Twinkle Baker Decor (已結業)

一直都覺得造型生日蛋糕又貴又唔抵食，點知有日行過twinkle cake，發現佢嘅生日蛋糕平得黎又靚就order左比朋友同佢慶祝生日，入邊係芝士蛋糕嚟嘅，出邊係白朱古力 食落去唔會太甜，最緊要係影相真係好靚㗎

就快到父親節👨🏻今日就去咗買個蛋糕同老豆慶祝吓知道上環有間新派蛋糕店 之前試過佢哋嘅西餅都幾得意又有奶醬多鹹檸七奶茶紅豆冰芝麻糊等等嘅港式地道 cupcake 淨係創意分都已經滿分👅由於之前試過佢哋嘅cup cake覺得味道唔錯所以今次就試吓佢哋嘅蛋糕👁呢度嘅蛋糕款式定期會改變而且會跟個人口味去訂製 個個嘅外貌都唔同㗎 今次就落order叫咗一個富士山蛋糕 睇落去已經成個富士山咁蛋糕🍰底層其實係綠茶牛油蛋糕質地就比較實心 幾有口感 蛋糕嘅上層就係白朱古力慕絲蛋糕入面仲有士多啤梨🍓流心 啱晒daddy口味蛋糕唔單只係外貌同埋味道都唔錯而且仲可以跟着唔同人嘅喜好訂製有嘅係心思總括嚟講覺得呢間特別港式蛋糕店無論係心思質素都做得幾好 除咗一啲連鎖蛋糕店之外以後慶祝生日節日又多咗個選擇

今年母親節唔想幫襯美x, 東x堂。唸爆頭想訂啲靚得嚟又好食嘅，最後經朋友介紹下決定訂嚟間。我係母親節前一星期左右落分店訂，職員話已經爆單未必接到話call back 我，好好彩最終比我訂到。（要特別特別鳴謝上環職員落力幫我爭取🥰）個蛋糕造型好靚，個糖皮唸住一定好甜，點知原來唔係，佢係士多啤梨味又唔太甜👍🏻，而蛋糕裡面唔係普通忌廉，佢地用蘆薈餡，唔會漏，整體都好好食👍🏻會唔會再幫襯？下次朋友生曰想試有m&m’s 餡嗰款🤩

又到一年一度的母親節，所以前幾日於Twinkle Baker Décor 訂了個蛋糕，讓媽媽嘴甜心又甜。櫥窗裡琳瑯滿目，蛋糕款式繁多，延續品牌「扮哂嘢」精神，造型風格多變，充滿創意玩味。蛋糕盒上的插畫同樣走可愛風，而且包裝夠穩固，即使長途跋涉返回家中，內裡的蛋糕都沒有走樣變型。星與心願 $288甜品往往有一股令人快樂的力量，單是造型精緻的蛋糕已讓人沉醉其中，馬卡龍糖果配色柔和，讓佳節時光添上夢幻仙氣。表面舖以霧面星星糖及彩珠，猶如化作唯美星空仙境，洋溢著高雅的氣質，3.5吋迷你尺寸最適合2至3人齊齊分享。星星糖色彩繽紛悅目，少女味十足，為媽媽送上甜蜜驚喜，打卡一流，當然要第一時間相機食先。一切開蛋糕，可見裡裡外外真的粉嫩到底，士多啤梨牛油蛋糕與朱古力牛油蛋糕交錯出精緻雙色棋盤花紋，蛋糕保持濕潤口感，鬆軟又滑溜，中間以三層濃郁的朱古力脆莎榛子醬相間，脆脆口感與輕柔的蛋糕就成為一軟一硬的絕妙組合，層次感極之豐富。

慶祝細姪女2歲生日， 去訂左個可愛既蛋糕。 先唔講蛋糕， 個訂蛋糕流程好方便， 可以用whatapps 電話同職員訂， 之後用payme 俾錢過數， 鍾意揀邊間分店都得， 感覺上比網上訂仲方便， 而且有職員即時回答問題， 服務貼心。睇返網站個蛋糕係原味牛油蛋糕，牛奶薑蜜慕絲加上柚子蜜同焦糖脆脆。 講真就外面有有mouse 但冇咩味， 里面柚子蜜有流心效果， 我同屋企人都覺得姜味由個脆脆出黎多d。 味道係有驚喜， 但小朋友未必識欣賞個姜味， 但影相就一流。

