URBAN Cafe (彌敦道)

營業中

休息中

今次同男朋友去咗喺旺角嘅 urban cafe,除咗有好多貓貓之外，啲嘢仲好食☺️我哋去到叫咗個二人餐有餐湯有沙律🥗餐湯係南瓜湯，勁creamy❤️又好滑身。男朋友本身唔係好鍾意南瓜味都飲得晒一碗🤣Ribs同埋意大利飯一定要試，兩樣都好好味Ribs 好入味❤️而且好嫩口☺️我哋仲叫咗個四川麻辣雞鎚感覺好特別，辣辣地又好滑🥰調味岩岩好，唔會好辣同好咸，正呀我地仲加左甜品心太軟☺️味道都唔差架，仲要即叫即做😍真係一個唔錯嘅體驗😝去開旺角又想去cafe嘅你快啲去試下啦💕💕

大家都知道我非常熱愛寵物💕今日收早就去咗旺角嘅Urban Cafe，食好西又可以同貓貓玩☺️我哋兩個人叫咗二人套餐（$278）有兩個南瓜湯同沙律🥗哇～呢個南瓜湯超好飲，好濃郁😍沙律菜夠新鮮🌱加$28 滋味二人小食拼盤，有薯角，炸雞同腸仔～兩個主菜西班牙黑毛豬肋骨，雖然個面黑黑地，不過肉質都好滑嫩，好入味😋日式青蟹籽大蜆大蔥忌廉扁意粉第一次食青蟹籽，幾特別～忌廉汁淡淡地唔會太膩～都幾多蜆👍🏻飲品叫咗香橙檸檬茉莉花茶，成壺上，慢慢飲💕最後加咗個甜品+$25 抹茶味雪山心太軟，一切開抹茶流心流曬出嚟😍仲有曲奇味雪糕，唔會太甜😋超滿足，正！.初初以為喺貓貓🐱做主題，對嘢食冇咩期望，不過原來嘢食都超好食😋高質兼抵食！所以人比較多～大家記得要book位啊！

又嚟到URBAN cafe食午餐嚟探貓咪喇，每次嚟探佢哋啲煩惱都會冇晒！隻隻都好活潑可愛，今次用open rice訂定位，唔使企喺門口排隊等位。香辣蒜香蜆肉野菌橄欖油炒意大利麵$57- 我地都揀左藜麥胡麻醬野菜沙律，沙律意外地好味，生菜新鮮，藜麥同胡麻醬味道配合。朋友話意大利麵辣度充足，好刺激！秋葵野菌忌廉意大利飯$60- 意大利飯調味較輕手，整體味道較淡，秋葵野菌感覺健康。可能因為素食，所以食完好快就肚餓。建議如果可以加少少肉類應該會更好。主角貓貓今次有罐罐食，活躍左好多！如果疫情緩和，應該有更多顧客光顧！

油麻地有間貓餐廳，今日就同個貓癡嚟呢度食嘢順便玩貓貓。入餐廳之前要先穿上鞋套，給人非常衛生嘅感覺。呢度嘅午餐價錢一啲都唔貴，一般意粉扒類薄餅等大概$60就已經有齊餐湯沙律同餐飲，就算牛扒餐都唔過$100，仲有貓貓娛賓，算是價錢相宜。沙律用上芝麻醬，加入藜麥及蕃茄，清新又飽滿。南瓜忌廉湯，入面仲有淡淡的南瓜肉，好味又有口感。呢個豬扒味道都唔錯，佢係首先煎香豬扒之後喺上面再加車打芝士，然後稍為焗一焗，待芝士融化後再淋上黑松露燒汁，旁邊配有薯角同蔬菜，味道不俗。紅咖喱蜆肉意大利飯帶微辣，唔食得辣嘅朋友相信都會接受呢個香多於辣嘅味道，入面蜆肉同野菌份量都唔少，味道醒神又飽肚。雖然特飲要補差價，但嚟得cafe都會想要杯特飲。呢杯蘭香子雜莓綠茶酸酸甜甜幾好味。薄荷朱古力味道清新，奶泡香滑，而且都係大大杯。窩夫即叫即製，上碟仲係暖笠笠又脆口，呢個價錢甜品大大份真超值！綠茶心太軟有流心效果，配埋雪糕一冷一熱真係大滿足！

