Tivoli 意大利餐廳

營業中

休息中

尋日同我男朋友, 去左呢間餐廳食, 初初望入去覺得, 好似都唔係好多人喎, 但係睇過咁多人對呢間既評語, 即管試下啦咁我地叫左個意大利沙律, 天使面啦, 唔...一個羅宋湯, 一個雜菜湯...個沙律都好味呀, 個天使面呢, 就比起其他地方既做得滑d, 好味d啦, 兩個湯都好有佢既香味, 飲落都ok呀.我見到之前有位讀者講既黑色框眼鏡叔叔, 佢好好禮貌同態度啊不妨試下, 唔差啊

要了一個二人餐（＄２８８），　份量都幾ｆｉｔ。有：芒果－燒鴨胸－沙律。　係一碟，不過其實係分開三個ｃｏｍｐｏｎｅｎｔ。沙律一般，鴨胸好ｆｉｒｍ，　幾好食。芒果甜得好味。海鮮周打湯　。　幾多料，不過好淡。芥茉牛柳。一般，肉質麻麻，又無乜味。唔知係唔係因為要了七成，　佢建議係五成的。意大利香蒜雞。最正。配菜有薯仔，細紅蘿白，椰菜，好咪。個雞的皮好脆，加上香蒜好好味。仲有茶啦。另多加叫了白酒煮青口（＄７２），ｏｋ　ｌａ。環境幾好，唔係好嘈。服務幾好，一跌叉，都未叫佢地，已經給一支新的。

星期五那天太大雨(黃雨)了, 本來BOOK 左黎呢度, 最後都冇黎度, 佢地打返黎.仲好NICE 話下次先再BOOK 啦... 好掛住佢地既煙三文魚!

昨日同朋友去gathering, 3個女仔.以前我都去過一次, 但可能唔識叫, 普通. 昨晚由朋友發板, 好正. 先來兩客蒜蓉包(我地refill,因為塗牛油實太好味了,一口既size一塊,一籃6塊)頭盤係蒜蓉青口(昨日青口不夠肥美, 但汁很好)再來係一人一個菠菜蠔忌廉湯, 每碗有兩隻肥美生蠔(無腥味,好新鮮)芒果大蝦沙津(芒果好甜,蝦無雪藏味)蒜蓉牛柳(極力推介, 蒜蓉裡有洋蔥及煙肉粒)蘑古天使面(好味,但已經吃不下了, 我朋友叫太多)最後我朋友推介了Tiramisu, 椰子, 菠羅味既意大利雪糕.我地食左896蚊. (其實我地可以唔食天使面或以上野4人食)值得一提, 因為我朋友好好傾(即係多口)同老闆熟左, 係熟客, 所以每次老闆都會親自招呼佢.對老闆略知一二, 據知老闆每雙月月份才在店, 因為佢係太空人.而一年總有一來次會到歐洲試食, 來緊夏天會到德國.我想, 在老闆陳先生在時去會好一點吧^^聽朋友說, 老闆會做一d人客貼心既野,例如我朋友同人慶祝生日, 佢地以Tiramisu代cake.老闆將Tiramisu切成4分, 中間加士多啤梨及cream,扮成一個生日旦糕, 過後沒有增

好有情調的意大利餐廳. 我朋友就叫個大蝦餐, 而我就叫一個焗洋湯及雞蛋煙肉意粉, 原先諗住個意粉無咩特別, 點知幾好食, 係打蛋花, 食意粉時好有蛋味, 好易入口. 我朋友個大蝦餐好抵食, 有四隻大蝦, 仲好好味! 之後我叫個甜品係火焰雪山, 好特別, 都幾得意, 不過我怕苦, 因為加d酒. 我下次會帶另一班朋友再食過.

牛柳$88 一set 抵(以佢質數黎講) 九時半後set七折.我估係想KEEP D扒要新鮮先咁做!焗田螺依然正!另蜆肉意粉...唔知係咪D 意大利炒煮得太耐了! 少少硬!另跟餐既青豆忌廉湯都出奇地好飲!不過真係遠左D ,次次食完都行大段路. 仲有要投訢佢地果地下太滑了!$260 埋單, 飽!

