Tiny Island Kaffe (已結業)

呢間店舖整體既食物同飲品成本高所以食到讚到, 空間唔大以賣藝術品為主。但比起一般見cafe高質而且充滿人情味, 店員都講解得好details, 平日黎食個包傾下計慢活下都唔錯😎🥢Cinnamon Bun $45麵包係由瑞典廚師整, 瑞典領事館都係食佢整既Cinnamon。我地見到價格真係抵過出面而且質素係價格之上, 佢個口感酥軟加上玉桂味都幾香。重點係唔會得個甜字, 極度想買個返屋企第二日早餐😍😋: 🌟🌟🌟🌟🌟 /5🥢Chocolate Ball $30混合左燕麥粒令粒朱古力波口感豐富, 外層有滿滿椰絲包住。甜度適中好岩配Coffee黎飲🤤 😋: 🌟🌟🌟🌟/5☕️HAZELNUT LATTE $45呢杯 Hazelnut latte同我地平時飲既係有唔同, 我地就同店員傾計之下了解係用左瑞典炒既哥倫比亞豆, 而且唔再係偏fruity或Nutty, 唔係酸到唔知自己飲緊咩🤣普遍香港既都哥倫比亞豆但呢杯既重點係用瑞典榛子醬, 而且杯浮面果浸係榛子果仁粒黎, 唔係好似平常飲既用syrup 去製作, 所以甜度拿捏得非常之好。😋: 🌟🌟 🌟 🌟 🌟/5🥤Strawberry Fields $60店

Fika 係瑞典文化入面既coffee break，亦都係一種放鬆心情、慢活既生活態度🇸🇪 上環呢一間咖啡店正正推崇呢一種忙裏偷閑既概念，好適合忙碌香港人來個Kaffe & Fika!🔸Conspiracy Chocolate ($55)Conspiracy chocolate係香港手工朱古力品牌，呢度用上原味、微辣同CBD三種朱古力製成飲品🍫揀咗微辣ice chocolate，輕微辣勁唔會搶味，仍然飲到朱古力濃香，加上少少玉桂味，層次好豐富🔸Yuzpresso Tonic比一般Espresso tonic 多咗一層柚子香甜，建議先試面層咖啡，然後再拌勻柚子、Tonic同咖啡一齊飲，味道清新但不失咖啡香，好適合夏天🥰🔸Cinnamon Bun / Cardamom Bun今次到訪最驚喜嘅就係呢度既Buns♥️全部由瑞典師傅製作，酥軟但不失彈牙口感，飽肚但唔會好似美式肉桂卷甜膩！cinnamon bun 玉桂味重，上面有啲椰糖味道較甜。cardamom bun 香港比較少見，咬落去有濃濃豆蔻香，但同甜包出奇地夾！🤤

9 0 後 的 味 蕾.一間位於上環文武廟再行上嘅隱世Coffee Shop，主打瑞典麵包，營造北歐慢活人生感覺。.呢間咖啡店面積唔係好大，但係好精緻，牆上掛咗好多香港18區地圖，店入邊仲買好多本土製造嘅精品，令你等緊嘢食嘅時候都有好多嘢睇同影相。.佢有三款食品，全部都係由一位真正瑞典師傅製造，Bun體積都幾大個，做下午茶或者早餐一流，麵包禁落去有少少實嘅質感，但係內裏又好鬆軟，店員會即時加熱，套餐價一個包加一杯嘢飲先$70，都好抵！.🪄Cinnamon Bun，肉桂味好出，面頭仲有啲椰糖，甜甜包。.🪄Cardamon Bun，豆蔻味，講唔出嗰種味道好特別，有啲似糯米糍嗰個餡，值得試下。.🪄Chocolate ball，超超超好食，朱古力唔會太甜又唔會太苦，成粒朱古力係軟身，黏黏地，中間夾咗啲燕麥粒，好有口感，外面用椰絲句住，賣相靚之餘左，亦都豐富左口感。.飲品方面我哋揀咗兩杯mocha，佢呢度有三款mocha，原味係採用瑞典嘅朱古力，會甜少少，所以我揀咗另外兩款。.🪄 Conspiracy & O’Boy Mocha兩杯都幾滑，after taste朱古力味比較出位，不過我唔算飲到「

