Turning Point By Coffee Art (已結業)

discover cozy aesthetic cafe @turningpointbycoffeeart in Mira Mall, Tsim Sha Tsui, Hong Kong 🌿 enjoy delightful mains lunch sets 🥩 and mini all day breakfast tea sets 🍳 with handcrafted coffee and specialties ☕️香港尖沙咀舒適休閑咖啡店 @turningpointbycoffeeart 位於美麗華廣場 🌿 享用美味 「海鮮意粉」、「香煎牛扒」🥩 和「全日早餐」下午茶 🍳 搭配手工咖啡和特色飲品 ☕️🍝 蕃茄海鮮醬扁意粉 (lunch set) HKD$108tomato sauce with seafood linguine意粉掛汁 軟硬適中 蕃茄酸甜海鮮豐富 包括大蝦 青口帶子仲有幾多 三文魚子 鮮美鹹香🥩 香煎紐西蘭牛扒配粗薯條燒肉汁 (lunch set) HKD$148New Zealand rib eye with french fries and gravy 牛扒大塊 肉

今日放假逛尖沙咀，晚上嚟到美麗華商場Turning Point by Coffee art食晚餐。餐廳環境非常闊落，空間感十足，木系柔和感，坐得好舒服Dinner SetAppetizers精選餐湯香濃南瓜湯，口感綿密，暖胃又清甜健康Art Of Bowl鮮果、牛油果、提子乾、雜果仁、三色藜麥、酸種麵包、羽衣甘藍、雜菜沙律配青檸柚子汁呢款Art of bowl款式多又富色彩，配搭種類又健康，啱晒keep fit的我，酸種麵包煙靭油咬口，沙律配青檸柚子汁酸酸甜甜好醒胃, 仲有最愛的牛油果添Dessert原味巴斯克推介呢款原味巴斯克，入口軟滑綿綿，香濃芝士又吾會太膩，作餐後甜品，確實滿足。晚餐叫甜品仲可以減$10優惠添海鹽焦糖latte 香醇咖啡配上陣陣海鹽焦糖香，個人好喜歡

避開情人節正日慶祝、香煎比目魚配 水瓜柳荷蘭汁幾鍾意紫薯蓉配搭一齊食，紫薯蓉淡中帶微甜，又比到飽肚嘅感覺，低卡路里。我自己覺得，白身魚其實都算難煎，但 turning point 都算處理得唔錯～ 有應有的水準。份量都合理。魚肉白身淡味配搭比較濃味嘅荷蘭醬～ 夾！香煎阿根廷肉眼配粗薯條、燒肉汁肉眼扒目前應該有150～200g，感覺都夠厚度適中（太厚的話我會覺得太heavy）。煎牛扒可以有好好嘅medium-well, 外面有好靚嘅啡色，裏面有粉嫩嘅紅粉紅色，肉汁保留到、入口juicy. 原本配菜係操薯條，但我哋怕太熱氣，但原來有得轉做 salad 🥗 (夠flexible ! ) 餐湯南瓜湯都幾好味，忌廉有但唔過份、南瓜蓉口感都做到、裡面加咗少少洋蒽碎添。總括嚟講⋯ 有盛價比 in terms of 慶祝情人節。

今次入咗嚟依間餐廳度食嘢～個餐廳個空間驟眼睇都幾大，我係坐咗近出面門口附近嘅位置，入面轉角仲有枱～坐低冇幾耐，員工就俾咗兩杯熱水我～感覺都幾貼心💖望住喺熱水壺度撳出嚟嘅😂我哋叫咗兩個午餐🥣一個係L3 嘅All day breakfast 同埋L4嘅自家煙薰三文魚 配粗薯條、水煮蛋、酸種麵包、水瓜柳忌廉芝士醬個餐仲額外有頭盤可以揀可以揀湯或者沙律🥗，我哋兩個都揀咗沙律🥗💖（個Menu寫住喺青檸🍋‍🟩柚子汁雜菜沙律～）個沙律超好味，感覺入面啲柚子係平時用嚟沖嘢飲，一罐罐嗰啲柚子醬～甜甜地食落去又有少少柚子皮嘅苦澀味，食起來又有種淡淡的清香感～我嗌咗杯青蘋果果汁，以為會有啲唔同😂但結果係同普通蘋果汁冇乜分別嘅～另外一個人就嗌咗杯Cappuccino，圖案係常見嘅類型心心💖唯手熟而(感覺如果呢個圖案嘅話，個咖啡師應該技能 buff 點滿咗啦），個拉花都幾靚下，啲泡都打得好靚，表面一啲起泡都冇～✨-L3 All day breakfast又係有柚子醬沙律啦，炒蛋、腸仔、菇、煙肉三文魚、牛角包🥐同埋個英式鬆餅 都幾豐富下尤其是小蕃茄好好食，本身已經煮熟咗～唔知點樣加咗啲糖落去，甜甜地-L4嘅自家煙

