The Stadium (已結業)

Buffalo Chicken Wings，好多西餐廳都有包括星期二 (呢度好容易令我想起星期二)，口感夠脆，但辣味會好味啲。星期二的不辣 wings 係無炸脆雞翼的，而呢度就有呢。黑松露薯條味道特別，呢幾碟當中最鐘意食，但好似炸得唔夠靚仔。美國極黑毛豬，厚度適中，半肥半瘦食落無咁韌同"鞋"，豬肉味配 Sause 味都好唔錯。巴馬火腿配無花果我點了Midnight in Stadium Mocktail 有菠蘿汁, 檸檬草, 蝶豆花, 熱情果等, 幾 fresh 幾好飲。埋單位位>$100, 下午茶時段。總括而言，食物都好食賣相ok ，餐聽裝修都靚，但若果在觀塘工業大廈食而收呢個價就有少少貴左，價錢比得上星期二的價錢(會員價)，其他下午茶餐價都唔係十分抵食，比起之前所寫的某間西班牙菜下午茶性價比相差大遠，overall 我比 OK。

今日相約幾位姊妹到觀塘開飯有一位foodie姊妹介紹呢間 the stadium 話係銅鑼灣食過晤錯😝😝😝😝😝好 一於試下呢間觀塘分店得晤得先😝The stadium 位於觀塘新開商場the wave交通都算方便 地鐵站五分鐘就到👍🏻上到去一入就係open bar我地無訂位既關系就安排左一張長枱比我地先黎飲杯野先 今次揀左本地啤酒 the dead man相對比較淡味既啤酒 幾岩女仔飲Carbonara 係我好鐘意既一道菜呢間carbonara 係比較重garlic味Cream味比較淡 不過我鐘意呀😝😝😝😝😝其他掛住吹水已經無印象了🤣🤣🤣

觀塘食晏最近鐘意去stadium其實黎過一兩次好鐘意佢室內設計有張桌球檯又有outdoor area落地玻璃好透光空間感好夠 坐得好舒服佢lunch set有好多選擇咁岩有朋友鐘意食既燒春雞我就選擇左蕃紅花忌廉汁燒蝦扁意粉蕃紅花忌廉汁燒蝦扁意粉好creamy意粉好吸收忌廉汁煮得軟硬度岩岩好蝦肉極之新鮮咬落口好彈牙惹味辣香草燒春雞個賣相太正成隻春雞漲卜卜 香噴噴佢外皮grill到勁脆卜卜落足香料入面既肉就好嫩滑而且好入味沙律菜伴碟都好新鮮好彩有朋友分享春雞份量好大自己一人食太飽非常滿意依個用餐經驗環境同食物都令人好享受

去觀塘食午餐,一般餐廳都比較人多和座位擠迫， 所以我通常會去樓上餐廳食， 一嚟坐得舒適，二嚟食物質素都 有保證。今日去這間The Stadium 便是一間值得推介的餐廳， 不但座位寬敞，加上還有好多玩意供食客作飯後作消遣活動，正！這裏座位有部分戶外， 我當然選擇室內啦， 舒適地慢慢享受午餐。 Set lunch選擇也多, 加上價錢不會太貴，大大份主菜， 加上餐湯、沙律和嘢飲，也不過百多元，划算。All day breakfast 豐富到極， 最欣賞啲炒蛋，夠曬香骨。 而薯餅炸得香脆、 坎伯蘭香腸打孖上, 肉質美味， 加上香煎煙肉和茄汁焗豆配搭，味道更盛。芝士忌廉醬烤雞肉闊條麵， 芝士和忌廉配搭香滑味重， 全滲透在闊條面上，味道濃。加上雞肉和肉腸作配， 飽肚感足。這裏最舒適莫過於食完之後可以慢慢坐慢慢倾天， 夠曬relax。

銅鑼灣stadium 去過一次，味道都還可以嘅，所以就黎試吓喺觀塘嘅呢間啦。三個人食但係叫咗好多樣嘢，每一樣野都做得唔錯尤其係個牛扒，同啲薯條，都真係幾好食嘅，個炸魚薯條好有驚喜，真係啱啱炸起，所以外面好都好脆，內裡嘅魚肉都好嫩滑，連我呢個唔太喜愛fish n chips 既人都要比個like 佢呀。👍🏿👍🏿最鍾意佢個環境好似球場咁，又有啲擺設可以玩下，都幾過癮。最適合一大班人嚟，叫多幾樣一齊share.😌😌

