UURO

營業中

休息中

之前經過東港城，睇住依間餐廳裝修同開張，早幾晚終於嚟咗幫襯，超好生意，因為性價比超高，唔怪得知顧客絡繹不絕😂慢煮牛臉頰 $108配小食香烤粟米作為牛臉頰控，一見到餐牌有依個選擇即刻不作他選😂肉質好軟淋，配埋粟米🌽好正，份量仲好多。煙肉白酒鮮蜆闊麵 $78大堆頭嘅蜆，食極都有，蜆肉味甜，闊麵好掛汁，仲加咗蕃茄仔，感覺好清新健康😋松露野菌手工Pizza $78食咗咁多肉，叫返個素Pizza, 松露好多好香，一啲都唔吝嗇🍕依度嘅主食可以+$23配餐湯裸麥包及飲品，可以揀紅湯或白湯，另外佢嘅裸麥包好好食，甜甜哋好有麥香，我想encore😂焦糖海鹽雪糕牛角窩夫 +$28黑白心太軟 +$28雖然好飽，但都好想食甜品，窩夫好重牛油香，配天藍色嘅海鹽雪糕，好靚好好味。黑白心太軟流心做得唔錯，唔會太甜。評分：最高為5分治癒度：👩‍⚕👩‍⚕👩‍⚕👩‍⚕抵食度：💉💉💉💉💉翻兜指數：🩺🩺🩺🩺UURO將軍澳重華路8號東港城1樓188號舖📍坑口港鐵站A1出口12分鐘路程

每次lunch都好多人排隊，今次12點啲人龍少啲，等咗10分鐘就有得入，6個人安排坐梳化卡位，有少少逼，張台唔夠位放晒所有菜。叫咗二個pizza,都好有質素，好脆而且有拉，好食過pizza hut👍叫咗一個龍蝦湯海鮮天使面🍽，同埋一個龍蝦湯蟹肉天使面🍛，個龍蝦湯及蟹肉其實味道好淡，海鮮天使麵材料高啲比較好食; 反而個海鮮燉飯好入味，好快清曬😋叫多咗兩個甜品:🧁個tiramisu係海綿蛋糕底，加咗啲類似乳酪嘅物體酸酸地，煎餅嗰個cream會會撻咗落嚟，味道一般海鹽紅豆雪糕窩夫係比較好食，窩夫其實係將牛角包壓成窩夫，好鬆化，配埋海鹽雪糕鹹鹹地幾match，有紅豆反而平一蚊，幾搞笑😂飲品方面，特別飲夠大杯，咖啡就係一般，仲要用紙杯上😑

整體4/5～有性價比嘅Cafe👍～主菜（雞扒漢堡飯千層麵嗰啲）好食，不過食完冇印象😂我閱歷少其實覺得還好，呢個價錢有呢個質素我會再幫襯，但係食開貴嘢嘅屋企人就好似唔係好滿意了～作為藍色食物愛好者嗰海鹽雪糕焦糖牛角包簡直係天選甜品，海鹽雪糕當然夠海鹽味，奶蓋都超級好食無謂提，主要係嗰牛角包真心超級好食，焦糖味好濃但係唔膩，而且同嗰雪糕+奶蓋好夾，一熱一凍，啲雪糕融咗唔緊要佢會滲入去舊包度，連埋個奶蓋食更加好味！！！晚市加十幾蚊就有得食，午市普通價都係四十幾，超級抵食，快啲去食⋯～服務OK！記得有個好熱心嘅店員叔叔，佢好Q㗎同埋好熱心服務，態度超好🙂‍↕️🙂‍↕️

呢間餐廳裝修得幾靚，聽聞呢間店嘅豬鞍好食，一於黎試下🙆🏻‍♀️黑松露野菌義大利飯 $78Rissoto第一啖食落幾好食，黑松露的香氣濃郁，飯粒吸收咗濃厚的味道，口感滑順，不過食多幾啖就會有啲膩！🥲香煎有骨豬鞍 $158香煎有骨豬鞍外焦內嫩，豬肉的肉質鮮美，唯一不足嘅係啲肉太肥，基本上都係肥膏🐷蜜糖芥末雞中翼 $38蜜糖芥末嗰汁幾好食，雞中翼味道酸甜適中，不過雞肉有啲overcooked😭心太軟味道正常，配奶蓋醬幾特別，不過覺得心太軟太甜🤣總結：最好食係前菜芝士烤菠菜🥰，其他菜式一半，整體味道正常🙆🏻‍♀️

野食選擇種類都多 而且味道唔會太濃 就算有小朋友都岩食 好欣賞佢個炒飯 粒粒分明 而且一碟就滿足到小朋友 估唔到佢既甜品好似梳乎里咁 都好出色 味道吸引之餘又唔會太甜 係一個想食西式野既好選擇

-UURO 將軍澳一早去銀行整完野諗住食個靚早見呢間要排隊，就試下佢啦～雖然要等位，但都係5分鐘就入得入面都好大好多位坐低掃QR code落單落完一個之後撳極都落唔到第二個最後要麻煩店員幫忙落單叫咗*香草雞扒配煙肉 熱奶茶不過不失 熱奶茶無味*意大利蕃茄鮮野菌湯扁意粉 熱咖啡蕃茄湯無味 唔好食最後仲要發現個攪棍係好污糟🫣埋單$97

