UCC COFFEE SHOP

營業中

休息中

唔想去茶餐廳，諗住俾多少少去UCC，坐得舒服，又唔使搭枱，靜靜地食個公司三文治同飲杯靚咖啡。食物質素都OK嘅，但係服務真係⋯⋯唉。要scan code落單，ok，大勢所趨冇問題。張枱有水漬，我忍。問侍應攞茄汁，以前佢哋會將茄汁唧落一個小容器再遞俾你，依家成支茄汁擺喺你面前，我以為我去咗茶餐廳。問佢哋攞濕紙巾，冇喎。完全零服務，但又收我加一服務費。茶餐廳兩倍價錢，但服務質素比茶餐廳還要差。以前食lunch要攞飛排晒隊，今時今日Walk in隨時有位。UCC忠粉唔再返轉頭，係有原因嘅。

夜晚九點想食甜品入去時問清楚收2200三個人叫咗一壺花茶 一杯凍朱古力兩個Waffle 九點半叫埋單都OK埋張單$300 但到九點四十分 我哋個waffle 仲食剩一半嘢飲又未飲晒 埋嚟問咗幾次執得嘢未最後一次佢哋已換埋便裝等收工咁款問執得未 廢時阻人收工所以未食晒都走人了佢哋收十點意思係咪員工收十點定餐廳收十點…….杯朱古力好飲 好多CreamWaffle 就普通 一份都好大份同好多cream 三個人食兩份都好飽 環境其實幾好坐

朋友喺銅鑼灣工作，去搵佢食lunch，呢間坐得舒服，價錢合理。我食左個期間限定的lunch set鮮蝦明太子意粉份量足夠，醬汁唔會太咸，蝦夠爽口另外仲有塊法包跟呢個lunch set 包飲品其他意粉飯加錢可以有飲品，另外加錢可以任食沙律吧，要全枱一齊加沙律吧先得，所以我同朋友都冇加。餐廳好大，位置舒適，夠空間。

今天到了UCC銅鑼灣廣場吃午餐，叫了鵝肝意大利飯及黑松露煙肉意粉。先說意大利飯，主角鵝肝無問題，全碟飯只見「一片」蘑菇，意大利飯我們不懂欣賞，跟據以往經驗，今次評分最低，飯餘下一半。至於黑松露煙肉意粉，估計煙肉來價標升，所有細長條型煙肉，大約只有十分之一是肉，其餘全是肥肉。由於午飯，時間緊迫，只是臨走時向侍應反映，有沒有反映，不得而知。提議餐牌改為黑松露「肥煙肉」意粉，讓顧客落單前清楚，以免誤會。當日雖然午飯時間，約1點半，食客不多，很多空檯，相信不是廚房最煩忙時段，埋單二人加飲品套餐近400元，卻享受如此特別的午餐，真令人意想不到！！！特此撰文，留為紀念。

今日買嘢買晏咗行吓行吓去到銅鑼灣廣場，諗起這間UCC餐廳，最少有10年冇嚟過，想懷緬一下！叫咗個set dinner牛仔骨拼煙肉蘆筍卷，份量很足夠，件牛仔骨扒好重油脂同時很有牛扒香味，蘆筍很幼嫩整體嚟講合格，飯是用日本米俾足料😊

很久沒有到ucc咖啡店吃午餐雖然每一次都要排隊而且每一次都要排差不多半小時但係佢啲咖啡真係幾好飲今次我揀咗青醬大蝦意粉加咗四十幾蚊沙律吧同埋飲品我幾鍾意食佢個薯仔沙律好似食緊雪糕咁同埋佢個熱咖啡真係好濃鬱好香埋單total食咗150蚊下次再嚟先再試下佢啲甜品

兒童餐味道超級難食，presentation 也完全不吸引，相片與真實大大不相同，而生果還是變壞了。另外蜆肉香菇微辣意粉，從來未食過咁難食的意籾，冇也味道，冇辣，乾涸的意半身。。居然還是在UCC - one of my favourite cafe in the past。還有煎三文魚扒，上碟好似朔膠做的，一点也沒有煎過的檥子。唯一咖啡仍可以，但冇進步。太可惜了。坐底個時，本來打算食完正餐，再食甜品，但經歷了以上超難食的體驗，信心完全崩潰了。omg.

銅鑼灣有幾間UCC，Sogo地牢就最逼。銅鑼灣廣場嗰間就有自然光，又坐得闊落，唔係咁多人識，不過冷氣有啲勁，啲熱飲凍得好快…呢度假日會有All Day Breakfast，可以再加一個又熱又香嘅croffle，充完電先再shopping 🙂。

這café 長期都有人排隊，今日無乜人，試一下。已經是三四點，全店滿座。下午茶都幾抵食，$73-$98包飲品，因為單點咖啡也是$55， 所以茶餐是比較抵食。蜜糖檸檬法式多士$73雖然叫法式多士，感覺比較似炸麵包多一啲。這法式多士口感香脆，但保留麵包質感，輕輕嘅甜味，無乜檸檬味，有少少蜜糖味道輕怡。炭燒咖啡唔落糖都ok, 口感順滑，沒有酸味或苦味，有陣陣炭燒風味，係幾特別嘅日式風味咖啡。

