Twinkle Baker Decor (PopCorn 1)

營業中

休息中

今日屋企人生日訂咗個壽桃款生日蛋糕咁就去拎啦，去到拎嘅時候又俾其他野吸引住😂款式真係好多，本身都唔想再買不過忍唔住買咗，佢內在有麻糯，真係幾特別，返屋企好快就清咗

📍Twinkle Baker Decor地址：將軍澳唐賢街9號POPCORN地下G42號經過Popcorn Twinkle , 見到佢地出咗QQ麻薯曲奇，曲奇控嘅我當然不能錯過，買翻幾塊翻公司當下午茶，好過成日食口立濕。曲奇加左麻薯，甜度剛剛好，口感外脆內煙韌，搣開仲有拉絲感，口感非常之好。其中兩款仲係新出，新出喎，我點會唔買埋呀，追緊最新口之感覺。 🌟摩卡咖啡QQ麻糬曲奇🆕 🌟黑芝麻QQ麻糬曲奇🆕 🌟伯爵茶🌟榛子 🌟岩鹽朱古力🌟宇治抹茶 依家係10月4日或之前嚟Twinkle門市購買，即時享兩件裝優惠$48，新口味每款各一件

經過Popcorn Twinkle Baker Decor發現出咗個好少女夢幻蛋糕 Dream Catchet雖然離開左少女好幾十年😂😂但見到個咁靚蛋糕 🥹🥹忍唔住都要買甜個返屋企同家人分享蛋糕設計簡約浪漫，粉紅同白色組合再係面用銀色珠珠點綴，再插上蛋糕插牌味道方面非常適合夏天，草莓乳酪慕絲🍓夾住酸酸甜甜嘅草莓果醬，蛋糕內層嘅紅絲絨牛油蛋糕，酸酸甜甜，口感香滑，而且唔會太甜。造型咁靚，打卡同食都完全係滿分之作。

✨✨✨蛋糕夠晒靚嘅Twinkle Baker Décor新出咗件裝QQ Mochi 麻糬蛋糕🧁六款QQ Mochi 麻糬蛋糕，六個顏色六種味道，QQ Mochi以粉色系列為主，就咁見到都夠晒靚，啱晒閏蜜茶聚🫖蛋糕入面有麻糬，口感Q 彈，再配上唔同口味軟滑鮮忌廉，每啖食落都有蛋糕、忌廉、麻糬，豐富口感，味道配搭得好好，而且size 細細件啱晒飯後或下午茶享用六款口味有💜大甲芋泥💚抹茶紅豆🤎香濃花生🖤香濃黑芝麻❤️生果系列 草莓🧡生果系列 柚子六件粉色小蛋糕滿足到視覺，仲可以滿足埋味覺，食之前記得要打卡啊，唔好浪費咁靚嘅七色彩虹QQ Mochi蛋糕啊個人最鐘意大甲芋泥味，芋泥軟滑又香，食落唔會太甜，同mochi好夾抹茶紅豆配搭好好，一樣同麻糬配襯得好好另外黑芝麻味超香，鐘意黑芝麻嘅千祈唔好錯過啊💰$42/件🚩Twinkle Baker Décor @twinklebaker 📍太古店／銅鑼灣店／金鐘店／旺角朗豪坊店／尖沙咀K11店／觀塘APM店／葵芳新都會廣場店／馬鞍山MosTown店／荃灣海之戀店／元朗形點店／屯門廣場店／沙田新城市廣場店／將軍澳PopCorn店

母親節介紹咗佢哋個粉色花花蛋糕🎂父親節唔買番個蛋糕老竇應該會呷醋😌.📍爆Seed Daddy ($428/4.5 吋)呢個喺父親節出嘅限定蛋糕🎂用咗舊式街機做概念🎮充滿玩味仲有個好signature 嘅手掣位🕹️🤩應該會得勾起好多大唔透嘅爸爸一啲兒時回憶中間係朱古力牛油蛋糕🍰配搭73%朱古力慕絲朱古力mousses 順滑濃郁再加上有脆脆口感嘅阿華田醬，超濃朱古力味🍫朱古力迷應該會鐘意🤘🏻

