎穩陣啲 ~ 一般劈場格局，有電視、有歌唱、有鏢掟、有梅猜囉 ~ 想當年啲員工仲識搞吓氣氛，同您吹吓水玩吓，面帶笑容。依家好似個個木口木面唔想做咁款，唉 ﹗滷水雞中翼，未食飯叫啲野頂住肚先。黑柒柒既滷水雞翼，超咸、咸到苦啊 ﹗顏色跟賣相都唔討好，大家心裡都諗住叫左唔好嘥，食埋去啦，好咸呀 ﹗又浸到無晒肉汁，乾爭爭。