WOFT (已結業)

有個德國朋友黎左，當然要帶佢試下香港啤酒。一諗就諗起Woft，好多本地啤都有賣。上和你eat睇，佢都有罷下工，雖然係11月先有，比較後知後覺。嗌左枝陳皮啤同花鵰同南雲，手工啤飲落係有啲玩味，但我地最鍾意都係南雲既清幽茶味。3點閂門，好似係附近最夜一間。

第一次黎到以為依間餐廳主要係bar，對食物質素無乜大期望，點知食物味道令人喜出望外，另人想再試啊！黃金蛋黃薯條炸到好熱好脆，有少少鹹蛋黃既味道，而且都好大份，我地3個人食岩岩好！海膽黑松露鵝肝芝士焗飯呢個飯味道真係好好呀，海膽都好新鮮，唔會苦苦地，鵝肝味道好濃，再配埋芝士真係一流！Bbq醬海鮮pizza呢個味道好濃，如果口淡淡想搵濃味野食呢就好岩，而且用料好足，塊塊都有魷魚咁濟，而且上面既蝦都好彈牙，推薦！脆焗棉花糖朱古力夾心批最後有失望既呢就係個甜品啦，同行友人都一致覺得太甜太漏，又有棉花糖，又有花生同朱古力醬真係完全食唔哂！但總括而言，呢間餐廳都非常之好食，絕對會再嚟！

好耐無見朋友仔 所以打算去間餐廳係可以一邊食飯 一邊飲野 盡慶🥳雖然有BOOK枱但都要等一下。坐室內，唔洗食風，店內環境燈光昏暗，睇佢本menu有少少吃力。佢有pizza食 叫左雙併， 一邊芝士煙三文魚波菜 不錯 好食不過有點鹹 一邊海鮮 食個時放耐左 汁已經令包皮底濕左 扣左少少分， 之後個pizza 係辣鹹帶點膩。Ribs就正正是常常、薯條一般。而龍蝦意大利飯， 都唔錯。帶咗個小息係墨西哥脆片+三個醬。本身個脆片已經有芝士味，似超市貨色。而個3個醬 一個白 一個牛油果 一個番茄香草。醬汁質地唔同、同個脆片一般夾。 講下飲料、款式太多啦 所以隨機叫左2枝啤酒，朋友叫左枝叫港女既話有臭腳味😈笑左 下次大家可以試下。因為主要配酒食 所以食物味道都整體偏鹹一點， 大概有70分啦！

相約舊同學食飯 各中一個指名道姓一定要飲酒佢話去完徳國愛上啤酒 所以我地用電話book台去食woft 啲間舖成日都會經過 今次第一次試？？？3色飲可以有酒 又可以無酒 沙冰為主我呢杯就緊係有酒 唔會太大陣酒味都幾好飲黑松露菌醬芝士意式夾餅我以為係pizza 但原來係夾餅 裏面夾住 黑松露芝士 陣陣黑松露味 仲有我愛既芝士 好味 而餅皮凍左就會硬嫁喇 所以趁熱食三色牛 話哂都牛扒 $18x 唔算貴牛肋牛舌牛肩 好彩唔會太熟 剛剛好芝士薯圈新鮮炸薯圈 加上可拉絲芝士Till last shark白汁大啡菇正正常常 無乜特別獨立啲間舖有好多手工啤酒可以選擇 啲名都好獨特整間舖都瀰漫水煙味 香香的 唔會大陣煙味雖然我唔食👋🏻😂

星期四成班朋友都chill 下，又想食飯又想飲下酒(唔想轉場嘛)，點知搵到呢間餐廳。一行八個，五點打電話去訂枱好彩都有位。其實餐廳好細，不過就幾有氣氛，餐廳外仲有一個corner 位，最適合帶住狗仔黎既食客，狗仔又有活動空間，又唔怕搞到人，自成一閣幾唔錯嫁。我地咁多人就坐左佢地唯一一張嘅大枱一去到每人叫左杯野飲，我叫左杯cocktail 幾好飲嫁，勁岩女仔飲，好似梅酒咁甜甜地，但遺憾係太多冰！我飲唔切，d冰就溶了，溶左飲又淡了你話點算好另外叫左d野食都唔錯！

