Villa 26

營業中

休息中

Set for two 媽媽一直都好鍾情尖東海旁既餐廳，因為呢度唔單止有海景，而且價錢唔算貴今日就去左villa26食diner，佢為咗慶祝5週年，出左個set dinner （$998/2人） （我哋就係睇中呢個set黎架！相當抵！）❇️ 景色：真係正，唔介意户外既，可以坐出去，不過我哋室內都可以望到個海 ❇️服務：非常好！會主動睇吓有咩需要 （見媽媽自拍，即刻黎問洗唔洗幫我哋影😎 nice 👍🏻）Starter: A4 鹿兒島和牛他他薯仔千層個和牛他他望落就知佢靚 食落去，有種食緊拖羅既感覺🤤🤤和牛既有油份，食落又有種軟棉棉既感覺，配埋煎得香脆既千層薯仔，口感好豐富！藍鯨吞拿魚他他西米薄脆配魚子醬魚子醬既咸香襯落去呑拿魚到，突出呑拿既新鮮！而薄脆就再增添口感 🥰🥰Soup黑松露忌廉菌湯好香濃！熱辣辣 好好飲意大利蕃茄凍湯極似喺歐洲飲嘅湯！但係更加升級，因為有蕃茄嘅粒粒 ，唔係係淨係湯！🥰Risotto:輕炙日本鮮帶子配鮮蠔忌廉意大利飯收埋左粒帶子係底 ，所以有兩粒，真係輕炙，因為仲有帶子嫩嫩既口感！飯入邊有洋蔥粒粒，又係有口感，而蠔嘅鮮味亦都好出 簡單嚟講 - 好食👍🏻👍🏻Main:

ෆ 𝙑𝙞𝙡𝙡𝙖 𝟮𝟲 ෆ 尋日收工同朋友去𝘾𝙝𝙞𝙡𝙡 一 𝘾𝙝𝙞𝙡𝙡🥂呢個位於尖沙咀嘅西餐真係好有𝙛𝙚𝙚𝙡💭試咗呢個五周年二人套餐🍽️前菜有𝙅𝙖𝙥𝙖𝙣𝙚𝙨𝙚 𝘼𝟰 𝙆𝙖𝙜𝙤𝙨𝙝𝙞𝙢𝙖 𝙒𝙖𝙜𝙮𝙪 𝘽𝙚𝙚𝙛𝙏𝙖𝙧𝙩𝙖𝙧𝙚 𝙒𝙞𝙩𝙝 𝙋𝙤𝙩𝙖𝙩𝙤 𝙋𝙖𝙫𝙚 &𝙏𝙪𝙣𝙖 𝙏𝙖𝙧𝙩𝙖𝙧𝙚 𝙒𝙞𝙩𝙝 𝘾𝙧𝙞𝙨𝙥𝙮 𝙁𝙧𝙞𝙩𝙩𝙚𝙧 𝘼𝙣𝙙 𝘾𝙖𝙫𝙞𝙖𝙧✨另外 𝙪𝙥𝙜𝙧𝙖𝙙𝙚 咗𝙍𝙤𝙖𝙨𝙩𝙚𝙙 𝘼𝙧𝙜𝙚𝙣𝙩𝙞𝙣𝙞𝙖𝙣 𝙏𝙤𝙢𝙖𝙝𝙖𝙬𝙠 𝙎𝙩𝙚𝙖𝙠🥩火焰灼燒阿根廷草飼斧頭扒𝟭.𝟮𝙠𝙜好壯觀～真係即場燒俾你睇🔥餐廳職員超好𝙨𝙚𝙧𝙫𝙞𝙘𝙚 又好𝙣𝙞𝙘𝙚 環境方面你可以坐室外或者室內都可以望到維港🌊 仲有駐場歌手 成個氣氛勁好🎤🥁ෆ 𝙑𝙞𝙡𝙡𝙖 𝟮𝟲 ෆ 🚩尖沙咀麼地道66號尖沙咀中心地下G1-4, 22-26, 28-32及33A號舖