母親節就快到啦🎈 大家諗好咗送咩禮物🎁畀媽咪未？Twinkle Baker Decor嘅蛋糕出名賣相滿分見到今個母親節佢哋又推出咗兩款靚爆登嘅蛋糕忍唔住買咗其中一款嚟試下～呢款母親節限定嘅蛋糕🔸Fly to Your Heart🔸以粉色擠花🌸 配上粉紫色蝴蝶朱古力🦋再加上心形霧面棒棒糖🍭 睇見都令人心花怒放🌷🌹蛋糕外層為酸甜嘅芒果乳酪慕絲內層則係芒果蓉🥭 同埋清甜嘅柚子啫喱配上原味牛油蛋糕🍰食落清新舒爽 鍾意芒果嘅朋友就更加唔可以錯過～

Twinkle Baker Décor 既蛋糕真係好得意😍，佢地秉承「蛋糕設計都可以好好玩」嘅宗旨，創造風格多變、蛋糕有創意又有特色！除咗有呢個「扮清糕」系列嘅茶餐廳cupcake之外，今次試咗「扮清糕」港式點心系列另一款造型蛋糕😆🌟福滿小壽桃🍑 5吋呢款係「扮清糕」港式點心系列新成員，今次主角係壽桃🤪！壽桃既粉紅外層係用咗香桃芝士慕絲製成，配上朱古力壽牌。慕絲甜甜地但唔會膩。內層由泡芙包住香桃果餡，以模仿蛋黃外形同口感。好可愛☺️而個蒸籠就用咗朱古力🍫製成，裡面嘅蛋糕層次有新鮮草莓、鮮忌廉、雲呢拿吉士同原味海綿蛋糕。味道好豐富，成個蛋糕都可以食晒！不過蛋糕內含不可食用紙棒進食時請小心。Twinkle Baker Décor 係唔同地方都有分店，亦都可以去網店訂講。

朋友個仔仔生日,喺Twinkle 買咗一個生日蛋糕送俾佢.呢個蛋糕叫做豆豆大冒險，最主要係朱古力蛋糕加朱古力忌廉組成. 最驚喜係裏面放左好多M&M朱古力豆😍小朋友一定鍾意朱古力豆，特別鍾意M&M.一切開蛋糕小朋友就已經好開心🥳

Twinkle Baker Decor (將軍澳)店舖除咗唔同類型、大細既生日蛋糕之外，仲有cupcake賣，蛋糕仲有配埋刀同蠟燭。依家Twinkle有個新系列係「夢幻蜜語」。總共有兩款蛋糕「美人魚之歌🧜🏻‍♀️」同「白日夢之湖🦢」。兩款蛋糕都好靚好夢幻，好啱攞嚟打卡。。白日夢之湖🦢　＄498呢款蛋糕５吋大，有２層，上下層係唔同口味同口味既。蛋糕上層以椰子慕絲🥥為主，質地幼滑，慕絲仲夾雜住唔少煙韌嘅麻糬粒，間隔住兩層鬆軟既海綿蛋糕，口感豐富，棷香味濃，又唔會過甜。下層既口感更厚實同濃郁，有鮮香芋鮮忌廉，芋泥及香芋海綿蛋糕，芋泥係幼滑綿密，比起椰子慕絲會甜少少。但配埋海綿蛋糕一齊食唔會膩同甜。外層仲圍咗一圈白朱古力。成個蛋糕既味道都好啱我口味，唔會死甜多cream，口感豐富，味道仲好濃郁。個蛋糕可以5個人share食。📍 將軍澳唐德街9號POPCORN地下G42號舖

《比比主子生日祭🐱》———————————————-#TwinkleBakerDécor🍰-之前已經好中意呢間蛋糕店，不單只賣相超靚，而且味道仲要好唔錯😚所以一直好follow佢嘅最新款，近排佢竟然出咗勁得意嘅貓貓蛋糕🎂-為咗慶祝佢嘅自家卡通比比主子生日，特別出咗呢款招財貓蛋糕🥳 蛋糕️可愛到唔捨得食，一拎返到屋企個個都嘩咗聲，相當驚喜，點可以唔狂影相打卡，小朋友見到亦超開心❣-6吋蛋糕大家開心share啱啱好～好立克慕絲配上焦糖脆朱，甜而不膩☺️一切開個橫切面就可以睇到個原味海綿同牛油蛋糕口感有幾鬆軟，大人細路都啱食👨‍👩‍👧-⭐ 參考價錢︰招財比比：$388🍌 抵deal 指數：8/10