藏身於美麗華商場一間cafe，店舗裝潢以藤蔓乾草佈置,採用半開放式嘅設計,仲有吊藤籃座位,環境好靚好chill！✨是日餐湯及沙律：南瓜湯味道算濃郁香甜,仲夠熱辣辣！柚子沙律酸酸甜甜,好清新, 好開胃~✨燒加拿大保濕豬架配蜜糖芥末醬豬架煎得表面焦香,肉質juicy帶有嚼勁！底下醬汁配料用佐紅腰豆,蘿蔔粒同火腿粒,好惹味！還伴蜜糖芥末醬,味道增添層次感！✨香煎比目魚配水瓜柳荷蘭汁 魚皮煎到香脆,肉仍保持嫩滑,魚油豐富,底下紫薯蓉香甜綿密,連伴菜嘅秋葵,翠玉瓜及粟米都好好味!✨熱海鹽焦糖拿鐵焦糖咖啡甜度適中帶海鹽嘅咸,飲落順滑!好特別!✨Mocha咖啡增添朱古力味道唔太甜,又不遮蓋咖啡香味,味道好夾！

這次的美食之旅中，我品嚐了兩道令人難以抗拒的佳餚，分別是Homemade Smoked Salmon Sourdough -自家製煙薰三文魚(威士酒配粗薯條、水煮蛋、酸種麵包、水瓜柳忌廉芝士醬和New Zealand Rib Eye -香煎紐西蘭肉眼配粗薯條、燒肉汁 、青檸柚子汁雜菜沙律。 自家製煙薰三文魚這道煙薰三文魚搭配威士酒、粗薯條和水煮蛋，還有水瓜柳忌廉芝士醬，味道鮮美。三文魚的鮮味在每一口中都得以展現，配合酸種麵包的香脆，口感非常清新，毫無油膩感。每一口都讓人感受到食材的原汁原味，健康又美味 香煎紐西蘭肉眼肉質鮮嫩多汁，份量十足，讓人感到物超所值。搭配粗薯條和燒肉汁，讓整道菜更加豐富。特別值得一提的是，青檸柚子汁雜菜沙律意外地與肉眼形成絕佳搭配，清新的口感為整道菜增添了一絲清新，令人印象深刻。南瓜湯份量適中，味道可圈可點。總的來說，這次的用餐體驗讓我對這兩道主菜印象深刻。無論是自家製煙薰三文魚的清新口感，還是香煎紐西蘭肉眼的肉質鮮嫩，都是值得一試的美味佳肴

有時揀Coffee Shop食晚飯都幾好，可以帶部note book做下嘢，靜靜哋。美麗華有一間地方都幾大嘅coffee shop，近日推出新dinner menu，都幾唔錯。香煎比目魚配水瓜柳荷蘭汁一嚟就睇中呢個dinner set，用紫薯做薯蓉，配翠玉瓜、蘆筍，色彩繽紛，增加食慾！比目魚嘅魚皮煎得好香脆，味道很好。大蝦墨魚汁意大利粉店員話墨魚汁意大利粉偏鹹，可以揀少鹽或者走鹽。我哋揀咗少鹽，味道啱啱好喎。兩隻大蝦有蝦膏，肉質爽彈。墨魚汁嘅醬汁香濃，非常推薦！套餐可以配柚子沙律或者是日餐湯，柚子沙律非常清新，而今日餐湯係南瓜湯，滿滿南瓜香。

