The Point - Pizza & Pasta (The ONE)

營業中

休息中

这家的点评都是假的吧…点了个冬阴功意大利饭里面的海鲜花蛤一股腥味，没有煮熟，整个饭很咸…跟服务生说了，就把花蛤去厨房换了两颗新的出来给我…😅太小气了吧…在大陆起码这盘不收钱或者整单打折了。这餐厅根本没人还让人90分钟吃完，搞笑。pizza的味道也都很新奇，奇奇怪怪的组合，只能挑了个主厨推荐的pizza，里面啥都有，火腿五花肉焦糖洋葱青椒，都是什么跟什么，沙拉长在面包上。实在是吃的很无语，整单花了500当捐款了…

有日同朋友去尖沙咀呢間THE POINT Pizza &Pasta 食飯，餐廳都有好多特別的菜式都幾吸引，於是我地決定係度開餐喇~餐廳位置係尖沙咀THE ONE 4樓位置，位置相當優越而且方便，餐點平均價錢都合理。環境方面，餐廳都幾有Bar 個陣氛圍感，高級感滿滿，可以好Chill咁坐住享用晚餐。座位都算舒適。首先黎左Nibble的招牌菜香蒜辣椒白酒煮蜆，啲蜆吐沙處理得幾好食落無乜沙，而且隻隻蜆肉質飽滿size都幾大隻，煮個陣啲肉無甩開個殼，證明啲蜆非常新鮮。酒味唔會搶過味，辣度都岩岩好，作為開胃菜好合適。水牛城雞翼基本可以試到一間餐廳廚師的功力，雞翼酸酸辣辣又香口，肉質柔軟，配埋藍紋芝士醬真係好好味。芝士醬味道稍微濃烈，包裹住雞翼個下令雞翼風味更柔和。餐廳的Pizza有好多異國風味的選擇，可以揀泰式、日式或者中式Pizza，真係好特別。我地點左份北京烤鴨Pizza，薄底的Pizza上面裹滿左好多配料，烤鴨份量都好多，同海鮮醬夾埋一齊真係好似食緊正宗北京填鴨，得意又滋味。講開食意式菜，點可以無意粉?呢間餐廳的卡邦拿拉意粉啲奶油醬汁真係好濃郁，意麵煮得有咬口，每束意麵都沾滿厚厚的醬汁，芝

忙左成個月啦，昨晚同朋友到尖沙咀逛街，最近天氣真的太熱，唔想周圍再搵，系The ONE 4樓見到嘅#thepoint ，二話不說就入左去喇，同朋友放鬆一下！1）香蒜辣椒白酒煮大蜆 $128.0一入口就好淡淡白酒味，蜆肉肥美鮮甜，而且係無沙，湯頭酒味得不是太重。最啱D不勝酒力嘅朋友。2）（辣）水牛城雞翼 $88.0係西餐經常都有得食嘅菜色，炸得剛剛好，醬汁酸中帶點辣味，雞翼肉質都好嫩，咬落去啖啖肉！辣味慢慢滲出嚟，好惹味！3）北京烤鴨披薩11" $178.0碎條形狀鴨肉惹味 ，食得出肉汁 ，Pizza個底唔似坊間一樣，口感小小酥脆，仲要輕輕焗濃個邊，整體味道特別。4）卡邦拿拉意粉成個意粉都好creamy濃郁，忌廉醬落左勁多，令到個口感好creamy！意粉唔太淋，剛剛好，食完個口仲齒頰留香。整體黎講，食物環境都高質，之後有機會都會再黎！

好耐冇食The Point 尖沙咀分店，經過見佢dinner set都好吸引，而且餐廳環境唔錯，簡約時尚又好坐。前菜沙律酸酸咪咪用咗香醋油醋汁十分開胃，最鐘意用牛油果、甜橙、沙律菜嘅配搭，清新爽口，而且新鮮有營養。南瓜湯，濃郁綿密，口感細膩，充滿南瓜香氣。北京烤鴨pizza，加入烤鴨元素，夠晒fusion，配上香嫩的烤鴨肉、蔥花和甜麵醬、烤意大利青瓜、野苗、青蔥、海鲜醬餅底香脆可口，口感豐富。紙包焗香草三文魚配刁草牛油汁，用咗牛油紙包烘烤茴香頭、車厘茄、水瓜榴、新薯、刁草、檸檬烤三文魚，三文魚肉質細嫩，表面烤得恰到好處，配以青檸汁提味。另外加咗個卡邦尼意粉，卡邦尼醬濃郁香滑，意粉軟硬適中而且很掛汁。

