Twinkle Baker Decor (已結業)

行過Twinkle見到啲cake幾吸引, 左揀右揀, 最後就買咗綠茶, 焙茶, 紫薯3款返去同屋企人share食, 每件$45.  綠茶嗰款外型毛茸茸咁好得意, 食落綠茶味幾濃郁, 入面仲有紅豆粒.  綠茶同紅豆嘅配搭從來都唔會輸!輕羽紫薯, 有一塊像真度高嘅白朱古力羽毛插埋上面, 近睇都幾細緻. 切開之後, 就見到好大舊紫薯蓉喺入面, 紫薯味係意想之外嘅濃郁!  金抹焙茶, 切開見到唔同深淺嘅啡色, 由最頂嘅cream到中間外層嘅mousse同低層嘅海綿蛋糕都係焙茶.  焙茶味道唔單止濃, 層次仲好豐富, 係3款之中最鍾意食嘅一款.整體3款cake都唔錯, 鍾意嘅地方係味道夠濃郁, 唔係得過甜字. 雖然係細cake, 但 size 都唔細, share嚟食就最啱.

位於上環的Twinkle Baker Decor ，是一間杯子蛋糕外賣店。曾光顧過一次餐廳的茶餐廳系列蛋糕，賣相創新有趣，令人念念不忘。最近餐廳推出秋天系列蛋糕，今天在上環吃午餐，便走來光顧一下吧。秋天嚐味$45/每件新推出的秋天系列蛋糕，包括: 焦糖夜色，白桃花語 ，戀戀抹茶，輕羽紫薯，金抹焙茶。這次推出的產品，已經由杯子蛋糕，轉換成西餅呢。已經不能用手吃，要用叉子吃啦。金抹焙茶和輕羽紫薯，是我最想吃的蛋糕。抹茶蛋糕清綠如草地，放上白色朱古力花，猶如一個盆栽呢。綠色的慕斯蛋糕，內裡偷藏紅豆，帶有驚喜呢。但抹茶味不算太濃，重口味者選焙茶會更有驚喜哦。

今日去上環陪媽媽去掃貨因為永安大減價!!!! 跟住行完去左對面無限極廣場發現原來 Twinkle Baker Decor  (即係嗰間賣港式style 味cupcake鋪) 開咗分店!! 今次佢哋推出左5款新嘅口味主題係秋天•嚐味 仲有大個版 ! 準備番去開餐~~~5 份剛好 買返屋企，4個人一次過試晒5款口味～各$45 金抹焙茶  (前右)顏色好似伯爵茶食落亦都有少少似烏龍混伯爵茶嘅味道 終於茶味嘅朋友千祈唔好錯過呢款! 輕羽紫薯(後右一)紫薯注意喇 佢一開始其實紫薯味唔算泰龍吧一式入去有濃濃嘅紫薯餡戀戀綠茶(後中)呢個其實一眼睇落有少少似一個仙人掌因為佢外邊好似好毛茸茸口咁樣感覺好可愛～切開入面超濃既綠茶cream~~白桃花語(前右一)至於呢一個白桃烏眼望落去感覺好似水玄餅 賣相好靚精緻啊 ! 食落去都有尋好濃嘅白土桃味但係我會覺得個餡有少少偏死甜左小小～焦糖夜色 (後加一) 呢個係我覺得五個之中最好味嘅一個起初我會覺得佢就係只有好濃嘅朱古力味～但係食落呢佢嘅口感係最好而且味道係最Rich 最外層係朱古力，中間有會有海鹽焦糖忌廉 最入嗰層再有香蕉肉  三重口感 所有野係超完美融合

一直想試好耐，成日喺地鐵站同啲宣傳單張見到呢間鋪頭，見佢嘅cup cake好多種口味同埋主打係港式嘅茶餐廳飲品口味好特別，終於經過左上環見到有得賣，於是即刻行過去睇吓睇吓見到佢嘅口味好多都買淨一兩個。係冇乜嘅選擇既情況下買咗薑檸樂口味嘅cupcake ，感覺上比較特別。不過佢冇位置俾人坐，所以拎左返到去先食，外表同創意真係會俾足一百分。只係佢嘅味道真係有啲唔夾，同可樂味基本上食唔到蛋糕亦都比較鬆散同乾，而上面嘅cream個味都有啲塑膠味。cream亦冇令個蛋糕變得較濕潤。而且食完個喉嚨一直有種飲完可樂太甜嘅不適感，不斷飲水都解唔到。Cupcake來講佢都算係一個比較細嘅尺寸同埋價格偏貴，所以只係推薦用嚟影相打下卡呃like。

茶餐廳風味cup cake🍰Size細細地，唔會太飽😗😗😗蛋糕質地較乾身，平衡了cream的甜味，整體味道不太甜 都唔錯 感覺岩岩好，另外影相又係影相一流🤤🤤

早前，我在網站及電車廣告已留意到 <Twinkle Baker Decor> 出品的 cupcakes 【扮清糕】！在剛剛過去的星期一，郵差派信時，連同 <Twinkle Baker Decor> 的單張，每當同事見到有關餐廳食肆的宣傳單張，都會通通俾哂我過目！單張上還印有優惠券！第二件半價優惠可享扮清糕！大好機會不容錯過！問過同事有無興趣買？！因為怕甜怕肥…等原因，只得我自己一個人去買！ 走到上環無限極廣場1樓的小店！到達店子，見到 cupcakes 及蛋糕甜品，我實在高估 cupcakes 的 size，比預期細件！於是，我先走到隔離的大家樂買外賣飯盒！然後，走過來買兩件！cupcakes 扮清糕劃一價 $28/ 件新開張優惠 85 折，這間以港式口味的 cupcakes 作主打！很有噱頭！令人期待呢！ 糖霜軟滑度一般，不及另一間以天然食材的 N 字頭 cupcakes 店那麼幼滑細膩！而且頗為甜膩！配上兩個屬於該款蛋糕的紙杯套，在茶餐廳飲熱好立克通常用上肥肥矮矮的白色瓷杯；外賣凍飲則有簡單圖案的外賣紙杯！好立克扮清糕表面灑上胚芽好立克，入口微脆！