餐廳設計得好靚，座位嘅選擇都有好多，有小梳化及搖籃等等，坐得舒服，係一個同朋友傾偈嘅好地方。頭盤 今次嘅精選餐湯係南瓜忌廉湯，忌廉湯非常幼滑，但係南瓜嘅味道就非常濃郁。Turning Point Bowl 配料包括吞拿魚、雞絲、溫泉蛋、牛油果、酸種麵包、紫薯沙律、羽衣甘藍和雜菜沙律，整體沙律搭配青檸柚子汁，每一個配料都別出心裁。吞拿魚塊有黑白芝麻圍邊，香香脆脆，令吞拿魚更突出。牛油果擺盤精美，將牛油果切開後以扇形展開。紫薯球用料十足，而且保留了紫薯的纖維，十分難得。沙律用了柚子味的沙律汁，甜酸得宜。香煎大蝦、龍蝦汁 新鮮手造墨魚汁扁意粉 大蝦開邊煎熟，上面用魚子點綴，美觀之餘，味道相得益彰，咬開鮮味十足。墨魚汁扁意粉新鮮手工製作，口感厚實同時咬落特別有咬韌。芒果芝士蛋糕芒果啫喱舖在頂層，中間係芒果味芝士蛋糕，底層是厚實的餅底。入口細膩，果氣芬香。熱伯爵紅茶 熱茉莉綠茶

呢間cafe喺疫情期間我嚟咗好多次，嗰時覺得都幾健康又好食，疫情後都同朋友嚟過幾次，不過今次係隔咗一年先再嚟…我叫咗個有吞拿魚同沙律嘅turning point bowl，加錢要咗個水牛城雞翼，同一杯mocha，但真係對佢嘅味道有啲失望…首先吞拿魚嗰碟，吞拿魚同沙律同牛油果都冇乜問題，但嗰塊酸種麵包一咬落去有陣油益味，我本身好鍾意食酸種麵包嘅，諗住忍耐下陣味食咗佢啦，但第二啖後真係頂唔順，嗰浸油益味真係搞唔掂，另外佢有少少雞肉嘅，可能因為呢碟嘢係凍食，所以雞肉會有啲啫喱黐住，我都麻麻哋好似未解凍咁跟住嗰個跟餐平$10，加咗$38要嘅水牛城雞翼，我覺得呢個真係唔應該放落餐牌，佢除咗勁酸，係冇其他味道，辣味或其他調味都食唔到，嗰隻酸味亦都係冇任何味道層次，總之係一個酸字，因為唔想浪費，我又試過將另上俾我嘅柚子沙律汁加落雞翼到，再試，但其實真係唔得，所以第三隻真係食唔落去…至於杯mocha，餐牌寫70%比利時朱古力（無糖），所以有啲期待，點知除咗好重奶味之外，得好淡好淡嘅咖啡同朱古力，早知就乖乖哋叫番americano飲因為呢個質素，我好奇地上嚟openrice睇食評，見好多人話服務唔好，咁

喺美麗華一期GU隔離原來有間cafe,擺左啲好靚嘅圓碌碌籐椅，吸引左我地入去試下。野食款式都幾吸引而且唔貴。All day breakfast, 份量好大！包括三文魚，話梅漬車厘茄，炒滑蛋，豬肉腸，煙肉，大啡菇，雜菜沙律配青檸柚子汁，酸種牛角包，英式鬆餅配大黃士多啤梨醬&濃縮奶油醬。真心非常齊全，由其將平時afternoon tea必備嘅scone放埋落去，好加分因為真心好食！😍加拿大保濕豬架配蜜糖芥末醬。除左主角嘅豬架好juicy同埋肉質嫩之外，底下嘅雜豆醬汁都勁正！係撈埋左豆、切粒紅蘿蔔、切粒火腿製成嘅，味道微酸超開胃！旁邊仲有蜜糖芥末醬。生薑蜜糖鮮奶，凍天飲啲薑嘅野好暖胃☺️係真係有生薑碎喺入面，個蜜糖又好好味，呢杯野超推介呀！