上星期五撞岩要去觀塘做野 做完野 放工後 約埋係果度附近返工的大同 happy hour 聚下先佢地都不約而同地提出去Stadium!! 好呀 就試下佢 由於早放工嘅關係，我地6點幾就到，地方超大, 寬敞的 成層都係Stadium, 有戶外同室內坐位，方便吸煙人士 (利申:我係非煙民) 雖然地方好大 但客多 都幾吵下 同朋友講野 都要好大聲 哈哈 岩岩黎到唔算好多客，踏入飯市，開始越來越多人，雖然樓面staff幾充足, 但唔覺服務特別殷勸，連水都冇一杯~~ 哈哈一行5人，叫左4樣食物，加每人一杯特飲黃椒雞肉Pizza (唔記得exactly名)幾好食，屬於薄底Pizza, 但唔會薄到成塊餅乾咁! Pizza底又薄又有醬，食落幾juicy磨菇煙三文魚沙律好味，厚砌磨菇，超有質感，撈埋隻半熟蛋，覺得幾好食水牛城雞翼超多醬汁係面，幾入味，熱辣辣唔錯牛扒同豬肋骨牛魔王最愛，可惜我食到咁上下，己經飽飽地，食唔到咁多整體食物吾錯 環境大 但會吵 值得一試

今晚約咗朋友去觀塘APM買化妝品，因為有coupon一定要去返呢度買先得！平時都好少入觀塘嘅，難得今日專登嚟到，就梗係食埋晚飯啦！觀塘不嬲都好多食嘢嘅地方，今日朋友就介紹咗呢間The Stadium 的餐廳，環境都幾大，呢度有桌球枱、足球枱免費玩。今晚我哋就叫咗一個特色球迷沙律，其實係見個名好得意所以叫，點解叫球迷呢？我諗係因為有好多圓形嘅生果蔬菜😂仲有栗子添，顏色鮮艷！另外叫咗一個美國極黑毛豬，份量都幾大塊，仲有海鮮扁意粉，好多海鮮，兩個人食完都超級飽😋

今日早放工，就同同事一齊happy hour加dinner迎接Friday! 坐落觀塘Wave 嘅Stadium, 係一間美式sports bar, 佢哋有埋dart同snooker添。我哋一坐低就order嘢飲, happy hour 由31點至8點，我order左Hendricks G&T, 呢個係正價嘅，不過其實menu都有好多cocktails同啤酒選擇。至於食，我哋order左個platter, bbq chicken pizza, nachos, truffle fries 同埋 ribs. Food platter 嘅炸mozzarella cheese幾好，大小啱啱好唔太膩，另外buffalo wings好惹味。bbq chicken pizza就ok,夠熱同埋餅底唔太油。nachos好食，如果多啲sauce就好啦。truffle fries都好好食，粗切薯條外脆內軟。最後個ribs就不得了。又大又新鮮好味同抵食。如果有機會下次試吓黎睇波先。

想約朋友到觀塘食飯，見The Wave有間西餐幾吸引。平時行街經過這楝大廈見好新，同埋開左好多食肆，但都未曾幫襯過，就今次黎試下啦！一出就見到有枱足球遊戲機可以玩。原來成層面積都真係幾大，而且都差唔多坐滿，好彩一早book定位。連枱墊都係球場圖案安格斯牛肉漢堡，肉汁幾juicy 見menu推介炸魚薯條，但有d失望，炸魚一般，食落有d厚粉美式芝士通心粉，估唔到幾好味。脆焗薯皮，這個要預少少時間製作，幾好味，適合做前菜，好開胃。場內有電視可以睇球賽，好啱邊飲啤酒邊睇波添。

星期六同朋友來觀塘畫畫，話食過好味想帶我去試下，所以一齊來食dinner。餐前小插曲：四點左右打電話去餐廳，問有冇得Book檯，佢話已經full，可以6點去排隊拎籌。咁我地一聽以為個場好旺，所以打算畫完畫再去碰運氣。去之前再打電話俾餐廳，問宜家多唔多人排隊，大概要等幾耐，佢話有人排緊唔知等幾耐。咁我地都係去望下先，結果去到唔洗等位，入面仲有好多空檯。所以好想知道究竟發生咩事？Anyway入到去餐廳環境寬敞，但偏吵（好多一家大細聚餐）：我地兩個淨係叫佐一杯Mojito（芒果味）、一份四成熟肉眼扒同一份黑松露薯條。孤陋寡聞，第一次來到Mojito可以揀口味既餐廳。但杯嘢一啲芒果味都冇，同原味冇咩分別。四成熟肉眼扒就有驚喜。牛肉味濃郁，冇overcooked，肉滑唔會韌，隔離仲有薯角做side dish，質素唔錯。黑松露薯條上面有芝士，醬可以refill，都算抵食。總體來講都推介大家試下。

