Three on Canton

<餐廳介紹:Three on Canton>地點:尖沙咀港威酒店菜式: 平日自助午餐價錢: 原價平日378 (openrice book 8折)，另收加一服務費 #中產窮L 作為一個打工仔，難得平日放年假，又未有計劃外遊，咁唯有周圍搵下有無平日抵食又可以食到飽死既自助餐餐廳，今次就選左位於尖沙咀港威酒店3樓既Three on Canton。 平日自助午餐供應時間由12點至2點半，食足150分鐘，時間非常充裕。今次平日光顧餐廳都坐滿七、八成人左右，門口等入場時間大概5至10分鐘左右，尚算合理。餐廳裝修方面，未算最新但亦不算太殘舊，不過光線就較陰暗。 食品方面 ，#中產窮L 特別推薦佢地既海鮮麵包蟹，過往光顧很多不同酒店自助餐 ，麵包蟹或其他海鮮的補給速度都未必很快，但這間餐廳補給速度個人認為非常滿意，每次夾哂一盤麵包蟹，就即時入廚房refill，貨如輪轉地補給，毫不吝嗇，相信每個食客都一定夾到，人人有份 ，而且每隻麵包蟹都超多膏，啖啖肉，只食面包蟹已經半飽。 至於魚生方面，由於只是平日自助午餐就不會太高要求，普普通通三文魚、吞拿魚、八爪魚、鮑片、玉子都有提供，另外旁邊亦有

呢次體驗都可以話係過得去首先係法國生蠔可能呢啲時候唔係啲蠔盛產嘅季節每隻都係殼大肉小 味都係冇乜 但就勝於冇乜腥味個芝士意粉就真係得個樣 望落似以為外國個類咁重芝士味🥲可惜事與願違食落都真一般😢魚生選擇都正常有5個啦但好快會比人攞晒 Refill得慢但都新鮮嘅 好食👍🏿講番啲優勝之處啦首先，野飲無限♾️ refill 呢點唔錯仲有一個員工幫手沖好唔洗整到周圍都係其次個燒牛肉同羊架都幾好食食落唔韌又有肉味🤤唔錯！再者就係甜品啦甜品種類真心多揀左個朱古力蛋糕黎食味道十足 食一舊就夠 再多就真係好好膩同埋佢個心太軟都好好食 幾有水準一切開中間流心 （要有啦）之如味道都唔算濃岩岩好嘅程度自己都前後食左3個 所以甜品先係主菜！

抱住試伏既心態去食,餐廳其實好細,indoor大概4張枱比 tea set,所以一定係坐戶外位咁濟,但户外位環境真係一般,所以focus食物本身。service不過不失,staff冇乜笑容。鹹點雖然唔係用貴價食材,但係味道都相當平衡,三文魚ok唔腥,下面酥皮通風,仲有一隻黃色嘅帶子,食落唔太新鮮。甜點我都覺得唔錯,有某部分係偏甜,但尚算可接受,有柚子味嘅甜品食落就一般。感覺做甜品嘅工序都比較繁複,係有d心思,收貨。Scones唔ok冇食lunch去食,食完真係飽到一個點....叫左杯咖啡都幾差下,友人叫茶係用Dilmah茶包

