Treats (已結業)

係太古城中心有咩好食呢？行行吓，入咗去food court ，見到有一間鋪頭，條人龍特別長，於是就去八吓。呢間鋪頭，淨係賣一款飯，就係叉燒煎蛋飯，個叉燒好淋，加埋隻平平無奇嘅煎蛋🍳，仲有個自家製嘅甜豉油，真係好正！食完好滿足！咁嘅價錢同位置，絕對係超值！👍🏻👍🏻👍🏻👍🏻👍🏻👍🏻👍🏻好一碗黯然銷魂飯。。。。。

開咗都有成年，去過兩三次，因為好難揾位，尤其同幾個朋友一齊呢……地方仲keep得好乾淨，燈光就有情調，比較暗。分咗好幾間小舖，買電子飛，再排隊攞食物。今次揀咗呢間試個暗然銷魂飯賣相好普通冇特色可言。冇咩香味，隻蛋點解穿咗嘅 叉燒色澤方面吾夠，比較淺色，同出邊啲燒味店差得幾遠。食起嚟，唉…… 冇特別。叉燒吾夠入味，亦比較瘦。我鍾意叉燒有少少燶嘅。好彩都仲有啲豉油，帶起少少鮮味。呀！要提一下個價！$4X蚊仲有杯汽水，喺太古城入面係好平喇！

早晨套餐($30)，以太古城中心嚟講，呢個早餐性價比不錯，食材比大形連鎖店質素高，沙嗲牛肉公仔麵， 公仔麵比較林，但湯很熱，沙嗲牛肉有落小量花生粒；半塊多士，軟熟，好味道；炒滑蛋，還有小量蛋汁，配合麵包一起食，非常不錯；熱奶茶，茶味比較淡，唔夠奶味。

香芧豬扒飯，價錢$43（外賣），食物質素不過不失，但比較單調，只有豬扒和飯，沒有菜！豬扒有香茅味，可能外賣關係，豉油放在飯底下面，有小許蔥粒，飯比較乾身，份量足夠一個成年人午餐。

喺太古城諗住平平哋食個晚餐，行行下就嚟咗呢個food court. 佢有點心、車仔麵、日式便當、西式食物....搵位既時候見到幾多人食Carbonara，所以我都試下。😆落單好快，但等得比較耐。食第一啖發覺佢keep到好熱，而且好惹味，意粉夠彈牙👍🏻👍🏻$50幾蚊，又有咁既水準，算係唔錯！

太古大部分食肆都是連鎖店，看似有很多選擇，實質也是差不多，好幾次到新式food court "TREATS" 午餐，都留意到門口位置的車仔麵。天氣凍左，決定試一試這個車仔麵！電子點餐很方便，如果是用電子貨幣結賬是方便的，如果選擇現金付款就有點不方便，因為收銀處只有一個！點了三餸麵，才發現此店叫「麵麵店」，唔知係咪小儀個間呢！食物方面揀左雞翼、豬皮同墨魚卷配米粉，$42 送紫貝天葵！雞翼脹卜卜，甜甜地的鼓油，肉都算滑，有d似鼓油王雞翼！豬皮好入咪，夠爽口，但有小小豬毛。墨魚卷就係正常野，份量唔算好多，都岩岩夠食。湯底揀左清湯，加左少少薑酒，食唔出薑酒味。可自行加辣醬同辣菜蒲，裝醬料的匙更太大隻，唔覺意落左好多。結果碗粉除左好辣，都係好辣。其實TREATS 係food court來講，係環境唔錯，夠寬敞，而且價錢亦合理。

員工態度散漫，程序混亂，叫人排隊，轉頭自己又唔跟次序亂咁叫人點食物，你話佢知錯咗，重話無錯，鬧完比埋單佢睇先知自己錯🤬！唔聽清楚，比錯食物又唔認，又瀨你講錯，態度又差，唔鬧都唔知衰。食物品質很差，特別魚旦，黑魚製品，好似食緊一舊粉，完全冇味！豬皮，豬耳等食物很重化制品味，真係頂唔順，唯有放棄唔食。飲品得兩種，都係凍既，你唔飲凍野就唔好幫襯😡！果d小食，全部都冇得賣，都但知寫出黎做乜。未見過咁廢既食店，一定不會再幫襯。🤬👎

溏心蛋飯糰🍙（HKD16）唔知點解呢排好似個個都食緊佢好似係日本個邊好興 好快咁帶左入本地個個都食 唔通個個都想食咩？-講真 呢個foodcourt由開業一直都有黎開去到呢家我會話你知佢ge質素係直線下降真心幾失望我個人寧願佢開業一直保持質素，而唔係話一開始試業好高質去到中期就開始求其-d飯話係鰻魚汁味 但係我完全食唔出咩鰻魚汁ge味道反而覺得d飯食落好鬆散 唔講都唔知你用左珍珠米:0)溏心蛋w方面係幾入味 食得出有陣淡淡ge清酒味🤔 總括而言 蛋同飯味道唔會撞但係就得蛋一樣係好味🤔唔係差 不過都幾大進步空間 🌟Rate: 5/10