放工放假係要出去chill下歎個靚西餐，款款上枱都忍唔住要打返個卡先~~平民價錢得來都幾精緻好食！ 🍕 松露野菌手工披薩全手工PIZZA，即叫即做，拉絲芝士，加入雜菌，香甜濃芝士，芝士控表示超愛，最surprise係松露味好出！ 🥦 長柄西蘭花呢個係店員推介食，都幾有特色，我既感覺係... 好似食緊芥蘭既口感，菜心的味道，但佢係一條西蘭花~~ 多重口感幾個層次，都幾特別！ 🥘 西班牙海鮮飯雖然我去過西班牙食過正宗Paella，但呢個都算係幾重口味近原味的8成水平，有驚喜！重料份量算對得住個價錢！ 🍛 香煎三文魚扒煙肉無米飯食完都超級無罪惡感的飯！因為呢個飯係椰菜花黎架！仲有煎三文魚omega3超健康！我地兩個係秒清左！ +$23配是日餐湯 (紅/白湯)、裸麥包及指定飲品(+$8升級特飲) 🍹 西柚檸檬乳酸梳打酸酸甜甜，清爽解渴，係春夏既味道！ 🧋 奶蓋奶茶厚厚的奶蓋，加上我喜愛的奶茶，飲完係停唔到口既~ +$28升級甜品🥐 牛乳紅豆窩夫海鹽牛乳雪糕，加入紅豆、壓扁牛角包實在無得輸！外脆內嫩，外凍內熱！好食！ 🥞 熔岩提拉米蘇只係上桌時都已經好震撼啦！邪惡之選！好正好creamy！

最近同朋友去咗位於將軍澳嘅UURO,餐廳主打摩登歐陸式菜餚、手工類製品及慢煮料理🍽除咗將軍澳外,青衣、鰂魚涌同元朗都有分店📍 UURO食物款式多,食材新鮮用料豐富😚為大家帶嚟歐陸風滋味😛 燒春雞皮脆多汁嘅燒春雞🐔半隻都好大隻🤩啖啖肉,肉質嫩滑勁juicy💦另外會配上特色配菜一款,我揀咗香烤粟米🌽粟米香甜爆汁,加上辣粉非常惹味🌶龍蝦汁龍蝦鮮蜆意大利飯用上龍蝦濃湯慢煮出口感煙韌嘅意大利飯,口感creamy🍚燉飯吸盡咗海鮮湯汁嘅鮮味🤩飯上面有大大隻龍蝦,味道鮮甜🦞同埋大大粒蜆肉,口感豐富,香味四溢😝香脆薯條配黑松露醬炸得金黃色嘅薯條,好味到一條接一條🍟點埋黑松露醬一齊食又有另一番風味😛BBQ雞中翼香脆可口嘅雞翼,配上BBQ醬一齊食,夠晒滋味🐔黑白心太軟一切開係流心嘅朱古力醬🍫心太軟外層香脆,朱古力味濃郁,上面淋上白朱古力醬,加埋杏仁碎碎,味道層次豐富😛飲品方面叫咗西柚檸檬梳打紅茶,同新鮮冷壓檸檬茶🍋清新解渴🌿夠晒透心涼🧊📍UURO (將軍澳)將軍澳重華路8號東港城1樓188號舖

來到了將軍澳東港城搵野食,搵到呢間UURO,門口睇落裝潢都好新,環境唔錯。入到去坐既位置都好闊,坐得好舒服,睇完MEUN後就用手機自己下單。今次和朋友2人點左幾個菜式。晚市可加$23 就有埋餐湯、裸麥包同飲品,當然一定要加購啦~今次點了紅湯,入面有好多蔬菜粒粒,可見好足料。個湯係少少偏酸既,但都好開胃岩晒我口味。而裸麥包係呢度既餅房整,所以好新鮮,而且咬口十足,好好食,想再encorn。✨優質澳洲穀飼西冷牛扒 10安士 $188 西冷牛扒係已經切好先上檯,所以好方便。今次我點了7成熟,廚師都做到7成熟要求,所以賣相都好好睇。而牛既味道方面真係唔錯,食入口有肉汁之餘牛味都仲好香,呢個價錢來說真係算性價比高。而配菜方面都有好多選擇,我就簡左西班牙青椒。呢個西班牙青椒係完全唔辣的, 青椒配上海鹽真係好正,青椒味好出之餘又唔會有草青味。✨三文魚蟹子煙肉炒飯 $82 呢個炒飯份量十足,而且三文魚蟹子煙肉都好多,其中我覺得三文魚蟹子真係好夾,令到啖啖飯既口感都豐富。飯又炒到粒粒分明,真係大推✨牛乳雪糕紅豆牛角酥 +$28牛角酥配上海鹽牛乳雪糕已經好吸引, 牛乳雪糕既牛奶味好香濃,雪糕味更突出。而加

3月尾與家人到餐廳晚飯，其中一個餐湯，家人飲到底發現有一支牙籤，我地叫左其中一個侍應埋黎，佢極速拎走個湯，只係講左句唔好意思，我再次叫個侍應,我話就咁拎走後唔洗處理?佢就話補番個湯比我地，家人話仲飲得落咩，佢只係再講多次唔好意思，再問多次要唔要補回一個湯，我地話唔洗，就話送個小食比我地，令家人都無胃口再食其他食物，我地知道唔關侍應事，但唔係咁處理，同行有小童都有飲呢款湯，如果無為意，好容易發生意外，個湯佢地照收費，最後講多句唔好意思道歉了事.

