Wonderful Restaurant (已結業)

今晚同朋友黎左一間聖誕氣氛十足嘅西餐廳，平平凡凡嘅工廈，估唔到有間隱世又好食嘅西餐廳😌餐廳以深木色作為裝修嘅主調，天花掛滿美美嘅燈飾，仲有一棵聖誕樹🎄座位有4人枱同2人枱😍餐點都幾多選擇，有意粉，扒類等等。🌸蔬菜湯全素煮嘅味道都幾似羅宋湯，入面超足料，有馬鈴薯，蕃茄，椰菜等等☺️蒜蓉小法包烤得香香脆脆可以同湯一齊食。🌸龍蝦湯熱辣辣嘅龍蝦湯上面有白蘭地Cream 拌勻後飲落可以更帶出湯嘅鮮味🥰入面仲有粒粒蝦肉😋✨建議先飲蔬菜湯再飲龍蝦湯😘🌸卡邦尼意粉意粉上面有超多芝士，入面煙肉係一條條有咬口有厚度嘅蘋果木煙肉，味道比普通煙肉嫩同香😋意粉條條都掛到汁🤩🌸海鮮意大利麵海鮮有蝦🦐魷魚🦑帶子等，份量都幾多🥰海鮮口感彈牙帶鮮味🐵同埋意粉係用蕃茄汁煮，都幾開胃🤤🌸凍檸茶檸檬茶嘅甜度適中，味道唔錯👍🏻

#酒店級數嘅工廈靚牛扒朋友喺觀塘返工 話要約埋我食little joe M4牛扒 我心想：到底係乜東東 點解唔去扒房 而係觀塘樓上餐廳🤔 小店開張半年 午飯時間供應套餐 夜晚客人食a la carte居多-🥩Tasmanian Grass-fed Striploin $348牛扒單點價錢唔平 仍然好多人order 我哋最後揀塔斯曼尼亞草飼牛(10安士) 因為未食過 果然肉味濃郁 肉地有彈性 夠嚼勁亦有豐腴油脂 唔需要任何醬汁 五成熟 已經好好味 簡單就是美😍-🥘黑松露野菌蘑菇意大利飯 $158火候控制得好 飯粒剛熟 俾濃稠醬汁重重包裹 黏口滑溜 有濕潤度但又al dente 呢種水準嘅意大利飯 好耐冇食過啦-🥣意大利雜菜湯 $48湯嘅熱度好夠 可惜麵包先上 菜湯要再等 唔可以同時享用兩樣熱食-🥣龍蝦湯 $78湊近聞到飽滿嘅龍蝦殼香味 湯裏面有爽口龍蝦肉 湯濃而鮮-📍Wonderful Restaurant觀塘觀塘道396號毅力工業中心2樓F號舖

仲有一個禮拜就到聖誕節，所以呢排都頻頻約啲好耐無見嘅朋友出嚟聚下舊，傾下偈，順便提早交換聖誕禮物。見網上有好多人推薦呢間「Wonderful Restaurant」，今晚就嚟試下。餐廳雖然位於觀塘工廈，但環境頗優雅，空間闊落舒服，加上牆身飾以大自然風光壁畫，增添悠閒感覺，跟人來人往的繁華鬧市，形成強烈對比。餐廳主打西式美食，食物選項有頭盤沙律、意粉、意大利飯、湯、主菜及配菜等，另外仲有一份 Drink List。我哋點左兩個餐，一個配是日餐湯，而另一個就配龍蝦湯。點完餐後，店員隨即送上餐前麵包，蒜蓉法包美味度超高，拿上手時仍熱燙燙，非常脆口，而且最正就係脆得嚟又唔硬，離遠都聞到蒜蓉嘅香味。龍蝦湯 (+$88) 以大量龍蝦頭、蔬菜及香料等熬製，再加入適量嘅新鮮龍蝦肉，湯質滑稠濃香，入口鮮甜無比，愈飲愈滋味。是日精選餐湯為雜菜湯 (+$58)，湯身熱辣辣，內有大量薯仔、椰菜、甘筍及洋蔥，入口帶濃郁嘅蔬菜甜味，味道好天然，加上湯面灑上了香草，提味增香。主菜點左卡邦尼意粉 ($148) 同 黑松露野菌蘑菇意大利飯 ($158)。卡邦尼意粉通常俾人肥膩嘅感覺，但呢度嘅做法係唔落忌廉，只用芝士同醬