👭🏻孖妹一家人每年中秋都會去食放題當慶祝宴，今年係自疫情以來後出關去食自助餐😋中秋正日大部份人會去中餐廳或酒樓，可能因為咁港威酒店自助餐唔算好爆場，我地又好好彩，坐近攞窗邊唔會有人出出入入😉🥢海鮮冷盤🍣✨有龍蝦🦞海蝦🦐即開生蠔🦪、青口、長腳蟹🦀各款壽司刺身等等👭🏻孖妹比較推介龍蝦，肉質鮮甜，蟹腳比較重鹹同重海水味，口味就因人而異啦😉✨壽司刺身就有三文魚🍣八爪魚🐙吞拿魚、玉子🥚選擇就唔太多，但過下口癮都幾好✨仲有墨西哥煙三文魚🥙捲餅，係其他自助餐比較少見㊙️🥢沙律🥗✨有幾款沙律選擇，亦都可以自己DIY，現成品有海蝦沙律、蕃茄水牛芝士🧀沙律等等👷🏻‍♀️細孖覺得沙律調味幾好，用沙律醋🧂加埋芝士粒幾好味，忍唔住添左幾round😌🥢熱食🥘✨選擇多元化，有片皮鴨、蒸魚🐟西班牙燒乳豬🐖咖哩配餸🥘炸蟹鉗、黑松露芝士鍋🫕、香煎鵝肝、即切牛柳🥩等 ✨👭🏻孖妹推介：威靈頓三文魚柳 ， 🥐鬆脆酥皮配埋厚肉忌廉三文魚柳，鹹鹹香香又creamy😋🥢甜品🍰✨👷🏻‍♀️細孖身為甜品控，當日每款甜品都攞哂😌有多款mousses 蛋糕、芝士餅、歌劇院蛋糕🍪迷你葡撻🥧焦糖燉蛋🍮 ✨孖妹👭🏻最推介係即焗朱古力心太軟，但要注意‼️每

猶記得幾年前食自助晚餐，種類不多，但味道優勝抱著期望再黎一試，結果大失所望。生蠔又瘦又細，而且鹹全晚未見過生蠔位有人龍，反而見到一盤生蠔開太耐無人拿而扔左龍蝦肉，螺同麵包蟹不過不失； 蟹鉗好味。有小龍蝦係驚喜，但處理方法只係洗乾淨凍食。反而我覺得好似内地咁炒熟更加惹味。全晚只有蟹鉗有encore。刺身三文魚好味，夠新鮮肥美本身好期待芝士通粉，但舊芝士就算照住燈都係唔熱，甚至連室溫都無，「傑」曬咁，浪費左火腿，Salami偏鹹，其中一款更加有騷味黑松露芝士噴泉（話係噴泉，其實淨係擺係個大鍋度）幾特別，配埋薯格，唐揚炸雞，好味彌補左芝士通粉既遺憾羊架嫩； 牛肉韌； 鵝肝多士睇彩數，我當晚食到既好騷甜品除左心太軟＆焦糖布丁，其他全部可以唔洗試大伏。特別係蔓越莓個款（opera？） Haagen Dazs只有士多啤梨同朱古力味比放題既口味選擇更少。食心太軟想配個雲呢拿雪糕都無感覺酒店係咪放棄左BUFFET咧一part。資素實在差左好多，完全無再翻黎食既慾望。

糧尾手緊，俾friend約左去食buffet，唯有慳啲全日唔食ya la之前已黎過，係3年前，價都加左啲。主攻龍蝦細如常，連食半打，感覺已回本，凍海鮮🦞係必食，又食下蟹腳，都甜，不過好曬時間去慢慢夾同拆肉，唔想落手拆咁多😒攰⋯⋯ 所以無意慾係咁狂食。凍肉狂食Parma ham偏咸，生蠔同之前一樣勁細無肉5肥美，zip 下牙輕易又吃到3隻，海水味佢係有既。吞拿刺身幾高質，飲品飲了幾杯柚子蜜解渴。熟食5特別，廢事咁快飽，不嬲好少會係自助餐度食。甜品區向來呢度都完全吸引5到我，貪佢收碟快，坐得都舒適。最後食雪糕，佢d口味無乳酪，全部係務求甜膩塞飽你既朱古力同cream味咁，隨便食少少。酒店都節約成本💰芝士黑松露噴泉變了個小鍋就算。

因為近公司所以都嚟食過好幾次自助午餐隔咗半年冇嚟食水準仍然保持到長腳蟹改為麵包蟹肉質唔錯魚生刺身都算新鮮不過切魚生嘅師傅就手腳太慢而且前面排隊嗰位阿姐一個人攞咗好大的份量搞到後邊排長龍蜆就洗得唔乾淨仲有好多沙黑松露芝士火鍋好正可以用腸仔或者麵包去沾上芝士醬黎食熟食方面燒牛肉同火腿扒都好食仲有幾款點心同炒飯麵唔夠飽仲可以食多碗喇沙麵湯底好濃郁記住食埋甜品先走子左多糕仔之外仲有雪糕雪條用埋會員卡仲有折扣優優真係好抵食

