WM Café & Bar (海之戀商場)

營業中

休息中

龍蝦湯 估唔到咁抵嘅價錢都有咁嘅質素， 龍蝦湯味道濃鬱， 加38蚊就可以 就可以有 吉列炸蠔 同龍蝦湯加沙律都好抵 吉列炸蠔呢一隻係最常見嘅廣島蠔， 跟餐講都算高質 沙律 呢個沙律加咗 酸酸哋嘅柚子醬非常開胃 手撕豬肉薄餅呢個有驚喜呀呢個價錢可以咁大個pizza好抵， 而且薄餅上面仲鋪滿豬肉， 配上辣椒同埋燒烤醬好惹味 芝士芥末焗蟹肉忌廉長通粉 好食！ 呢個真係可以再食， 忌廉汁入面有淡淡嘅芥末味， 索曬喺長通粉入面好正 黑松露芝士汁炸薯條食西餐我哋通常都會叫薯條， 呢度非常脆， 而且份量都好足夠

做完嘢已經咁晏，係荃灣西地鐵站附近食個late lunch,入左海之戀商場3樓，有好多不同餐廳，隨心入咗去食個西餐。今次嗌左：WM 安格斯牛肉煙肉芝士漢堡、炸檸檬雞鎚同埋熱英式早餐茶。WM 安格斯牛肉煙肉芝士漢堡內有生菜、紫椰菜、番茄、酸青瓜同埋煙肉、芝士、安格斯牛肉漢堡，漢堡包好大份，份量都足，安格斯牛肉漢堡juicy。炸檸檬雞鎚，雞鎚香脆，本人覺得沾少少辣醬，更惹味。餐廳好大好多座位，亦有露天outdoor 位，呢排天涼可以考慮坐出面，好適合家庭客/朋友聚餐。見佢有個午市套餐有成10幾款選擇，下次要再嚟試。

今天同朋友去吃午餐，差不多吃完時，兒子放學已在其他地方吃了，諗住叫佢入嚟餐廳等一陣，點知坐咗一陣之後，先係有一個侍應過來擺低餐牌，跟着個經理行埋嚟話要有最低消費每人最少要叫一個餐，但是我們已經差不多吃完了，孩子又不用再吃，所以根本沒有可能再叫多一個餐，於是我哋好快食晒就走。當時餐廳根本還有好多空枱，根本不用這樣趕客人走。今時今日這個服務態度，難怪香港的食肆都做不下去食物質素是正常的，龍蝦湯也好味，但是服務態度真是需要改善，但是我們以後也不會再去了！

🌟周四放工後的晚上，我和女兒來到了位於荃灣大河道100號海之戀商場的WM Cafe & Bar，準備享用一頓美味的薄餅大餐🍕。這裡的環境舒適，讓人感到輕鬆愉快。✨我們點了泰式海鮮薄餅~$148。薄餅的外皮酥脆🍕，裡面包裹著新鮮的海鮮，蝦仁和魷魚的搭配令人驚喜。特製的泰式醬汁更是為整道菜增添了獨特的香氣和風味，酸酸辣辣的口感讓人胃口大開。🌟接著，我們再品嚐了WM手撕豬肉薄餅~$128。薄餅的豬肉經過慢煮，肉質鮮嫩，與香脆的薄餅皮相得益彰。每一口都能感受到豬肉的濃郁香味，搭配上新鮮的蔬菜，讓整體口感更加清爽。阿女對這讚不絕口，直呼好吃。✨此外，我們還享用了兩杯朱古力奶昔🥤，每杯$40。奶昔濃郁的朱古力味道，甜而不膩，為整餐增添了甜蜜的滋味。尤其適合搭配薄餅，讓味蕾享受一場甜鹹交錯的饗宴。🌟餐廳還贈送了一份火腿密瓜沙律😋，這小食清新可口，為我們的用餐體驗增添了一抹亮色。總體來說，這次的薄餅美食之旅讓我和女兒都十分滿意，期待下次再來品嚐更多美味！