店面不大，那晚有訂位但還是等了十幾分鐘才可入坐。桌與桌之間距離不大，就是你與隔壁桌可以清楚聽到內容的，唯有喝兩杯減去尷尬氛圍。店裡嘈吵程度是需要放大喉嚨大聲說話才有辨法和對方聊天的，聊完我喉嚨都有點痛啦。地理位置好，畢竟旺角交通方便，食晚點聊天聊久也不怕沒車回去。手工啤酒這幾年流行，出產的工廠也愈來愈多，有香港製造，有外國款的，味道比一般大量生產的偏苦，啤酒更濃縮，有果香味選擇，一試無妨。五重天鵝肝｜黑松露‧海膽‧鮑汁‧三重芝士焗黃金飯鮮味濃郁啖啖海膽香加上芝士，質感有點creamy超級滿足。無奈份量超小，只夠一人份量，想跟朋友share下，有種意猶未盡。大烤菇芝士牛肉漢堡這漢堡高度嘴巴要大得可以，才有可能一咬到全部夾料。

近排嬲到咩都冇心機做出街食飯都冇乜心情所以好耐冇約朋友不過上星期咁啱即興同兩位朋友食飯大家都好積極搵良心食店於是喺個List度揀左WOFT佢menu有好多食物都加入左香港地道嘅口味Pizza就係最佳例子蔥味菜莆午餐肉太陽蛋Pizza夏威夷菠蘿豆豉鯪魚Pizza呢兩款pizza分別加左午餐肉 豆豉鯪魚夠哂香港特色仲有得揀Half & Half即係一個pizza兩款口味所以我地就揀左一半係蔥味菜莆午餐肉太陽蛋Pizza另一半就要番個正常嘅BBQ濃醬海鮮Pizza個午餐肉太陽蛋Pizza真係幾正午餐肉係就係唔健康 但味道真係唔需要懷疑餐蛋呢個配搭又係冇得輸蛋漿令到個pizza好似好cheesy嘅感覺海鮮Pizza都唔錯架 個醬好濃然後就要左個極邪惡嘅Seasonal Dish五重天鵝肝 黑松露 海膽 鮑汁三重芝士焗黃金飯我諗呢個冇野要補充 哈哈除非有人唔太鍾意好膩嘅感覺啦其實仲有叫煙三文魚香茅香芒沙律不過就冇乜特別 普普通通咁啦作為一間bar 飲品多選擇就係意料中事啦不過最值得支持係因為佢係一間好支持香港出品嘅bar好多港產啤酒啦 仲有好多有香港特色嘅cocktail同mocktailMoc

又到左打工仔最愛既Happy Friday 🤣緊係要啤一啤佢啦呢間餐廳出名好多唔同味道既手工啤今日叫左生果啤同埋傳統班尼迪克蛋， 講下個食物先，望落極之邪惡，充滿醬汁既蛋配埋脆卜卜既炸物，真係好滿足啊🤤至於手工啤，我覺得好香果味，清清甜甜，好岩一啲怕苦既朋友仔😃

同個好鐘意食黑松露嘅朋友嚟咗WOFT食dinner，我自己就為咗飲翻杯酒嗌咗黑松露長通粉($118)都幾夠黑松露味，份量2個人食都夠，因為有忌廉都幾溜下，但味道唔差。黑松露芝士薯條($63)又係一樣好溜嘅野食，但薯條夠熱辣辣，啲醬都夠點哂啲薯條。黑松露芝士夾餅($141)見到佢黑蚊蚊，有幾條火箭菜喺面頭，切開就見到啲餡，餡唔算多，黑松露味都唔係好出到。野飲方面嗌咗一杯Old Land Peach($68)同埋Ball and Law ($68)。Old Land Peach係冇酒精，士多啤梨加桃嘅沙冰，士多啤梨味比較出。Ball and Law就係菠蘿汁加vodka，聞落好香菠蘿味，亦到飲到vodka嘅酒精味。

上個月同女朋友喺度撐枱腳我成日搭車經過都會見到呢間餐廳經常性都好多人去食仲有好多人喺度shisha所以都同女朋友忍唔住要去會一會佢雖然地方啲細 座位有啲迫但畢竟係旺角地區已經覺得算係幾有氣氛食嘢之前我女朋友一人叫咗一杯酒飲飲下突然覺得肚餓所以先叫嘢食我哋叫咗Pizza同牛扒佢啲Pizza啲配搭好特別味道都幾好牛扒我都覺得幾好食如果大家去食我建議大家可以試吓去啲Pizza因為佢有好多唔同味可以配搭佢將塊Pizza分開一半每一邊都可以揀嗰一種味道所以我覺得呢個係佢嘅賣點下次我會再嚟食

