The Point Kitchen (The Lohas) (已結業)

經常認為日出康城係一個與世隔絕嘅地方, 平時都好少踏足。朋友口中得知, 跟地鐵站相連嘅商場開左好多食肆, 今晚就同家人去覓食! 我偏向中意食西餐, 最後揀左The point kitchen食DINNER。餐廳地方企理整潔, 設有卡位, 坐得舒服,主打自家製作創意手工Pizza、意粉, PIZZA款式配搭幾有特色, 特別係all day breakfast pizza。但喜歡食煙三文魚嘅我, 最後還是點了【煙三文魚溫泉蛋pizza】HK$128PIZZA size唔算大, 份量夠2-3人食, 上檯時溫泉蛋趟下趟下, 好自癮。輕輕一篤, 蛋汁湧出, 流至煙三文魚之上。煙三文魚份量都幾多, 每啖PIZZA都食到鹹香嘅煙三文魚, 蛋汁平衡到煙三文魚本身嘅鹹度, 所以整體食落都唔會過鹹。仲有少少三文魚籽增加魚香, 正!【香煎虎蝦意大利飯】HK$148意大利飯很creamy, 飯粒不是傳統煙韌生米粒果種口感, 細味有淡淡檸檬酸味, 夾集了疑似茜芹莖粒, 增加了層次。虎蝦被煎過, 香口又keep到少少蝦本身肉汁, 質地偏林, 但唔係死蝦煤果種。【Tiramisu affogato】HK$58額外再

The Point 的西餐口碑一向不俗，於是今日相約友人在康城分店一聚。餐廳裝修精緻，非常舒適。餐牌主食選擇有很多。頭盤是自家醃製三文魚沙律，三文魚新鮮鮮甜，沙律菜爽脆。之前在The Point 食過好多次Pizza，今次就試吓店家的香草烤雞配洋蔥茄子火箭菜沙律。烤雞非常香脆入味，連薯蓉都吸收了雞肉的精華，入口鮮味，沙律的配搭很有特色，份量充足。想不到店家的甜品也很有驚喜，我們點了朱古力布朗尼配烤香蕉，合桃，雲呢拿雪糕。布朗尼朱古力味濃郁，入口即溶，配上雪糕，一冷一熱的組合令人非常享受。

今日外賣幾樣野，beef pasta and squid ink risotto 幾好食，但係caesar salad 好唔得！成棵黎，切都唔切(都唔知洗唔洗得乾淨）！得最上面嘅菜先有沙律醬煙肉粒。冇撈埋d醬，下面果d 菜一滴醬一粒煙肉都冇！完全係plain 菜！好明顯食到d菜係苦!sure ng sure $90 係咁hea??

等外賣等了大半個鐘很失望因為食物與圖片不符味道亦不值呢個價錢！Pizza 底完全唔脆餡料亦好少！味道好一般！意粉和Risotto份量好細一人份量都冇，根本唔值呢個價錢！味道亦好一般！

聽朋友講康城開左the point, 成日聽日講要無限輪迴咁搭地鐵先入到去, 就即管入去試一試呢間先放工搭地鐵入，快喎 兩班有一班係康城車，入到個商場嚇一跳，好大，比起兩年前入過一次黎得間快餐店簡直天淵之別。行下睇下野，the point位置喺主要行人道，算易搵安排坐卡位，卡位好闊落，應該每邊可以坐3個人，不過疫情關係，2人坐哂成張卡位，舒服叫左佢個套餐348蚊，有2個前菜，2個main，2杯飲品三文魚配茴香頭沙律上枱既時候，感覺好靚啊。份量都唔細，可以分到兩個人一齊食，味道少少酸味，好開胃喎。而且三文魚份量都多，其實好少見starter有呢個份量。沙律菜好新鮮，乾身既，種類唔算多，但配三文魚唔錯M5澳洲和牛西冷老婆唔食太生，所以叫左7成，切開見紅但無血水，合格。肉質夠淋身，外層好香，口感少少脆，包住入面既肉汁。而且size幾大，可以分埋比老婆都夠食。呢個值得推薦蘋果茶細杯唔甜，無咩特別，不過擺盤幾靚總括黎講，加1後400蚊內兩個人既晚餐已經包括前茶飲品，而且味道唔錯，感覺非常好睇返menu其他既pizza, spaghetti, 都幾多唔同種類選擇，就算二人晚餐選擇都多，下次可以再試

