WM Café & Bar (雅濤居購物商場)

營業中

休息中

本身諗住響附近食嘢原本book咗嗰間突然冇預警底下關門喺最近嘅情況底下搵返相同格調嘅餐廳，於是乎就去咗呢一間去到就大件事頭先夜晚7:30去到舖頭，都係冇乜人不過最近呢間可以坐得耐啲咁就局住入去啦啲朋友都就嚟嚟到，費事要大家失望入到去望吓個餐牌，啲嘢食都普普通通好似正常橫掂都去到咪試吓鋸個扒囉叫左medium rare佢跟餐餸姐龍蝦湯咁落去都算不錯個黑糖麵包都幾好味，軟身，呢兩樣嘢已經係全晚最好食嘅嘢食到炸雞，點解個芯係凍既 wtf,味道都淡口，薯條好白雪雪無咩調味，咁睇吓佢配咩醬啦，普普通通既沙律醬同茄汁主菜牛扒黎到，一落刀，切唔開既？肉眼喎，medium rare 喎我開始將塊扒360度就轉住搵個落刀點試吓同d 紋玩吓遊戲，橫紋切唔開，順紋勉強可以切開，望吓啲肉入邊係一丁點粉紅都沒有，而且放入口都係好強勁既咬口，直頭un到可以攞嚟訓練咀嚼肌，而且亦都感覺唔到有啲什麼調味，如果唔點佢跟嘅醬汁塊牛扒根本就冇乜味，再加上防切割功能，真係不可一不可再。最後跟埋杯餐飲既熱朱古力，唔知係咪我個心情已經跌到谷底，我唔知點樣評價，但係我真係覺得唔好飲，所以我就望吓我朋友睇佢有咩表示同行嘅其中一個朋友

喜歡呢度環境闊落，空間感足，坐得好舒服！👉🏻雙層安格斯牛肉芝士漢堡配薯條 $108漢堡包有黑白芝麻，特別香！夠脆又同時夠香軟，兩塊厚身安格斯牛肉不得了，肉汁juicy，肉味濃！中間仲夾左芝士、菜同蕃茄等配料，口感豐富！金黃色薯條更加令人食唔停口！👉🏻炸軟殼蟹黃金蟹肉忌廉珍寶蟹柳意粉 $138酥炸軟殼蟹大大隻，夠霸氣，蟹肉同蟹柳份量都唔算少！意粉掛滿忌廉汁，夠哂入味！👉🏻WM三重奏 $78分別有橄欖油蒜片魷魚仔、雞尾酒大蝦、同埋牛油焗雜菇！原來除左魷魚仔，仲有蜆肉，好鮮味！中意雞尾酒大蝦好彈牙爽口！加$33有是日餐湯餐包+吉列炸蠔/沙律+咖啡/茶熱伯爵茶👉🏻龍蝦忌廉湯色澤亮麗，質地稠身，好濃郁的味道，夠滑！👉🏻黑糖麵包微暖，口感鬆軟！👉🏻吉列炸蠔皮薄，唔會好厚粉，咬入口鬆脆，蠔無腥味！👉🏻伯爵茶好清香，解膩一流！

參觀完「鞍山探索館」，再晌「礦工Cafe」磨咗成個幾鐘，啲雨仲喺落唔停，上昂平無望，就只好提早落山，返回馬鞍山。順道食個早鳥晚餐，就嚟咗由朋友介紹值得一試嘅「WM Cafe & Bar」。 由於嚟得早嘅關係，都未有客，變相包場咁。睇唔出原來餐廳都幾大，先喺兩邊巨型皮梳化嘅卡位，座位做得較闊落。配上大型木餐枱，牆上嘅磁磚畫，亦好有心思，加上昏黃嘅小燈，感覺頗有情調。行入啲，落幾級，仲有另一個用餐區，呢度就有啲農村小咖啡店嘅感覺，因為幾面都喺仿磚牆，襯以木枱木櫈，整體地方整潔企理。 主餐牌有非常多選擇，由前菜、湯品、沙律、小食、漢堡、三文治、薄餅、意大利麵、意大利飯、主菜、甜品、飲品……等等都一應俱全。此外，主食類，另加$33就可以轉為套餐，多了是日餐湯、前菜及餐飲，頗為划算。 餐具、基本調味品、開水都放晌枱邊，自由取用。店員亦好醒目，送嚟兩杯熱水俾我哋浸浸餐具。蕃茄湯、龍蝦湯是日餐湯好快送到，兩款都喺「紅湯」，難得揀龍蝦湯都唔需要額外加錢。蕃茄湯裡面有唔少蕃茄肉，味道酸香醒神；而龍蝦湯飲得出真材實料，就算裡面無蝦肉，但個湯嘅蝦味極之濃郁，質感又夠滑身。佐以黑麥包，暖暖哋，好軟熟。 廚師沙

