Turkeyano

營業中

休息中

🫶🏻有時食得多中西日泰韓菜，會想 Try 下啲新野。某日做 Gym 路上聞到一陣烤肉味，原來係一間土耳其食店，售有烤肉 Kebab、pizza 呢類食物，平時好少食Kebab，見佢唔太貴，買份試下帶返工食都好！🤪👅 Chicken Doner Roll ( $ 78 )土耳其烤雞肉卷，睇外賣包裝以為細細短短既一條，但拆開錫紙黎睇，發現原來好長身！外皮薄身柔軟，內餡有烤香左既雞肉件、洋蔥、椰菜，醬汁酸甜，餡料既安排令成個雞肉卷既味道更豐富，成卷食哂好飽，但又不會覺得濟肚油膩 🌈🌈👅 Fire Fries ( $ 58 )Fastfood 流必點炸薯條，辣味薯條少食，點左份黎試。預想不到既大份，兩個人食先得 🤣 薯條炸得酥脆，表面灑上辣粉 🌶️ 食落唔太辣 ，不過愈食得多，辣度會累積，如果唔太食得辣既人可能唔太岩（食得辣既人可以輕鬆KO），美中不足係冇蕃茄醬伴襯 🥹 但整體味道不錯～▫️◾️▫️◾️▫️◾️▫️◾️▫️◾️▫️◾️▫️◾️▫️Turkeyano (油麻地)📍油麻地彌敦道375-381號金勳大廈地下7A號舖

好開心喺香港都可以食到咁正宗嘅土耳其美食😋❤️烤羊肉卷$88羊肉卷係即叫即整，好新鮮😍 整個陣已經聞到好香，流晒口水🤤🤤🤤份量好多，好多羊肉🤩🤩加埋佢地自己調製嘅醬汁真係好好味😋特別一提係啲薯條都好多，而且勁好食勁香，係厚切嘅薯條！好想再食呀🤩🤩🤩❤️Beef Pepperoni Pizza 🍕 $48/slice呢度嘅Pizza可以一片片咁買幾正😆Pizza餅底比較薄，而上面嘅cheese就好多!!土耳其香料嘅味道好出🍕😝正呀❤️Chicken Cheese toast $20賣相好靚!!包上面鋪滿咗芝士一拎出嚟已經聞到好香!!性價比好高呀

呢間位於佐敦油麻地交界叫土耳奇佬外賣店感覺好正宗 有pizza ,kebab, 土耳奇吐司, 炸薯條, 雪糕等不同小食賣間唔中就會想食下呢d特別野🥰決定買d返屋企做晚餐Pizza ,kebab, 土耳奇吐司 不同的分別係配不同肉類: 雞, 牛, 羊同一般土耳奇店一樣 有個轉轉肉既機今日就得雞肉😂所以全部叫雞-🔸Chicken Doner Slice with Drink $38係有原個Pizza賣但係比較大件的所以揀左一件裝 仲送汽水pizza上有洋蔥 青椒等大量配料配茄醬低 好有風味-🔸Chicken Doner Roll $78好大roll 兩個人share先食得哂大量雞肉 蕃茄生菜都好新鮮加上獨家醬汁 食落又惹味-🔸Chicken Cheese Toast $20都係同pizza一樣既材料但就有一大pat芝士Toast厚厚的好香脆-📍Turkeyano 📌油麻地彌敦道375-381號金勳大廈地下7A號舖

經過佐敦想買外賣🥰呢間土耳其小食店以前食過，覺得味道好正宗，而選擇都唔少，最主要有kebab和pizza。一於買客my favorite 嘅烤羊肉卷返屋企嘆下。🔶烤羊肉卷（$88 ；午餐 $98 連薯條加飲品）一客都幾大🥰即叫即做🫶🏻用錫紙卷好切開一半，食嘅時候好方便，唔會漏晒啲汁。羊肉餡料都多呀，入口有羊香，嫩口又多汁，仲有香料香～個皮唔會太厚，質地仲幾軟熟。🔶beef pepperoni Toast $28見到有幾款新出嘅脆多士，熱辣辣厚多士入口脆脆地，好唔錯。上面有辣肉腸，仲有好多芝士🤤味道辣辣地又有芝香。🔶土耳其佬薯條筒 $25粗身薯條炸得酥脆可口不會油膩，又唔會太燶，食落中間幾鬆軟，有薯香。

👩🏻‍🍳 Turkeyano 土耳其佬 🧑🏻‍🍳🥡外賣系列第N彈🥡其實我真係好鍾意食Roll☺️認真嘅，日日食都得❤️推介呢間土耳其佬，去開佐敦一定買。有陣間買埋當第二日嘅lunch，叮一叮就食得，好方便。btw我真係好掛住去土耳其旅行嘅日子🙈👣值得科勞指數：🏃🏻🏃🏻‍♂️🏃🏻‍♀️🏃🏻‍♂️🏃🏻🍽 Lamb Kebab Roll🍽 Chicken Döner Roll📍地點：油麻地彌敦道375-381號金勳大廈地下7A號舖#土耳其佬 #土耳其 #Turkeyano #Turkey #油麻地探店 #油麻地美食 #油麻地探食 #hkfoodblog #hklifestyle #foodstagram #instafood #foodoftheday #hkiger #hkeat#hkig #foodie #hkfoodpic #hkrestaurant #相機食先 #香港美食 #followme #followmetasting @turkeyano