同朋友嚟過食幾次自助午餐，食物質素都保持得很好，今次的海鮮長腳蟹變了麵包蟹其他如白灼蝦,東風螺,青口都沒有變，刺身有4種三文魚,魷魚,,吞拿魚和八爪魚，壽司,沙律,麵包和湯2款都是一般自助餐常見的食物，而佢熟食種類也很多很豐富，有點心4種，燒牛肉,燒火腿扒，一些炸物，我最喜歡佢的芝士火鍋，配料有四種。每次來我也會食一碗湯麵，最喜歡哪沙湯底，而佢嘅甜品亦都選擇好多，我最喜歡飲品任飲，凍柚子蜜就是我的最愛。

今日同啲朋友仔黎，openrice 有八折都幾抵食，海鮮堅係源源不絕咁出，唔駛搶，龍蝦長食長有， 魚生有五款，仲有我鍾意嘅生蝦，熱食,沙律都有海鮮嘅菜式，小女子個胃唔夠大真係試唔哂咁多嘢，當然唔少得嘅生蠔，真你好受歡迎。片皮鴨，鵝肝，燒肉眼，燒羊鞍都係師傅即做，感覺好新鮮。呢度啲咖啡都不錯，唔似一啲任飲嘅餐廳出啲cheap 嘢，絕對有水準，可惜佢地冇零售咖啡豆，如果唔係真係想買番一包返屋企日日嘆。其實唔係成日食buffet ， 耐唔融食一次，呢間係我心水之一嘅餐廳。

平日與朋友們聚餐多數都係去下Cafe談心多，今次就揀左Three on Canton食Buffer 😆😆選擇其中一個原因，地點非常方便，位於尖沙咀市中心，另一個原因之前有朋友介紹過食物選擇類型都算多🙈於是就經open rice預約，點知仲有8折😍😍😍真係好優惠🧡🧡一到達後，服務員好有禮貌安排入座，觀看一下環境，很舒適和也很有氣氛😆，坐下來我們先來幾張拍照📷留念一下，再各自岀去拿喜歡的食物，而喜歡吃海鮮🦞的我，第一時間必定試一試海鮮味道Ok，但不是好新鮮的那種，但這個價錢很合理的，選擇也多，可惜沒有長腳蟹同生蠔🦪。。其次受歡迎的是日式壽司同刺身，新鮮程度俾佢6分，不過不失🤫🤫而其他主食同甜品🍮都不錯，會俾8分嫁最後4個人埋單1360，真心好抵！咁既價錢食到餐buffet ，值！下次會再食過😂

去到尖沙咀食野，個firend話想食Buffet，周圍搵搵下搵到呢間。睇落環境衛生都唔錯應該冇乜問題，而且選擇好似又幾多。最好味係蟹肉，幾鮮甜，但要次次食要剝殼有少少麻煩。海鮮類既食物都唔錯，有生蠔同各種刺身，味道尚可，生蠔唔係好大隻，同埋有D覺得唔係好新鮮。飯糰壽司等都一般般，冇乜肉，對於鍾意食肉既我黎講唔係好吸引；豬扒牛扒等都冇特別，就同平時食開既一樣。熱食都OK，正常份量，湯底偏鹹，最後都係靠碗麵食飽。總括黎講真係普普通通，但價錢就偏貴。

慶祝生日來食飯，見到有生蠔龍蝦，質素應該可以？原本幾高期待。但食完有少少失望。龍蝦就無錯有膏算新鮮，生蠔太小隻好腥。片皮鴨同鵝肝唔錯，其他熟食就真係一般般，見到在場大家都冇點食，都唔晒refill…個中式湯幾好味，飲左兩盅甜品整體質素一般，有d失望。雪糕hagendas 可以接受。送左朱古力生日牌同蠟燭比較貼心。因为OpenRice 有折，所以试一次可以接受。但整體環境有d失望，冇咩景觀，場地小，食物種類唔多，彩盤一般，影相唔好睇。適合一大家人聚餐，但情侶夫妻約會差少少feel