找了很久才找到。都怪男朋友太可愛，亂行一通，最後都通左~哈~好彩我們沒有叫二人晚餐，散叫了海鮮寬條、四季pizza、火焰雪山。海鮮寬條的汁很香呀!!!!!pizza就普通啦。火焰雪山一定要試!!!!!!有很濃的酒香，男朋友很欣賞他們配上strawberry 的雪糕，很夾味。下次我們會再試吃二人晚餐+tiramisu~ps:環境很好，燭光處處。很浪漫。不過......都幾多人~服務幾好~

今日lunch黎左呢度食,2個人order左caesar salad-$38,肉醬意粉餐-$36,什錦pizza-$48,caesar salad--romaine 好爽,croutons 亦好脆,唯略酸!肉醬意粉--十分好,意粉煙un帶點脆,sure係焗既!什錦pizza--just ok,因pizza餅底吾夠脆,但蕃茄味同cheese味道濃郁;而餐湯係蕃茄忌廉湯,不錯!sure吾係canned soup;餐飲要左iced coffee,麻麻地,有d酸!埋單$134連加一,accpetable啦!service亦不錯.

來這裡已多次雖然呢度都有少少不足之處但overall 都幾鐘意此店強烈推介羊架百幾蚊六件算公道肉質嫰夠juicy怕生的人一定要食五成, 味道發揮得剛剛好記住叫佢俾芥末, 倍添滋味﹗另菠菜生蠔湯都絕對唔差兩人分一碗亦已夠打底再加多個薄餅(侍應總會推介咸肉pizza, 佢地好搞笑咁話好咸架, 但真係正意大利風味囉, 那次我地便即管試下...真係好咸, 我諗香港人口味未必buy)其實已是二人份量有餘不足是環境還是有點擠迫滿座時太嘈, 會破壞燭光氣氛但侍應們的服務態度是真的好早前天氣寒冷我們飲的是剛好的溫水這種貼心服務不難做到, 但就是要有心才能做到菜亦不會一氣的上, 食到咁上下又自動遞上牙簽其中那架大黑框眼鏡的叔叔盡心落力是我自己最喜歡的一員總結來說, 絕對值得試下

lunch set 有麵包,牛油+湯+主菜+野飲,$28,我覺得個價錢合理呢度最好飲既湯我認為係青豆湯,將青豆煮熟再攪成茸,好青好香好飲~羅宋都唔錯~但係白湯我就唔太鍾意,冇乜cream味...主菜最好食係意粉,我覺得意粉煮得頗耐,不過好香,我估係用牛油煮過,幾特別~呢度d龍利柳整得好食~不過牛呀豬呀就麻麻喇...

講真本人去過這間餐廳不下十次, 去既原因真係因為抵, 而且食物質數真係唔差, 而且味道我覺得叫係好啦, 講真情人節都係300蚊一個人左右, 真係叫平架啦, 所以我通常情人節呀都會去, 唔洗諗地方丫麻, 佢d蒜飽好好味架,佢既牛柳餐都係88蚊, 但肯定好食過扒王之王多多聲啦, 九點後仲有特價添，我帶親我d朋友去, 個個都會話好架。岩岩聖節去左食聖餐, 講真價錢真係好合理, 每人埋單加埋一只係220蚊, 而且仲每人有一個禮物包添呀, 我之前搵過幾間, 全部三百幾蚊一個人呀, 仲要全數落訂, 呢度乜都唔洗, 真係好好。不過今次真係唔係好飽, 亦都係我第一次對呢間野失望, 就係佢個甜品賣想唔得同口感唔得, 朱古力蛋糕其實好好味架, 可惜佢唔知做乜淋左一pat 野落去, 好似鼻涕咁, 而果pat野係無味, 真係令願佢唔好淋果pat野囉, 但係唔淋就同雪芳蛋糕無分別, 唔明佢做乜唔落d白色糖粉落去, 又靚又好味啦! 雖然今次有點失手, 但我一樣會繼續去, 無理由一樣野有問題就唔去架, 而且百幾蚊既燭光晚餐,我真係唔知邊度搵呀大家不仿試下火焰雪山丫, 同朋友慶祝生日都幾過癮架, 不過酒咪略重, 但夠