這個分店用科學園總店高級價錢，賣茶記味道，用料中乘兼不新鮮，出品極不穩定。菜單越改越少菜式選擇。隨時隨地用各種理由改餐牌收費，性價比之低暫時冇比較。可以完全不用試。

今日去到馬鞍山，記得上次有間近海邊住宅區又咁有格調的餐廳，所以再次入去食，晚上來講要係馬鞍山呢個美食沙漠搵間岩心水的餐廳的確唔係易事。坐底左之後，我就叫左一份「香煎帶子龍蝦汁蟹肉意粉」，配呢個龍蝦汁，食落去有咬口，龍蝦汁同香煎帶子好夾。當然，唔少得佢三個前菜，先講餐包同龍蝦湯，兩者作為開胃菜簡直無得彈。另外一款前菜，佢有廚師沙律同吉列炸蠔比你揀，我就揀左吉列炸蠔，食落去脆口，肉汁一咬即出，唔錯。最後，我叫左杯熱檸茶，係咁凍的天氣下叫來飲，為呢餐滿足之選劃上完美句號

真係好少好少好少入馬鞍山，今日因工作培訓而來到呢度，對我來講係一個好有新鮮感的地方。完咗培訓，當然要喺度覓食。見到呢間西餐廳環境唔錯，燈光柔和，幾有情調，裏面整齊企理，有多張闊落的卡座，全部都係梳化座，坐得舒適。有本厚厚menu和一張飲品list，選擇好多，有appetiser、salad、soup、snack、pizza、pasta、risotto、main course 和dessert 等。先要碗是日餐湯，今日係蕃茄濃湯（$38），細細碗配一小塊薄脆多士。熱辣辣上枱，呈鮮橙紅色，稀稠適中，內有細細粒的蕃茄肉，好有蕃茄香，沒有加入忌廉，酸咪咪，越飲越開胃。跟住上青蘋果牛油果醬蟹肉沙律（$88），份量都幾足。清爽翠綠的沙律菜上鮮香的蟹肉，啖啖肉，食得好滿足，仲加咗啲亮澤的蟹籽，添了鹹鮮。沙律菜配了爽酸青蘋果條、清甜多汁的車厘茄，淋咗啲醋汁，好fresh! 旁邊有香滑的牛油果醬，拌勻一齊食最好味！是日精選蛋糕 有三款選擇，揀了檸檬芝士蛋糕（$28）。共有四層，有幼滑的檸檬慕絲、鬆軟的海綿蛋糕和濕潤的餅底，伴上面頭幼細的青檸皮，味道酸咪咪，清新醒胃，並不漏滯，好岩做餐後甜品。有蛋糕自然要