今晚嚟到海之戀商場睇吓有咩食先，見到3樓有間西餐🍽️ - “WM Cafe & Bar” 唔錯喎，入去試吓先餐廳除咗有室內座位之外，仲有個好大嘅戶外座位，天氣涼嘅時候坐喺出邊都幾好feel下😙！🔸呢度嘅Dinner Set都幾豐富，有餐湯🥣、主菜🥩、甜品🍰、飲品🍵😋🔸如果dinner set唔啱，仲可以散叫加$38一樣可以享有餐湯甜品同飲品🔸Salad🔸🥗蜜瓜火腿沙律杯火腿嘅鹹香味配上清甜蜜瓜🍈，夠晒fresh🔸Soup🔸🥣忌廉龍蝦蟹肉湯香濃嘅龍蝦🦞湯，裏面真係有一絲絲嘅蟹肉，加上忌廉更加順滑👍🏻🔸Main Course 🔸🥩漢堡夏有骨豬扒配柚子蘋果肉汁大大嚿厚切豬扒，煎得香噴噴，再加上醬汁，好容易便切得開，肉質嫩滑，入面仍保持juicy，加上微酸的柚子蘋果汁，份外開胃，伴菜還有薯蓉及蔬菜🥬等🥰🍝香煎帶子海鮮龍蝦汁扁意粉好多唔同嘅海鮮，包括帶子、青口、大蝦、帆立貝等等，扁意粉索晒個龍蝦濃湯汁，入晒味👍🏻🔸Dessert🔸🍫朱古力心太軟食埋個甜品非常滿足，濃濃嘅朱古力軟心蛋糕，食落口夠香滑😋🍰WM自家製士多啤梨cheese cake仲有餐廳自家製嘅士多啤梨味cheese cake，甜味適中

放工約了朋友在海之戀商場行街同夾公仔，醫肚時揀返呢間坐得舒服啲西餐廳，之前食過佢地意粉同pizza都唔錯😌點知今次食既烤牛柳真係勁好食😋法式焗龍蝦配紅酒醬汁烤牛柳龍蝦🦞好多籽，彈牙鮮甜，跟餐既薯蓉都唔錯，但都唔及用紅酒醬汁烤出黎既牛柳出色！叫左5成熟岩岩好，塊牛無筋好易切開，本身的調味就好好食😋牛味都濃，下次食絕對再叫！香煎带子海鮮龍蝦汁扁意粉🍝咁岩跟餐既湯都係龍蝦湯，今次真係豐富的龍蝦海鮮餐☺️好滿足，扁意粉好掛汁，吸引曬龍蝦汁的精華，好入味。甜品心太軟同草莓芝士蛋糕都好正，跟餐送但絕對唔馬虎！

我今日放假，約同好友去荃灣海之戀商場逛街，順道去位於荃灣大河道100號海之戀商場3樓3094號舖的 WM Cafe and Bar 食午餐，環境舒適，坐得舒服。我點左個 Beef Cheek with Mashed Potatoes and Vegetables 法式紅酒燴牛面頰配薯蓉伴季節蔬菜 $128，好友點左個 New Zealand Grain Fed Ribeye Steak (6oz) with Vegetables and Fries 紐西蘭穀飼牛肉眼扒（6oz)伴時令蔬菜及薯條 $128；Add on 追加Baked Broccoli with White Cheese Sauce 芝士白汁焗西蘭花 $28，Homemade Lava Cake 自家製心太軟 $25；Drinks 餐飲係 Kiwifruit Mocktail 奇異果風情 $20（跟餐），Green Apple Peach Tea 青蘋果蜜桃茶 $20（跟餐）。牛面頰燴得軟腍入味好好食，肉眼扒牛味濃郁有咬囗，西蘭花焗得青綠好味，心太軟是我的至愛👍；兩款特飲好清爽。

又嚟荃灣海之戀呢間西餐廳食晚飯，室外可以望到海景，對正汀九橋。係夜晚就好似一間酒吧，部啤酒機都係喺出邊嗰度。今晚好熱就坐返入面慢慢食。🍕意式辣肉腸薄餅，餅邊超級脆，熱辣辣出爐最好食。+$38就有埋龍蝦湯、沙律同埋小食炸蠔。+$8可以轉凍飲。🥩漢普夏有骨豬扒配柚子蘋果肉汁，豬扒超級淋滑，仲有帶骨有肥膏，好香口。呢個係晚餐就包埋餐湯、飲品，仲有甜品朱古力心太軟，相當豐富。細食嘅朋友分分鐘都食唔曬。