蒜蓉法包４片 每枱都會免費奉送４片蒜蓉法包。法包皮邊超香脆，入面又好夠軟，上面有好足夠既蒜蓉醬, 外脆內軟, 十分香口。是日精選餐湯 - 雜菜湯 $58雜菜既蕃茄味道好香濃，所有雜菜都煮到入曬味，湯又好夠熱，配埋餐前奉送既蒜蓉小法包一齊食，麵包吸收湯汁後變得軟綿綿，味道夾得好好。龍蝦湯 $88湯有好重龍蝦鮮味，好滑又香濃，口感稠厚，湯入面仲有唔少龍蝦肉，湯中間既白色泡沬係白蘭地泡沫，混合埋會令龍蝦湯變得更鮮甜。大蝦意粉 $198一黎到已經比左隻大蝦吸引左, 開邊大蝦用左蒜蓉煎香左, 大蝦好新鮮，意粉加左蘆荀,車厘茄同龍蝦汁一起炒，醬汁夠多，每一口意粉都食到龍蝦汁，配搭得非常好味。 紐西蘭羊架配紅酒汁$278羊架煎得岩岩好, 保留羊既肉汁，三件羊架伴燒秋葵以及燒南瓜。燒秋葵加左黑椒燒, 香到不得了, 燒南瓜又好甜。

又跟朋友來觀塘工業大廈覓食，這次來了 Wonderful Restaurant‼️🍽▫️❥卡邦尼意粉🍝 餐廳的卡邦尼意粉用蛋黃和芝士製作而成🧀 比平時用忌廉做成的意粉更加香濃。‼️😋▫️❥香煎銀雪魚🍴 銀雪魚表層煎得香脆，肉質嫩滑‼️加上檸檬汁鮮味更為提昇‼️👅 伴碟還有秋葵和甜甜的南瓜‼️🎃▫️❥龍蝦湯🦞 大廚用了龍蝦的蝦頭慢火煮成，質感濃稠‼️每一口都有龍蝦的咸香味，很好喝‼️😚 而且裡面還有龍蝦肉‼️😍▫️❥雜菜湯🥬 用不同的蔬菜煮成，是一道素食者也可享用的菜式‼️ 清甜的味道不錯喔‼️👅▫️❥蒜蓉包🥖 香脆帶有蒜蓉香，喜歡‼️🧄

-🔸龍蝦湯 $78🔸是日餐湯 $48🔸卡邦尼意粉 $148🔸黑松露野菌蘑菇意大利飯 $158-收工約媽媽出嚟觀塘食飯，揀咗依間隱世嘅工廈西餐廳，食物用心製作之餘，環境夠晒清靜可以傾吓偈。先叫咗兩款唔同嘅餐湯，是日餐湯係雜菜湯，好多料好飲；另一款龍蝦湯就超級濃郁鮮甜，係飲過數一數二嘅龍蝦湯啊！主食叫咗一個飯同一個意粉，先上咗兩客蒜蓉包，又香又脆。卡邦尼意粉奶味較重，煙肉較厚切而且調味恰到好處。而意大利飯嘅飯粒質感半生熟，拌黑松露同芝士非常好味😋

朋友喺牛頭角返工成日都話呢度係美食沙漠，咁我就上網幫佢搵吓有咩好嘢食🤨 結果比我搵到呢間工廠大廈入面嘅一間西餐👀 入到去環境係幾舒服，佢哋揀嘅牆紙都係啲風景畫，所以即使無窗都唔會有侷促同壓迫感！而佢哋都佈置咗聖誕裝飾，好有節日氣氛🎅🏻❤️ 蒜蓉法包 (免費)一共有4塊，一放低就聞到好香蒜蓉味😝 食落唔係重味到會令人口臭嗰隻，所以食得好放心。而包嘅質地都做到外脆內軟，用嚟送湯就絕配👌🏻❤️ 是日精選餐湯 $48今日個湯係雜菜湯，有紅蘿蔔，薯仔，蕃茄，椰菜等，甜酸味適中，好清新好有誠意😙❤️ 龍蝦湯 $78湯上有白色泡沫，原來係白蘭地😮 職員提我哋飲之前攪勻佢，可以令龍蝦味更加出。果然龍蝦味非常濃郁🦞 飲落都好順滑，仲有啲蝦肉都幾彈牙，呢個價錢非常高質！👏🏻 推介！❤️ 紐西蘭羊架配紅酒汁 $278一啲都唔羶😜 煎嘅熟度都啱啱好，入面仲有少少粉嫩。配菜嘅南瓜同秋葵都唔錯，尤其係南瓜超甜呀！😍❤️ 配菜-炸蕃薯條 $58蕃薯條又長又纖幼，口感更加酥脆，油份唔多，既健康又香甜美味！佢哋有附上茄汁俾你點嚟食，但我覺得齋食唔點茄汁食更合我歡心💕❤️ 配菜-炒泰國蘆筍 $58估唔到 $58份量都咁多！😳 蘆筍係

