Tiger Curry Jr. (已結業)

自從某次趕時間，又想食素，見到Food court間Tiger Curry有講素虎（訴苦？😂）咖喱飯，諗住Hea食填飽個肚。嘩，一攞起驚為天人！啲蔬菜烤得靚過個模型咁多嘅？😱食落更加係樣樣蔬菜都令人感動。包括花椰菜、茄子、青瓜、翠玉瓜都烤得好好食。冇燒嘅仲有紅蘿蔔、粟米，撈埋咖喱汁，又係掂。加埋杯凍檸茶，$60埋單。自此，素虎咖哩飯成為了我的飛佛！❤️

幾年前佢係邊寧頓街新開張就已經吃佢，一直喜愛佢的咖哩，味道豐富，濃稠適中。但我最最最經常吃的不是它的飯（雖然佢地滑蛋炸蝦/吉豬飯都好好食），我每次十次有九次都食的是「老虎吼沙律」煎雞扒、溫泉蛋伴鮮沙律菜加上用咖哩沙律醬汁，我當年減肥個時每次都吃它！好味又健康（我覺得）！但佢執左之後真係令我有點失落。但世界對我不薄，係行行下竟然俾我搵到佢開左係銅記Citysuper度，今次仲唔好好懷緬一下叫左十分鐘左右就有得攞，一樣$48份，睇落好似細份左不過算啦，最重要味道冇變姐，好彩材料款式都冇少到。篤穿隻溫泉蛋（好治癒的畫面），拌勻咖哩汁吃點沙律菜、車厘茄，惹味中又帶點清新。雞扒比之前細份左，但仍然煎得香脆，肉汁仍然豐富。雖然縮左水但係冇退步，味道仲係度到已經好值得恭喜賀喜我以後想懷緬Good Old Day，就有著落。

大約在兩年前，我曾經在銅鑼灣「邊寧頓街」，幫襯過一間日系咖喱飯食店，店名叫做「Tiger Curry」，「Tiger Curry」的招牌「咖喱飯」，以大碟、大堆頭和價錢不菲見稱，而且咖喱汁有一定程度辣味。上門幫襯「Tiger Curry」的食客，可以自行選擇咖喱飯的辣度，而且當時的「Tiger Curry」還曾經舉辦過「大胃王」比賽，歡迎食客報名參與限時食巨型咖喱飯的挑戰，贏者得到全餐免費獎賞，輸了亦只須埋單找數就行了。不過我當時對「Tiger Curry」的大胃王挑戰興趣不大，所以沒有參加比賽，亦只是食一碟餐碟十分之大的「燒金雞咖喱飯」，就心滿意足埋單結賬了。之後我再因為「Tiger Curry」咖喱飯本身的定價也不便宜，所以再沒有光顧過「Tiger Curry」，直至「Tiger Curry」關門結業為止。始料不及「邊寧頓街」「Tiger Curry」結業關門之後，竟然把他們的門市，轉到各大商場裡面的美食廣場裡面去，店名亦由結業前的「Tiger Curry」，改變了叫做「Tiger Curry Jr.」。銅鑼灣分店的「Tiger Curry Jr.」所在位置，位於銅鑼灣「時代廣場」

放工懶得煑飯，就唯有外出用膳，這家位於地庫B1層 food court，放工時間後比lunch time易揾位，除招牌咖哩糸列出色外，其他如紅酒汁牛肉飯也真的不錯，值得一試。紅酒汁濃郁，金黃色的熱溶芝士灑落在厚厚的紅酒汁上，味道和而不同，誰也搶不了誰的風頭，只能說互相輝映，而牛腩肉也十分有嚼勁，牛味酥香濃郁，吃完滿口都是牛肉味，揮之不去，可惜的是飯太少。套餐配有粟米粒及飲品，我毫無懸念地選了可樂，嘩不得了，一口冰涼可樂喝下去，喀喀連聲，一道氣直衝喉嚨，「啹晒」！吃完簡單又好味的一餐，是時候回家去

肥髀去咗學校畢業營，接咗肥髀出來，餓底又在叫肚餓，當時下緊大雨，搭車去到大商場美食區，先搵位坐低，再叫佢自己睇下買乜食物，我揀咗呢個櫃臺食咖哩，每款食物都有個臘製嘅demo，八達通可以直接在櫃臺比埋錢好方便，店員比票同呼叫器我哋，等一下呼叫再取食物！一份包飲品前菜老虎咖哩汁牛肉粒飯配溫泉蛋♨️（$76）賣相幾靚，同demo幾似，咖哩汁夠濃微辣，牛肉粒淋身肥美，蛋流心嫩滑，白飯鬆軟，泡菜撈咖哩汁，爽脆酸辣幾好味！粟米粒：前菜係灼粟米比較簡單，我撈埋落咖哩汁食，甜中有微辣！好味檸檬梳打：唔太甜，檸檬酸清爽，好味！女店員無笑容，木口木面的，好在自助式都唔使點樣接觸佢！味道不錯👍🏼