假日除了愛做宅女外，間中亦會做一做孝順女兒陪兩老逛逛。今天便與兩老到太古城閒逛，因他們早起吃早餐，很快便肚餓了，媽媽表示吃過這裡的燒味飯想再吃一下，我當然亦樂於奉陪..坐和吃一點點。媽媽與爸爸分別叫了叉燒飯($39)和四寶燒鵝飯($58)，不得不說，這家店亦頗多人捧場，有點好奇是否有那麼好吃呢?!叉燒肥瘦適中，外層脆口香甜，肉質鬆嫰。四寶飯中的雞味道亦不錯，肉質嫰滑；鵝肉味濃，不會過於鞋口；其餘食物亦不過不失。會不會覺得有點豉油浸飯? 其實本身應該沒有這麼多汁的，是老爸子要人多汁，因此才會出現這樣的情況，最後老媽子亦頂不住要再添多一點飯才不至於感到太鹹，故不建議叫多汁，除非你是重口味之人。其實他們真的要求很簡單很易滿足，偶爾讓他們不健康一下也可以的，開心便行了。

終於下午有下午茶食之前行過幾次, 發覺呢個food-court 又貴又無乜好想食. 今日行過, 終於有下午茶食價錢食品. 人流多返D, 附近嘅staff都入來食. 今次叫左個黑椒牛肉鐵板炒麵, 果然同美x集團一樣味. 仲熱辣辣, 好香口. 牛肉分量不錯, 仲有牛味! 仲有烏龍茶送.另外, 叫左個燒鴨魚湯河.燒鴨唔會太軟, 仲有口感環境一流的，人量多但位亦多. 裝潢幾靚. 食物盤唔方便! 四邊都是高邊，影響進食。而且感覺唔太好. 

位於太古由美心集團經營的 food court， 食物多樣化， 四處都是有趣的畫， 全部畫在玻璃上， 感覺新穎。蘑菇脆烤芝士三文治 $38, 三文治都是即叫即烤的, 等了大概五分鐘, 熱哄哄的三文治 到手了。 蘑菇餡料混入了白汁和芝士， 雖然沒有拉芝士的效果， 但芝士味和磨菇很配。 這個三文治的重點都在麵包上， 麵包烘得外脆， 麥味香， 帶點煙韌， 是那種很有質感的麵包。😉三文治不是很大份， 但食完的確會很飽。😃😃😃飢point : 8/10#hungermarch #非飢詩 #飢詩

黯然銷魂飯 - 唔知大家會諗到係咩飯呢？！ 有日 minasan 在太古城，都唔知食咩好，間間都好似有點貴，作為 quick meal 好似都唔太合適。蕩下蕩下，見到 log-on 隔離有個新 food court, Treats - 裝修好日系，好warm, 好舒服(不過冷氣大了點，但 summer 都ok) ，入面有好幾間食店，中西日亞洲菜，鮮果汁店，小食店，連街頭小食 - 雞蛋仔都有，正係眼花撩亂之時，👁👁黯然銷魂飯！！即時好想知道這個飯會有幾黯然，order:

喺太古城，要搵間茶餐廳都真係幾難，想食過叉燒飯就要去酒樓，或者大記，今日心血來潮，好想食個叉燒蛋飯，近近地去左 Treat，就叫左個暗然銷魂叉燒飯，多汁！一般嚟講我係會食第二檔嘅常餐嘅，不過上次等上餐嘅時候，檔口職員叫我下次試佢地個叉燒，講到好正咁，所以我就記住下次試試。佢個叉燒真係幾好味，唔會乾真真，半見瘦，食落係香口，蜜汁都好均勻。 隻蛋煎得靚，蛋白係全熟嘅，唔會有蛋白啫喱喺面！ 不過新餐+$3 只有汽水選擇，如果有奶茶會更好！

晏左少少放飯，心知不妙，係太古坊呢頭返工就係咁，一放飯就唔洗理好唔好食，只要有野食賣就有一大班人同你爭。今日，揀無可揀再去treats， 都要搵左陣位先有枱。平時我黎親呢間就會食我嘅頹飯（午餐肉煎蛋飯）。今日試新野即時中伏，叫左個焗豬扒飯，喂，即係美心焗豬扒飯姐，心諗都好穩陣姐。一開錫紙蓋，色水唔錯，雖然件扒唔算大，但醬汁剛剛蓋滿整個飯，起碼係預期的水平。件扒仲切好一條條方便食，心諗都幾細心，點知一咬塊豬扒，嘩，超乾柴，鞋烚烚，真係穢撻左件豬扒。同事叫左個滷肉飯配四色餃子，同樣出事。飯應該未熟，個個送嘅甜品本身都好味，奶味夠，但畫蛇添足地加左人工荔枝水，明明好味嘅野搞到不倫不類。總結，以後黎呢間食飯，我都係揀返頹飯，以策安全

太古城商場的Treats食肆,商場把它翻新及搬遷後第一次去食，這Treats有多間不同口味食店可選，Order、付錢一站式自助服務，夠崭新。看過不同食店後，正心大心細，眼見有多個人都order了燒味店之黔然銷魂飯，即义燒脆邊蛋飯，所以就决定食這款。這黔然銷魂飯果然好食，我要求多汁，蛋是即煎荷包蛋，蛋邊煎得非常脆口，好耐未試過出街食到脆邊蛋。而义燒半肥瘦，非常軟腍，味道香濃。餐加埋一杯可樂，亦不過45元內，低食又好味。