Triple O's by White Spot (荃新天地） (已結業)

幫襯咗呢間漢堡包快餐店已經有一段日子。記得以前香港只係得3、4間分店，但品質真係非常非常好。無幫襯好一段日子，知道最近荃灣開新分店，近近地，梗係要去回味下。食物：煙肉芝士漢堡套餐(薯條轉洋葱圈)$93有點失望。漢堡扒係整定保溫，並不是即叫即做。無新鮮熱辣辣既感覺。洋葱圈相當好食! 係完整一條條既洋葱圈，並不是另一間漢X王用打碎哂既洋葱碎。環境：新開業，乾淨企理。不過地方好細，好易無位。服務：有禮貌整體感覺相比以前退步了。加上以快餐店賣$93一個漢堡包套餐嚟講，仲有好大進步空間。

荃新天地開左間漢堡店，上次經過已經想試下個質素。星期日終於有機會，大概三點左右無咩人就堂食試下先原來呢間係連鎖漢堡店，港九咁多分店我都未食過真係好鄉里呀我地分別叫左個原味牛肉漢堡同埋一個磨菇漢堡，再加$24跟餐（一杯野飲同薯條），再加多$11轉左一個蒜蓉芝士薯條。漢堡包勁大個勁厚，一打開包裝紙有一大片酸瓜（好開胃）原味牛肉漢堡除左一塊漢堡扒仲有蕃茄同生菜，其實配菜就幾新鮮嘅，不過食唔倒牛肉嘅味道，叫做普通。但是磨菇漢堡就唔同，咬落好juicy，而且牛肉好有牛味而薯條就普通，唔特別出色。而且價錢唔夠大眾化。下次繼續試下荃灣區嘅漢堡店

今日去荃新天地食lunch ,見有間新開triple o , 一於試下佢啦，店內唔算多人，可能因為一個餐約$80, 略高過荃灣平民lunch價錢。叫左個餐，味道都一如概往，不過d staff好好態度👍🏻👍🏻

某日 , 到 荃灣 - 荃新天地 逛街 , 見有新開的食肆 , 原來是 Triple O's by White Spot , 數數手指 , 大概有幾個月冇幫襯過 Triple O's, 就立即入去食 ~ 我點了一個 磨菇牛肉漢堡套餐 Mushroom Burger Combo ( 蘑菇牛肉漢堡包 + 洋蔥圈 + 汽水 ) 洋蔥圈 : 炸得金黃酥脆 , 內在的洋蔥是又鮮甜又多汁 , 以一般連鎖快餐店的水準而言 , 算是很不錯的了 ~ 蘑菇牛肉漢堡 : 漢堡大大個 , 酸瓜就約有五吋長 , 麵包熱哄哄又鬆軟 , 餡料就有牛肉味重重的漢堡扒 、炒得香香的蘑菇粒 , 配以秘製的 Triple O 醬汁 , 實在是滋味無窮 ~本篇完 ~