第一次入到去感覺環境好chill😆四個人去叫咗八樣嘢😆見到間bar有提供狗仔粉 覺得好特別所以叫咗黎試食落都冇令我地失望 有好濃郁嘅白汁如果黑松露薯條比較少黑松露 唔係好均勻 所以底部嘅薯條冇咩芝士同黑松露味 同埋都偏鹹 所以覺得還可以雞翼嘅味道都幾OK 但覺得個價錢唔係好值 Pizza個餅底係墨汁整既 都幾特別 配埋個煙熏三文魚 覺得幾好食！但最失望就係個芝士火鍋 因為覺得好鹹 啲配料到一般 所以建議唔好食🙈而個甜品係幾正 餅乾配棉花糖 份量啱啱好 棉花糖底下係啲香蕉蓉 自己覺得幾好食！整體都滿意的！

星期五食飯之前有啲時間而朋友鍾意飲cocktail 於是去woft 歡樂時光一下點咗兩杯都係菠蘿風味嘅cocktail一杯係菠蘿汁加volka一杯係菠蘿汁,芒果汁,triple sec兩杯都唔錯

係旺角行黎行去搵野食，亂入左呢間酒吧～見好耐冇飲啤酒，呢度又有好多手工啤，就俾佢吸引左入黎。本來衝住手工啤入黎，但因為選擇困難症，又怕伏，最後都係飲返Hoegaarden。想試手工啤既朋友，呢度既選擇真係超級多，平均$80一支。價錢唔算平，加上冇happy hour，抵唔就見人見志。藍青口配香蒜白酒汁 - 賣相吸引，落足洋蔥，牛油味濃！好好食！食到最後會剩返一大盤牛油，唔怪得咁好食！肉醬千層麵 - 即叫即製，加左濃厚芝士，正！兩個人每人食左兩啖就清晒，份量少得滯。呢度野食係好食，價錢唔貴，但份量好少，性價比低。

早兩晚同朋友出去飲嘢，朋友介紹你依家試吓，因為我哋都幾多人，所以我哋早少少去拎位，其實我哋去到嗰時都已經八點幾，都坐左好多人，但係唔使15分鐘就已經可以安排位俾我哋坐。小弟冇影到其他人飲啲乜嘢，但我就影咗個芝士薯圈同埋個炸魚皮，我真係好鍾意食薯條類食物，滿滿的芝士醬淋係薯圈上面，好正。另外個炸魚皮，有啲鹹蛋黃包埋一齊黎炸，味道係偏鹹少少，但係如果連埋嘢飲一齊食真係唔錯，送酒一流，另外在叫咗個雞翼同埋沙律。

座落於黑、白布街一帶有不少特色小餐廳。轉角位置的WOFT是我喜愛的其中一間。WOFT的Menu是超特別的港西式FUSION，而且手工啤選擇很多，稱很上是個手工啤Library。還記得聖誕節時，餐廳對開的馬路欄杆圍上了七彩LED燈，很溫馨。雖然店面不大，但佈置也很用心。跟友人晚餐，我們不知不覺點了很多黑松露：黑松露長通粉 $118醬汁濃度剛好，可以黏附在長通粉上，加上了煙肉碎，超級好吃。 黑松露菌醬芝士意式夾餅 $141這個是因為看到其他人推薦而點的。黑色的餅皮很特別，看上去不像食物。切開後白色的芝士醬流出來，不只好吃還很好看。芝士醬很creamy，但黑松露的味道有點淡，夾餅皮造得很薄。說是正餐，感覺更像甜點。至於前菜，點了：藍青口配香蒜白酒汁 $99青口還算大隻，洋蔥給很多，很好吃。只不過等涼了後吃味道超怪，所以記得要趁熱吃完（不是餐廳的問題）墨西哥粟米片配自家製三色醬 $59三個醬，白色的那個Sour Cream很搭墨西哥脆片，其次為紅色的（應該是）番茄醬。綠色那個（應該是）牛油果醬，點了味道有點淡，還是Sour Cream最出色，有淡淡的酸味又不會蓋過粟米片的鹹味。至於手工啤方面，