Wish Bar BBQ (已結業)

今日同成班同學係wish bar book左張檯挽，本身就唸住齋飲酒姐，諗唔到果度仲有得bbq！於是就同成班同學傾完就決定咗要燒埋野食，一個人都係加多幾十蚊姐。老闆娘就仲好人，見到我地人多就比埋間房我地，果度既員工都好nice好好人。野食方面都好齊全，肉類就有；（雞亦，豬扒！雞扒，牛扒，羊肉粒等等）跟住仲送埋海鮮添，有：（生蠔，秋刀魚，多春魚之類）至於環境方面既話，就仲特別，有個大露台，容納50-60人不是問題，飲完酒可以坐喺露台吹吹風，好舒服好relax。一邊同fd吹水，一邊bbq，吹完水食完野就入翻房，溝女既溝女，飲酒既飲酒，k歌既k歌，仲有得掉鏢添！最後玩到有d人唔肯走，哈哈，講起都唔好意思，玩到人地收工都話要玩多陣，不過好彩人地唔介意，仲走黎同我地玩埋一份添！ps（果度既員工都好玩得好nice！）總結啦：尼度我地會再黎！有d咩活動我地都傾過會繼續喺度搞，如果齋飲酒既我亦都會黎尼度，原因就喺度有招呼，環境乾淨整齊，想同間吧既員工點劈都得！！諗起都興奮！！

約朋友食飯又想飲下野傾下計 , 最後揀左 Wish Bar 因有露台 BBQ , 又可任飲仲可以唱埋 K 添~ 見評語幾好於是試下啦 ~ 預約時要俾 $ 500 訂金 ~ 去到見環境同氣氛都幾好 ! 有間房係俾多人開 P 用的 ~ 因太肚餓所以快快燒完野食先慢慢坐底飲野傾計 ~ 老闆超級細心 未開口要求嘅野佢已經留意到然後秒速拎俾您 , 讚 ~ Bartender 見得閒時都會邀請我地幫手調酒俾自己飲 好玩哦 ~ Bar 職員們都好好阿 ~ $ 250 係好抵的 , 但唔好抱住食自助美食的心態去 , 始終重點都係飲野傾計同氣氛 ~ 推薦 當晚為朋友慶祝埋生日 , 播埋生日歌 ~ 士多啤梨蛋糕配埋特設草莓 cream cooktail 好岩搞生日會呢

上星期有朋友生日，被邀請去到ｗｉｓｈ bar 開生日會，第一次去有酒吧加bbq，可能這天是周末，場內人數比較多，我朋友就book了BBQ，我向來小去酒吧消遣，多數去卡拉ＯＫ，等一次去ＢＢＱ酒吧，感覺又幾新鮮，這裏環境又不錯，燒烤食物質數也不錯，仲有海鮮選擇，還有唱歌，酒精飲品又多元化。收費以人頭計，有得燒烤，唱Ｋ兼任飲，可以玩足一整晚，收費合理，幾百蚊，唔洗次次都焗住响室內玩，又可有唱歌跳舞。一定會推介俾朋友，但缺點就係枱與枱之間太密集，不過佢地有好多熟客，枱枱客都好似朋友係咁，我第一次去，就同老闆娘熟左仲好好好好傾，一齊玩，一齊合唱，當有人唱快歌，氣氛ＨＩＧＨ到個個都跟住唱。下次再有朋友生日，或者三五知己聚腳，必定會再來。

幫朋友攪生日～班死仔又話想飲酒•又話想唱K•又話要BBQ•又話要方便聽朝反工～咁就上網搵搵搵～最後搵到依度～心諗是但啦（攪手的痛苦•你懂的）🙈咁上到去個場度唔錯喎～露台有得BBQ•入反房有酒飲•有K唱•仲有得擲鏢👍🏾BBQ食物款式都算多～肉丫•丸丫•腸丫(仲要賣飛佛既廚師腸)•仲有海鮮丫😋(佢地話因為早book)•食飽左就繼續飲野～平時去開劈場～咪就得啤酒•mixer就完啦～依度竟然有唔同既雞尾酒比我地飲•因為我朋友生日～個bartender仲即席表演•整左set Rainbow比我地飲😍～真心講唔錯😋班死仔話個場唔錯～得閒會再黎😁