今日同朋友四個人一齊嚟到觀塘嘅工廈入面食西餐 叫咗個薯條雞翼同埋一碟卡邦尼意粉 薯條同雞翼都係熱辣辣咁上菜嘅所以都算係新鮮然後個意粉同埋佢隻蛋加火腿都配合得幾好所以意粉味道都唔錯

今日來到觀塘工作，食飯時間唔想同人迫， 又想坐得舒適，當然要搵間樓上餐廳， 這區勝在很多工廈都有樓上餐廳， 選擇好多。The wave 這間Stadium就係其中一間，地方夠大，座位又多，價錢大眾化，就算Lunch time都不用等太耐。和同事各點了個Set lunch, 炸魚薯條和烤連骨豬扒配鮮果沙沙醬，味道佳，加上湯、沙律和飲品，比其他茶餐廳 豐富得多。炸魚沙律大大份，炸魚外層炸粉勁多勁厚，好在炸得酥脆，而內層魚塊雪白，熱辣辣都好好食。至於薯條，味道也佳。最愛的烤豬扒， 黑毛豬要全熟，烤得特別香濃，肉汁又多，味道香，好好食。別忘記這裏還有一些玩意可供食客消遣， 桌球、飛鏢機和足球機，可大顯身手。

跟朋友聚會，話要好好食一餐，選了觀塘The Wave 4樓開餐！踏入餐廳感覺充滿活力，四周都見到運動畫面，非常有動感！點了是日紅酒汁慢燴牛肋晚餐，有主菜，沙律或餐湯及飲品而另外再點烤鱸魚及蘇打水，可以一齊分享美味。青菜沙律，餐前開胃，必選之一。紅酒汁慢燴牛肋，非常入味又嫩又腍 ，有薯蓉墊底蒜，味香幼滑，令人回味。烤鱸魚，魚肉夠厚，食落啖啖肉，外皮煎得香脆，又可保持魚肉嫩滑，加上我偏愛吃魚，所以吃得份外滋味，配上薯蓉，味道亦提升不少！朋友食完讚口不絕，嚷著下次一定要再來喔！

琴日同朋友係觀塘踢完波 有一個波友就提議去呢間 the stadium既餐廳食野一入到去見到地方好大  好靚 好夠冷氣  仲有我地最鍾意既體育電視直播睇我地未叫野食之前waiter己經好主動咁比左每人一杯大水比我地可能因為我地踢完波知我地想飲水 真係貼心之後我地就叫左個 All day breakfast食, 黎到果陣隻炒蛋真係好正又大又滑又多汁  茄汁豆都好夠味 薯餅脆度都岩岩好另外我地叫左個main (burger with fries)一黎到果陣見到個burger好大份, 薯條都好多食落去塊牛肉差唔多可以話入口即溶 好好味薯條就夠粗同夠鮮色 味道都好好總括黎講 呢間野d野食都算高質素 下次有機會都會再黎食

媽媽節母后話想食西餐，我就揀左呢間以美式運動為主題既餐廳，貪佢工廈地方大同無咁迫人仲係happy hour時段，當然要叫返杯啤酒啦巴馬火腿配無花果，特色球迷沙律兩款既食材基本上很相似，仲知叫一款都已經足夠美式餐廳份量果然相當大份，叫了美式烤豬肋骨半份，比起出面餐廳的全份還要大，外層烤到微脆，個BBQ sauce好鬼好味，仲跟埋d配菜解膩，正！美國特級肉眼扒母后要食7成熟，佢真係做到岩岩7成熟，但我自己食開5成所以就覺得老左少少，炭燒味好香仲有好多肉汁，薯角亦炸得好香脆，完全停唔到口呢度環境真係非常不錯，以不同既球類作裝飾，四周都散發著濃厚的運動氣氛，真係岩晒鍾意一邊睇波一邊飲酒既朋友🍻