The Trafalgar Brewing Company

營業中

休息中

接近吃晚飯時間經過染布街, 見到有幾位穿著球衣的店員在店外宣傳他們的happy hour優惠, 便看看有什麼推介! 意想不到這間酒吧的食物選擇蠻多的!而且價錢相宜,便決定一試!餐廳內有mini bar~ 還有多部電視直播球賽! 適合足球熱粉!入座的時候亦有些外國人客 店員大多能講英語 絕對不會有溝通問題我和朋友2人點了一份set dinner, burger, salad及starter!是日餐湯是薯仔湯~最怕西餐餐湯會很結或過稀, 但這個剛好, 又不會太咸, 又有薯仔碎粒保留口感首先來的是希臘沙律, 芝士和蔬菜拌著吃非常醒胃!蜜糖雞翼~每隻都好大隻! 香甜惹味!主角出場! 特拉法加招牌漢堡~份量十足!! 材料亦很豐富!! 除了牛肉漢堡還配磨菇、煙肉、芝士、煎蛋、菠蘿~要整個burger一併吃比較困難, 最後還是要分開切來吃~厚切的牛肉漢堡啖啖肉! 好juicy! 煎蛋也是溏心的! 加了菠蘿~酸酸甜甜令味道更fresh、口感更有層次! 加分! 只是略嫌煙肉炸得過乾了~薯條是比手指還粗的King size粗度! 外脆內軟~份量亦多到吃不完 再來! Set dinner main烤新西蘭肉

依間餐廳好抵讚！入面員工服務態度一流！好有禮貌，當時餐廳爆場嘅情況下，佢地都會盡量滿足客人要求，而且好有笑容，工作效率又高！除左服務好之外，依間餐廳嘅食物都好抵食，份量又多，食物質素都頗高，最緊要碟碟都係熱辣辣送上，性價比好高！而且仲有足球直播，同多款手工啤酒！最啱周未同朋友睇波吹水！誠意推薦俾大家！我地四個人叫左2個set再散叫。set dinner既沙律份量都幾大下，而且沙律幾新鮮！好多餐廳跟set既沙律都好少。mains course叫左rib eye steak，五成熟，件牛扒煎得好靚，啱啱好五成熟，食落肉質軟熟牛肉味重仲好juicy！跟餐薯角炸得好脆，熱辣辣，正呀！另一mains course叫左salmon steak florentin，三文魚扒又係大大件勁厚切，而且冇腥味！個波菜汁忌廉好好味，同三文魚好夾！散叫有trafalgar burger，個burger勁大份叠到勁高勁多料！中間塊牛肉漢堡勁厚，食落勁多汁，勁有煙肉，芝士，酸瓜，上面仲有隻煎得好靚嘅太陽蛋，淨係個賣相已經好吸引！另外仲叫左炸豬手，份量又係超級大！豬皮炸到脆卜卜，但係入面d肉就好淋好juicy，一啖咬

今日難得放工後可以完全拋開公事，當然要搵下三五知己去啤一啤放鬆一下心情。要找到一間既有好酒又有好食物和氣氛的餐廳著實不易。這間The Trafalgar Brewing Company完全能滿足我三個願望，絕對是我的top list 之一。很久以前光顧過港島那間，現在在旺角開了分店更方便。六時多去到已經差不多滿座，連吧檯和門外的座位也坐滿人，當中不乏外藉人士在把酒談天。餐廳內播放著音樂，音量適中，不會妨礙人客聊天。而且餐廳內有多部大屏幕播放不同體育賽事，睇足球比賽一流。轉回正題，是次主要目的旨在與朋友聊天吐吐苦水，當然不能缺少酒精！Menu 上的啤酒種類眾多，一時間另人花多眼亂，而且價錢合理，五時至九時的happy hour 時段大約 五十多元便有一杯。這晚總共點了三杯啤酒，第一杯是premier stout 酒精濃度有10.8% ，很少見有高於10%的啤酒。口感沒有相像中苦，與一般黑啤相約，但入口後更濃稠，加上表層豐富的泡沫，口感一流。可能是空肚飲的關係，感覺渴完這杯後很快上腦。 第二杯是Brian smooth , 酒精濃度是3.7% ，較易入口且清淡一些，帶上淡淡果香，適合女士或