呢間餐廳有戶外同室內既環境，入面既設計好園林feel好似去左森林甘，木系設計既枱椅，好岩一大班人食飯傾計位於荃灣海之戀商場上面好方便。奧運期間餐廳做緊優惠小食係有平既，但我地唔太肚餓就無加到，優惠詳情要問下餐廳職員，如果半價加小食係幾抵既。我地叫左份Dinner set既牛柳口感都幾軟熟，仲有埋焗龍蝦食，最尾包埋甜品食都算抵嫁。@wmcafe #荃灣 #牛柳 #hkkol #hkfoodie #foodphotography

🔹️與朋友仔行完Donki 🛍 便到附近的 "WM Cafe & Bar“ 食lunch🍽 餐廳地方寬敝, 設有室外和室內坐位, 環境舒適、空間感十足👍食物有水準、份量足🥗 店員殷勤有禮👨‍💼👩🏻‍💼 價錢親民💰午餐有二十多款選擇😍盡顯心思💞包括：餐湯+主菜+飲品（更可以優惠價追+小食和甜品）超值、超值😁🔸️龍蝦湯🦞蕃茄湯🍅龍蝦湯味道濃郁, 蕃茄湯以滿滿蕃茄肉, 酸甜適中, 好Creamy 👍🔸️香草檸檬鹽烤盲曹魚柳配薯條時令蔬菜🐟🍟以大大片盲曹魚柳外皮烤至脆身, 肉質嫩滑, 薯條十分香脆, 份量十足🤤🔸️安格斯牛肉芝士漢堡配薯條🍔🍟包包金黃鬆軟, 安格斯牛肉質厚身多汁, 車打芝士片濃郁奶香, 薯條香脆可口😋🔸️芝士白汁焗西蘭花🧀🥦(小食)以鹹香拉絲芝士、綿密白汁味道香濃, 西蘭花鮮嫩爽脆🤤🔸️吉列炸蠔🦪（小食）色澤金黃、炸至外脆內軟, 蠔味鮮甜, 配上蛋黃醬Yummy😋🔸️心太軟🧆飯後甜品又怎少得熱騰騰超流心的心太軟呢, 香濃朱古力味, 甜度剛好👍🔸️士多啤梨芝士蛋糕🍰啖啖酸酸甜甜士多啤梨味和鹹香芝士味, 蛋糕軟硬適中, 回味無窮🍓🔸️餐茶點了蘋果汁🍎和即磨咖啡☕️

今晚去WM cafe & bar 食晚飯，食咗個套餐都幾底食。「忌廉龍蝦蟹肉湯」, 湯頭濃郁香醇,飽含著海鮮的鮮甜味。「蕃茄濃湯」,濃郁的湯底配搭上酸甜適中的蕃茄,令人回味無窮。「法式焗龍蝦配紅酒醬汁烤牛柳」。龍蝦肉質肥美鮮嫩,烹調手法恰到好處。搭配紅酒醬汁更是增添了豐富的風味。烤牛柳也恰到好處。「芝士蟹肉釀大啡菇 配牛肝菌意大利飯」。大啡菇內裡塞滿了香濃的蟹肉及芝士餡料,再配上綿密可口的意大利飯,無疑是一道令人垂涎欲滴的美食。甜品是WM 自家製的「Tiramisu」,濃郁的咖啡香氣與綿密柔滑的奶醬完美融合,口感豐富,實在是人間美味。另一款甜品「朱古力心太軟」同樣出色,外層酥脆的朱古力外皮包裹住濃郁柔滑的內餡,令人回味無窮。

今日黎到荃灣西 見到呢間餐廳座位闊落餐牌啲野食都幾岩而且又見到佢支持香港運動員係奧運比賽小食同拼盤都半價所以就入去support下餐廳送左個沙律小食比我地入面有巴馬火腿配哈蜜瓜 同埋沙律菜同蕃茄仔全部野都凍凍地 好清新開胃既感覺！既然半價 我地就叫左WM小食拼盤入面有薯條、炸洋蔥圈、炸肉丸、炸蝦同墨魚餅🦑每款炸物都炸得好鬆脆！炸皮唔會太厚同太油加埋佢附上既芝士醬同蕃茄醬🥫恰到好處 非常開胃日本帶子明太子扁意粉意粉個汁好creamy! 好厚滑既忌廉味仲有配埋啲明太子帶子大大粒 好味！柚子蜜糖燒雞（半份）配時令蔬菜、薯蓉燒雞既皮好脆！但係入面既肉質依然好鮮嫩 唔會老柚子味唔會太搶 配埋啲蔬菜同薯蓉味道恰到好處！成間餐廳環境氣氛都好休閑好適合三五知己黎吹水食野