真係唔知幾耐冇出街食飯啦，今日就同朋友闖一闖觀塘，睇吓有咩好食見到咁近期大熱，觀塘嘅一間西餐廳🍽🍽一於就試一試佢啦行出地鐵站大約10分鐘到就到啦，餐廳位於工廠位置裏面，門面乾淨，枱同枱之間嘅相隔距離算寬鬆有返自己嘅私人空間等我介紹翻今次嘅嘢食先頭盤-吞拿魚他他🐟好特別嘅一個頭盤，唔係度度都有得食一見到就即刻忍唔住叫咗吞拿魚好新鮮，配合乾蔥同洋蔥碎，再加埋少少檸檬汁完全帶起食慾！明顯係一個有心思嘅頭盤主菜 - 慢煮豬鞍配焦糖蘋果汁🐖豬鞍以慢煮方式烹調肉質超級Juice，再配上焦糖蘋果汁估唔到出奇地夾喎美中不足嘅係，少咗少少澱粉質，如果可以配合少少薯仔就好啦！玫瑰花花茶🌹港女之選既玫瑰花花茶濃濃既玫瑰花味，好適合去油膩感拎住杯茶同朋友傾偈，格外舒服特別稱讚一下，店員好用心咁去介紹每一道菜招呼周到，笑容親切

今次真係喺工廈內搵到意想不到的質素～觀塘一向都幾多工廈餐廳，今次試吓行遠少少試吓呢間餐廳～ 雖然開喺工廈，但係唔代表賣得平😂 好彩食物質素都令人滿意🥰大蝦意粉$198啲蝦都真係幾大隻，肉質彈牙唔會霉，成個意粉都好香蝦味，係做得唔錯喎！慢煮八爪魚 $158餐廳上面嘅黑板介紹八爪魚經過慢煮再拎去炸，中間嘅肉質的確保持倒軟滑，外面香脆！咁大條都一啲都唔韌！八爪魚仲配左自家製嘅汁食落有啲紅椒味，唔算濃味，有點睛作用👍🏻 不過得一條就真係相當矜貴😂

約三五知己吹水去食個Happy lunch，今次就去位置觀塘 wonderful restaurant.雞脾菇蝦肉通粉配龍蝦汁雞脾菇×蝦肉×通粉估唔到個配搭會係甘甲，其中一個原因係配菜跟主食size 都差不多，讓人容易吃。吃到嘴內首先係嘗到濃濃龍蝦味通粉，將平平無奇既通粉發揮得淋漓盡致 ，咬多口就有彈牙蝦肉，味道層次豐富，甜中帶甘，令人一口再一口。配埋雞脾菇，有蔬菜食下，感覺就健康多了。紅酒燴牛尾意大利飯意大利飯可說最多人喜歡的菜式，聽個名就已經充滿歐陸風。呢道菜式真是慢工出細貨，牛尾炆得軟身，並帶有紅酒及香科味，而意大利飯就充滿奶油、高湯的飯香，回味無窮！美味到不消一會便吃完。

又同朋友嚟到觀塘捐窿捐罅食好西，呢間餐廳地方超隱世喺工廈入面，我地差啲就行過miss咗間餐廳😆，餐廳環境舒適寬敞，仲有幅壁畫、掛畫及高檯的角落可以俾大家去打下卡💃，店員都會細心介紹，食物質素都幾高質!👍今次我地叫咗Set Lunch，每個set都會跟餐湯、前菜、主菜和飲品。🥕前菜: 甘筍啫喱將甘筍打成蓉，再加入蜜糖整成啫喱，食落幾清香!😋 再配上原條迷你甘筍和炸過的甘筍葉，味道酸酸甜甜，幾開胃，甘筍葉炸到好香口，沒有草青味，係一道別緻的前菜!😌👍🥣餐湯: 洋蔥湯湯杯已經預先預熱，好貼心😙，可以令洋蔥湯更加熱辣辣，味道比較清， 如果 味道濃多少少就更好~🙊 湯上面放了一塊蒜蓉法包，麵包吸收哂湯汁，口感變得軟綿綿，湯仲帶點牛油香， 飲完好暖胃!1. 巴馬臣芝士雞扒通粉 ($138)雞扒上面有一大pat好香濃的芝士醬，望到都已經覺得超級邪惡!😈😈 🐣雞扒撲了薄薄的炸粉去煎，仲去了雞皮， 煎到金黃色，好香口又唔油膩~😍👍 再配上用蕃茄醬煮的通粉，口感煙韌彈牙，蕃茄醬酸酸地幾解膩~😋2. 🍷紅酒燴牛尾意大利飯🐮 ($148)🐮牛尾用咗紅酒煮🍷，肉質和筋位都煮到好腍身又入味，意大利飯熟度煮得剛剛好

