WM Café & Bar (八號花園)

營業中

休息中

前幾日趁一田大減價同朋友走左去大埔超級城，順便去左附近嘅一間cafe，佢地dinnerset都係大約70-80左右，價格平民而且要讚嘅係服務態度好好❣️-首先個餐湯係蜆湯，好濃郁而且啖啖都有蜆肉💞-芝士香草茄蓉牛肋條配意粉➕焗農夫包 $78+$5創意滿分💯而且都係好大份🤪大大個焗包盛載住芝士牛肋條，牛肋條拎起拉到絲，勁邪惡🤩而且肉質好嫩，最後再食嘅索曬汁嘅麵包好滿足🥰-拿破崙三色腸意粉🍝 $70係番茄🍅意粉，份量好足，絕對夠兩個人share😆啲意粉煮得好煙韌，配料份量都多🍝-自家製甜品🍰 ➕$12係阿華田cheese cake，面頭有d阿華田粉，食落好smooth又唔算好甜，如果個餅底再脆d就好啦🙈

一直沒有去過這家餐廳，看網上的評價不錯，上週四早上就去了，進餐廳前，看到門口餐牌寫85折，也有最愛吃的pizza, 就點了。Pizza的餅底是薄薄的特別脆口，但是口感和上面的cheese吃起來感覺特別的一般。不過想下68元再有85折算了，已經蠻便宜啦。哪知道買單時，工作人員沒有85折，問後，他出門看了一眼，回復轉餐牌了。想說，如果轉餐牌，一早就不應該貼出85折在門外面呀，算了，偶爾吃一次。但個人覺得味道太一般，吃後不夠滿足。

落雨又有咩好怕喎！入去窗邊位置望住雨景食個靚午餐，心情一樣靚。幾十蚊嘅lunch一d都唔馬虎，呢個BBQ烤手撕豬菠蘿芝士漢堡配薯條，見到厚度都知餡料夠哂多，BBQ手撕雞好juicy，有原塊菠蘿喺中間又中和左膩滯，配合牛油煎香嘅漢堡包同粗薯條，CP值高的。無錯，幾十蚊鋸扒做lunch，仲係燒紐西蘭肉眼扒配紅酒燒汁拼薯菜。牛味幾濃，可惜有d筋同埋過熟。番茄湯香濃，有一舊舊番茄肉。仲有塊蒜茸包香脆熱辣辣，賣相味道都驚喜。飲品叫左Mocha & 凍咖啡，Mocha賣相靚仔，咖啡香味ok，跟餐加幾蚊有特飲算唔錯。食完心情靚靚過埋隔離商場行街，輕輕鬆鬆就是爽。

今日周未天氣尙可，就一家人踩單車入科學園，沿路都好多車。科學園假日人流也不少，很多一家大小入嚟食嘢和hea 下。泊好單車後我哋都揾間食肆坐下來，見呢間啲下午茶餐都幾吸引，就叫三個嚟試吓啦！煙三文魚迷你6吋pizza（$58）分四件一人一件，煙三文魚配千島醬和芝士，餅底鬆脆。W M秘製豬扒包配炸薯條（ $45 ）豬扒包好好味，而且都幾大件，塊豬扒都Juicy，唔會韌，配埋蕃茄生菜，好味。薯條雖然分量唔算好多，但係都好食，係粗身嘅曲曲薯條。火腿芝士西多士（ $38 ）有火腿同溶咗嘅芝士喺夾層，比一般普通西多士更有口感，炸得香口，加埋牛油和糖漿，好好味呀！下午茶餐可以配熱飲，我要普通熱咖啡，味道都唔錯。小朋友想飲汽水，比佢哋放肆一次啦，只係加$5 ，可以去雪櫃自己攞一罐罐裝汽水。