尖沙咀the point餐廳，最出色係佢哋嘅手工意大利薄餅和意粉，餐廳裝修以簡約的意大利風格為主，色調柔和，讓人感到放鬆，非常適合與朋友聚餐或家庭聚會。夜晚二人餐好抵食。南瓜餐湯，湯底濃郁，可以食到南瓜蓉，口感滑順，非常適合開胃。新鮮的沙律，有甜橙同牛油果，清新爽口，特別適合炎熱的夏天，讓人感到神清氣爽。北京烤鴨Pizza，非常fusion。薄餅底部烤得香脆，配上手撕的北京烤鴨、青瓜、青蔥和海鮮醬，口感豐富，鹹香中帶有甜味，好正！紙包焗香草三文魚嘅肉質鮮嫩，用鐵鍋呈上，新鮮熱辣，鍋內用咗紙包焗製，魚外皮微脆，保持了魚肉的鮮甜同嫩滑，搭配的刁草牛油汁更是為整道菜增添了香氣。卡邦尼意粉以煙肉、蛋和芝士為主料，意粉軟硬適中，Q彈爽口，卡邦尼醬濃郁邪惡，尤其欣賞佢哋落咗好足料嘅煙肉，令口感層次豐富。

地理位置十分方便位於尖沙咀The ONE 4樓環境開揚舒服 平日有一個性價比超高嘅二人套餐只需$398就有兩個前菜一個主菜 一個意粉或者意大利飯前菜 龍蝦湯非常濃郁 鮮味推介北京烤鴨披薩原來北京烤鴨同Pizza 係咁夾材料包括手撕填鴨烤意大利青瓜、野菌、青蔥、海鮮醬非常惹味烤鴨皮層酥脆外焦裏嫩 火喉控制得十分好青瓜清新爽脆 可以中和番油膩感紙包焗香草三文魚配刁草牛油汁賣相十分吸引紙包魚的好處就是能夠做到鎖水效果魚肉可以保持嫩滑原汁原味加入了薯仔 洋蔥 車厘茄蔬菜都盡吸收了精華

朋友相約去尖沙咀逛街食飯，街上天氣太熱，只好轉去商場，The One係其中之一，四樓有不少食店，我哋去咗食意大利菜，The Point 裝潢簡約，座位舒適，主打特色意粉和薄餅。是日餐湯：蘑菇湯香滑濃郁。北京烤鴨pizza：pizza好足料，pizza餅底口感煙靭，上面舖滿唔同材料，鴨胸份量都多 仲有蔥絲、青瓜片和甜麵醬，十分惹味！鹹蛋黃雞肉長通粉：雞肉嫩滑，鹹蛋黃惹味，長通粉口感煙靭好掛汁 。蜜糖芥末雞翼：雞翼皮脆肉嫩，芥末醬的微嗆辛辣提升了整體的層次。朱古力布朗尼：布朗尼朱古力味非常濃郁，配以烤香蕉、合桃、雲呢拿雪糕合成的甜蜜滋味，令人回味無窮！凍榛子朱古力：朱古力香濃，口感順滑。