同一相識多年的朋友有個拆禮物日食飯的習慣，每年如果人在香港，也必定會一聚。今年輪到佢請，就來以前都來過的這裡。以前呢度感覺都幾高級的，不過而家睇番轉頭，又覺得都係一般，可能是本地飲食業實在越來越多選擇了。七時許，人不少，始終今晚聖誕未過而仲係拆禮物日。環境不錯，燭光仍然浪漫，不過係略嫌嘈左少少，而樓面以至廚房也是那個全華班底。餐飯佢請就由佢發辦。同以前一樣，呢度的餐牌都係分意菜同歐美菜兩邊，頭盤要了拼盤及Crab Cocktail，主菜方面，她不吃牛又不吃羊，唯有要了個蜆肉意粉及Mergherita薄餅，甜品要了兩個Sorbet。酒方面捨紅酒而要了Sangria，casual一點。先來麵包幾片，涷冰冰的沒有多大看頭；拼盤都算有睇頭，有火腰、涷肉、醃茄及中間一堆紅腰豆吞拿魚沙律。這個拼盤只收65蚊，材料當然不會十分好，但以量計仍是交到功課的；一向也不懂欣賞Crab Cocktail，都係當佢雪藏蟹肉沙律咁食，可能是從來也未吃過好的吧。這裡的量算足，但吃落好像跟拼盤的吞拿魚沙律有少少似；主菜蜆肉意粉先來，炒得乾身，有香味，不錯。意粉煮得好有咬口，有蒜頭的香味及蜆肉的鮮味，有水準。配料有蜆肉

抱住頗大期望黎呢度慶祝結婚週年，一早抄晒人地話非吃不可既”名菜”，評價如下：菠菜鮮蚝湯：湯係好普通既茶餐廳”白湯”加菠菜同蚝．湯甚至唔夠熱，味淡，蚝有少許腥．基本上三樣材料唔能夠融合發揮，各有各．洋葱扒大蝦：有個特別既名，已經唔記得．味道幾”中式”，唔會覺得好好食，只係ｏｋ．四季pizza：夠熱，juicy, 不過亦唔係講到咁好味, 唔會令我想再返黎食.tartufo: 似牛奶公司甘脆雪糕(?), 個面脆,裏面係雪糕而已.完全唔明點解有人用超級好味黎形容呢度d野食. 兩個人食左五舊幾水(叫左一支有汽果汁), 但唔係咁飽. 招呼算ok, 但唔會再黎.

昨晚上完堂跟男友又來這兒晚餐，時值差不多十時，套餐做緊七折優惠，要了一個燒牛柳餐、一客香蒜辣汁意粉，餐湯是青豆茸忌廉湯，先端來外脆內軟的法包，上時還是微熱的，青豆茸忌廉湯以煙肉粒且口煮，香味立即增加，而且口感極creamy。主菜燒牛柳，要了七成熟，剛剛好，個磨菇汁好香，牛柳都頗有牛味，最重要是不韌，牛柳表面有少少焦脆，加上伴菜的紅椰菜、薯容都好好味呢！意粉就較失色，第一不夠熱，第二個辣汁太多太杰，不過用蒜蓉炒香的意粉彈牙有勁，好好，最後還點了一個火焰雪糕，個人最喜歡這個dish。雪糕是vanilla，中間有幾粒咖啡豆，底層是溝了bailey酒，呈半溶狀態的朱古力cream，這個dessert真係極之美味，yummy到不得了，本人強力推介。是晚要扣分的地方是最後的餐茶竟然漏了單，同埋燈光極暗。

同朋友兩個慕名而來(^^)食薄餅, 見套餐唔包薄餅, 決定散叫.鮮什菌湯: 好多菌(呢樣幾好, 因本人好菌), 但味道一般, 感覺上湯同菌的味道完全沒有融為一體, 失望焗田螺: 幾好, 一上檯聞到好香蒜蓉味, 但食落又唔會太濃, 唔會搶晒D螺肉味, 我地連墊底的薯蓉都清埋(兩個薯怪,哈哈)羅馬焗麵皮: 抱住一試的心態, 外表似千層闊麵, 但感覺上似中西式fusion菜, 因麵皮係綠綠地色, 似加了菠菜, 中間有D 雞肉及菠菜, 面有一層芝士焗, 味道咸咸的, 所以我地都覺此菜像中西fusion菜.四季薄餅: 主角出場, 餅底薄, 熱辣辣, 好好味, 在幾款餡料中, 我覺得洋幾好味, 平時我唔食生洋的, 因覺0個種辛辣並不吸引, 但呢個薄餅的生洋沒有辛辣, 仲甜甜的, 好好味.至於服務方面我地都好滿意, 帶位, 招呼, 斟水, 上菜全都好有禮貌, 見我地差唔多食完仲會自動拎牙簽俾我地, 下次要再試下其他薄餅先得!!