WM Cafe & Bar 位於荃灣海之戀商場。餐廳內部座位舒適。搭配柔和的燈光，營造出溫馨的氛圍。增添了不少浪漫氣息。這裡的餐點不僅味道好，性價比也很高。提供多款2人.四人套餐.//忌廉龍蝦湯濃厚的龍蝦味，帶有一絲絲的奶香，顏色柔和和誘人.味道鮮甜，加入忌廉，使湯的質感更加豐富。//頭盤：巴馬火腿哈蜜瓜多士味道非常獨特美味。火腿肉質柔軟鹹香濃郁，與甜美多汁的哈蜜瓜搭配時，鹹甜交織，形成絕妙口感。多士酥脆更是為這道菜增添了層次感，使每一口都充滿驚喜。//椰威三文魚柳•三文魚籽•海草•薯蓉三文魚柳外皮酥脆，內裡鮮嫩多汁，帶有椰子的香氣，增添了獨特的風味三文魚籽：小小的魚籽爆發出濃郁的海洋味道，為整道菜增添了鹹鮮的層次感海草：新鮮的海草帶來清新的口感。薯蓉：綿密的薯蓉.柔滑的口感和淡淡的奶香讓人回味無窮。//安格斯牛柳•海虎蝦•帶子．時令蔬菜/安格斯牛柳五成熟.柔嫩多汁濃郁.牛肉外皮酥脆，內裡鮮嫩。/海虎蝦：新鮮的海虎蝦肉質緊實，爽甜。/帶子：肉質細嫩，口感滑嫩，時令蔬菜：新鮮蔬菜，為這道菜增添了豐富的色彩和口感。營養豐富，這道菜不僅在味道上有豐富的層次，視覺上也非常吸引人。//紅萄士多啤

今日收工帶左姑姐去海之戀商場食西餐～叫左兩個晚餐～餐湯：🦞忌廉龍蝦蟹肉湯 Lobster Bisque x 2龍蝦肉都幾大舊~味道濃郁唔錯C. 漢普夏有骨豬扒配柚子蘋果肉汁$198Hampshire Pork Rack Steak with Yuzu & Apple Sauce估唔到呢件豬扒幾厚下~肉質都幾嫰~醬汁清新青蘋果粒好似有d酒味兼微辣～味道幾特別薯蓉幾香牛油味F. 芝士蟹肉釀大啡菇配牛肝菌意大利飯$168Crabmeat Stuffed Portobello Mushroom & Risotto with Porcini Mushroom 芝士份量多到可以拉絲，大啡菇好多汁意大利飯吸晒牛肝菌既香味～非常有咬口蘑菇份量十足每啖飯都食得到～唔錯飲品：兩杯熱咖啡～咖啡香濃～如果拉埋花會更好甜品：朱古力心太軟先Chocolate Lava Cake～外皮鬆化，中間軟心～朱古力甜度剛剛好WM 自家精選蛋糕 WM Homemade Cake外型似Tiramisu既芝士蛋糕，餅底好似咖啡味曲奇，唔太甜都唔錯兩個人食左四百幾~眼見都八成坐滿~店員都幾有禮貌，會主動比碟你share～環境都唔錯

今日同屋企人好開心，去咗荃灣海之戀行街，我見到有啲肚餓，上網搜尋一下荃灣有咩推介，見到好高人氣嘅西餐廳，就係海之戀商場裏面，非常容易搵，非常方便，而且環境氣氛好優美，亦都好浪漫，可以介紹俾成班朋友或者情侶去食，都係一流嘅餐廳，呢度嘅環境都係好舒適樸素，而且好有私人空間，我真係好推介佢哋嘅忌廉龍蝦湯，試咗一次，真係愛上了，因為佢哋嘅湯細滑嘅質地，真係非常好味，而且配合埋香脆嘅麵包，真係非常完美嘅配搭啊，仲有我推介佢哋嘅沙律加咗青蘋果肉，真係好開胃呀，酸酸地，而且賣相吸引，份量豐富，踢出廚師好有心機為客人準備呀，而且就服務質素都好高，師兄都好主動，而且服務殷勤，真係有賓至如歸的感覺，而且呢度我都好推介佢哋嘅雙層安格斯牛肉芝士漢堡，真係勁大個包，同朋友分享真係非常好呀