前幾日放工經過彌敦道，見到呢間好有土耳其特色嘅小店🇹🇷就決定買番去做晚餐😜🌟土耳其烤雞肉卷 $78烤雞肉質鮮嫩多汁，火候恰到好處🌯而且用左獨特風味嘅香料醃製，非常惹味加埋清脆嘅蔬菜🥬完美地中和烤肉嘅油膩卷餅仲配上即炸、沾上孜然粉嘅薯條，夠曬飽肚🍟🌟Margherita Pizza Slice $28番茄🍅搭配Mozzarella cheese🧀絕對係黃金組合！番茄醬夠鮮甜，又唔會搶曬芝士嘅風頭餅底柔軟得黎有嚼勁，厚薄適中🍕最重要價錢夠親民，分量十足🌟Lamb cheese toast $28多士呈長方形，外脆內軟經過高溫烘烤嘅羊肉，香氣逼人，完全冇羶味🐑表面再鋪上滿滿嘅芝士，滋味濃郁🤤小店嘅食品即叫即整,保證熱辣辣同新鮮想試土耳其菜式嘅朋友一定唔可以錯過👍🏻

👧🏻😋👅🍽✨土耳其外賣店-Turkeyano🇭🇰 油麻地彌敦道375-381號金勳大廈地下7A號舖 🇭🇰-🇹🇷 除左常見既kebab, 原來土耳其野都有pizza, 另外仲叫左兩款包類🇹🇷 見店員哥哥好熟練咁操控唔同嘅焗爐, 全部嘢熱辣辣入盒, 返到去仲暖暖地-🍫 🍦 Chocolate chip gelato 2 scoop $38 💯幻想喺土耳其食土耳其雪糕佢會同我玩移形換影, 點知佢諗多咗嘅🤣💯但雪糕真心好食! 奶味同朱古力味都勁濃郁, 有朱古力碎片之外亦都有杏仁碎-🍕 Beef Pepperoni Pizza $48/slice✨平時既辣肉腸多數有豬肉成份, 呢間清真認證土耳其店就用左純牛肉, 更juicy香口✨墨西哥辣椒連籽勁辣🌶但同埋芝士底一齊食又平衡返-🐔 🍞Chicken Cheese Toast $20💯比我想像中大塊嘅多士, 雞肉切粒, 同芝士, 橄欖, 燈籠椒等等配料塗上番茄底嘅多士再拎去焗, 食落脆卜卜-🧄 🥖Garlic bread $28/4 pcs✨呢個已經等唔切返屋企就俾我哋消滅晒🤣 蒜香牛油味好重, 超脆口👍🏻

搭車經過成日都見到呢個土耳其佬logo 今日經開順便買啲異國風情嘅外賣返屋企同比朋友 買咗烤雞kebab 卷$88 lunch set即叫即整有生菜 雞肉 特調雞肉汁十足土耳其風味份量十足 卷得亦十分精美朋友都讃Lunch set 配即炸薯條 香脆咸香瑪格麗特pizza $28買咗一件留明天食 翻熱起上嚟 都好香囗充滿芝士 茄 帶少少辣（土耳其風味）好抵食 芝士雞toast$20係法包🥖上面加芝士同雞肉材料豐富 唔知係唔係下午茶時段有埋薯條比我留咗做早餐 非常豐富續⋯Turkeyano (油麻地)油麻地彌敦道375-381號金勳大廈地下7A號舖#hkfoodie#hkfoodblog#turkeyano#土耳其佬#hkfoodsnap #hkfoodblogger#hkfood

前幾日我行開佐敦，屋企人話夜晚想食外賣pizza，但我又唔想成日叫連鎖集團嘅pizza，咁啱我見到呢間土耳其外賣小店，除咗有kebab之外，原來仲有pizza賣，於是我就一於叫嚟試吓！呢間小店由印度人老板娘主理，所有食物都係即叫即整，整嘅時候，傳嚟陣陣pizza香，真係未食先流口水啦😂我分別叫咗香牛肉腸pizza同埋veggie cheese toast，個pizza嘅餅底雖然比較簿，但相當脆身，上面啲cheese又勁多，唔知係咪因為土耳其風味，所以我食到好重嘅香料味，又幾得意，其他地方應該食唔到！而個toast只係$18，都非常抵食！啲芝士又係勁多，如果以食下午茶嚟計都幾平！絕對可以返兜！

