WM Café & Bar (海之戀商場)

營業中

休息中

今日去了荃灣西鐵站上蓋海之戀商場三樓既WM Cafe & Bar 食西餐了這個餐廳環境都幾大幾舒服同好有格調果日我點左兩份主食 人均都係唔需要$200 都算幾抵首先上既係龍蝦湯 沙律同吉列炸蠔龍蝦湯都幾濃味 有少少酒香 仲有少少龍蝦既肉絲沙律有好多芝士粉仲有一片鮮橙 調左味好清新炸蠔都炸得香脆 同埋隻蠔都保留番肉汁唔會好乾另一個湯揀左是日餐湯 果日係蕃茄湯都落左好多蕃茄 好夠蕃茄味主食方面日本帶子巴馬火腿卡邦尼煙肉扁意粉隻日本帶子都好大隻外面輕輕煎過 裏面仲係刺身既狀態 比較嫩滑巴馬火腿也都好新鮮個意粉既蛋黃醬汁就好Creamy落左好多芝士粉意粉都煮得唔錯 唔會太腍或太硬扁意粉就更加可以更容易吸到蛋黃醬汁另一個主食係烤大啡菇野菌芝士意大利飯這個意大利飯都好正宗 好多芝士煮出來面頭有一隻大啡菇落左好多芝士有炙燒而意大利飯裏面都撈左好多唔同既菇類野菌意大利飯粒都有少少煙韌口感野飲方面要左凍即磨咖啡同凍奶茶都好正常奶茶都有茶味整體呢間餐食物同環境都算唔錯#wmcafe&bar

【荃灣區】【WM Café & Bar】約咗春哥喺荃灣食飯，呢幾日食咗兩次 WM Café & Bar，喺呢度都有分店，唔好理世俗嘅眼光喇，就入去試吓佢啦。不過春哥係一位好就得人嘅同事，為咗我寫嘢寫得爽啲，佢堅持叫啲同之前唔重覆嘅食物。其實呢度個餐牌都幾多嘢揀，無需要過慮嘅。我哋先試個 $88 嘅「WM焗安格斯牛肉醬芝士千層麵配薯蓉」，我係一個好憎食肉醬嘅人，但係呢一款肉醬唔太濃味，幾啱我口味。跟住試 $148 嘅「意式海鮮薄餅」，有蝦肉、魷魚、蟹肉、青口、紫洋蔥、燈籠椒、芝士，上菜見到佢都相當足料，鋪到滿晒。味道上都幾豐富，好重海鮮味，幾好食嘅。另外我哋仲試咗兩款小食，分別係 $58 嘅「炸洋蔥圈配車打芝士醬」同 $58 嘅「炸檸檬雞槌」，前者幾邪惡，配埋芝士醬幾惹味，後者好特別，啖啖肉都好香口。我哋冇叫嘢飲，加埋一嘅埋單價係 $387，唔差嘅。。。（地址：荃灣大河道100號海之戀商場3樓3094號舖）@wmcafebar呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：大埔區：1am1361沙田區：1am1365#1amfoo

朋友聚餐，見呢度環境唔錯就試吓。因為未齊人，諗住叫個小食一路坐一路等，個四眼哥哥走過來落單，個樣好似得罪咗佢咁，野食個名都未講完就怒氣沖沖咁轉身即走，發生咩事呀？算啦，唔理佢費事影響自己心情。過多陣齊人，叫佢過嚟正式落單，全程黑口黑面，問佢是日甜品係乜又話唔知，問多佢兩句就好惡死咁答，唔想做咪唔好做囉，何必搞到自己咁呢？至於食物水準係正常的，其他服務員態度普普通通，本身沒有要求高水準的食物和服務態度，只希望有個地方坐低同朋友傾吓計食個飯，但這位四眼哥的服務態度，簡直係趕客，冇下次。