天氣寒冷，同老公一齊去食好嘢。 揀咗平日晚上去呢間餐廳WM Cafe & Bar夠幽靜，鋪紅磗地板， 襯托微暗啲燈光，坐在梳化座位也很寬闊舒適，地點也很便利，推介！我同老公選擇了兩個dinner sets 一齊share：1. 羅宋湯（配麵包🥐）+沙律🥗， 意式肉醬千層麵薯蓉🍝， 熱檸水2. 龍蝦🦞湯（配麵包） +兩隻炸蠔🦪，香烤美式BBQ豬仔骨配德國脆皮鹹豬手，熱咖啡老公特別喜歡龍蝦🦞湯，夠鮮味。送上兩隻炸🦪呈金黃色， 肥美香脆可口。真心唔敢相信兩張炸🦪只係set 附送的前菜。 獨立order兩個炸🦪，也值回票價。like! 講到main course, 意式肉醬千層薯蓉也合乎我同老公心意。千層麵配薯蓉好夾，芝士肉醬夠豐厚，吃出層次感。雖然天氣十分寒冷，吃了一段時間，千層薯蓉溫度仍能保持！很暖胃！香烤美式BBQ豬仔骨配德國脆皮鹹豬手也有驚喜。(1)份量夠大。(2)豬仔骨配鹹豬手這組合很吸引人。一般其他餐廳這兩個餸要分開叫，此次WM cafe & Bar可以一次過滿足兩個願望，非常可喜！(3)豬仔骨肉質鮮美夠Juicy，bbq 汁酸度適中。(4) 德國脆皮鹹豬手外皮鬆脆，內裏軟熟多汁。

Used to be quite good a restaurant, tasty lunch at reasonable prices. Dinner sets is okay for most of the items but particularly on Wellington steak it is very bad lately. one thing worth particularly mentioned is that they charge money for butter, can't actually believe that for a Western bar and restaurant they do something like that.

餐廳只要叫一個main course 就可以加$33加做一個套餐，包4樣野：（1）龍蝦湯/蕃茄湯、（2）沙律/吉列炸蠔、（4）咖啡/茶。或者都有set menu，而假期禮拜五都有假日special menu，餐廳衛生情況良好，幾有氣氛🫔吉列炸蠔：非常鬆脆，粉少蠔大，食落好重蠔味🍔雙層安格斯牛肉芝士漢堡配🍟薯條：牛肉勁厚，咬落去多肉汁，burger芝士味濃🫕意式肉醬千層麵薯蓉：超多肉醬，千層麵好有口感

屋企附近呢間西餐真係乾淨企理同埋好抵食，今日同媽味落街食飯，簡簡單單食餐晚餐，黎Wm cafe 叫兩個dinner set 平均都係$100蚊左右個餐，已經包左湯、麵包同飲品。。🥢WM 香煎牛柳配薯條及雜菜$118醬汁擇左紅酒燒汁，汁另上，牛扒7成熟 ，熟成度岩岩好，切開有少少紅，牛味濃郁，配菜係薯條同雜菜，份量充足。。餐湯可以擇忌廉龍蝦湯，個人覺得性價比好高，呢個價錢有唔錯既龍蝦湯飲👍🏼。🍴炭燒美國黑毛豬柳$98 燒豬柳兩大件，配雜菜，豬柳煮得岩岩好，軟淋爽口，豬味香。。加配小食「炸墨魚餅$28」呢個最好食！用吉烈炸粒粒墨魚粒，好鬼好食！加配「炸雞翼$16」3大件，落左醋一齊炸，口感特别。

【馬鞍山•WM Café & Bar】————————————————————————今次係度發掘下餐廳外賣🥰環境舒服乾淨餐廳內外都有座位 外面係商場景🍯｜墨西哥式牛柳薄餅捲｜HKD88Beef Tenderloin Taco套餐加HKD33 餐湯。沙律。飲品餅捲有4件 每件都好juicy 醬汁甜甜地的 餡料都夠另外有個牛油果🥑醬配埋 份量唔算多 但夠一個人做晚餐😋😋餐湯方面有龍蝦🦞同番茄🍅揀 番茄🍅湯相當濃 有啲想加個通粉去食🤣。餐廳環境：📸📸📸📸📸服務質素：😊😊😊😊😊食物味道：👅👅👅👅性價比：💰💰💰💰消費 HKD121✨✨✨✨✨✨✨✨✨✨✨✨✨#nkiki馬鞍山 #nkiki西式🏠 WM Café & Bar📮 馬鞍山鞍駿街15號雅濤居購物商場地下G01B號舖