宜家因為工作關係食飯都主要係大埔，大埔中心就係一個好多野食嘅地方。今日黎到呢間WM Café，主要都係食西餐嘅，係門口望餐牌，價錢唔貴呀，即管試一試啦。 Menu都算幾豐富嘅，主要都係晚餐套餐比較優惠，一丁友雖然想食小食，但再加主食就一定食唔落啦，所以都係叫個餐就算，唔想食牛，就點個豬扒試試。 一黎就當然上湯先啦，係忌廉龍蝦湯，賣相同味道都唔錯嘅，聞得出係真材實料嘅。 再黎就係主菜啦，擺盤其實唔錯啦，上面有啲青蘋果，中間隱藏住帶子，再下面就係黑豚豬扒同薯蓉，當然仲有少少沙律菜，比較特別係有俾咗少少黑椒蒜鹽。 帶子半生熟無煮到老晒，唔錯。黑豚豬扒有咬口，食得出有肉味唔係滿口脂肪嘅豬黎。上面嘅青蘋果絲一邊食下，一邊食下肉，開胃之餘有帶點清爽感。 最後整咗杯雪糕忌廉梳打，成杯野白雪雪好搞笑。上面嘅雪糕似乎唔係雲呢拿味，帶少少椰子味，個人幾鍾意。 整得上$138 加飲品加1 ，大約$200，呢個價錢算唔錯啦，求其一間茶記食個好啲嘅豬扒飯都講緊$88啦。 

星期五係大埔放工 約左朋友食返餐輕鬆下 係大埔文娛中心對面有間食西餐的cafe見環境都唔錯 set的價錢又唔貴就決定幫襯叫左個鹿兒島黑豚西冷配檸檬帶子朋友就叫左安格斯牛肉芝士漢堡另外加配左一杯薄荷青檸梳打 一杯荔枝蜜桃梳打餐廳裝修都唔錯 幾有自然風餐湯係龍蝦湯 真係食到有龍蝦肉 漢堡配薯條 薯條熱辣辣又脆 係唔錯 漢堡咬口都okay 西冷肉質都叫鬆軟 帶子唔錯冇雪味 配左少少薯蓉野飲兩杯都不過不失 略甜 下次可以少甜健康d 最後人均每人$140 左右 晚餐set合理ge

疫情期間，每張桌上都有一支搓手液，餐廳很細心。侍應笑容滿分，食得特別開心。我們兩個人點了兩個晚餐，晚餐cp值高，食得超級飽又有餐湯主菜飲品。龍蝦湯：味道令人非常難忘，平時在外面餐廳飲龍蝦湯經常都會太咸，這家餐廳就煮得很出色，咸度適中，充滿龍蝦的鮮味，不會很腥，配麵包一起非常好，有包的麥香又有龍蝦的鮮味。脆炸軟殼蟹墨汁意粉：軟殼蟹炸得很鬆脆，中間部位多肉又鮮甜。意粉用蒜油炒過，非常惹味香口，一口接一口好快便完食。南瓜意大利飯配香煎刺身帶子：南瓜很香甜，每一口都吃到滿滿南瓜味，還吃到蛋黃味，令整個醬汁味道變的更加濃郁柔和。飯中有很多菇菌，爽口，增加食物口感層次。雪糕忌廉梳打：賣相100分，是飲品又是甜品。

我個人對威靈頓牛柳情有獨鍾，喜愛非常。今日去大埔食晚餐時發現到呢間餐廳既晚餐Menu上居然有威靈頓，而且只需要$138。就抱住試下無壞既心情入去。店裡擺設裝修用左唔少綠色既植物，令人有放鬆既感覺。晚餐Menu豬牛海鮮都有，選擇都多，不過我眼裡只有威靈頓牛柳。先黎個龍蝦湯，雖然龍蝦味唔算好濃，但作為餐湯，配埋個好香既蒜蓉包都唔錯。主菜出現喇！外相都唔錯，酥皮包住既牛柳，本身以為$138應該都係得過且過，又唔係喎，牛柳幾嫩，幾入味，係個黑椒味濃左少少姐。呢個價錢食到咁既質素既威靈頓牛柳，我覺得係性價比高。最後飲埋本用心沖出黎既Mocha，呢餐都係㘣滿～

