UCC COFFEE SHOP

營業中

休息中

好內冇食過UCC，今日係銅鑼灣經過就決定入泥食嗌左一個意粉，一個pizza，其中一樣加左錢有埋dinner set。Dinner set包括一杯飲品，餐湯同埋salad bar。意粉叫左個白汁鮮蝦帶子意粉，意粉幾煙韌，一啲都唔林，幾好食！而蝦同帶子都好足料，份量夠，正！另外，嗌左個煙三文魚薄餅，個皮好薄好脆，而且係熱辣辣嘅超fresh!每一小塊既pizza都有一塊煙三文魚，又有cheese同蘑菇等既配料，我同屋企人都食到好滋味！

銅鑼灣搵地方下午茶，又要平靚正，真係要花心思，估唔到銅鑼灣廣場一期，呢間UCC下午茶都不錯，坐得很舒服，而且選擇多， 大約$60一個茶餐，一客西餅加熱咖啡，當然美味極了，一定會再嚟。

每次去銅鑼灣 都一定會食ucc 呢間日式既西餐係我由細細個食到出黎做野都仲食緊 到而架既質素都仲保持得好好星期六下午12:30到去到 就已經好多排隊 等左大約30分鐘到 我叫左我最鐘意既茄汁湯海鮮意大利粉 其實佢有3種唔同既湯汁選擇 有茄汁 白汁同咖哩 佢既湯汁係多到岩岩同個碗一樣咁高 入面都有好多海鮮 有蝦 青口 蜆同魷魚 意籶分量都唔少 最重要係佢既湯汁好入味 食落去唔會好似意粉同湯分開咁 蕃茄味好香不過食下午黎講價錢就算貴 因為單點個意粉要100蚊 仲可以加39蚊要一個一次既沙律吧仲有一杯野飲 我個人就唔算大食 所以食一個意粉就足夠 我個人認為食晚餐既價錢會抵食啲

sogo一年兩次的感謝節，又開始了，喺五月的時候我第一次來到這裏幫手做兼職，已見識過乜嘢叫人山人海的埸面，現在11月9號 開始的下半年度感謝節，就是我第二次來幫手做兼職，今天是第一日嚟返工，成個超市已經逼到 爆滿人，食飯時間都不想行出去了，所以在公司內的（UCC餐廳）買了個午餐坐下來慢慢喺度食，食完之後又要應付這人山人海的購物日。其實食飯時間，都好多人不過我揀左係十一點食，所以避過咗一些人潮，咁就可以慢慢嘆下先啦。

銅鑼灣一期的UCC coffee可以說是見證住銅鑼灣的變遷 依舊保持兒時的面貌，小時候每次都很期待大節日媽媽帶我來食兒童餐和自助沙律吧店舖間隔大 4人枱有窗邊位置，二人位轉彎入較入位置有更多卡位 想睇住做咖啡的過程坐吧枱也不錯🔶茄汁海鮮意大利燴飯 $103 評分8/10每次必點茄汁海鮮湯意粉，今次有小突破叫左飯。味道依舊濃味，海鮮份量十足 青口 大蝦 帶子蜆 魷魚 各有三至四件🔶香煎三文魚扒 白汁 $109 評分7/10三文魚煎得香嫩，配既意粉味道偏酸 而且溫度不足略微有啲冷🔶自助沙律吧 評分8/10沙律吧款式多達十二種，最愛佢地自製的薯仔蛋沙律材料新鮮 蝴蝶粉沙律加上適量的吞拿魚

好耐之前係銅鑼灣上堂，經常都會來UCC食晚飯，計下數有成二年幾都無來，諗住同啲朋友仔一齊回味下，我地分別叫左一個意粉，一個pizza 同一個牛扒雖然只是餐湯，但可以做好啲意粉不過不失味道普通，但係啲蝦幾新鮮彈牙呢個肉眼扒因爲多筋非常難切，醬汁偏甜我覺得味道還好，但朋友不喜歡Pizza 係唯一保持之作，好味雖然餐牌多左好多新野，啲甜品睇落去好吸引，原本諗住食完個肚有位淨可以試下，但係因為跟左餐食埋沙拉吧嘅至愛已經飽了，無緣一試，不過之後應該有排都唔會再來

杯招牌咖啡越嚟越差，又苦又唔同左味；啲嘢食又唔夠味；啲侍應態度差到爆標；宜家仲要無埋個lunch set添！變相加價！以後都唔會再嚟尤其是那個戴眼鏡的女侍應（據聞以前是經理，現在是part-time那個），態度最差，不斷同人講做多幾日唔做。