#urbancafehk 放假想鬆一鬆，又想hea 又想有玩又想食野，就和朋友一齊去了貓貓cafe。同貓貓影相和食個dinner🐱🐱🍱🍱雖然貓貓是主題，但食物質素都要好先可以長有長做，這一間就做到這一點！食物種類都多樣化，價錢多唔貴，我就點了二人套餐 $278 有沙律，餐湯，可以選兩個主菜，飲品🔹日式青蟹子大蜆忌廉汁扁意粉，份量蠻多的，扁意粉軟硬度適中，蜆肉都唔少，鮮甜味道浸泡入忌廉汁，推薦之一👍👍👍👍🔹 西班牙黑毛豬肋骨， 好易切開唔會嚡，份量唔細，整體也不錯😋😋🔹滋味小食併盤 跟餐加 $28，有炸唐揚雞、法蘭克福腸、炸薯角，都抵食😊😊🔹雪山心太軟 跟餐加 $25 ，真心抵食，除了有朱古力味心太軟，還有一球雪糕🍮🍨認真製作😉😉😉Urban Cafe地址: 旺角彌敦道566-568A號僑建大廈2樓電話: 6832 6990

限聚令重開後嘅第一餐晚餐當然 選間黃店嚟食啦！ 今次就食旺角 彌敦道嘅cafe，食吓西餐咁！一去到就有不同顏色，特徵嘅貓店長歡迎我哋！ 隻隻都可愛，有啲仲好為食添😺 安格斯牛肉手工竹炭漢堡配薯角$92厚厚的手打漢堡扒非常juicy,，脂肪含量唔高，加上蕃茄同芝士，非常滿足，而且有菜有肉，感覺健康balance，頂同底用上軟軟的竹炭麵包，比較特別！日式磯煮鮑魚薑蔥香蒜炒意大利麵$108朋友點的意粉，估唔到cafe都會煮有磯煮鮑魚，size都唔細吓, 彈牙鮑魚充滿甜甜的醬油味，意粉煮得剛剛好，唔冧唔硬，口感很好。特濃鮮奶朱古力 $48青檸薄荷蜜糖梳打 $58兩杯飲品都幾好，朱古力香濃得嚟奶茶都重重的，飲完出現幸福感❤️而梳打果味都濃，甜甜香香的帶種清新開胃嘅感覺。精選是日蛋糕配雪糕 $48 (蘋果芝士餅)芝士蛋糕有少許厚身，上面舖左啲萍果醬，味道都夾嘅！加上香滑嘅忌廉同焦糖餅乾雪糕一齊食，令我哋兩個都甜曬～！

係已經幫襯過幾次嘅urban Cafe～雖然我哋都鍾意貓貓 但吸引我哋去嘅反而係食物🙈好多時貓貓Cafe嘅嘢食都令人失望但呢間相反 好有驚喜 所以對我哋嚟講回頭率都好高今次夜晚嚟到 嗌咗個二人set $278乜都有齊 最抵食～餐湯沙律 最鍾意嘅佢嘅餐湯夠Creamy又足料 今日係南瓜湯 好甜好香西班牙黑毛豬肋骨配意粉豬肋骨燒得好香～ 冇諗過豬都咁好食🤣豬肉好嫩 配長番茄醬都唔會太濟配嘅意粉蒜炒過 所以都好香 不過就會有少少油溫泉蛋煙肉野菌黃金卡邦尼扁意粉意粉煙韌 加埋溫泉蛋好滑好Creamy兩杯嘢飲非常推薦雪糕棉花糖朱古力上面嘅朱古力雪糕配上餅碎 好有口感