疫情前歐洲之旅去過瑞典 個種慢活同舒服既節奏真係令人好難忘 當時會係城市閒逛 明明好凍但都可以行個幾鐘☃️ 而家去唔到旅行唯有係香港尋找旅行既感覺 今次介紹呢間一定幫到你～ 佢位於一個比較偏僻既位置 但附近都係啲小店 好適合一個悠閒既下午 \(◦´-`◦)/ 今次試左肉桂卷 同我平時食開既有唔同 口感係脆實啲 面頭白色既椰糖為佢帶左啲點綴 肉桂味恰到好處 配一杯甘甜咖啡啱啱好🍪瑞典人既fika係coffee break咁解 黎到呢到等我歎杯野飲先☕️ 員工推介O'Boy 原來係個好出名既瑞典朱古力粉牌子 果然杯朱古力香濃得黎唔會太甜 唔錯(◐‿◑) 而杯smoothie材料好夾 完全冇加糖所有甜度都係係材料而黎 好健康而飲落有淡淡清香 推介大家偶爾過黎歇息 過個北歐式下午🇸🇪

🥚🥚🐷北歐風特色玉桂卷✨性價比：7.5/10🍳食物：7/10🌏環境：7.5/10🕺🏻服務：8/10💰是次消費：$ 115————————上環文武廟對上，有一間主打瑞典文化的café，在香港比較少見。北歐風慢活設計，同時加入本地元素，在場有不少港式插畫，富香港人情味，來個文化交換。店內只有幾個位置，人流較少，上斜後更加人跡罕見，變相舒適休閑，可以寧靜地思考人生。玉桂卷 Cinnamon Bun ($40) – 推薦*有兩款卷物，玉桂味和豆蔻味。玉桂卷是由瑞典師傅親手製的，保留傳統味道。麵包超軟熟，玉桂味濃，帶少少薑味。內層塗滿了一層玉桂醬，表面一粒粒椰糖，提升甜度，吃完整個包都幾甜。本來以為食完還是餓，但原來一件都幾飽肚。朱古力球 Chocolate Ball ($30) 甜度適中，比想像中黏黏的。榛子咖啡 Hazelnut Latte ($45) – 推薦*Hazelnut latte 咖啡味好香，店家使用的是由瑞典運來的忌廉，味道獨特，真的幾好味；口中還有細細粒nuts加添口感。發現只要能有自己獨特主題，自然有其吸引之處；而且食物選擇不須多，好味的話Signature一兩件就夠。Ti

休閒 #下午茶 分享放假同老公去了上環摩羅街行下發現了一間門外用左懷舊鐵閘做裝飾的特色咖啡小店便入去hea下飲下咖啡😁感覺很休閒舒適😊😊店內掛咗很多香港每個地方嘅地圖和香港為主題的掛畫還有售賣很特色的自家創作產品店員説啲麵包食品是瑞典人自家製作的~HAZELNUT LATTE $45咖啡香滑濃郁😋😋~STRAWBERRY FIELDS $60(FROZEN STRAWBERRIES/BANANA/MILK/YUZU)用冰士多啤梨香蕉加奶打成奶昔天然果糖清香順滑😋😋~CINNAMON BUN $40玉桂包，白色的是脆脆的椰糖~CARDAMOM BUN $40荳蔻包， 芳香軟綿綿包面的是鮮荳蔻很特色的感覺😋😋~CHOCOLATE BALL $30用燕麥朱古力咖啡製成的朱古力球朱古力味好濃我覺得有些甜😄😄

忙裏偷閒嘅一日，去個瑞典式慢活咖啡店感受下人生先再忙過，老闆俾人既感覺真係好nice又好chill。呢度有我最中意試既CBD chocolate, conspiracy chocolate 原來係 bean to bar 既本土 handcraft牌子，飲落好濃郁，當然再濃啲更perfect , 但佢 dark 既程度完全正確，唔會太甜又重朱古力既 nutty 味。Iced long black 淡淡地唔會澀，岩晒行完樓梯上黎口渴既人。Strawberry fields 由frozen strawberries, bananas加牛奶同柚子醬整成既 smoothie, 飲得出完全冇加糖，有淡淡柚子味好清新，呢度啲野飲係正架喎。Cinnamon bun 上面有啲糖粒，咬落除左包脆脆，糖又脆脆，幾香肉桂味。Chocolate ball 俾椰絲包裹住，入面都好似有椰絲，偏甜，岩配黑啡。塊香港既布同啲香港九龍蠟燭都好靚，好有特色，本身想買塊布但又唔想拎，都係下次先。#test_sheungwan______________________________🏠 Tiny Island Kaffe📍