#villa26today is heavy rain. already continuous 15 day keep rain. lucky we are living in hong kong but not travel here as tourist, otherwise, we will ffking disappointing with this trip as nothing to see in raining days with wet and humid and hot weather in hk. simply nothing to do here and better stay in doors such as shopping malls and mesuem place. lunch time with not much choice here at tst. we choose this place. lucky we have staff discount, all bill 90%. sound cheap huh. but not that cheap

🌟彷彿置身豪華宮殿🏰，Villa26的格局高貴不凡，午後的陽光透過落地玻璃悄悄照進，環境靜靜地，好得意！個Wagyu Beef Carpaccio薄如紙片，滿滿的魚子醬似係加持咗魔法，😋咬落去，生和牛散發的甘香滋味，與魚子醬的鮮鹹完美融合，肉質鮮嫩得點解可以得咁完美！湯品上檯嘅時候，由遠處就聞到佢嗰陣陣蒜香，「熱辣辣」嘅一口，暖笠笠真心撫慰！🍲食完湯，主菜Grilled U.S. Short Rib切開時嘅聲音都好似在說："快D嚟享受呢份美味啦！" 軟嫩嘅肋骨肉，伴隨每一嚼嘅滋味於口腔綻放，佢嘅肉汁恰到好處地保濕肉質，真係過癮！嗱，唔好講得太多，我趕緊同個朱古力心太軟say hello。呢一刻，我同隔壁枱嘅人都冇分別，大家都係為咗呢個溶落嘅朱古力中心而屏住氣，配搭香草雪糕，味覺嘅節日即刻展開！🍮漫步尖東，next time一定會再黎這裡，同三五好友享受個靜謐嘅午餐時光。

我是大陆来旅游的客人，是因为路过来吃的，首先食物分量小但是价格虚高，最让我难受的是其中一个带眼镜年轻男服务员的态度。。。真的很差。菜单比较杂乱我们看的比较慢，然后服务员就上来问，说实话当时听不太懂然后感觉他有点不耐烦，找半天只看到红酒白酒说想点一杯鸡尾酒然后他就拿了菜单走了，我就有点疑惑没有菜名什么的吗，就把菜单要回来看一下，问这个鸡尾酒是随机的吗，然后服务员就语气有点烦躁的啊？了一声，我就想着算了说没事，他点了一下那个饮料的名字，想着他可能不太喜欢用普通话沟通我就不想让他麻烦就一直点头，然后他就把菜单拿走很用力的甩在那个桌子上。。。。真的价格不便宜花的很难受，其他服务员态度都挺好的还是不开心，这么高的服务费就这个态度我也真是不能接受了。。。。

同親愛的慶祝生日, 揀咗嚟 Villa 26 食晚餐 由於我地比較早收工, 無咩地方好行, 就嚟飲返杯啤酒, 叫個小食輕鬆下叫咗個燒牛舌, 好好味, 好軟身Main course 我地叫咗黑毛豬胺, 味道同個汁都唔錯另外叫多份黑松露蟹餅職員收好野, 就幫我地上埋甜品 Apple Crumble除咗職員好似好趕住幫我地上甜品, 係咁問仲要唔要, 幫你收起先... kaka整體嚟講, 我地都好滿意

我同老公已經十幾年前喺呢度食嘢，間唔中我見佢都轉過幾次名，今日興致勃勃返嚟再食多次！都係我哋鍾意食生蠔，所以就問咗個侍應推介左四款唔同特別嘅號俾我哋，上菜之後我哋好開心食到一啲好新鮮嘅生蠔，我哋再食咗個燒八爪魚，而家好多人食燒八爪魚，因為某某六星級酒店嘅八爪魚食出潮流，所以之後食燒八爪魚成為咗而家一個熱潮！然後我哋再嗌咗估唔到個牛扒咁咪好牛味同埋真係好好食，另外式牛扒當然要配一支紅酒🍷，老公就挑選左咗一支阿根廷嘅紅酒，味道唔錯果味幾香都好容易入口飲完會想嗌多支。之後我哋再嗌咗一個龍蝦🦞扁意粉好重龍蝦味呀好好食喎！最後甜品我哋嗌咗嗰個蘋果金寶啊，我係最鍾意食嘅甜品菜式，嚟到嘅時候總括嚟講都入口OK嘅，始終冇之前食第二間咁好食！總括嚟講，我哋下次都會再嚟食佢啲水準依然保持到下次我想再試吓其他餸