今晚係馬鞍山食飯，去左雅濤居的WM café，因為個度環境的確幾好幾幽雅，所以再一次去食。今次就叫左個巴馬臣芝士卡邦尼溫泉蛋意粉、同埋雙層安格斯牛肉芝士漢堡配薯條來食。前菜仲係煙鴨胸沙律，正。而個餐湯係龍蝦湯，配埋個餐包，開胃之選。先講個意粉，味道真係幾濃，而且佢加埋洋蔥，食落去好有層次同埋口感，cream得來又清新，加埋隻溫泉蛋，當蛋汁打散後來撈落意粉度，真係唔錯唔錯。至於個雙層安格斯牛肉芝士漢堡，食落去肉汁咇哂出來，正到爆，加埋個香口薯條，簡直一流！最後梗係唔少得飲返杯凍齋啡，清一清個味蕾，然後慢慢享受呢個咁好環境，唔經唔覺都食左成個半鐘，爽呀。

Lunch 食左幾次,今日特登試晚餐果然性價比一樣高🤤👍同朋友每人叫左個晚市套餐，套餐有黑糖麵包,龍蝦湯,主菜同餐飲！平時午市餐包係蒜蓉包 ，晚市就黑糖麵包😋上枱暖笠笠又鬆軟 幾好食 龍蝦湯一貫出色水平! 我朋友都話好好飲😍主菜我揀咗 香煎牛柳配墨西哥辣莎莎汁 我叫咗五成熟 ，口感好軟熟 ！無筋架！肉質亦唔乾身 不過辣汁竟然唔辣 淨係得椒味😆朋友叫咗黑毛豬柳配燒汁 , 望落厚切 驚會好嚡， 但食落有驚喜！好軟熟！ 火喉處理得好👍 套餐可以加錢配小食 ，特別推介吉列芝士南瓜餅！ 係流心芝士㗎🤤 芝士控必叫 ！餐飲可配凍西柚綠茶， 西柚味唔會太酸太搶，我覺得呢個都算係特色飲品但係免費加配, 我覺得好抵😆呢間餐廳真係回頭幾次 !皆因性價比高!食物質素亦維持中上水平👍坐位舒適 環境乾淨衛生👍今晚兩個人食左咁多野都只係$300埋單真心抵食夾大件😋繼續支持！

今天中午去了朋友推介在馬鞍山雅濤居購物商場的WM Cafe & Bar 食午餐， 那裏的 lunch set非常抵食，我們三人點了三個lunch set， 每個 lunch set都有餐湯，餐包，同埋餐飲， 所以非常抵食。香煎魚柳配西西里茄蓉汁配忌廉龍蝦餐湯$53魚柳用了蛋漿來煎，很有蛋香味， 意大利粉煙韌彈牙， 加埋酸酸甜甜的茄蓉汁， 好味又醒胃。美國西冷牛排配紅酒燒汁薯菜配忌廉龍蝦餐湯$55牛扒鮮嫩不韌， 一口咬下有淡淡清香紅酒味的牛扒， 真是齒頰留香。檸檬香煎原隻鴨胸配蕃茄餐湯$55原隻鴨胸用檸檬香煎 ，不但沒有鴨騷味，而且肉質很嫩滑。

乾淨， 整齊， 有裝修，有技巧菜威靈慣牛柳嘅性價比之選，WM Cafe & Bar位於馬鞍山雅濤居，在美食沙漠算是一間非常唔錯嘅餐廳! 今日就畀佢的一陣香氣和小清新裝潢吸引住! 就係果陣煎牛扒嘅香味， 真係令人哋流曬口水。想讚下，入到去覺得幾企理同衛生。食牛扒當然要七成熟! 剛剛好見到牛肉的血紅蛋白的粉紅色咁就啱曬啦。 鮮嫩嘅牛扒， 入口鬆軟， 聞起香噴噴， 真係冇得頂。再來一個帶子蟹肉卡邦尼飯， 香滑好味，配以碎洋蔥的香甜咬口，錦上添花。平時食西餐的必點小食就是雞翼，都炸得好香脆, 幾入味仲有炸生蠔食，外脆內軟又多汁，好味!埋單竟然300蚊都唔洗!!抵!!仲包埋濃香龍蝦湯同水果茶，兩者都甚有水準。