大埔的朋友拿了建造業的7k5請吃飯，我當然不惜長途跋涉入去。他揀了這間較新的西餐廳，雖然有點像家庭式餐廳，但食物和飲品都很別緻和細膩。龍蝦湯，味道和口感都好，滑和有龍蝦味。餐包比較有咬口，和平時吃的鬆軟餐包有點分別。我們叫了2個餐，一個是J餐南瓜意大利飯配煎刺身帶子、另一個是G餐烤石斑魚柳配芥末籽燒汁。這個是J餐，很吸引食慾的顏色，有淡淡的南瓜香味醬汁完全滲透每粒飯，但飯粒還是很分明，火候控制得很好。南瓜汁有很順口的香甜味，口感是偏濕和軟的，但加入了椒絲讓口感有一些爽脆的變化。煎帶子很鮮嫩和滑，過熟的帶子會zip牙，這個不會的。這個是G餐，魚柳很大的一塊。平時都很少在外面吃魚，魚柳包也不會主動叫，朋友點的這個讓我有點改觀。這塊魚很實淨，完全不會比豬牛雞扒口感鬆散。魚肉獨有的鮮味和肉之間的滑溜是紅肉無法比擬的。碟上有不少調味的配料和醬汁，能讓這魚柳味道有不同變化，特別推薦碟邊的鹽，能把魚味很大程度地吊出來。還有多汁又爽口的番茄，料理過的番茄原來這麼好吃，就像BBQ烤的非常好的番茄。餐飲的鮮奶咖啡還有精美的拉花圖案，這還是個可以倒轉看的錯覺畫呢~味道也很好，奶味香濃，入口順滑。還有甜品三重

WM Cafe and Bar 果然係大埔打工仔既飯堂之選，平日lunch set 價錢由$50 -$80 仲包左餐湯同餐飲，好抵食，唔怪得成為打工仔飯堂啦。今日我同友人分別揀左set K 同set M , 加配梳打特飲😋落完order 之後，店員就上左個龍蝦湯同香脆蒜蓉包，一上台就已經聞到濃濃既龍蝦同蝦既味道，仲食到少少蝦肉粒，食得出係真材實料👍🏻好有驚喜Set K 係黑豚豬柳+ 鹽烤雞扒配意粉，份量十足，厚切豬柳同雞扒都煎得皮脆但仍能保持肉汁。Set M 係牛肉眼扒配飯，7成熟既肉眼扒雖然薄切但好大片，配上自製燒汁，鹹甜適中。炎炎夏日梗係要嗌番杯特飲消消暑，分別叫左荔枝蜜桃梳打+ 雪糕忌廉梳打，成球雲呢嗱雪糕十分吸晴，睇見都即刻降哂火。😆

大埔真係好多好野食，行完超級城見餓餓地，見到一間西餐廳環境幾靚，於是入去試下。坐低望到個餐牌個價錢！Dinner Set 好抵食喎 意粉$78~扒類$138 仲有送餐湯，2人Share 叫左個龍蝦汁意粉&威靈頓牛。餐湯係龍蝦湯配蒜蓉包，個湯好重龍蝦味，蒜蓉包就不過不失啦。龍蝦汁意粉海鮮好足料, share食好滿足。威靈頓牛外層鬆化肉質軟熟，切開個下真係好驚喜，牛柳完全無overcooked ，不過分量偏少，因為太好食唔夠分！甜品係榛子朱古力慕絲蛋糕，為今餐畫上完美嘅句號。