星期一我同老公黎到上環一間充滿瑞典風情既咖啡店，等我回憶下幾年前去瑞典旅行既片段。Cinnamon Bun肉桂包肉桂既份量恰到好處，唔會太濃味又有肉桂味，麵包上有椰糖粒，味道好香甜，麵包又軟熟，好食。Cardamom Bun 第一次食豆蔻包，味道好特別，有輕微藥材味，但都係甜甜地既，麵包同樣有整返熱，體驗幾得意。Chocolate Ball 朱古力波好好食，入面有烤燕麥，有咬口之餘，朱古力又好滑，外面沾滿椰絲，甜度適中，絕對唔會過甜。Conspiracy Chocolate 要左CBD既朱古力，CBD無乜味，Conspiracy朱古力帶微酸，係大人既朱古力。Hazelnut Latte用上榛子醬，唔算甜，配甜品岩岩好。

好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗香港人生活節奏快，成日都話要食個快飯，好多時一餐飯用15分鐘就倒晒落肚，又返去做嘢，有時一路食一路做！對我嚟講最恐怖嘅係，以前有個老闆最鍾意call lunch meeting，一路食住個飯盒一路開會，美其名話善用時間，其實係連飯break 都冇埋，根本唔知放咗咩落口，食物係咩味，只係飽咗就算，嗰時嘅我成日都胃痛！今日放假，同朋友響中上環行下hea下咁，俾街上一個黑板廣告版嘅字吸引咗「Enjoy a taste of Sweden」！其實我自己好鍾意北歐，因為生活節奏比較慢，瑞典人Fika 嘅意思就係coffee break，佢哋相信Fika 後會有更多工作動力，做嘢會更有效率，我都好希望香港嘅老闆會學懂「休息是為了走更長的路」！一於去感受一下瑞典嘅慢活Fika 時光！舖面係綠色撞紅色好舊香港式嘅半鐵閘，小店唔係好大，有3張檯，店內有好多同香港有關嘅掛畫，亦都有賣「香港」毛巾、蠟燭、手錶… ！店員出入coffee bar 位嘅木門仔係中式嘅「囍」字門，裝修都幾特別wor！佢個set 都幾抵，$70有一個bun + 一杯$40 飲品！

嚟到呢間好似畫廊嘅Cafe，店舖細細周圍掛滿充滿香港特色嘅油畫，仲有好多本地精品。原本想嚟呢度嘆下咖啡，不過今日人太多，冇位坐，就近近地外賣返屋企。套餐Bun and Coffee ，$70一set，好抵，有一件Bun～肉桂卷風味，麵包口感Q彈有口感，店家會幫忙烘熱，食落暖笠笠。Latte 咖啡味香醇，口感順滑，拎到返屋企，一打開仲見到拉花😍Strawberry fields～由香蕉、士多啤梨打成，加入鮮奶，非常smooth。仲有佢地特制手造嘅Chocolate ball，外面怖滿椰絲，朱古力香濃，微苦，口味偏甘，幾特別。

唔係有個路牌喺路中間都唔會見到🤣 條街喺PMQ附近，但係就從來都冇入過去(ノ▽〃) 去唔到旅行但係又想享受一下異國風味黎呢度啱晒！充滿綠色嘅植物，而且牆身係放滿香港嘅地圖，超級充滿香港特色🥰✨Hazelnut latte ($45)✨CBD conspiracy mocha ($60+$5)✨Cinnamon Bun ($40)✨Cardamom Bun ($40)黎呢度一定要試hazelnut latte!! 平時好驚太甜嘅我喺出邊就唔會叫有味道嘅咖啡，但係呢度嘅hazelnut latte，係用hazelnut 既醬而唔係糖漿，而且飲落去仲有一粒粒嘅榛子！有口感得來味道都好得！另外一杯原本係朱古力轉左mocha加$5，用conspiracy既朱古力總共有三款，今次就試左CBD,唔係加咗CBD油，而係朱古力入邊有CBD嘅成份，飲完超級relax (*´∀｀*)另外不得不試就係佢哋嘅麵包，瑞典大廚親手製造，麵包質感比較煙韌有咬口，感覺食完一個都已經好飽～ 試晒兩款麵包嘅味道，有玉桂味同埋有印度胡椒香料嘅味道，自己偏向鍾意玉桂味，麵包搓成玫瑰花瓣嘅形狀，每一片入邊都有滿滿嘅肉桂，好香好濃