迷你蛋糕‘s birthday 一家總動員出巡食番餐Wasabi crab meat tartare份量少少，唔好比wasabi嚇親唔攻鼻，青瓜同車厘茄更添清爽Waygu garlic toast唔多覺有蒜味，牛唔會羶，汁夠惹味，合飲酒前打底Villa26"s pizza香濃蕃茄底，焗得香脆薄餅底唔會滯Lobster linguine鍾意扁爽質地既意粉，龍蝦同蕃茄係perfect match, 有無殼2件龍蝦Crispy Mocha Float & Nothing咖啡味幾突出，天氣夠凍雪糕唔易溶，雙重口感Leffe Blonde-Pint麥味幾重偏甜

好少食飯食到一肚氣要喺openrice寫評語，首先食物質素只係可以用普通來形容，2個人食左$1500 埋單，份量又細，完全覺得係over-priced。$1500 都屬於係中價，但係服務態度差到一個點！唔明點解咁大間餐廳食到10點鐘，而且餐廳內仍有大量空位嘅時候，食餐飯都要比侍應催幾次埋單，直情同客人講，快啲飲埋去，要交返張枱出來，請問呢啲係咩服務態度，如果間餐廳係好 多人等緊位，當然都唔想阻住人做生意，食完就會走，但係喺冇人等位而入面又大把位嘅時候，咁樣等同趕客冇分別，麻煩管理層檢討一下，要再培訓下前線員工的基本服務態度。總括來講，唔會有下次！

行開尖東海傍 一定會經過呢堆可以睇住維港景色食飯嘅西餐廳🌌其中一間就係Villa26夜晚喺户外用餐區飲杯野都氣氛好好🍹當日就去食個late lunch😋餐廳入面好寬敞 格調都幾豪華 樓底高 空間感大🪟可能因為成3點先去到 就包場咁制 得outdoor一兩抬客 我地就揀左室內嘅圓枱坐 張枱多到應該可以for 6個人 啲凳就成張office凳咁由於枱與枱之間距離好大 所以都坐得好舒服 好休閑嘅一餐lunch~🍽✨Waygu Beef Carpaccio with Caviar ($198)生和牛薄片配魚子醬好鮮甜😛入口甘香 口感好豐富Daily Soup ($-)Grilled U.S. Short Rib ($218)燒美國頂級牛肋骨🥩 肉嫰多汁 配埋燒汁一齊食Roasted Crispy Pork Knuckle ($288) 德國豬手伴酸椰菜冇諗過份量會大成咁 覺得應該適合4至5個人食(當日我地得兩個人😂)外皮烤到好脆但係啲肉就有啲鞋同乾Stella (happy hour $68) x2🍺Marquess (happy hour $78) 🍸Earl Grey Gin, honey

午市walk in 🫣🫣冇乜人 好快就可以入座✌️檯頭有支水（$78 +1）要收費嘅 但可以叫佢哋提供其他水🤣Lunch Set黑松露火腿薄餅（$168 +1）粟米忌廉餐湯 加上硬脆既麵包粒 好美味😋黑松露火腿薄餅 黑松露味唔重 好多蘑菇🍄 個醬都好好味 薄脆餅底 最鍾意食燶燶哋嘅位置🫶餐飲可以揀茶/咖啡/橙汁🟠我揀咗橙汁 應該唔係鮮榨嘅 冇乜果肉 不過都好好飲😙☁️食物唔錯 但服務一般般 感覺上呢度既侍應唔係好適合做西餐😹佢會特登問你邊個位 叫左咩餐 以為佢會跟返個位上菜 但其實都係亂咁擺😅