今日係大埔同朋友食飯，行咗陣就見到依間餐廳，見佢啲dinner set幾吸引，所以就同朋友揀依個餐廳食dinner喇😂坐低咗就睇下食咩好，我本身就幾鍾意食Risotto嘅，所以就揀咗嗰南瓜意大利飯配香煎刺身帶子，我朋友就揀咗嗰燒石斑魚柳配芥末籽燒汁👍🏻係個main course嚟之前，佢就有個忌廉龍蝦湯同餐包先嘅🤤，佢個忌廉龍蝦湯幾好味，味道濃郁，同會話太咸👍🏻我嗰南瓜意大利飯配香煎刺身帶子（$98）終於嚟咗喇😂份量幾夠，賣相都幾正👍🏻食落覺得好creamy，味道啱啱好👍🏻粒帶子就正正常常咁啦，煎得幾靚👍🏻👍🏻我覺得依個南瓜意大利飯唔錯👍🏻朋友嗰個燒石斑魚柳配芥末籽燒汁（$98）又係好正❤️，一上菜嘅時候已經覺得整得好唔錯，見到佢嗰魚柳唔會話煎得好乾，加埋佢嗰燒汁，真係好好味👍🏻👍🏻佢嗰份量都好大份，幾抵食😂我同朋友最尾都叫返嗰檸檬芝士蛋糕（$35），冇諗過係咁令我地驚喜嘅😍。一嚟佢食落酸酸地，好解滯，二嚟佢味道酸酸地甜甜地，好味👍🏻👍🏻

星期五想食間開心啲嘅餐廳， 喺大埔選咗一間小清新裝修嘅餐廳，員工都係有笑容嘅！加分！加分！價位係合理既，飲品選擇亦都幾多。點咗兩個set dinner，當中已經包埋餐湯同餐包， 仲要係龍蝦湯，夠哂特別！！非常香濃幼滑！Yummy! 大啡菇牛肝菌意大利飯($88)~大啡菇都幾厚肉，咬落有口感，而意大利飯菇味十足，係出乎意料地咁出色，而且份量都調較得剛好，真心回味!!香草海鮮茄蓉醬炒扁意粉($98)~估唔到竟然配上咁足料既海鮮，而且茄蓉非常開胃，甜甜酸酸咁~青蘋果梳打(左)、薄荷青檸梳打(右)~夏天總係想飲有氣既飲品，呢2款梳打都好清爽，唔甜唔膩亦無藥水味，如果2選1，我會推薦薄荷青檸梳打，夠哂fresh！埋單都係呢個數，真係抵食！

今日自己同朋友去食個晚餐，貪呢度近大埔市中心之餘，仲有八折優惠，所以試下。Budget: 每人$150以內。我叫咗個WM威靈頓牛柳餐食，$138，包餐湯、主菜、甜品。餐湯係龍蝦湯，可以飲得出，龍蝦湯裏面用咗好多蝦殼去煲、非常有鮮味。之後嚟到嘅係主菜威靈頓牛柳，威靈頓牛柳用咗酥皮包住外層，用刀慢慢切開，已經可以見到非常鬆化。食落去嘅時候，牛肉唔算軔，煎得幾香脆，再配埋個汁落去食，食到有甜甜地洋蔥嘅味道。而且個side dish薯蓉都幾重牛油味，整得幾好，一啖牛柳，一啖薯蓉一齊食，係幾Complex嘅體驗🥰我哋仲叫咗一個黑豚肉西冷，呢一份西冷比威靈頓牛柳更加稔，肉汁完全入晒入去，而且西冷肉肥瘦比例適中，入口唔會有太油膩嘅感覺。頭頂上隻蝦仲大大粒，好脆。最後餐廳送上埋甜品俾我哋，從個佈置已經可以睇得出個心思。藍莓味蛋糕，甜甜的，蛋糕裏面比較鬆軟，係唔錯嘅。

起床後來一個全日早餐，假日不要待薄自己。忌廉龍蝦湯有驚喜裡面有蝦肉而且味道不錯，配上香軟的麵包最佳配搭。WM全天候早餐配烤多士，有太陽蛋兩隻、蕃茄、豬肉腸兩條、煙肉兩塊、蘑菇、茄汁及焗豆粟米。太陽蛋煎得不錯又有蛋漿流出有治癒的感覺。煙肉配茄汁焗豆炒蘑菇很香又有香甜 粟米及鮮蕃茄很健康。最後來一杯冰凍透心涼的 cappuccino，奶與咖啡味道均衡。想不到下午兩點多仍然座無虛席（當然有隔開一定距離），看來都深受大埔居民歡迎。午餐及下午茶都抵食，如果吃全日早餐三點下午茶時段前仍會有忌廉龍蝦湯。下次可以同女友來嘆個下午茶。