今日同屋企人慶祝父親節想買蛋糕一齊食, 發現左E間蛋糕店各款造型好靚嘅蛋糕, 同埋有少少懷舊嘅裝修，可以比顧客打下卡咁😎廚窗我地見到新出的金多寶盒就覺得好吸引。🤩因為寶盒上面大量閃閃發光的朱古力金幣與金磚。🥰仲要全部都食得👍🏻仲要勁細緻。寶盒係由牛奶朱古力片組成, 入面係夏威夷果仁忌廉芝士慕絲牛油蛋糕仲有杏仁碎粒使口感更上一層。上面有滿滿嘅朱古力cream🤤蛋糕食落香香滑滑，味道一d都唔會太甜😋金幣同金磚仲好靚又食得，大人小朋友都勁開心🥳我見到店都有其他款式嘅蛋糕都超吸引😍下次生日一定黎揀返個🥰

最近屋企有小朋友生日，所以買咗呢個蛋糕🎂。蛋糕用上扭計骰嘅設計，色彩繽紛，中間仲有個糖膠朱古力黃色人仔😂。如果係男仔小朋友🧒🏻或者鍾意扭計骰嘅話就一定啱晒。扭計王 $448呢個扭計骰蛋糕以阿華田味為主，切開佢可以見到一層層阿華田慕絲、原味海綿蛋糕相隔🤓。阿華田慕絲唔會太甜，比我想像中少甜。海綿蛋糕鬆軟😗，可以同慕絲做唔同口感。佢外面嘅朱古力顏色繽紛，唯色素比較多🙈。整體來說，呢個蛋糕係一個比較玩味、有趣味嘅蛋糕，同小朋友食或者開party都啱。

一向見到呢間蛋糕好靚，所以今次家人生日買來試吓，全家人老中青幼都覺得好難食，仲有化學味，就算唔食糖皮只吃蛋糕都好差，唔夠甜、蛋糕濕和有化學味，甜品控家庭第一次掉蛋糕落垃圾桶，估唔到$388嘅蛋糕會咁唔掂，呢個款仲係店員介紹話好味，絕對冇下次，連他們送的$50券都掉埋，我唔想有人同我一樣中伏，所以寫食評，今次真係勁掃興，買莎莉蛋糕都好味過佢，點解仲可以可以咁多分店？服務態度麻麻哋，但見到係妹妹仔都算，以為係好食所以高姿態，點知係超級中伏。從...未...食...過...咁...難...食...的...蛋...糕

< 🎂Twinkle Baker Decor > 📍將軍澳就黎母親節👩🏻 💕 大家諗到點同母親大人慶祝未🤣 相信唔少人都會買母親節蛋糕俾母親大人🥰 咁啱母親大人生日 一於買黎試下🥰🥰🌹薔薇盛典 $568呢個蛋糕好靚 母親大人一見到就話好高貴 薔薇花球鮮紅奪目🌹 試問有邊位女士唔鍾意收花🤣 母親大人都好鍾意💕 蛋糕上嘅薔薇花球有金箔點綴 花球入面係海綿蛋糕🍰 外面就係少有嘅無花果慕絲 慕絲帶微酸 仲有粒粒無花果碎粒☺️ 好特別😆 蛋糕入面嘅草莓牛油蛋糕牛油味濃 口感更厚實 加上草莓慕絲🍓同無花果蓉啫喱可以互相平衡😆 加上草莓朱古力薄脆 有多種口感 成個蛋糕都唔會太甜同膩😋 睇得又食得🥰

話說就嚟到情人節啦，雖然我係單身🐶，但都應吓節，買個蛋糕比屋企人食啦🤣！次次買蛋糕，都一定過離依間Twinkle，最近先知原來開咗好多間分店，其中一間係將軍澳，位置超級方便，喺地鐵站C出口一出就到😚依度嘅蛋糕真係超級高質，有樣又有內涵💪🏻今次叫咗一個情人節限定嘅「情意綿綿」蛋糕係情人節別注版！.好特別嘅係最上層有一舊扭蛋機👅.裏面有好多粒士多啤梨棉花糖，酸酸甜甜咁，好好食買咗返去細妹勁鍾意❤️有得玩又有得食😊.而且蛋糕裏面都好好味紅莓乾牛油蛋糕配藍莓夾心真係有勁多藍莓同紅莓🍓果肉，食落去一啲都唔酸，甜到十足而且蛋糕好鬆軟，仲有好香嘅奶油味😋呢個蛋糕真係大人細路都啱！今次買俾細妹同屋企人，遲吓就買俾男朋友啦