上個禮拜食完飯之後經海之戀搭西鐵，行商場嘅時候見到有間西餐廳又唔算好貴，今日就同朋友嚟呢度食下喇。入到去見到座位都非常之寬敞除咗有室內雅座之外，仲可以坐喺戶外，不過怕怕又再落雨，所以都係坐返室內就嘆吓冷氣。一入去嘅時候服務員都好有禮貌，仲同我哋介紹今日有半價嘅食物。同屋企人揀咗美國穀飼安格斯牛肉眼，加$38就有個套餐，另外就用半價優惠要咗個豬仔骨。加$38套餐，除咗有龍蝦湯炸蠔之外仲有埋沙律同飲品，飲品佢話轉咗百香果紅茶我都覺得OK。話咁快就上咗麵包先，我估應該係麥包，麵包非常鬆軟，有微微嘅甜味。而且係熱辣辣，唔會焗到個皮好硬好刮口，搽上牛油就好好味，兩個人食個包就啱啱好。飲品亦都送到叫咗佢小冰都真係唔會話落咗好多冰，而由於而家要用環保餐具，佢嘅紙飲管去到最後一刻都冇軟到。食完麵包就開始上前菜， 餐湯可以揀龍蝦湯或者蕃茄湯，咁梗係緊龍蝦湯啦，然後就仲有兩嚿炸蠔同埋一份西柚沙律。炸蠔方面都係熱辣辣夠酥脆嘅，而沙律就有酸酸甜甜嘅汁令到更加開胃同埋可以解除返食炸蠔嘅飽咁。不過我覺得前菜最重要都係個餐湯，雖然呢個龍蝦湯冇龍蝦肉喺度，但係飲落去呢就相比起係更加有返海鮮嘅嗰種鹹味，唔會話太重茄醬嘅

在平日去了海之戀，行完DONKI，就在附近開始找美食。既想鋸扒，朋友又想吃意粉通粉之類。想起這裡有一所WM Café & Bar，決定去拜會一下。由於今天不是假期，人不是很多，走進去找了個梳化位。本來是想到外邊看著海景吃，奈何今天感到略悶熱。只好浪費了一個少有的景色。大家到此，一定要走進去感受一下海風吹來的陣陣清涼。下單了兩份午餐，一份是＂烤澳洲豬鞍扒配時令蔬菜薯蓉＂，另一份是＂芝士芥末焗蟹肉忌廉長通粉＂轉套餐。兩份午餐的性價比不錯，＂芝士芥末焗蟹肉忌廉長通粉＂轉套餐，會附上是日餐湯，吉列炸蠔，餐飲。吉列炸蠔炸得金黃可口，外脆身內蠔甜。焗蟹肉忌廉長通粉有著濃郁的忌廉芝士味，再舖滿蟹肉在通粉之上，以薄薄芥末舖陣，清香而不會見辣。下一道＂烤澳洲豬鞍扒配時令蔬菜薯蓉＂可謂色，香，味俱好，豬鞍扒厚度適中，肉質滑嫩，咬下去，啖啖肉汁緊鎖肉中，爽口。配菜配搭得宜。看上去構圖美輪美奐，令人食慾大增。輕輕烤香味，令豬鞍扒活活的像在腦海四處，令人垂涎三尺。

同朋友去海之戀商場食飯，呢間餐廳有室內室外座位，室外環境好大，室內坐位都好舒服。餐廳而家仲有做緊優惠星期一至五晚市堂食，惠顧任何一項單點或套餐即可以半價點一款指定菜式，幾抵食套餐有餐包、湯、主菜、甜品、飲品•天然發酵黑糖麵包充滿麥香味，外酥內軟～•忌廉龍蝦蟹肉湯，好香濃份量也不少，口感好順滑～•香煎帶子海鮮龍蝦汁扁意粉帶子外身煎至香口，口感鮮甜爽口，扁意大利粉口感不錯，不會太腍，掛滿香濃的龍蝦汁。 •自家製蛋糕藍莓芝士蛋糕口感軟滑，不像紐約芝士蛋糕一般厚重，更輕盈健康，酸酸甜甜不會太過膩。•柚子蜜糖燒雞(全隻)配時令蔬菜,薯蓉半價優惠性價比高，柚子嘅清新酸甜同蜜糖嘅溫和甜味，搭配雞肉嘅鮮嫩口感，細細隻二個人食岩岩好，伴菜仲有時令蔬菜同薯蓉。熱帶火山好精緻嘅一杯飲品，百香果沙冰味道香濃，透心涼。冰川雪山打卡一流，頂部雪糕球滑順即溶，飲品冰涼清新，好有層次感。

上次去完土瓜灣啟岸的WM Café & Bar，和姐姐來到海之戀商場又見到呢間餐廳，原來有不同的分店，見到餐牌上的菜色跟土瓜灣那間不一樣，上次食過好好味，這次也想試試。水準也很好。餐廳亦很大也很舒適，座位很闊落。上次沒有機會食甜品，這次見到套餐里面包甜品，一定要試試。❇️忌廉龍蝦蟹肉湯味道濃郁❇️香煎帶子海鮮龍蝦汁扁意粉海鮮種類多，有扇貝，帶子，蝦，青口，扇貝很大粒❇️芝士蟹肉釀大啡菇配牛肝菌意大利飯濃郁的芝士，菇很大粒❇️餐包包很鬆軟❇️自家製蛋糕藍莓芝士蛋糕，芝士味很濃郁❇️朱古力心太軟很久沒有吃朱古力心太軟了，因為感覺會太甜，但這裏的朱古力心太軟甜度剛剛好，濃濃的朱古力味