早排煩緊last day買咩散水餅好，經過尼到做promotion就二話不說決定了！「蘇州屎」散水餅套餐12件（$350）成個idea夠哂gimmick 岩哂我尼班玩得既同事！total 有兩款cupcakes：朱古力、士多啤梨，共12個～個造型真係夠哂盞鬼🤣🤣🤣個人勁中意朱古力味，好香濃～士多啤梨就略為普通，偏甜～值得一提，個包裝都勁有創意，紙袋又靚😃如果大家last day，可以一試尼到既散水餅😌順帶一提，蛋糕都有好多選擇咖！

飛行棋咁款既蛋糕🤩❔原來係扮清高既新出品Oreo芝士慕絲朱古力牛油蛋糕😛 邊有人唔想一飛沖天 但相信無人想一步登天 呢輪疫情咁危 驚未沖天就登天 去 twinklebaker 買個一飛沖天食住先安全又享受到蛋糕 嘆一嘆係個唔錯既選擇🍰俾我發現佢原來又新出左個系列 好似月月都有新款 好創新既扮清高今個月出左兩款懷舊時光機系列既蛋糕 有豬豬同呢款飛行棋 飛行棋呢個仲要係Oreo芝士慕絲朱古力牛油蛋糕 見口味幾岩食 就食返個飛行棋開心下Oreo芝士慕絲唔會好重味 質地幾特別 同平時既慕絲有啲唔同 口感好得意 食落唔會好甜膩 配合實在香濃既朱古力牛油蛋糕 食落唔會好似一陣風咁 又唔會好似食左座山咁 啱啱好 買返個俾溫緊書備戰dse 定home office緊既 做個tea tea加杯茶嘆抖下 爽呀

每年嘅一月都身邊都有好多朋友生日咁啱今年新年都係一月！本來諗住訂個金元寶朱古力慶祝朋友生日，又可以應下節！係我諗住買個給cupcake嘅時候!!!!咁啱經過見到無極限呢一間餅店有好多款得意又好吸印引人注目嘅蛋糕！有招財貓貓嘅蛋糕！！！好得意！係人見到都會鍾意嘅蛋糕！原來佢叫「招財比比」😍😍😍就咁睇佢個份量至少足夠六至八個人食！蛋糕味道好特別-好立克味蛋糕！最終就揀呢一個蛋糕！就咁睇咁得意可愛嘅貓貓真係好唔捨得切開佢！當然最後係切開咗㗎啦😂😂😂蛋糕表層係用咗好立克慕絲做貓貓嘅表層而裏面就用左焦糖脆珠、原味海棉蛋糕、香濃牛油蛋糕堆砌而成嘅！蛋糕入口層次分明 多重口感滿足到我哋眾人嘅味蕾！食落口唔會太甜啱晒我哋要健康既新一代！新年應該都要買個同屋企人食下！攞返個好意頭「招財 招財」

今日放工就去左上環買d禮盒 🎁 原來twinkle 都出左款幾得意嘅賀年禮盒！.係招財貓咁嘅款🐈🐈 真係幾可愛下😍 早鳥價錢為168蚊，入面有魚仔樣嘅cookies & 貓仔圖案嘅金幣朱古力 🍫🐱 曲奇餅食落鬆化，唔會過甜，仲有淡淡牛油香，食2件再配啖咖啡就有good tea la~ 朱古力係真朱古力！唔係雜貨店個d雜嘜假朱古力嚟架！個盒食完可以重用當全盒，jeng!! 🙈🙈.當日仲見到好多好精美嘅小蛋糕，價錢都係20幾到50幾左右，下次要買幾件同屋企人happy share sin 🐥🐥