-2人套餐 $298🔸三重芝士肉醬意大利麵🔸意式辣肉腸拉絲水牛芝士手工薄餅🔸滋味二人小食拼盤 +$28-星期日放假最啱就係約閨密，搵間cafe輕輕鬆鬆hea一日啦！呢間旺角嘅樓上貓cafe除咗好多活躍唔怕陌生人嘅主子之外，食物質素都非常不錯呢！兩個人叫個二人套餐，自選兩款主食，仲有餐湯、沙律、餐飲，就有主子伴食90分鐘。今次食咗肉醬意粉，大量芝士極吸引，醬汁調味恰到好處仲撈得晒成個意粉都仲有淨抵讚～另一款叫咗辣肉腸pizza都係熱辣辣上枱，細細個兩個女仔食都唔會太heavy呢。另外加咗份小食拼盤，有法蘭克福腸、唐揚雞塊、薯角，一路談心一路食真係啱晒啊！

星期日兩點左右黎到門口要排一陣等位係門口戴上鞋套同消毒好先可以入座Menu有二人套餐揀，又幾正呢個套餐有餐湯沙律主食同埋飲品我地仲+埋2人小食拼盤，超級豐富忌廉南瓜湯- 個南瓜湯有南瓜絲架，好味呀2人小食拼盤- 有薯角，法蘭克福腸，唐揚雞塊炸得好好脆卜卜卜～鍾意香口嘢食嘅絕對要叫！即磨芝士黑松露野菌大啡菇忌廉意大利飯超多芝士舖哂係面，好多菇都幾香黑松露味但意大利飯就乾咗啲，唔夠汁感，creamy啲就好巴馬火腿拉絲水牛芝士手工薄餅PIZZA好大塊，切到四塊好大塊下重點係皮邊脆口好好食，仲有好多芝士，正！水蜜桃冰沙-最鍾意飲呢個，唔會勁甜又好好味再食都係因為佢，呢到啲沙冰係有驚喜的！人氣CAFE唔係冇原因！有得食又有貓貓玩！

自從上次跟朋友嚟過一次就愛上左呢度一個月內我食左5次喇呢度啲貓貓有種魔力一個月前我驚貓驚到痴線依家我買埋逗貓棒去同貓貓玩點解佢地可以咁得意㗎😍😍講番野食先因為唔太餓就冇叫set喇散叫左4樣野食夏威夷pizza批底鬆軟 批邊少脆芝士多到遮晒個面 可以拉絲楓糖漿蕃薯條蕃薯本身嘅甜 撞埋楓糖漿兩種層次嘅甜 好正呀推介 如果份量再多啲就更好温泉蛋煙肉野菌黃金卡邦尼扁意粉温泉蛋蛋黃撈勻一齊食好滑好creamy川式麻辣酥炸雞鎚呢個對我嚟講太炸喇相對上較為失色食飽清晒枱面啲野就可以盡情同貓貓玩喇真係好肥好可愛呀

剛好在旺角做完facial，就過來看我的貓🐱主子了。作為不合格的鏟屎官，選擇偶爾過來擄擄別人家的貓咪，既沒有特別大的責任，又滿足了自己滿滿的愛心。值得讚揚的是，餐廳一向注重消毒和衛生。疫情之前，就有注意給每位客戶消毒佩戴👞套。這樣既保證了客戶的健康，更加為了貓主子們的開心快樂成長著想。 重點是餐廳的東西超級好吃😋😋份量又大，味道又好，絕對抵。 燒紐西蘭牛肉眼扒 89牛肉入味，份量超級充足，肉質鮮美多汁，一口下去，融化在心間。 日式溫泉蛋煙三文魚田園野菜沙律 49沙律超級新鮮，還有好大片的三文魚，鮮美可口。 雪山心太軟 58🐱貓的最愛，吃到一半，差點被他搶去。 香橙檸檬🍋茉莉花茶 69花茶，絕對是放鬆心靈的良藥，點上一杯茶☕滿滿煮出香味。難怪懂得生活的人，都懂得喝茶。 洛神紅梅荔枝蘇打 42酸酸甜甜我的最愛❤URBAN Cafe (彌敦道)旺角彌敦道566-568A號僑建大廈2樓