之前食過The Point既北京填鴨pizza今次試巴馬之前食過The Point既北京填鴨pizza今次試巴馬臣黑松露薯條和煙三文魚溫泉蛋Pizza 這些菜式在食材選擇和創意上都展現了極高的水準 以下是我的品嚐體驗巴馬臣黑松露薯條🍟巴馬臣黑松露薯條是一道不容錯過的開胃小食 薯條外脆內嫩 調味上乘 黑松露的香氣在每一口中都顯得十分突出 這道小食適合用來配搭啤酒或作為餐前小吃 無論是口感還是味道都令人印象深刻 係我地每次去The Point都會叫既野食煙三文魚溫泉蛋Pizza🍕煙三文魚溫泉蛋Pizza則是一道極具創意的披薩 Pizza的餅底薄脆 配料新鮮且豐富 煙三文魚的細緻煙燻味道和溫泉蛋的絲滑口感完美結合 讓每一口都充滿驚喜 溫泉蛋的蛋黃在切開時流出 與煙三文魚和芝士融合 形成了濃郁而不膩的風味 這款Pizza既保留了傳統披薩的魅力 又融入了創新的元素 展現了主廚的獨特創意 得知最近megabox分店結業都覺得可惜 希望之後會係其他地方再開番可以更加方便去食啦

今天約了朋友在尖沙咀的「the Point」意大利餐廳吃晚餐。餐廳在the ONE 商場4樓，交通方便，四通八達，更可在附近購物。餐廳半開放式，簡約的意大利風格裝修，色調柔和，感覺很舒服。這裏用QR CODE 掃碼下單，網頁清晰易用，快捷方便。二人晚餐：-“是日餐湯”，濃稠忌廉磨菇湯，有碎磨菇粒，口感不錯，香味濃郁。“是日沙律”，材料有蘋果、西芹、火箭菜和香口的合桃，清新味道，爽脆口感。“北京烤鴨9吋披薩”，材料有手撕填鴨、烤意大利青瓜、野菌、青蔥、海鮮醬等。北京烤鴨和意大利薄餅原來是完美配搭，香脆可口，特別滋味。“迷迭香烤春雞（半隻）”，雞胸部位已去骨，外皮烤得香脆，雞肉鮮嫩多汁，配上甜番薯、蘆筍、糖膠及牛肝菌燒汁，惹味非常。追加小食：“巴馬臣黑松露薯條”，新鮮香脆。追加甜品：“朱古力布朗尼”，鬆化的朱古力蛋糕，裏面夾住果仁，上面放上雪糕球，四邊由香蕉及合核圍繞，賣相講究，涼冰冰的雪糕配熱焫焫的布朗尼，口感冰火兩重天。追加飲品：“意式泡沬咖啡”，一杯香濃綿滑的咖啡，為今晚的晚餐畫上完美句號。

之前食落覺得價錢都合理 印象中有個set 入面包埋龍蝦pizza 一個主食咁 噚日去食 簡直係搵笨 個set 加價不單止 $448龍蝦pizza 仲要再加138 😂 最後一次幫襯 無下次

今次同朋友仔行開尖沙咀，見到餐廳做緊好抵食既dinner set，而且餐廳環境開揚🥰晚市二人餐都係$398起，包咗兩款前菜同埋兩款主食，仲可以以半價優惠加購非酒精嘅杯裝飲品，仲可以以優惠價加購小食及甜品，兩個人真係夠哂食啦🩷北京烤鴨披薩 鴨肉唔會太乾身，唔會有太大羶味，反而帶油香，還有大量蔥，雜菌和翠玉瓜，鴨的油分加上脆脆的pizza 仲有少少甜醬香，無得彈❤️紙包焗香草三文魚配刁草牛油汁用牛油紙包住三文魚肉可以保持嫩滑，肥美肉嫩，沒有細骨，鎖住魚的鮮味，另外亦加入了薯仔，車厘茄及蔬菜都盡吸收了精華，極為鮮嫰🧡朱古力布朗尼 ➕💰5️⃣8️⃣布朗尼蛋糕朱古力味超級超級濃厚😋，布朗尼外面脆脆的口感 ，再配上雲呢拿雪糕，一冷一熱冰火交融，鐵板最底層仲有脆脆既焦糖香蕉片，令人相當驚喜👍🏻❤️