Wonderful Restaurant (觀塘)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•Lunch Set 甘筍啫喱洋蔥湯大黑菌蘑菇意大利飯 $128美國IBP肉眼（牛肉燒汁）$188凍檸茶••••••••••••••••••••••••••••••♥️食評：觀塘工廠大廈真係好多好嘢食，好多隱世小店都係工廠入面，今次試吓呢間主打西餐嘅wonderful restaurant，坐低慢慢同朋友傾吓偈食吓飯！今次食咗佢哋嘅lunch set，lunch set包一份前菜、主菜同飲品，食物方面好明顯有俾心機做，值得一讚。以甘筍啫喱為例，呢款前菜唔係到到都有，對於第一次食嘅我嚟講感覺好新鮮，幾得意，食落涼涼地甜甜地，帶甘筍味，我自己本身唔食甘筍但都好鐘意呢道菜，連旁邊模擬甘筍本身嘅葉都係餐廳專登炸其他蔬菜而成，唔單止有視覺效果，仲多咗一種口感享受。洋蔥湯都唔係行貨，湯入面非常之多洋蔥，配上一塊鋪滿芝士嘅法包，鐘意芝士嘅人一定好滿意！嚟到主菜，先

呢個餐廳個地理位置真係僻咗啲，唔去開個頭都唔會知佢嘅存在，不過依然好想介紹俾大家，因為覺得佢地啲食物好用心🥰小編食之前都完全冇期望，都係當下貪方便求其食啲嘢，冇諗過咁有驚喜😆.🥫蕃茄海鮮意大利麵 $168份量都幾多，大大舊海鮮鋪曬喺面😎好香濃蕃茄味，酸酸甜甜，越食越開胃😭.🐙慢煮八爪魚沙律 $158呢個菜真係好有誠意🥺首先甜椒醬係自家製、洋蔥又用紅酒醃過，再加埋慢煮八爪魚令佢保持到彈牙口感，仲要再炸令八爪魚外脆內軟🥳呢個真係好唔錯🤩.💰人均消費: ~$180.🍽味道: 3/5🏙環境: 3/5👨🏼‍🍳服務: 5/5💧衛生: 4/5💰價錢: 3/5

好快就到聖誕，朋友收工，話要帶我去佢公司樓下2樓食西餐，讓我感受一下聖誕節氣氛。 餐廳內有一幅落地大自然樹林壁畫，還有一張白雪雪雲石高bar檯，可供客人打卡。全店天花吊燈設計好特別，燈泡被鳥巢包住，栩栩如生㗎雀仔站响鳥巢上，另一邊牆有一幅山水畫，此店所用餐具都包得整整齊齊，凍O水用嘅燙金花瓣茶匙，與別不同。從餐廳擺設、裝修、餐具及其他細緻位都做得好好，令我感受到此店係用心經營，會以客人角度出發，唔係HEA住做，所以我相信此店食物質素一定有保證。 我看到這裏已為聖誕節做好準備及宣傳，餐廳會於24-26/12/21延長營業時間，每日晚上8:30還會即場抽出4位幸運兒，中獎者可免費享用聖誕晚餐。 蒜蓉法包４片：每枱都會免費奉送的。法包皮邊夠脆，肉夠軟，好好味！ 餐湯：1） 洋蔥湯 $58一條條洋蔥絲，煮到軟綿綿，湯夠熱，配埋湯碗面上一片烤脆蒜蓉小法包一齊食，麵包吸收湯汁後變得軟綿綿，食落暖肚又窩心。2） 龍蝦湯 $88湯有好重龍蝦味，夠濃又夠滑，還有不少龍蝦肉，湯中間有少許白色泡沬，原來係白蘭地，搞混後飲，令湯變得更香甜、更滋味！ 卡邦尼意粉 $148煙肉一條條厚切，唔䶢；意粉軟硬度適中，加

Wonderful Restaurant (觀塘).觀塘工廈多好野食，今次係觀塘同牛頭角中間搵到間樓上西餐！.蒜蓉包超香脆，蒜蓉夾係外脆內軟嘅麵包！.▪️卡邦尼意粉 ▪️.本身卡邦尼都係比較多汁，但佢算係乾身類，意粉配上蘋果木煙肉，唔會過鹹。我平日唔食煙肉呢個都非常可以.▪️ 紐西蘭羊架配紅酒汁 ▪️ .天氣凍啲食羊嘅心又湧出嚟，三件羊架伴燒秋葵以及燒南瓜，後者好甜好好味🥰.▪️炸蕃薯條 ▪️.佢嘅蕃薯條切得比較幼，會令每條更加脆，配茄汁.📌 Wonderful Restaurant (觀塘)觀塘觀塘道396號毅力工業中心2樓F號舖環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️