一向耐熱的我, 今年也難擋高溫, 唯有多喝水, 多謝好友帶我去Three on Canton消暑, 因餐廳最近與Haagen-Dazs攜手打造仲夏果漾下午茶.  火焫焫的炎夏, 看著乾冰營造的煙, 未吃已經透心涼感~  主角是兩款雪糕- 西瓜士多啤梨味及車厘子黑莓味. 莓類是我至愛, 味道不會過甜; 而另一款的味道, 士多啤梨味較突出, 西瓜味緊隨其後.  吃完雪糕, 開始品嚐咸食~  首先就被蟹肉牛油果窩夫三文治及芝士焗大啡菇配法國奶油麵包吸引了! 窩夫軟硬度剛剛好, 牛油果與蟹肉更是絕配.  至於大啡菇包, 麵包鬆軟充滿牛油香, 帶點邪惡.   鵝肝慕絲配草莓羅勒沙沙夠香滑, 帶子檸汁多士相對清淡, 或者我應該從味道較淡的吃起, 才不致寵壞味蕾 .  幾特別的配搭是羊奶芝士配西瓜及杏仁, 一直怕羊奶芝士很羶 , 但碰上清甜西瓜整體味道是咸咸甜甜, 有趣.  蔬菜條配牛油果醬, 墨西哥玉米片配車打芝士醬也是下午茶較常見的, 芝士醬濃郁美味, 而牛油醬也香滑.   主題甜點有士多啤梨西瓜香草撻和車厘子黑莓忌廉球. 香草撻顏色柔和卻又展現到夏日的熱情, 撻皮香脆, 味道清新. 而忌廉球好

夏日炎炎大家也被酷熱天氣弄得發飆了嗎！極度怕熱的車媽媽就更加覺得痛苦！所以決定約好友到酒店嘆場冰涼消暑的Afternoon Tea。港威酒店的Three on Canton與Häagen-Dazs攜手呈獻全新仲夏果漾下午茶，吃雪糕當然是消暑再加上果香滿滿的鹹甜點心，我們便可以疏肝地渡過一個炎熱的下午了。這仲夏果漾下午茶由7鹹4甜點心加Häagen-Dazs雪糕和鬆餅組合而成，上檯時侍應會加水入乾冰處增添仙氣及冰涼感覺，令色彩繽紛的賣相更加奪目誘人。平時吃下午茶我必先品嚐鹹點！但這趟有Häagen-Dazs坐陣當然要先享用雪糕，口味分別是西瓜士多啤梨雪糕及車厘子黑莓雪糕，前者充滿士多啤梨味之餘會帶上幽幽的西瓜清甜好特別，後者則是酸甜可口的莓果味道，兩者也口感清爽雪糕迷必愛。吃過雪糕後到品嚐鹹點的時候，件頭不細的鹹點吃罷挺飽肚很滿足，如果選晚一點吃真的連晚餐也可省掉。當中有兩杯鹹點分別是蔬菜條配牛油果醬和墨西哥玉米片配車打芝士醬，一個清新一個香口兩款也很吸引。這件是羊奶芝士配西瓜及杏仁， 以清甜多汁的西瓜配上濃郁的羊奶芝士，吃下甜美中帶上鹹香口感味道也非常令人有新鮮感。然後這件是芝士焗大啡

用海港城coupon來呢度食buffet比起marco Polo buffet冇咁抵每位都貴一百蚊但相對嘢食種類都多啲鵝肝任食仲有和牛多啲類型嘅嘢食例如西班牙炒飯同埋乳豬 片皮鴨龍蝦味道都畀嗰邊好少少冇咁咸其他都累近重點仲有心太軟真係好耐冇食嘅心太軟呀但係呢度坐位都比較迫一啲冇cafe marco嗰邊坐得咁舒服因為食嘅人多啦refill都會多好多嘢食嘅份量都多啲相對就唔會供不應求但係呢邊傾計傾到超級嘈好似去咗居酒屋或者串燒店仲有啲地盤鬧市feel由於座位太逼收餐盤嗰陣都好尷尬另外都有啲燉湯可以拎都幾好飲如果多啲錢嘅話去選擇食呢間但係如果冇嗰邊坐得咁舒服滿足感比較大但係就空間比較壓迫