去開坑口搵野食，行過見到間裝修幾靚，估唔到menu仲要好抵食😯! 晏晝時間都坐滿左好多人好爆場😃馬格列特手工披薩($85)Pizza尼到都幾大個🍕，芝士味好香濃，而且餅底唔厚，唔會又乾又硬咁!👍🏼龍蝦湯海鮮天使麵($69)好足料嘅意粉，有好多海鮮，蜆、蝦、青口同元貝等等都有🤩。龍蝦湯都好香，仲配我最鍾意嘅天使麵，夠幼夠滑仲好吸湯😋😋蜜糖芥末雞中翼(+$15)B8Q雞中翼($15)見到有得用套餐加配價去叫小食，即刻2款味道嘅雞翼都叫哂🤪! 雞翼炸得好香脆，雞肉仲好juicy好嫩。2款醬汁都正，BBQ好惹味，蜜糖芥末就酸酸甜甜幾解膩🤤熔岩提拉米蘇 ($38)好吸引嘅甜品，tiramisu仲加左奶蓋，味道好豐富🤩🤩! 而且好驚喜地竟然唔甜，入面蛋糕比cream多，好啱我口味!🤗😋西柚檸檬乳酸梳打(+$8)奶蓋奶茶(+$8)呢到飲品都幾有特色，西柚檸檬乳酸梳打就酸酸地好香果味🍹。奶蓋奶茶嘅奶蓋都好厚又濃，一齊飲都幾甜好邪惡呀!😈

😋西班牙海鮮飯西班牙海鮮飯原來係可以咁好食🤤咪睇佢白色一粒粒，原來唔係用白米煮成飯，而係用西蘭花嘅菜粒加魚子同肉粒炒成飯。卡路里低又冇罪惡感，真係有創意～😋奶蓋奶茶奶蓋奶茶不過不失，味道傾向偏甜！😋香煎三文魚扒煙肉披蕯這個三文魚出乎左我意料之外，無唸過三文魚煎香後肉質唔變鞋口。而且味道鮮味。😋長柄西蘭花這個要特別介紹一下：因為香港唔係隨便入街市就可以買到，餐廳老闆好細心，想好多人都食到，特別引入呢一道菜，樣子似西西蘭花味道似菜心。用蒜香料理過，又健康又好味！😋西柚檸檬乳酸梳打朋友喜歡西柚檸檬梳打，我自己就覺得有點酸！😋松露野菌手工這個松露菌的菌菇好好食，菇味香濃，配了芝士特別香口，Pizza批底薄脆，感覺唔會滯！🤤🤤🤤🤤🤤🤤🤤🤤

其實呢間嘢都幾似茶記嘅。價錢同茶几都差唔多。咁食物方面就梗係冇出邊西餐廳個質素啦，但係個價錢完全係符合個食物質素嘅。嗌咗個意粉同埋焗豬扒飯，意粉嘅醬都OK嘅，所以啲料比較少。至於焗豬扒飯，比大家樂嘅好食。仲有嗌咗個西多士，雖然冇大陸嘅文通冰室嘅模式，但都算係不過不失。之前見到啲食評話佢啲嘢唔好食，但我又覺得大家唔可以用出邊西餐廳嘅質素嚟同呢間茶記比較。同埋呢間茶記嘅座位非常之多，都容易等到位。算係一間好嘅茶記啦。

開左之後間唔中都會幫襯午市要拎飛，不過好快都已經有位見到我同行有小朋友都先問我坐唔坐bar枱幾細心黑松露醬野菌手工pizza即叫即焗，松露醬勁香醬野菌都有唔同既菇， 好好食Carbonara螺絲粉好大兜，醬汁都算濃但稀左少少如果杰返啲更掛汁仲好本身想食大蝦闊麪，但QR code落單時發現無左呢個，變左做龍蝦汁如果menu同返qr code同步都會好啲因為本身係門口睇menu 小朋友一心想食呢個點知落單時無，有小小失望呢

呢個係我呢世人食過最難食嘅西班牙炒飯完全得一浸燶味，（燶味真係完全接受唔到）咩味都食唔到，軟硬度完全係好似食緊濕咗嘅飯啲姐姐服務態度又差，放低嘢食個陣，張枱都已經冇乜位，見到有吉嘅湯碗，（特登放喺邊位想方便收）都可以明見到都唔收，要出聲先肯拎走食Pizza問佢哋拎刀，啲態度好似得罪佢咁成班呀姐喺度大聲講大聲笑