喺海之戀行吓行吓見到呢間WM Cafe& Bar唔係太肚餓，想食小食，飲杯紅酒就自己走入去坐低咗☺️喺門口見到佢哋嘅自家製蛋糕個樣望落唔錯就試吓！抹茶巴斯克芝士蛋糕 好食！叫咗一份雞翼，配一杯澳洲紅酒本身睇緊Menu，唔見有House wine原來貼咗喺牆上面 做promotion!Red/ white wine 只係$40杯都幾好飲！飲得過，抵👍🏻香辣雞翼非常惹味，配啤酒更適合🥹自己一個chill chill都幾開心🥳

【荃灣西隱世平價Cafe，附戶外海景座位！】Cafe位於荃灣西海之戀商場內，方便易找！一入店就見到一大塊綠草牆壁，好清新好舒服嘅感覺。卡位亦好寬敞舒適，有情調。店外仲附有戶外座位，可以慢慢吹水、慢慢拍拖，仲睇到海景添，夠哂浪漫🌹！.食物🥘：🔹意式辣肉腸薄餅🍕 $108+$38 套餐升級包龍蝦湯🦞＋沙律🥗+小食吉列炸蠔+餐飲（百香果冰紅茶）講講個主食先，每塊切餅都有辣肉腸，有啲切餅仲要係有兩塊辣肉腸，好足料🍕😍，已經好香濃芝士味🧀，芝士控必食！上碟熱辣辣，焗到好香脆～😋而套餐亦好抵食，加$38就有咁多嘢食！！龍蝦湯好香濃，吉列炸蠔🦪亦炸得啱啱好，唔會蓋過蠔嘅鮮味。🔸晚市套餐 D. 香煎帶子海鮮龍蝦汁扁意粉 $178配忌廉龍蝦蟹肉湯、餐包+餐飲（熱綠茶）意粉🍝好足料，又有帶子又有龍蝦🦞又有青口，可以一次過試哂唔同嘅海鮮💖！菜式以龍蝦汁為主，同時結合了帶子和龍蝦汁的豐富味道，鮮甜的帶子加上濃郁的龍蝦汁，再搭配扁意粉的口感，寬平的義大利麵條剛好吸哂龍蝦汁的味道，食落每一啖都能品嚐到豐富的海鮮風味。🦞❤️🥰🔹特色炸薯條(黑松露芝士汁) $58薯條份量好多，上面淋上好多黑松露，而店員亦好細心俾兩兜茄

放工後約咗朋友去荃灣食嘢，想安靜啲傾吓偈，所以揀咗海之戀商場既WM cafe and bar， 內面要境幾寬闊同有氣氛， 卡位坐得好舒服！我地揀咗一個千層麵同一份burger 一齊食，主餐牌加$38仲可以有龍蝦湯、炸生蠔、沙律同飲品，呢個配搭唔錯！店員話平日（一至五）晚膳時間可以用半價換購一份指定食物， 我地用$99加配左一份澳洲豬鞍扒試下！龍蝦湯、炸生蠔、沙律龍蝦湯好有驚喜，好鮮味！唔會因為是加配求其比你，炸生蠔就新鮮炸起，外脆內軟， 食完炸野食返啖沙律中和返，剛剛好！WM 安格斯辣味芝士漢堡（內有菠蘿）Burger 加$18有薯條，果下好想食就加左！估唔到有咁多！安格斯牛肉好淋、好Juice！ 超級推介！WM焗安格斯牛肉醬芝士千層麵配薯蓉千層麵即叫即焗， 新鮮熱辣，上枱時店員好細心咁提醒邊隻碟係熱嘅，等你唔會燙倒！千層麵之間有好多肉醬，食落好有口感，加埋上面既芝士，好香！伴碟嘅薯蓉好多，我地都食唔晒～WM 烤澳洲豬鞍扒上枱時都嚇親，估唔到咁大塊！咁大塊嘅豬扒仲要烤得好淋、好多汁喺屋企真係做唔到！抵食～

今日同朋友去咗荃灣西食飯，搵咗一間西餐廳鋸扒，超值得推介，我哋係星期三去，有半價優惠菜式，特別推介佢哋嘅美式豬仔骨，真係好入味，非常入口，真係好好食呀，而且呢度嘅食物選擇好多，有小食，有意粉類，有意大利飯，真係超級多選擇，而且價錢經濟實惠，而且呢度嘅小食拼盤都好好食呀，全部即叫即整，有洋蔥圈，炸薯條，炸雞翼，仲有唔同口味，一定有一款啱食，而且佢哋嘅服務態度都好好，侍應好有耐性，有笑容仲好主動服務，主動斟茶遞水，我真係覺得呢度食飯有賓至如歸的感覺，好似去咗天堂咁，而且呢度嘅氣氛都好好，好舒服，個空間好大，寬敞，而且衛生程度好，整潔，裝修精緻，所以呢度食飯好有情調，好啱一家大細，同埋情侶嚟食飯啊，仲有戶外座位，真係好有情調，望住個天橋，有晚景，真係一流