一枝紅豔露凝香...... 見人哋食得咁過癮，又即管買支試下。UCC今次出呢款日本甜王士多啤梨雪糕，外型夠晒霸氣，佩服其創意！味道唔錯，可翻試！🚨🟥🎈❤️🖍️

前排生日去咗UCC食lunch好耐冇食過，今次去咗銅鑼灣沙律嗰啲都OK嘅不過啲嘢食就等得耐啲咁好啦，到咗咪食點知食食吓見到隻昆蟲喺我個意粉入邊🤮雖然餐廳見到好正常但係生日飯俾佢搞到咁真係唔高興囉呢間嘢啲味道又唔係太好食，沙律吧食物比較少衛生有待改善唔想再去食🙄

今天決定去那家我超愛的UCC拜訪一番🍽️，點咗份香煎牛肩肉眼扒定食，一睇份量唔算龐大，但味道就真係幾好㗎喂！牛扒嘅口感夠腍，唔會話乾柴柴，帶咗點點香氣，仲要個火喉準到咁唔使試。至於附送嗰個蒜蓉包，蒜香味撲鼻，咬落去啱晒我哋嘅口味👍🏼。佢哋咖啡仲要提提你，溫柔地拍拍你嘅肩膀，話你食得開心啲。咖啡cream加落去，打轉吸一啖，絲滑得嚟唔會太甜膩，頂呱呱！另外嗌咗個煙三文魚薄餅，新鮮到出汁，d皮敲一敲係鬆脆吱吱聲，每一啖都有煙三文魚嘅豐富味道配上啲芝士，厚道！講到自助沙律吧，嗰啲薯仔沙律出奇咁滑潤，而且配料選擇多到你揀唔完，我杯凍啡旁邊就啱哂咗滿滿一碗清新沙律。最後，啱啱好留咗少少位，就點咗份香蕉朱古力窩夫，嗰份濃郁朱古力味加啲香蕉，真係過癮到不得了，正到爆煲！心諗，下次仲要再嚟試下其他嘢，真係值得開心一轉🥰！

朋友啊，今次來到咗UCC嘅門口，心諗，係時候試吓佢哋嘅家常味道！👍起頭嘅，點咗香煎牛肩肉眼扒定食，跟住發現個牛扒唔薄不啦叭，口感得嚟嫩滑，煎得啱啱好，層次分明咁喎。 係度塊蒜蓉包簡直係蒜香四溢，啖啖都係真材實料嘅享受。成個定食尾聲以一杯淡雅嘅日式咖啡作結，真係一啖嚐得到咖啡嘅純粹，夾埋個cream，正到爆炸！☕搞掂咗午餐，茶點時間喺UCC想點都得。吞拿魚碎蛋沙律窩夫就嚟襲啦！窩夫香酥啲吞拿魚蛋沙律球好有心思，軟硬啱啱好，一眼望落去真係以為係雪糕！😆至於個Tiramisu法式多士，雖然名字有啲誤導，不過多士一啲都唔輸場，得個雪糕球同Oreo都算係加分項目。來到晚餐，UCC嘅白汁鮮蝦帶子意粉真係叫我眼前一亮，意粉爽滑得黎又帶勁，每啖都充滿驚喜。同埋個煙三文魚薄餅啊，魚肉鮮美、薄餅脆口，食落根本停唔到口。呢次食旅，證明咗UCC唔止得咖啡，食物嘅質素都係上乘。下次去買嘢，或者諗下橫過去UCC，歎返個定食或者Tea Set，係日常生活中嘅一大樂事。🍝🍕

疫情下好多餐廳都冇咗自助沙律吧, 等咗三年UCC嘅薯仔沙律吧終於重現江湖!!整薯仔沙律工序繁多, 要烚薯仔、去皮、壓爛、雪凍, 整得多又怕出水, 整得少又唔化算, 絕對係一樣唔想喺屋企整嘅菜式ucc嘅薯仔沙律, 唔係淨係得薯蓉, 仲有粒粒薯仔好有咬口, 加上順滑嘅千島醬, 口感一流😋😋😋🥗牛肝菌汁意粉就冇乜特別, 有啲餐廳會加入牛肉汁, 但ucc嘅就單純係蘑菇汁, 鵝肝唔算細件, 但係煎得唔夠香脆, 一分前一分貨最後得意唔可以唔提佢哋嘅王牌咖啡, 香醇幼滑, 入口甘香, 飲咗咁多次都係咁好味, 蒸餾咖啡係唔同啲🤤☕

呢間ucc好耐歷史，每次坐巴士經過銅鑼灣都見到佢屹立不倒，所以今次決定來試下。UCC專營日式洋食，其實我最想係試飲ucc嘅咖啡，咁就不如直接配套裝，一次過試埋餐湯和自助沙律吧。因為自助沙律吧有薯仔沙律，所以主菜以肉類為主，我哋最後揀咗以下兩個套餐：香煎三文魚套餐 $180安格斯肉眼扒套餐 $294自助吧選擇唔多，我主要係攞車厘茄、薯仔沙律、菠蘿和粟米。牛扒煮得好出色，係今餐最好食，肉質鮮嫩，唔靭。三文魚就一般，因為可能自己屋企都整到😆最後要讚揚呢杯埃塞俄比亞有機咖啡（低咖啡因），我平時過咗中午絕少飲咖啡，只會選低因咖啡，驚心失眠。試咗UCC呢款低因咖啡，真係出奇地好滑，好香。所以如果大家怕失眠，又想飲好味嘅低因咖啡，可以考慮去UCC試吓👍🏻