Tic (已結業)

係九龍城廣場對面見到一間名叫T IC外賣店 店名好英式，但係係賣梅菜扣肉，香妃雞….咁中式嘅嘢嘅🤔買來試吓先，老闆娘話係私房菜，全部自家制，一於試下老闆娘介紹嘅雞，豬手和梅菜扣肉。就係九龍城廣場對面雞係用金華火腿和瑤柱嚟浸㗎，好入味，皮同肉之間仲見到啫喱，雞好滑唔肥，附送三種醬汁，砂薑汁，蔥油和辣醬，仲有一包好香芝麻和花生，可調配口水雞，一雞三味豬手係用自家製嘅砂薑浸制，仲見到有草果，唔係用外邊嘅砂礓粉，肥瘦適中，好適合凍食。仲有梅菜扣肉，又係我最鍾意嘅，肥瘦相間，梅菜好入味，好好送飯👍

九龍城九龍城廣場對面街方小店Tic 無華麗裝修, 無好吸引人的格局,但一隻隻香妃雞掛在窗櫥,你就知呢間肯定係性價比高而又抵食的家常小菜店。-Tic 最出名的三款小菜香妃雞, 沙薑豬手同梅菜扣肉款式大路, 卻又是老少咸怡, 家常便飯都愛用黎加食送。-香妃雞以金華火腿同埋瑤柱黎煮過, 更加突顯雞肉的咸鮮味, 最重要係雞肉入口唔會柴, 仲帶點彈牙又爽的口感。除左加自家製的蔥油, 亦都可以加老闆娘自己整的沙薑, 以新鮮沙薑入饌(而唔係用粉加水), 食得出新鮮沙薑的鮮味。-當然仲有自己煮的辣醬同自家炒嘅花生, 變成口水雞都好惹味。-沙薑豬手呢個當餐前小菜非常一流, 豬手凍食涼爽之餘咬落仲好彈牙，尤其D 筋位超好食, 加埋沙薑仲好惹味tim~-梅菜扣肉呢個餸揀直係必點, 熱辣辣之餘, 眼前仲係幾塊厚厚的五花肉，炆得軟腍入味之餘，半肥瘦扣肉層層相間又入味, 入口幾乎即化, 梅菜都帶甜都入味, 撈飯勁一流🤤。

朋友知我入九龍城入貨。順便俾咗張傳單我叫我幫襯下。軟料切餸？嘻嘻。。今晚加餸有著落la😊。店舖細細。一於就試吓呢三款招牌菜😬。由於時間關係。香妃雞我哋選擇咗成隻拎走返屋企自己斬🔪。香妃雞用咗金華火腿同埋瑤醃製。唔洗點薑蓉已經好入味。沙礓豬手係凍食。大大件啖啖肉。砂礓醬汁唔係用粉開。有驚喜❣️。梅菜扣肉撈飯一流🤤。半肥瘦扣肉軟腍香滑。梅菜醃得都入味。整體性價比都高👍🏻。可以回頭幫襯😎。

✨香妃雞製作時加入咗金華火腿同瑤柱，所以唔蘸任何醬汁都充滿鮮味。配埋蔥油、沙薑、辣醬一次可以食埋三款口味。佢哋嘅辣醬香到不得了，再加埋自家炒嘅花生、芝麻，就變成勁惹味嘅口水雞。✨梅菜扣肉 一份有八塊厚厚嘅五花肉，軟腍入味，肥膏部份幾乎入口即化。✨沙薑豬手豬手凍食口感彈牙，本身都幾有味。加埋佢哋自己調味嘅沙薑特別惹味。價錢相宜，味道亦都💯。好欣賞佢哋好多食物都係自家製，連醬料都唔係用來貨，好味得來又食得放心。📍Tic (九龍城)九龍城侯王道97號置金閣地下10號舖

其實本身都少入九龍城，探朋友所以先發現呢個加餸既好地方。店舖麻雀雖少但五臟俱全，老闆娘超親切介紹，今次一次過試晒最出名個幾樣餸。梅菜扣肉，呢款真係心機菜唔係度度都食到。見住老闆娘係蒸爐拎出黎再擺盤，賣相味道都一流!超大盒，梅菜超多入味，太果食多左半碗飯!每舊扣肉都好厚切，肥瘦適中唔會得肥膏，個汁調味好正又濃味!沙薑豬手，沙薑係自製唔係用粉開， 睇到粒粒薑蒜，薑味超濃。豬手爽口彈牙，肥瘦相間，浸住既汁帶點胡椒香氣，非常惹味。香妃雞，係用金華火腿同埋瑤柱黎醃，真材實料入晒味，入口非常嫩滑。本身配薑蓉已經好滋味，老闆娘仲俾左口水雞既自製辣醬同埋花生芝麻粒我試。加上又可以沾下沙薑豬手既醬，即刻又可當沙薑雞。一雞3食，仲要款款都好好味又好送飯，岩晒所有師奶仔，諗唔到食咩就黎買餸，返屋企煮個飯又一餐。呢度年頭左右開就儲左班街坊支持，食到有煮家味道既餸，用料仲好高質，200蚊左右就有幾味好餸，真係好抵食!