🍝香煎大蝦、龍蝦汁新鮮手造墨魚汁意粉｜💰$168🥗ᴛᴜʀɴɪɴɢ ᴘᴏɪɴᴛ ʙᴏᴡʟ｜💰$148🦑天婦羅魷魚｜💰$48（跟餐價）🍰開心果提拉米蘇｜💰$58（跟餐價）美麗華廣場新發現性價比高cafe！除咗有新鮮手造意粉，仲有各款沙律、甜品，dinner set包埋前菜（湯/沙律）、飲品，另外仲可以用優惠價點小食/甜品，餐廳行小清新路線，打卡一流🍝香煎大蝦、龍蝦汁新鮮手造墨魚汁意粉，份量超大，兩個人share都有7成飽😂大蝦上有魚籽非常有誠意✨醬汁惹味、意粉彈牙～🥗ᴛᴜʀɴɪɴɢ ᴘᴏɪɴᴛ ʙᴏᴡʟ，真係超大份，海量沙律菜+極大牛油果+雞肉+溫泉蛋+紫薯蓉，吞拿魚非常厚切+鮮甜🦑天婦羅魷魚，是日MVP，炸衣好酥脆、魷魚肉勁彈牙，大推👍🏻🍰開心果提拉米蘇，texture真係好一絕，略嫌手指餅咖啡味有啲重，蓋過咗開心果味，但整體都係好好食～

首先去到餐廳完全冇人招呼帶入位。坐低咗之後完全冇人諗住過嚟take order, 要客人親自行去收銀叫嘢食！問佢喺位度落order定係喺收銀度落order？佢話咁你都嚟咗咪喺度嗌埋囉短頭髮收銀嘅女仔態度極差西口西面咁。啲嘢食就普通到唔普通。下午一個tea set一個炒蛋一個沙律，加一個大啡菇，連埋+1服務費60幾蚊。但係全程其實冇人serve憑咩收人服務費。垃圾餐廳以後都唔會食。

今日再訪依間位於美麗華入面嘅靚靚cafe❤️ 悠閒渡假風嘅設計，令人舒適又放鬆😙 特設滕椅座位😍 超級有feel 啱曬打卡👍 試咗一份下午茶餐✅ 內含自家煙薰三文魚、迷你酸種牛角包、牛奶滑蛋、青檸柚子汁雜菜沙律，份量輕盈啱曬做下午茶❤️ 牛角包熱辣辣，入口酥脆鬆化，加上鹹香惹味嘅煙三文魚，滋味一流😋 牛奶滑蛋香滑多汁，蛋味濃香😙 沙律清新又開胃😆 成個茶餐組合好match📍 甜品㨂咗一件原味巴斯克🌟 口感軟滑細膩，滋味濃郁甘香，入口每一啖都充滿芝士嘅馥郁☺️ 濃而不膩，唔會太有負擔👏 自家製太妃糖拿鐵咖啡上以天鵝拉花作點綴，拉花精緻美觀打卡一流🌟 咖啡入口順滑醇香，啡味濃而不澀，啡香處處，中間帶有太妃糖嘅甜美滋味，好正❣️

Dinner set個牛油果他他多士比較迷你，魚柳扁意粉味道正常，魚柳好大塊煎香咗，份量好夠飽，overall性價比都ok. 不過店員態度麻麻，少少影響用餐心情。環境係商場一個corner半開放嘅，拍住出面商場人來人往，唔係chill cafe嘅感覺，定位有啲唔上唔落。

Lunch time 經過美麗華商場見到呢間cafe，環境唔錯喎，就入去食個lunch 先叫左個牛扒lunch set，有沙律前菜，同一杯Earl grey ，牛扒5成熟都幾好食既👌🏻問題係店員既服務態度就好一般喇我分別同左一個男店員同女店員講想要一杯水，佢地應完但遲遲都未上😂😂到最後埋單再同另一位男店員講先有杯水飲下，講真又唔係多客，嗰兩個店員仲好得閒係道傾計🫢食物質素固然重要，但員工既態度同服務都係唔可以忽視既，呢一點真係要改善一下！