今日都唔知係邊隊對邊隊，唔通係碧咸對C朗？真係諗起都覺得好靚仔呀！！！但好似掛咗靴喇喎…你個M佬原來今日要睇波，但又應承我去鋸扒，結果就帶我去到好有外國Feel嘅The Trafalgar Brewing Company，我就用咗90分鐘鋸扒，你就用咗90分鐘睇波。烤新西蘭肉眼扒：濃濃嘅炭火燒烤味，5成熟仲燒到有網紋，好靚仔呀！肉質表面微焦內裡嫩滑，夠晒嫩口Juicy！牛味夠晒香濃，唔錯！原隻德國鹹豬手：大大塊木板上面，有一隻好大隻嘅豬手，豬手預先切件，好貼心好方便！每一塊都夠晒皮脆，脂肪同肉嘅比例啱啱好，加埋少少蜜糖芥末醬，真係好match！不過，唔知係未燒耐咗，肉質唔算太滑。蜜糖芥茉燒雞翼：雞翼充滿蜜糖芥末醬，大大隻又好好味呀！而且雞翼燒得夠晒脆，一啖咬落去，肉汁咇晒出黎，好罪惡呀！迷你漢堡：4件迷你漢堡，一啖一件，菂菂骰骰，好鬼招積！鮮牛肉打成漢堡，夠晒嫩滑，又唔嚡。鍾意食漢堡必點！

旺角的酒吧數量不算多，有的也是那種較為嘈吵的。今天和朋友在旺角逛街買衣服，晚上想找個地方舒舒服服地坐下聊天，剛巧走過這裡，見餐廳外面的裝修充滿濃厚的英國氣息，便選擇了這間英式酒吧。這裡不會找到1664,Asahi等常見的啤酒款式，取代的是全部來自英國的手工啤或氣酒。bar前有一系列的手工啤酒作選擇，這裡的斟酒方式很特別，是由酒杯的底部注入酒的！他們稱之為「Pat Pat杯」，很可愛的花名！店員向我們展示「Pat Pat杯」的特點。啤酒注入中。。。完成！這杯是Brother的拖肥蘋果氣酒朋友點了其他的生啤我很喜歡Brother的拖肥蘋果氣酒，一直鍾情於此，有在手工啤酒店買過來喝，味道是甜甜的拖肥味，配上酸味的蘋果，女生最愛！我們點了個三文魚扒dinner set，魚扒上淋滿spinch和醬汁，魚肉煎得幾腍，不會過嚡，聞到魚香味。小食點了 buffalo Wings，外層炸至很脆，脆得不會過硬，雞翼肉汁保持鮮嫩，很滑溜。buffalo Wings獨有的辣醬，均勻地包果著整隻雞翼，味道很惹味，而又不會過辣。美國上等肉眼扒 份量大，厚度夠！肉香濃郁之餘，切開肉汁溢出，很JUICY ！旁邊的薯蓉

特拉法加廣場係倫敦著名旅遊景點，以大群白鴿聚集而聞名。餐廳用上Trafalgar為名，相信係希望人聯想到英國菜。英國菜印象中係all day breakfast、三文治同炸魚薯條。旺角賣英國菜的酒吧可以話絕無僅有，所以喺染布房街開店十分搶眼，亦心生好奇，放工經過大可一試。酒吧裝修半開放式，門口有兩支水煙，唔知係裝飾定真係有得食。酒吧有晚餐供應，當然更有唔同啤酒同送酒小食，時值happy hours都有附近上班族啤一啤佢。店舖面積不大，枱與枱之間空間較少，酒吧半滿都已經好多人聲，氣氛幾熱鬧，如果有球賽直播，相信仲更加熱鬧。晚餐有三款選擇，全部都係百五蚊左右，揀咗西班牙式煎封三文魚扒同烤紐西蘭肉眼扒一試。餐湯或沙律二選一，南瓜湯據老公講有絲絲南瓜肉，真材實料。夏威夷沙律有雜菜、番茄、火腿、洋蔥、芝士片同粟米，材料幾豐富，有千島醬的調味下，帶有點點甜味。西班牙式煎封三文魚扒配上忌廉菠菜汁，滑溜又可彌補三文魚本身肉質較鞋，配搭很好。焗薯塊外脆內軟，薯肉豐富，唔加任何醬汁都已經好好食。烤紐西蘭肉眼扒有炭燒過的格仔烙印，入口有輕輕炭燒香味，肉眼扒厚件份量十足，一個人未必食得晒。跟餐甜品有小小的牛油