約朋友聚舊，總喜歡到尖沙咀The One, 這裡交通方便，且有多國菜選擇，各取所好。今晚來到4樓The Point 食意大利餐。晚市有二人餐，有湯，沙律，pizza ，主菜等，且有多款選擇。又可追加小食及甜品，飲品半價優惠，好吸引。.是日餐湯是磨菇湯，用磨菇及忌廉拌成，香濃可口，真材實料。沙律是紅蘋果，西芹及火箭菜的组合，沙律醬不太酸，是餐前美食，胃口大開。烤鴨 Pizza  即叫即烤，熱辣辣，香噴噴上枱，烤餅面舖滿了烤鴨絲，青葱，香菇，意大利青瓜及海鮮醬。每一口都是中式北京填鴨及意大利簿餅的融合，味道出奇地配合，令人食不停口，是必食之選。主菜是烤春雞半隻，同樣烤得香脆可口，配菜是雞蛋黄蕃薯及鮮蘆筍。牛肝菌燒汁，蜜芽糖再加上迷迭香，實在是最佳配搭，為烤雞味道再提升至另一層次。追加小食，巴馬臣黑松露薯條，外配內軟，黑松露香濃撲鼻。甜品是朱古力布朗尼，暖暖布朗尼內有香脆果仁，上面加上一球雪呢拿雪糕，冰火相融，是餐後至佳甜食。雜果賓治，有蘋果粒、士多啤梨粒及藍莓，甜甜酸酸，是夏日之選。跟老友嘆美食聚聚舊，是一大享受。

之前曾經到過The One嘅呢一間《The Point Pasta and Pizza》食過晚餐，發現這間餐廳除咗Pizza做得好之外， 各款的手造意粉亦同樣出色。上星期的午餐聚會， 就和朋友一同逛完街，再選擇一間舒適又好味的餐廳邊食邊傾計。餐廳位於尖沙咀The One 4/F， 在加拿芬道的入口有電梯在地下直上。餐廳選用了木系裝修， 環境舒適。《牛尾肉醬麻花卷意大利麵》， 呢一隻pasta：Casarecce 形狀好似一條短短嘅飲管， 口感煙煙韌韌， 非常彈牙，細心咀嚼，品嚐到麥香和蛋香，而且相當之掛汁。配合用牛尾熬製而成的肉醬， 牛尾非常之香濃，帶有牛的羶香， 加上巴馬臣芝士增添咸香， 令人越食越開胃。另外亦要了一客《蜜糖芥末炸雞翼》， 雞翼炸得相當之香脆，是一道相當開位的小食， 蜜糖芥末甜甜地又帶一點攻鼻的刺激，甜酸酸，非常醒胃。另外亦點了一杯cocktail 《Sea Breeze》，呢杯cocktail用咗Vodka 呢一款烈酒， 配合西柚汁和cranberry juice，略帶微酸，增添了醒神和清新的感覺。最後點了甜品《Brownie in a Pan》， 這個甜品是好多人

無揀2人餐因為好多都要加錢，咁就散叫一個pizza，一個意大利飯pizza係廚師發辦，啲料係普通料，11吋有拉絲既效果，個邊位比較硬牛面頰意大利飯飯份量偏少，牛面頰3塊有2塊係幾硬，得1塊正常因為牛面頰正常應該係淋身呢道菜 一般整體黎講pizza係最好，只係偏貴不過如果每款pizza都可以揀尺寸就更好

星期六收工之後去尖沙咀搵嘢食，因為落雨天唔想喺街就揀咗The One，但係星期六搵個下午茶餐都比較難，行咗幾間就發現到呢一間大約70幾蚊就食到一個下午茶，喺the one嚟講都算係平。1) 唔記得咗咩pizza +一杯咖啡 (大約80)Pizza食落非常之鬆軟，聽講呢間舖頭係標榜用火爐燒嘅，確實食到個口感同普通用焗爐整出嚟唔同，配搭都覺得好鬆軟，確實唔錯唔錯2)朱古力布朗尼+熱飲一杯 (大約70幾蚊)佢上嗰陣個鑊仔仲係熱辣辣，雪糕配合布朗尼冰火感覺非常好食，佢圍邊仲有三條燒咗嘅香蕉，為件事加咗分總分(5分滿分)環境:😍😍😍😍員工: 正正常常冇特別咁價錢: 💲💲味道: 😋😋😋😋😋性價比: ⭐️⭐️⭐️