返工返到個人謝哂，就搵左一日weekday放半日，過下me time，同自己行下街，行到咁上下口痕就去搵下野食。一個人口痕又唔食得多，但係又想食下甜野，所以就揀左黎UCC食佢地個waffle，貪佢地點方便得黎，WAFFLE榻得好味，又有得叫半份。平時黎親UCC都要排返起碼半個鐘先得，今日TEA TIME時候黎到，一個人當然就自然輕輕鬆鬆行入去坐低，放平日真係好FREE~TEA TIME有唔少TEA SET 可以選擇，都有飽肚的飯或意粉的配搭，另外都有蛋糕SET，都幾抵食。但我一心係黎食WAFFLE，所以就無睇過其他野。最後係揀左半份雜莓WAFFLE，有WAFFLE又有雪糕。WAFFLE一如以往，外面好脆口，面有少少糖，甜甜地，配埋酸酸地嘅雜莓醬，好夾，仲有球凍冰冰的雪糕，真係多重口感。半份WAFFLE其實好快食完，不過過到口癮之餘，又可以靜靜地坐下，咁樣的ME TIME都唔錯呀~

其實睇到Menu食物係一般，大概$100嘅價錢坐得都幾舒服，當然午飯時間就好迫人啦！座位都好逼下，但勝在質素都叫做OK！店員嘅服務態度就有啲好好笑容。好多款式我都想食，最終都係揀咗個好經典嘅炸雞咖喱味 奄列飯 $93。個白汁就好普通，炸雞三小件，溫度係還可以，呢度調味幾好，同埋都多肉汁。至於蛋包飯，博博嘅蛋皮一邊包左飯，好淡淡嘅咖喱味，整體味道唔錯。另一樣鎮店之寶就係凍咖啡，香醇入口又夠滑，食完飯嘆番杯靚咖啡，在傾吓計下午返工更加醒神

一直以來我也是UCC的fans, 自從銅鑼灣世貿廣場的UCC結業，只好轉去就近的ucc 。今天襯放假，就腳到銅鑼灣廣場1期UCC歎個lunch,order 左一個煙肉雜菇意粉⋯⋯非常失望⋯意粉乾爭爭⋯D茹少到可憐⋯我食左咁多年UCc，未食過咁難食的意粉。唯一咖啡未變，叫做係一柸standard嘅UCC咖啡。從少到大在UCC有不少美好的回憶，可惜餐廳食物退步到此等質素。對於食物大退步，我真的非常失望。不會再來。

我向來有揀位的陋習，那天我在UCC等位時，行開了，回來時剛錯過了一個冧巴，我問經理可否補番，他問我坐唔坐吧檯，我見唔多人等位，便說想等其他枱，感覺到他有些微慍地說，咁你等下先，便消失無踪。接下來入了幾張枱，都無叫我，似是無人打算理會我，感覺自己很不受歡迎。近數月來，這間店特別忙碌，服務和環境都比以前差了。知道員工也較前辛勞，作為顧客應多包容，作為職人，若失魂久了，便回魂乏術。下次再來時，希望可重見UCC一貫好客之道。

近門口的兩張2-3人枱超級污糟，根本從來沒有清潔過，吃得很難過的一個午餐！Sogo的UCC很乾淨，店舖經理要放多些心機在清潔了！不要以為這些衞生問題對食客生意沒影響。

這間 UCC 開了很久，我數個月都會來一次，因為地點方便，物值高，食物好，招呼好，是和朋友來傾計的好地方。晚餐 set 每人百多元，我覺得在這地點，吃這麼好味的東西，很超值。如叫 T 骨牛扒，只是加數十元，我今晚有加。海鮮意粉很鮮味，蝦也大大隻。T 骨牛扒則色香味俱全，完全滿足。咖啡是用虹級式的，整個壺端到你面前才沖下去，很新鮮。甜品也特別，雙色雪糕，雖然不會驚為天人，但最少有誠意，吃得很開心。餐湯也很濃，香滑。UCC, 不會驚為天人，但這是四平八穏的保證，一百多的價錢，吃到物值。

電話打了兩天，不是沒人接聽，就是浪起咗，訂坐/查詢非常困難！Book唔到位所以好唔方便，就算想食，但一大班朋友聚會，為免輪候時間太長，往往會放棄，希望管理層可以改善一下服務質素

放左工想和同事傾下計，想揾間靜静地又有tea set的餐廳，結果揀左UCC coffee shop, 啱啱仲趕得切6:00前order tea set吞拿魚碎蛋沙律窩夫+鮮橙汁~吞拿魚和碎蛋沙律分别弄成球狀，初初睇menu個圖仲以為係雪糕球，夾埋脆脆的窩夫一齊食，不錯！Tiramisu法式多士+UCC招牌coffee~厚多士切成粒狀，幾鬆軟，伴碟還有一個雪糕球，一塊 Oreo和cream,雖然食唔出有Tiramisu味！但也算ok!其實Tea set menu還有很多選揀！以幾拾元一個set的價錢來計，算是一個不錯的選擇！