從英國回港已有一年多，今日落少少雨又涼凉地，個份情懷又返黎啦，十分懷念英國生活，便約了在英國相識的朋友一齊去懷緬下。朋友係灣仔上班試過呢間pub覺得唔錯，咁啱旺角店又開左，就相約在此。係旺角好少有咁英式的酒吧裝修，location也很方便，門口好大，街景有好多樹，感覺開揚，有波睇，bar枱仲有好多英國啤酒options。HH緊係要飲返杯，可以試酒，我揀左London pale ale ($65)，酒精濃度一般，容易入口。Menu有好多英國特色食品，如scotch egg。花生好香脆，free。飲酒比較適合食小食，所以都冇點主食類。Buffalo chicken wings食過唔少次，想試多幾種口味，可以揀蜜糖芥末燒雞翼($74五隻)，honey flavour 好sweet，雞翼熱到燙口，就知道係新鮮即制，好味道！另外，香辣蒜香雞翼($74五隻)似避風塘炒蟹個味，HK style，蒜味好香，都幾辣，但又非常惹味。唔可以唔食Fish & chips ($124)，在賣相方面十分有心思，用metal vintage 單車去present，感覺很refreshing。炸魚都係新鮮炸的，熱la

做左一日野，想食得豐富D，去呢間餐廳就岩晒事關佢一個set dinner，跟有湯或沙律，main course，再有餐飲同甜品，都係百幾蚊！而我呢個食肉獸就更係揀据扒啦是日餐湯係薯仔湯，個湯都幾creamy，但又有好細粒薯仔可以咬下，係略嫌唔夠薯仔味。然後就到主角登場！肉眼扒叫左五成熟，都幾大塊。肉味都幾夠。不過有少少overcook，唔似五成熟，表面有點乾身。建議下次叫三成熟甜品係奶凍，但食唔出咩味，不過唔太甜，幾好整體而言係唔錯的，百幾蚊食飽飽

舊朋友從美國回來，約埋一齊聚一聚，離開香港10幾年，佢話香港變化好大，好多地方都吾認得，所以今天我請假陪她shopping,行到攰要休息一下，兼食晚餐！經過染布房街，見到一間好似bar 的餐廳，名叫The Trafalgar Brewing Company ，朋友說想入去試試！那麼我們就入座了！set dinner 吾錯，我們要了2款！是日餐湯：南瓜湯，湯濃鮮甜！烤新西蘭肉眼扒：熟度可以選擇，鮮嫩的肉眼扒，配香脆的薯角，十分美味！西班牙式煎三文魚扒：三文魚兩邊都煎過，中間還有少少生的，配合特製醬汁，味道特別，值得一試！晚餐還包括飲品：我們要了檸檬茶！鐵板燒德國雜腸：不是用普通鐵板，是用鐵穫仔，下面用火燒住，上面有四款肉腸，肉腸加有德國泡菜製造，四款味道，由淡至濃味，味道不錯。蒜蓉包：味香包脆，小食之選！

想係旺角食飯飲杯野，真係唔知有咩地方好選擇。咁岩係街見到有新餐廳做緊宣傳，有啤酒飲正WOR！馬上衝去試一試先。蜜糖雞翼呢D小食真係必叫架啦，真係秒速知道間餐廳有冇水準。醬汁丶雞翼多唔多汁呢兩個基本原素，真係馬上見到個廚既技巧。一班朋友食野飲酒又點可以冇啤酒呢？大大份既豬手焗得超香脆，特別係我最愛既豬皮，脆卜卜勁吸引。配上醬汁去食，加埋啖啖啤酒真係perfect match。豬手煮得唔錯，而且價錢唔貴，可以一試呀。裝飾得好令既炸魚同埋薯條，炸魚的確炸得唔錯，入面重有好多魚汁同魚油。炸魚用左好多香草，所以食落去味道好香。加上外皮炸得夠脆，整體味道都唔錯重頭戲黎啦！牛扒！叫左份美國肉眼牛扒，大大份，煮左五成熟，煮得的確唔錯。肉質都幾腍，味道調得唔錯

近染布房街有唔少隱世小店, 經過見到呢間新開既酒吧, 除左有各式酒飲外, 更有set dinner等提供。當時門口正站著兩位很熱情店員, 不停向我地介紹佢地酒吧有咩野食。我同朋友被佢地既熱情所打動, 決定入去一試!雖然我地今晚冇打算飲酒, 但見到店員更會提供推介既酒比其他客人試飲, 再決定要唔要order~ 唔洗怕叫左成杯又唔太合自己心水味道。坐低後, 店員先為我地送上餐具同埋花生看過menu後, 出奇地覺得呢間酒吧比其他酒吧既食物款式供應相對多選擇, 多得就好像一間cafe/一間西餐廳。我地order左以下幾款食物:【酥炸魷魚粒】HK$64呢款小食確實係送酒既其中一個好選擇, 魷魚切成一小粒, 可以一啖一件, 酥炸後炸皮唔算好油膩, 魷魚幾爽口, 支上少少檸檬汁, 酸酸地幾開胃....  【炸薯皮】HK$64薯皮外表略脆, 內裡帶薄薄薯仔層, 再有些少煙肉碎+半溶狀既芝士, 雖然芝士沒有拉絲, 同埋芝士味唔太突出, 但點上酸忌廉, 芝士的鹹味加上略帶微酸既酸忌廉, 令味道更有層次。【原隻德國咸豬手】HK$140咸豬手已被拆肉上檯, 食用方便, 份量都幾大, 沒有過多既肥油層。 對於有