今日放咗工，同一班朋友行街，見到我想響海之戀商場搵嘢食，於是上網搜尋一下，睇吓有冇美食推介，見到好多人都推介呢一間響3樓間西餐廳，好受歡迎，話呢間餐廳食物質素好高，於是去食，估唔到真係好大驚喜，食物質素好，而且服務態度又好，有賓至如歸的感覺，真係覺得要推介俾朋友啊，呢度好出名鋸扒，我見到佢哋嘅主餐牌推介，有安格斯牛扒，肉質鮮嫩，非常厚肉，而且入口即溶，加埋配料薯蓉，味道喺香香屋企啦，真係好夾呀，而且我哋叫咗個小食，炸雞翼，佢有唔同口味，包括原味，柚子味，仲有辣味，真係新鮮滾熱辣，即叫即整，超級香噴噴，咬口好脆 ，而且佢哋嘅意粉都好多選擇，我叫咗個明太子意粉，真係配埋白針真係一流啊，如果去到呢間餐廳，一定要試吓，個明太子意粉配埋帶子，真係好好食呀，同埋呢度有室外，環境好舒服❤️❤️❤️

【WM Café & Bar - 海之戀商場】荃灣海之戀商場因為有間sinking,所以我經常來，每次來都會試新餐廳，今次就試了一間西餐廳餐廳 - WM Café & Bar，感覺非常良好。日本帶子明太子意粉$158。鮮嫩的帶子搭配濃郁的明太子醬汁，每一口都充滿了海鮮的鮮味，讓人回味無窮。意粉的口感彈牙，帶子非常大粒，而且份量也不少。鹹香的明太子味原來同帶子都好夾，第一次試這個組合感覺還不錯。全日早餐，價格為$138。這份早餐真的是超值！裡面包括了黑松露炒蛋、英式豬肉腸、煙腩片、挪威三文魚、巴馬火腿、雜菌和蕃茄等多種豐富的食材。尤其是黑松露炒蛋，散發出濃郁的松露香氣，濃郁黑松露味非常提神！有時識一個全日早餐，可以撐一整天。法式海鮮湯$68。這碗湯濃郁醇厚，充滿了海鮮鮮味！WM Café & Bar (海之戀商場) (荃灣)荃灣大河道100號海之戀商場3樓3094號舖#WMCafeAndBar #海之戀商場 #荃灣美食 #日本帶子明太子意粉 #全日早餐 #法式海鮮湯 #美食分享 #foodie #foodreview #instafood

毛孩都可以一齊入嘅商場西餐廳，有室外室內，仲可以睇到景，chill chill食野😆餐包有天然發酵黑糖麵包，點少少牛油就唔會遮蓋麥香味，外酥內軟，又幾好食～Set Dinner 有忌廉龍蝦蟹肉湯，好香濃，份量唔少，好香又好滑，而且仲有少少蟹肉，一齊食好好味！Main 有美國肉眼扒，7成熟仍然肉質嫩滑，食落Juicy。牛扒汁有紅酒香味，但其實本身都夠味，覺得點少少岩鹽食都好足夠！薯蓉好Creamy~Pizza可以揀厚/薄餅底， 薄Pie的意式海鮮pizza 都脆口，仲有唔少海鮮！價錢相宜，可以一試～📍WM Café & Bar (海之戀商場) (荃灣) 荃灣大河道100號海之戀商場3樓3094號舖#wmcafe&bar #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk

荃灣搵到一個同朋友吹水食飯嘅好地方😍dinner set 都係百零蚊起，仲要包埋餐湯同甜品😌重點係地方闊落，同朋友傾偈絕對超級舒服😛龍蝦湯超濃郁，飲完繼續好想飲😝美國安格斯肉眼扒七成絕對係啱啱好，牛肉味濃，食落口感豐富，仲有幾條蘆筍，同埋薯蓉，就算唔點醬，都10分夠味😋意式海鮮pizza 超級脆口，超多海鮮！2個人食會覺得岩岩好😋煙三文魚牛油果沙律，10分新鮮😋份量啱啱好📍 WM Café & Bar (海之戀商場) (荃灣)荃灣大河道100號海之戀商場3樓3094號舖