添福小食 (已結業)

港式漢堡包style🍔漢堡size一般，夠當下午茶，正餐就未必夠。左邊招牌添福漢堡$30，右邊雙層豬柳芝士漢堡包$20，差十蚊分別唔大。但講真，豬柳強都係鍾意食m字頭果間。夜晚六點幾已經話賣晒炸雞髀唯有試下雞全翼$20/2隻即炸夠脆夠香口，size唔錯都抵食…查看更多

路過支持添福小店💛～炎炎夏日揀左墨西哥雞卷同嗌咗兩杯嘢飲番上車嘆🤣1️⃣墨西哥雞卷 $22依款墨西哥雞卷係凍嘅～墨西哥餅皮食落口感鬆軟～中間包左幾大舊雞肉、爽脆嘅青瓜同生菜🥬幾足料～雞肉唔會乾柴微辣，蔬菜配沙律醬食落口感唔錯，沙律醬份量適中～😋👏🏻2️⃣凍荔枝梳打 $20依款荔枝梳打飲落荔枝味都幾重個base係七喜～配有好多椰果肉～要撈勻飲先冇咁甜～味道都唔錯～👏🏻👏🏻！3️⃣凍朱古力牛奶 $20依杯凍朱古力牛奶🥛飲落甜度都適中但朱古味就唔算濃～去到最後好淡口～唔太推薦🥹…查看更多

開張好久的小店　買得都是最原始的味道港式的漢堡　基本的餡料和醬汁反而比連鎖店的更真材實料漢堡的大小剛剛好比手掌少點點　當下午茶不錯的芝士黑椒牛肉漢堡肉扒都是自家調味和製作帶點少許的黑椒辛辣味搭配基本的番茄醬　芝士是半融狀態合在來吃　口感剛剛好鹹中帶酸的味道　不會太過膩口…查看更多

廿幾蚊一個巨無霸🍔廿幾蚊一個巨無霸🍔廿幾蚊一個巨無霸🍔(重要既野要講3次！！！)落order即整 等左幾分鐘就到手熱辣辣 超足料既漢堡包🤩舊牛漢堡自家製作 好厚勁juicy充滿牛味 好正👍🏻👍🏻仲有番茄同菜都好新鮮 一定唔會好似金色彎左個對門咁 又霉 d肉又死實實 真正既超值 所以約左朋友食野之前都忍唔住自私食左一個先 之前試過薯條都好正 係粗薯 又係即叫即炸 超熱🔥好推薦薯條愛好者去試試～係一間食完會掛住既漢堡👍🏻👍🏻…查看更多

平時搭巴士都經過呢間舖， 望到之前生意都ok, 呢排就好似大不如前，唔知咩原因呢！ 唔洗排隊就即管試試。 本來都幾期待，media講到好好味咁。因為第一次幫襯，真係比個女收銀員嚇死，形容一下收銀員是整頭金色頭髮，身形比較巨型的，我一如以往的正常地叫餐， 一黎就好似得罪左佢咁，佢不斷勁惡勁大聲咁問 "咩話" " 咩話" 勁冇禮貌， 跟住佢講比幾錢既時候突然勁細聲， 聽唔清楚， 就同佢確認一次， 佢即刻勁惡咁覆我， 今次終於聽到幾錢， 癡線， 完全唔知佢發生咩事。一般出街都好難經歷到咁瘋癡既遭遇， 咁簡單既流程都突然變得恐怖。 跟住肥收錢員即時跟2個同事傾偈， 講左幾句即刻行埋一齊咬耳仔， 講完3個人即刻望住我，其實簡簡單單買個外賣， 佢地需要搞咁多野咩。 講番食物質素， 我叫左巨無霸+薯條 , 不偏不倚地評論， 塊牛肉偏乾， 雖然係粗薯條， 但都炸得幾硬下， 結論係唔啱我口味，但呢個價錢都唔算太貴， 所以性價比屬於一般。第一次幫襯呢間店舖既最深處印象係女收錢員好惡好冇禮貌， 好鐘意搞小動作， 未幫襯過既奉勸唔好幫襯， 因為你唔熟佢地餐牌， 絕對*唔可以問*:(， 否則會有恐怖既後果， 食物果d我已經冇咩印象了。…查看更多