今晚我們行過旺角染布房街見到有間新開嘅西餐廳「The Trafalgar Brewing Company」，由於今晚係英超比賽日，而我們見到店內擺放咗多部電視播放著英超賽事，就算坐喺唔同嘅位置角度，都可以睇到，所以我們就決定入去食晚飯！我們叫咗兩個晚餐：烤新西蘭肉眼扒嘅肉質極之嫩滑，肉味非常濃郁，食落有啖啖肉汁，仲要係媽咪最鍾意嘅厚切，而且份量十足，師傅控制嘅火候亦可以達到我們嘅要求係7成熟，又唔會過咗火令到塊肉眼扒變到又乾又韌，真係值得一讚！煙肉蘑菇卡邦尼意粉嘅意粉質感好煙韌彈牙，醬汁嘅味道好香濃，唔會有好膩嘅感覺！另外再單點咗迷你漢堡嘅包質好軟熟，漢堡扒嘅肉質相當鬆軟，唔會有好「騷」嘅味道！原隻德國鹹豬手係用一塊大木板盛載著已切開一件件嘅豬手上碟，外皮燒得非常卜卜脆，肉質好軟滑，肉味好香濃，脂肪亦唔會太多，所以唔會有好油膩嘅感覺，再加埋香甜嘅蜂蜜芥末醬一齊食，真係好惹味！海鮮燴意大利飯有忌廉汁或蕃茄醬，我們就選擇咗蕃茄醬，出嚟嘅色澤賣相真係色香味俱全，而且令到味道更加鮮味，唔會有好膩嘅感覺，呢點係我們非常鍾意，而海鮮嘅份量係超級多，青口同蝦起碼各有8隻或以上，唔會祇得一兩隻，可以每

旺角大街開咗一間新酒吧, 發覺間鋪頭名好熟口面! 原來以前去過灣仔的分店陪男友睇波! 旺角呢間係新開嘅! 我和朋友放工走去試試,Happy hour 一杯啤酒$57! 絕對物超所值,原因是大部份啤酒都是手工啤酒!最特別的是他們有12部杯底出啤酒的啤酒機!聽佢地職員講香港無一間酒吧有咁多部呢啲機! 真係好特別!因為啤酒種類繁多,所以我自己出去bar台選擇啤酒!Bartender 介紹了一杯比較甜而且適合女仔飲的CIDER, 仲要係TOFFEE APPLE味道! 真係啱晒我! 真係飲到甜甜的TOFFEE味道,而且酒精一點都不濃! 而且happy hour 價錢都幾抵!西式酒吧的小食不少得Buffalo wings ! 真的好味道，呢碟野冇得輸！夠香辣，又夠入味！原隻德國鹹豬手$140 價錢一啲都唔貴，仲要係西式餐廳食喎! 抵! 最重要嘅係飲啤酒點可以唔食鹹豬手😂他們簡直係絕配! 其實佢哋仲有dinner set & all day breakfast! 不過今次無試，下次試啦!

The Trafalgar Brewing Company旺角染布房街 12-14 a依利大廈d鋪喺旺角區一間半西餐bar環境接近bar 牆身有電視 可以睇波飲啤酒 食物list係西餐 但比較多佐酒食物 而且仲有好多draft beerPork knuckle 原隻德國咸豬手 140 蚊A traditional german big snack with honey mustard大大碟用木板放住既豬手 豬手切成一舊舊皮脆。肉滑 夠哂鑊氣 豬油脂 剛剛好 加埋少少蜜糖芥末醬 比較清甜 同肥味既豬手好襯Buffalo chicken wings 水牛城雞翼 10 件 121 蚊雞翼有十隻 每隻都十分肥味 水牛城雞翼同出面既唔同 真係美國口味 好香辣 又帶有點酸味 好開胃 醬汁完全滲進雞翼入面 而雞翼無論皮同肉都好嫰滑 好正Draught beer Badger hopping hare (hh 57 蚊) 4.4 %黎自英國既hopping hare泡身比較濃 但口感較清新 無論飲同聞都好有花香 而飲落口感偏薄Draught beer Badger fursty ferret