行開無限極見到呢間餅店嘅蛋糕好精緻好靚就揀2件番屋企慢慢嘆，呢到仲有cupcake買黎做散水餅都唔錯。綠野仙蹤 $48成個盆栽咁，像真度極高，仙人掌係朱古力黎，白色係棉花糖，軟棉棉又唔會太甜，我最中意係佢切開入面係抹茶慕絲，抹茶好香濃，帶少少甘味，整體唔會太甜唔好膩，下次朋友生日訂呢個做生日蛋糕先，好食！玫瑰蜜語 $48造型特別，上面有個馬卡龍插住吱管，馬卡龍係朱古力味，比我一口食哂唔會超甜，吱管入面有玫瑰花蜜，我吱左入蛋糕入面，蛋糕甜度剛好。

話說想買個蛋糕同朋友慶祝生日行過公司附近見到呢間蛋糕店覺得好靚呀 蛋糕又特別😍花多眼亂都唔知揀邊款😂😂😂最後揀左呢款蛋糕 外表睇落好colouful 價錢$358 唔算平 不過真係特別過出面既蛋糕款好多所以無所謂啦都買黎試下！切開仲有驚喜！！🥳🥳🤣🤣朋友表示完全估唔到有m&m hahaha一個搞笑既蛋糕裡面係朱古力蛋糕 幾好食唔會太甜不過係蛋糕外面果層麻麻好似一舊牛油咁 比較膩🤔🤔🤔但創意同埋外表搭夠啦

無論母親節定父親節🤗小妹一家都會買蛋糕慶祝知道呢到每逢呢D節日都會推出新蛋糕🤓之前試過佢地嘅蛋糕🎂都唔錯臨近父親節👨🏻呢到新推出左個特別限定父親節蛋糕好似個獎杯咁🏆幾特別稱讚一路教育我地嘅爸爸🥰又係朱古力味🍫所以提早打去預訂預訂嘅時候📞員工細心提小妹預早訂有88折頓時覺得好抵😍到左父親節啦😙食完飯🥳蛋糕出場在座各位都大讚蛋糕好靚🤩上面有個LEGO 嘅模型😎下面仲寫住「Best Daddy」雖然整體蛋糕外形好靚🤪但味道方面😅人人都話太甜了🤭有點美中不足

朋友仔生日，又唔想普普通通買個蛋糕，上網睇咗好耐，最後就決定試呢間，因為佢出名特別做形蛋糕。😁我地得三個人，所以決定要細細個既頂點小籠包！佢上面有金薄，幾有貴氣。佢蛋糕有跟金色靚靚candle。👍🏼 佢做型方面係整得幾似，味道方面都唔錯。個蒸籠是用朱古力製作而成，裡面是焙茶吉士、焙茶蛋糕和意大利軟芝士忌廉。上面個小籠包係mousse 質地，而個蛋糕有淡淡既茶味，仲要好鬆軟，唔錯唔錯！👍🏼不過要留意返佢寫牌有字數限制～

好睇望落幾得意，虛有其表，食落口不知所謂咸檸七個cream得個咸字，隻咸味係唔識煮飯落重手成袋鹽倒落湯變左海水個隻苦咸，檸檬同七喜味係冇嘅，個樣咸檸七但食落去唔係個回事凍檸茶個層cream得淡牛油味，啲甜味係來自佢上面幾粒沙糖，成個cream同咬牛油冇分別最後評埋個糕底，買個嘉頓雪芳比佢更好味買個陣個職員帶手套以為佢衛生問題，原來係個盒完全唔方便你拎返個蛋糕出黎，個cupcake外邊扮茶餐廳野飲個包裝係另外攝係個盒入面而唔係原個真接連cupcake一齊放整色整水有外表冇內涵就係呢種啦

到上環走走, 途經twinkle, 看見色彩繽紛的蛋糕櫃, 勾起了吃甜品的食慾。看著廚窗, 已深深被金抹焙茶的光滑色彩吸引了。果然, 沒有失望, 吃下時是軟棉質感, 重要是它真的有焙茶香味, 而且不會太甜, 味道剛好, 且擁有不同層次的內在, 餅底不油膩也不厚身, 有薄脆的口感。 而檸檬茶蛋糕外型是有特色, 但嗅下去及食下去時味道都只是一般, 糕身質感鬆軟, 但欠檸檬茶香味, 有點像普通一個清蛋糕, 只是有cream 令它好吃一點, 配合價錢, 整體性不算很值, 只能吃它的創意。