啱啱睇完戲，就見到一間好有特色嘅小店-TIC，即刻斬料加餸，試下先😚梅菜扣肉真係十分之驚喜，扣肉整得好入味，除左有豬肉既香味加上梅菜獨特既味道，令人印象深刻，而且整到入口即溶，真係每一啖都係一種享受。而作為不可或缺既梅菜同樣出色，肉香滲透埋去梅菜度，滋味到停唔到口🥰貴妃雞係老闆用金華火腿同埋瑤柱熬製嘅湯汁整出黎，所以味道好濃郁，雞肉亦夠哂嫩口，而且附送埋三種唔同既醬汁，包括左香味十足既薑蓉，秘製既砂礓汁同埋風味爆棚既香辣口水醬連花生，真係一隻雞可以食到四種唔同既風味真係物超所值呀！砂礓豬手骨膠原十足，而且有好香醇嘅酒味，食得出係用咗好多唔同嘅材料烹調而成嘅，豬手夠晒腍，而且無論凍食或者熱食都同樣咁出色，真係男女老少都啱食㗎。

Tic又嚟到愉快嘅週末，今日返屋企食飯，即刻嚟到九龍城嘅Tic加加餸-------------------------香妃雞 $88聽老闆娘講香妃雞係用咗金華火腿同瑤柱嚟整，唔怪得食到帶有鹹香嘅鮮味，令雞味更出肉質嫩滑，扎實而有嚼勁，冇多餘脂肪，好食口水雞 $98/隻 $58/半隻口水汁係自家製嘅醬汁，辣油好香，有滿滿剁碎咗嘅辣椒，少少麻，食唔到太辣嘅我都接受到同雞肉好夾，惹味十足 👍沙薑豬手 $48豬手超級爽口Q彈，好容易咬開完全冇肥膩感覺，作為開胃冷盤菜一流如果想再冧啲嘅話可以稍微加熱沙薑醬汁亦都係自家製，哩個醬同一般沙薑醬好唔同，唔係沙薑粉整成，而係用原粒沙薑切開整成。味道獨特，並唔係一般嘅死鹹，反而有沙薑味緩緩滲出，好味梅菜扣肉 $88腩肉煮得好軟腍入味，食落唔覺油膩梅菜味道啱啱好，唔會過鹹，好惹味，簡直係白飯神偷-------------------------Tic地址🎈九龍城侯王道97號置金閣地下10號舖

今日陪媽媽去買餸 佢話九龍城呢邊街市啲野平啲又靚啲💖經過九龍城廣場對面見到呢間新開張所以就買左啲肉返屋企試下🥰-🐥香妃雞 $88老闆娘話隻雞佢地自己醃製架用左金華火腿同埋瑤柱黎醃 好足料呀😍😍不過佢賣$88一隻咁抵 我地就斬左半隻黎試下😋啲街坊教落話可以擺雪櫃保存 要食嘅時候再拎返出黎隔水蒸焗3-4分鐘就會好好味架啦😋附送埋口水雞醬同埋花生芝麻粒 🥜🌶加落啲雞到就變成香辣好味嘅口水雞啦😎一次過做到兩種口味 好抵食呀😚-🐽✋🏻砂礓豬手 $48老闆娘推介佢地嘅砂礓係必食🤩因為啲砂礓係自製嘅 係自己切粒唔似出面舖頭嗰啲用水溝粉沖出黎😌啲豬手好爽口 好開胃💖做前菜就啱晒啦啲砂礓仲可以用黎撈返或者點返香妃雞食添！-🥬🥩梅菜扣肉 $88盒梅菜扣肉超大盒🤤🤤舊舊扣肉都好厚切拎到返屋企都仲係熱辣辣添架😋啲扣肉全部都係半肥半瘦 係最好食嘅比例😍仲煮得好唸好入味添呀🥰

Tic（九龍城）外賣店😋😋😋真心用心Tic招牌香妃雞、梅菜扣肉、豬手、口水雞專專門店！店主親自主理、祕制滷計、醬料、真係用❤️烹調⋯⋯九龍城街坊有福啦！👍🏻👍🏻招牌香妃雞$88店主透露用瑤柱火腿熬製真材實料、所以雞味特濃、香滑！！ 絕對嘅抵食👍🏻👍🏻👍🏻🐔香妃雞仲可以多種食法： 😘1.香妃雞可配薑蔥蓉（薑蔥係店主手工制作）😘😘2.香妃雞可配沙薑蓉（沙礓都係店主親自烹調）😘😘😘3.口水雞（香妃雞面放上芝麻花生再加辣椒油）🐷梅菜扣肉$88⋯⋯五花腩超焾香鬆、梅菜超甜、連梅菜頭都超甜焾⋯⋯店主真係用❤️處理！👍🏻秘製沙薑豬手⋯⋯超焾（店主獨有祕方）配沙薑一流yummy yummy 😋😋🐔🐷🐷#香妃雞#梅菜扣肉#沙薑豬手#外賣專門店#Tic#九龍城侯王道97號地舖