打完邊爐未夠盡興, 去朋友推介尖東海旁既餐廳happy hour, 呢度有望住維港美景既街景吧枱, 呢間好有格調得來又帶點寧靜嘅飲野好地方, 因為不會太嘈！我們下次會再來光顧。呢度有室內同室外的空間，所以唔會感到侷促。呢度店員相當nice, 服務一流, 另外, 店員介紹我們的沙冰特飲亦相當好飲🍹, 叫左Lai Chi smoothies & Mango smoothies 一定要試吓, 都好不錯！另外都開左2枝白酒, 充滿甜香味! 我們打完邊爐都未夠飽再order了一些小食。Fish Fillet and Chips🐟炸魚柳薯條非常正宗好味，厚肉得來炸了剛好全熟魚肉不會乾身而且仲脹卜卜，加上超多薯條做配菜，點埋個醬十分滋味, 4個人都食唔完, 非常滿足的一晚。Nachos🌮呢個相當有驚喜, 原來份量咁多既！ nachos 加埋肉醬味道, 伴碟跟埋sour cream同 牛油果醬莎莎醬, 希望可以再吃多一點呢, 但最後都吃不完!避風塘魷魚🦑避風塘魷魚夠大件，啖啖肉好滿足，亦好有魷魚味，好有酒樓的感覺。因為避風塘蒜粒金香可口的味道，雖然熱氣都唔理咁多啦!

經過尖東海傍發現了這間西餐廳牆上的星星佈置有一種懷舊浪漫的感覺店員安排了窗邊角落的位置非常闊落安靜每張枱之間有相當的距離Mocktail26's Punch (蘋果汁、菠蘿汁、藍莓糖漿、梳打水)Lemon Squash (檸檬汁、糖漿、梳打水)美國安格斯封門柳七成熟肉質仍鮮嫩多汁另外附上燒汁十分惹味燒比目魚柳伴蟹膏忌廉汁比目魚的外皮煎得香脆魚肉嫩滑加上軟綿的薯蓉和蘆筍伴碟忌廉薯蓉忌廉芝士香濃而不膩薯蓉軟滑十分有飽足感餐廳環境優美店員態度友善十分有禮貌亦會細心留意客人的需要主動加水

久未見面的親人，難得可以相聚共進晚餐，令人真正期待着享受一頓豐富美味的西餐， 用膳環境優美， 地方寬敞，枱與枱之間相距有足夠距離， 絕不會令人覺得擠迫，職員服務態度友善有禮，也沒有什麼限時用膳的要求，進入餐廳已經有不錯的印象，我們4人坐下後先來一客36個月西班牙風乾火腿芝士拼盤做前菜小食， 火腿香味濃郁， 加上幾種芝士配一些小生果馬上喚醒了静待已久的味蕾。用完芳香四溢的海鮮湯及洋蔥湯後，主菜方面，我們叫了一份12安士的安格斯肉眼扒，肉質鮮美多汁剛好5成熟； 牛肝菌意大利飯配法國鴨肝及鴨胸和魚子醬帶子忌廉意大利飯的香味在口中歷久不衰； 還有一客份量十足的比目魚扒；最後4人分享了一客心太軟和一客焦糖芝士蛋糕，為這次晚餐畫上完美的句號，有理由相信我們會在短期內再次幫襯呢！

尖東一帶附近都有幾間傾計飲嘢嘅食肆，呢間裝修格調算係中上，算係坐得最舒服，包括枱與枱嘅距離，特別一讚佢張凳，睇得出裝修傢俬係幾揼本，張凳夠大又坐得舒服，傾偈泥講呢間算係幾靜，普遍都係斯文客。幾位侍應嘅服務都幾好，好有禮貌，令我印象幾深。食物方面唔錯，唔算話極高質，但對冇要求泥講，佢叫好好;對有要求泥講，佢叫唔錯，當日我哋三個人叫咗牛扒，巴拿馬火腿芝士拼盤，一個意大利飯，開咗兩支red wine，價錢算中上，但係合理。