第一日開返晚市堂食，即刻搵返間樓上cafe chill下🥺🥺呢間cafe入門口前要先著鞋套，應該係因為有貓貓既關係，仲要量體溫同消毒雙手👍🏻嗌左個抵食二人套餐 $278~呢個set有餐湯，沙律，兩款主食同埋飲品✨忌廉南瓜湯飲落好creamy，而且足料，淡淡都有南瓜絲！✨藜麥野菜沙律沙律菜新鮮爽脆，加左醋汁好開胃😚✨溫泉蛋煙肉野菌黃金卡邦尼意粉好多汁岩晒我🤤再加埋溫泉蛋！好正，無得輸，非常順滑既口感👍🏻✨意式辣肉腸拉絲水牛芝士手工薄餅餅底厚薄適中，最吸引當然係拉絲😆相機食先之餘，味道都幾好！✨滋味二人小食拼盤 +$28有法蘭克福腸、唐揚雞塊、薯角~全部即炸👍🏻唐揚雞塊幾好，夠juicy一啲都唔乾身🤤✨朱古力雪山心太軟 +$25最後點少得甜品，叫左朱古力味，做到流心，暖暖的，食完好滿足😚😚最後當然食飽飽爭取時間同貓貓玩😍😍😍真係好得意😍😍😍

Food is not good,service not too. Cats are cute but the restaurant is over crowded and seems the cats have no much place to play around .

朋友話黎Urban cafe食，上openrice search下，咦咦，好多貓貓相好似幾得意咁喎，就試下啦。去到門口要先著鞋套，再量體溫同消毒雙手，做足防疫措施感覺安心喎。小店限時90分鐘，快快決定好就落單先。先來個藍花皇家伯爵荔枝紅茶，自己一向愛茶，呢度個花茶價錢唔貴又大壺，仲有蠟燭暖住㗎，伯爵茶好香好好飲。朋友就點佢至愛嘅Oreo脆脆特濃朱古力，超濃朱古力味無失望！跟餐送的沙律，菜新鮮爽脆，加上甜甜酸酸千島醬汁好開胃。點左午餐嘅泰式青咖哩雞肉野菌忌廉意大利飯，呢樣好受歡迎勁多人點。青咖哩香口不辣，估唔到做成忌廉意大利飯又咁夾喎，泰式fusion西式？哈哈，仲有無骨雞肉，啖啖食好正。愛肉食嘅朋友就點左蒜蓉燒汁紐西蘭牛肉眼扒配意粉，大大塊扒佢睇見就開心。八十幾蚊嘅價錢唔可以期望有好靚嘅牛扒啦，但呢個價錢收貨有餘了，有牛味無筋，加上個蒜蓉汁好香口，好味。最後仲點左甜品雪山心太軟，心太軟有朱古力同綠茶口味，我地揀左朱古力。切開都幾流心，朱古力味濃，旁邊個雪糕勁正，入面有曲奇碎㗎。另一份係美式鬆餅配雪糕，賣相好靚，鬆餅香軟重蛋味，好味呀～店內貓貓不怕人，仲會跳上你個身同你玩㗎。兩個人三百幾

✨西班牙紅蝦東瀛蟹籽墨魚汁扁意粉 $108紅蝦煎得好香 墨魚汁都夠濃 每條意粉都掛到汁🤤份量都算多😝如果多啲蟹籽就更正😛✨菲力牛柳配香草荷蘭汁 $158可以揀薯菜或者意粉 我地揀左薯角 好少食菲力牛柳 望落外皮脆脆地 肉質意外地軟腍juicy🥰值得一提係個薯角!!有少少辣粉好惹味😆✨避風塘香酥雞翼 $58雞翼有五隻 尚算juicy ~ 雖然menu有一隻辣椒仔 對於我呢個唔食得辣既人黎講都覺得冇乜辣味🤔如果可以再重口味啲就會更有避風塘既感覺！✨Oreo脆脆特濃朱古力 $58朱古力味真係幾濃😆仲有好多oreo碎😛嗌左少冰都唔會覺得太甜~Btw d貓貓真係好cute🥰好治癒☺️