放假諗住同朋友去鬆一鬆，有人提議燒野食，有人又想飲酒，但有人嫌新界地方遠，咁就選擇近大家既尖沙咀既wish啦。上到去環境比想像中好，因為有k唱又有標機，露台都幾開揚。到最緊要既食物啦，食物種類都好足夠，最好味一定係個雞翼，食到我地連續叫左幾次雞翼。最重要係員工服務態度好好，唔會因為我地要成日加食物就黑面。而時令海鮮都好新鮮，但聽廚師講唔係成日有，要提早訂位先有，好在有訂位。咁我地星期六去食4個鐘無限任飲平均都係3 4百，真係食個放題或者就咁去飲酒都差唔多價，飲品方面大路野汽水橙汁都好充足，而酒類飲品威綠vodka橙之類都有，基本上你同bartender講既佢做到俾你都會有。最特別係果條rainbow雖然要另外收費，但價錢唔貴，但係排場10足bartender直接出黎幫我地出黎沖，個感觀好好10幾杯shooter同一時間放出黎。果晚我地朋友成班都玩得好開心，果到員工服務好好，唔會因爲我地玩得夜就黑面之類。基本上下次我會再去，因為位置食物酒水服務都好好，最重要係走時樓下就有的士😂。

走遍大江南北 呢間場的確係幾好 首先係啲朋友約我去bbq 心諗黎尖咀燒野食咪又系果啲3舊水2粒鐘食唔飽既（鸭仔團）8點鐘一黎到 E…唔係喎，酒吧黎既！ 以為入錯門口 打電話問下個friend啱喎 真係估唔到尖沙咀都會有得燒嘢食嘅酒吧😍😍 整番兩啖啤酒先 朋友嚟到開始燒野食！嘩嘩嘩……一行6人估唔到有咁多野食！腸仔呀乜丸乜丸豬牛雞呀金沙骨呀鸭胸呀 雞翼……最正佢就系勁多蔬菜畀你 有個friend唔多食肉基本上菜皇😅佢都滿足到爆😁😁 嗰個廚房佬又幾好喎~得閒就問你想食D乜加啲菜比你好唔好…見你食得曬佢整D野分分鐘仲開心過你添呀😂😂食左3粒幾鐘 好飽飽地入番正題先…今晚好似過嚟劈酒㗎喎😏😏 入裏面玩 E喂 原來有標掟 I like😍😍😍 唱歌嘅唱歌掟標嘅掟標先 大家自由活動30分鐘 落一落格先太飽啦🙈🙈掟完標返黎！嘩！五顏六色咩黎既酒黎架？喂又幾鬼好飲喎😍😍個水吧師傅又係好nice 又介紹我哋飲呢樣又飲個樣 最難得嘅就係堅正佢啲酒~~ 好飲又1杯好飲又2杯 都唔知飲到幾多杯😂😂😂啲cocktail酒名 完全飲曬落肚唔記得曬 😅😅😅 所以喺呢度講唔出個酒名＆無影相🙈🙈🙈 《《總結 》》3舊幾水

室內bbq埸有酒飲有k唱有鏢掟。員工嘅服務態度幾好。環境都幾舒服成個埸同房都幾大。4個鐘任燒燒完重可以繼續留係到飲酒吾洗轉埸好方便。嘢食種類都幾多。又有海鮮。啲cocktail 都幾特別鍾意飲香檳。重有枝閃閃香檳好令女仔見到都會好鍾意好想試。價錢吾係貴。生日搞party 包埸都係吾錯嘅選擇.nice place.