《香港都能品嚐北歐瑞典傳統味道🇸🇪》FIKA即「咖啡小休」coffee break 意思☕繁忙生活中去KAFFE放鬆一下來個FIKA小休一會兒～舍意慢活😌🍫Conspiracy Chocolate ☕$50  Conspiract Choklad店主採用香港人手工藝製作嘅天然全素朱古力 @conspiracychocolate 製作，可可濃度極高，店內提供3款朱古力味道🍫分別為CBD，辣味🌶️同原味~我揀咗CBD味道，朱古力味超濃郁！帶點酸酸感覺，飲完都幾舒服同Relax🥰CBD 即Cannabidiol 大麻二酚，可以舒緩精神緊張和身體痛症，如緩解壓力、改善睡眠質素及提升心情～店員比我嘗試一下辣味朱古力🌶️感覺都幾刺激，鐘意食辣嘅人一定要試吓！🌰Hazelnut Latte ☕$45 Not-creme Latte店主提供Oat milk～採用瑞典嘅榛子醬，味道唔會太甜～仲落咗粒粒榛子碎🌰飲落去時候有粒粒咬口感覺，呢個濃郁榛子味道好特別！🥐Cinnamon Bun $40 Kanelbullar傳統北歐瑞典肉桂包，烘熱過後暖笠笠，肉桂香濃味道散佈整間KAFFE！肉桂包表面撒上椰糖粒，味道

Conspiracy mocha ☕️ $55瑞典式嘅朱古力咖啡有三種味道可以揀，好似有得特濃黑朱古力🍫、普通黑朱古力同埋有少少辣味嘅朱古力 🌶，今次就叫咗有少少辣嘅朱古力，味道都幾獨特，同成杯咖啡好夾，幾值得試吓㗎Hazelnut latte 🥛 $45呢一杯榛子咖啡同平時飲開嘅有啲唔同🌰，飲落唔算太甜相對地健康👍🏻，另外咖啡嘅特別之處係落咗椰子粉喺面頭同埋底，令咖啡飲落同聞落去更香濃，係幾高質Strawberry fields 🍹🍓 $60粉紅色嘅smoothie一望落去賣相已經唔錯，好啱打卡📸，入面嘅材料主要有新鮮冰凍士多啤梨、香蕉🍌、牛奶同埋淡淡嘅柚子味，絕對係一杯健康又解渴嘅飲品Cinnamon bun 🥯 $40肉桂卷烤到熱辣辣好正啊，味道比較甜啱晒鍾意甜品嘅一種朋友😍，包嘅面頭有大量玉桂粉同埋白朱古力碎，咬落脆脆地，性價比仲好高添Cardamom bun 🥨🌿 $40呢款豆蔻果實味🍒嘅包

《Tiny Island Kaffe》放假想同朋友搵個地方hea 下輕鬆下，知道上環有好多特色cafe 小店，於是就過左去覓食😆 行過見到呢間cafe門面幾靚幾colourful!! 而且仲有位就入左去！入面有啲產品可以買～ 幾特別！🍭Conspiracy Chocolate ($55)唔係太飲得咖啡同凍嘢，見到佢有hot chocolate 好開心！店員介紹呢款chocolate 有3種flavours 可以揀！我就揀左依家好hit 既CBD! CBD 係大麻萃取物，唔會上癮，有助改善失眠，緩解壓力同抗炎止痛！呢款飲落偏酸，朱古力味唔算好濃～ 唔難入口！朋友話飲完有啲輕飄飄既感覺(利申我冇)😆🍭Espresso Tonic ($40)朋友係espresso tonic 忠粉，幾乎去親cafe 都會點呢款！但同佢去過咁多間佢都係話麻麻，呢個佢飲完之後係話好飲！同埋見到都唔少人點，大家可以試下到底有幾好飲！🍭Cardamom Bun ($40)係瑞典名物～ 我都係第一次試！朋友同我都唔好肉桂味，因為店員大推所以試下！麵包入面濕潤軟身，雖然肉桂味都重，但因為甜度好夠所以我地都接受到！同埋呢

瑞典人🇸🇪親手製作，每個星期新鮮即製作，心意滿滿更傳統。.🍓strawberry field 60frozen strawberries, banana, milk, yuzu。草莓沙冰加入奶口感綿密，香濃可口，有濃濃奶香，更有香蕉香甜，唔會另外加糖，好順滑。.🍞cinamon bun 40肉桂味道超香~麵包夠鬆軟。.🥖cardamom bun 40肉蔻微辣甘甜，香濃香料非常驚豔。.🍫chocolate ball 30椰絲超解膩，朱古力香滑~