V28 Bakery (已結業)

肉醬香腸熱狗+珍珠奶茶肉醬香腸熱狗即叫即製，香腸佢係好大條嘅法蘭克福腸，香腸外層係脆皮。肉醬製得幾入味，仲加入咗生菜做底，熱狗上面會滲上香草。值得一題，係佢哋會將碎芝士放入微波爐，然後淋上熱狗，做到拉絲效果，非常之有誠意，一啲都唔似傳統麵包舖嘅產品。整體上成份肉醬香腸熱狗都好出色，勝價比好高珍珠奶茶就一般，茶味唔算特別，但珍珠都幾有咬口。整個套餐只係$35真係非常之抵

係德田嘅呢間麵包舖比其他麵包舖更加特別，除咗有一半麵包售賣之外，仲有得買熱狗！包括有芝士法蘭克福腸熱狗丶芝士脆雞粒熱狗！兩隻都非常值得嘗試，最值得一提嘅係佢哋嘅芝士，見到佢哋將碎芝士擺喺微波爐叮熱，然後再淋上去熱狗上面！仲有得加錢買珍珠奶茶同其他台式飲品！完全係人間美食！呢度嘅芝士食落去仲有拉絲效果，熱狗包同埋香腸都係即嗌即烘熱，好好味架！

環境:係藍田附近經過的人可以試試，因為藍田德田很少特別食市，加上依間好食，但環境不太好。麵包舖環境很細，夏天會有烏蠅係麵包上飛來飛去，買完建議出去行下等熱狗，店得外賣無堂食。食物:我推薦試試，全部熱狗都係即買即做，要趁熱食先好食，凍左芝士會凝固無咁好食。喜歡食炸雞的人可以試試，但脆雞粒係微辣，炸粉都有點多，但配合熱狗加埋幾適合。但如果唔鐘意食番茄醬的人不適合食，全部熱狗都有番茄醬。

今早晨運完畢，經過此店，被此店櫥窗內的一款麵包吸引了， 驟眼看似是一個蕃薯， 見剛剛出爐熱辣辣，便買了一個回家嚐一嚐。外皮似紫色蕃薯，內裏有麵包紫薯蓉和一條連皮黃心蕃薯。外形討好， 味道也不錯，外皮香脆，內裏蕃薯香甜， 剛剛出爐熱辣辣，為呢個有點涼意嘅清晨帶出一點暖意和驚喜