呢間外賣小店位於油麻地，主打正宗土耳其料理，有donor box、pizza、kebab、rice bowl，同多款小食提供～ 門口已經聞到好香嘅烤肉味，土耳其食物都比較少食，經過可以一試！Pizza要咗兩款口味，呢度可以一片片買，十分貼心😝 每片都大大塊，偏薄身，用料滿滿，烤雞肉細細粒，嫩滑唔嚡、香牛肉腸鹹香味突出，兩個配上大量拉絲芝士，加埋其他配料令到整體口感更加豐富，當下午茶食都唔錯～ 另外有幾款多士類，雞肉芝士同樣有驚喜，麵包香脆可口，就算放咗一段時間都唔覺淋，上面鋪滿洋蔥、三色椒、番茄醬等調味，小食嚟講都幾飽肚！而香蒜包都唔錯，夠脆而且好惹味🤪 最後食埋個朱古力脆脆gelato，口感香濃幼滑，炎夏消暑極品😭

實在俾佢嘅香味吸引住第一時間叫咗兩個Pizza同羊肉芝士Toast😁, 原來即叫即製，咁反正都要等，就叫兩球土耳其朱古力雪糕試吓，朱古力味都幾香濃，又有朱古力碎口感幾好😋Pizza唔好睇小，諗住細細塊就食兩件😂，點知Pizza鋪滿勁多芝士，餡料又豐富，所以原來一件我都已經夠了留第二日食早餐吧，焗返熱食都相當唔錯，同即整效果一樣好味💯💥另外雙寶優惠都好吸引$168可自選2件14吋pizza確實抵，不過有時間限制，每天3:00pm-6:00pm 😬

前排冠南華個招牌話要拆，我都跟下風去打下卡先。呢啲香港特色唔影就無啦！又真係幾靚。想食個快飯，仲有下場。就去左旁邊的TURKEYANO外賣店買啲野食先~店員見我諗唔到食乜，就介紹呢個雞肉盒土耳其佬盒($98)，個名好得意呀。店員話入面有薯條、雞肉同沙律，仲要大大盒，裝到密質質。啲雞肉真係好好食~ 好入味，又滑又多汁，份量好多呀！啲薯條新鮮炸起，熱辣辣無得輸呀，加埋沙律清新下唔洗咁漏～配埋三式醬料：辣醬、薄荷醬同沙律醬，好邪惡呀，不過真係好好味～食完真係飽到郁唔到。一定有下次，試下其他新野～

最近愛上食土耳其kebab🌯，今次嚟到呢間油麻地外賣店，試下佢地土耳其🇹🇷店主親手整既正宗kebab🌯。小店主力做外賣為主， kebab好多選擇菜式；有脆香豆腐卷同脆香雞卷都好吸引，仲可以額外加芝士🧀同加辣🌶。 另外，仲有土耳其shake shake薯條🍟，雪糕，同爆谷。 👅 𝓜𝓮𝓷𝓾𝓼🌟 烤雞肉卷🐔🌯店主👨🏻‍🍳係即做即整係係轉轉烤肉到切出，再用墨西哥卷包埋其他配料。 有大量生菜🥬、蕃茄🍅、洋蔥🧅，而烤雞肉用左香料醃製過，食落有烤出焦香味和香濃既香料味😋而芝士迷既我，聽到有得加芝士，唔洗諗一定會加！ 我額外再加多$10芝士🧀，咬上去口感好豐富同juicy🤭。邪惡十足🙊！Kebab🌯份量材料好足，雞肉同配料比例岩岩好，食落好多菜好fresh🥰, 健康人士都好岩食 。我只係食左半卷已經好飽，好抵食呀😊！ #cc_油麻地推介——————————————————💕Encore指數：4./5 💕餵食指數：4/5💕推介指數：4/5——————————————————如果鍾意我既分享pls follow —> @cc_foodie_dairy ☺️💕📍Turkeyano (油麻地)油麻地

📍@turkeyano in JordanTurkish takeoutFood: 💛💛💛💛💛Décor: 💛💛💛💛💛Service:💛💛💛💛💛Price Value: 💛💛💛💛💛Price range:💰 $100Favourite:💖 Chicken Doner kebab roll------------------------------✅ Located in Jordan, opposite to Eaton hotel, takes only 4 minutes walk from Jordan MTR station. Very convenient✅ The menu offers a wide variety of delicious and mouthwatering Turkish food I.e kebab rolls, diners, pizzas and rice bowels and even popcorn and ice-cream✅ The shop is clean and tidy✅ Good food at affordable price

今日係油麻地行下行下見到呢間外賣店，平時好少食，見都幾多人幫襯，價錢又合理，就買左個餐番去食🥳Lamb kebab roll ($88)好多肉！而且炒得好香，咬落去唔鞋都唔會太乾身😋😋配埋沙律菜同特製既醬汁，味道豐富又惹味，墨西哥餅皮都焗都有少少香脆，趁熱食真係唔錯！而且食晒都幾飽肚。加$25有薯條同可樂😍薯條係幼身，落左特製既粉調味，特別香口🤩可樂梗係飲coke zero!下次會試埋其他，見有飯同pizza,價錢都唔貴