一直知道The Point有好多分店，每次想試都諗住下次先，但而家屋企附近終於開左間，有哂原因要去食😁原本真係唔抱太大期望，諗住食個平常晚餐，不過竟然有d surprised, 因為性價比都幾高!佢地個晚餐menu都算多選擇，有pizza, 有意粉，有牛，有魚，都好難揀唔到!我同朋友每人叫一個dinner set, 我揀左食肉獸pizza! 當然都有share比朋友食啦! 如果唔係我就真係"獸"餐湯我加18蚊轉龍蝦湯，完全冇後悔，啖啖肉，龍蝦鮮味好出，唔會太咸! 估唔到! pizza係用炭爐燒! 睇個底就知!好香好鬆脆又又有咬口，同平時連鎖店果d真係好唔同!其實個dinner set已經好夠飽，但我嘅習慣係點都會叫甜品，所以都叫左個意大利奶凍，因為見價錢都幾抵，只係$48! 完全唔會過甜，奶很滑，值得一試!其實加埋環境，呢度算抵食，呢晚每人平均只係2百蚊，但質素好高，我諗呢間餐廳會係我未來嘅開飯餐廳之一。

日出康城雖然之前封城，好在冇影響我同好友餐晚飯，餐廳係我選既，之前喺奧運既分店食過午餐都不錯，今次專登試吓另一分店既晚飯。之前睇見menu都想試好耐，朋友都鍾意龍蝦，一拍即合，11吋既薄餅，每塊薄餅上都有龍蝦肉，都算好大件，肉質都算鮮甜，最特別係響龍蝦殼入邊釀咗一啲蕃茄同菇類，慢慢了出嚟食，感覺真係食龍蝦咁，唔錯。即叫即燒，係等耐少少，不過都值既，外皮香脆，肉質嫩滑，尤其雞脾部份，切開之後原來入面係薯仔，可能作用係保溫掛，唔肯定，薯仔食落都有雞味，可惜係一早切開左隻雞，到食到尾時已經冇咁熱，如果唔係相信更美味。同朋友只係點了一杯mocktail, 行街時見到士多啤梨，已經好想試，即刻點杯試吓，剩飲都可以，不過將d雪糕溝埋成一齊，攪勻佢，更加美味。食得好飽，薄餅同燒春雞都係大size, 本身還打算叫小食，好在冇點，整體上今晚晚餐比午餐有多之而無不及，的確有水準。

今晚同朋友到康城晚飯，只係點了2樣食物一杯嘢飲，已經非常飽，而且味道不俗，確實物超所值。原隻焗釀龍蝦薄餅賣相很吸引，打卡一流，龍蝦頭及龍蝦殼放在薄餅上，唔係只放出黎好睇，內𥚃釀好了菇菌、蕃茄、芝士及蝦等食材，而龍蝦肉就已經拆肉放喺薄餅上面，每塊薄餅都至少有一件龍蝦肉，味道鮮甜，爽口彈牙，啖啖肉，加上香滑香濃既芝士，味道很一流，值得一試。另外，薄餅底是薄批，批邊外脆內軟，而且帶點煙韌口感，做得很不錯。燒春雞賣相同樣十分吸引，外皮燒得很脆，雞脾肉、雞翼都好滑d肉，雞胸部份有少少嚡，沾上少少香草檸檬醬汁，可增加Juicy感覺。不過最特別係燒春雞入面放咗薯仔粒，每粒都盡吸雞肉味。燒春雞即點即燒，要等大概半小時都係值得。Strawberry ice cream float 點左一杯用士多啤梨同雪糕溝成既mocktail, 味道都唔錯，賣相吸睛，請杯粉粉的粉紅色，充滿少女感，都幾大杯。雖然只係點左2樣食物，味道很不錯而且非常飽，細食既女生點菜前建議保守點。

第一道上臺嘅菜式係意大利風乾火腿夏威夷比薩，餡料豐富 Pizza底夠薄同香脆，風乾火腿味道突出，熱辣辣加埋芝士可以做到拉絲效果，配埋菠蘿，味道出奇地夾，可以一試！跟住上嘅係香炸海鮮拼盤，擺盤精緻，蒜泥蛋黃醬調配得幾出色 ，有啲檸檬味幾開胃，相當驚喜~同多款唔同嘅海鮮好夾，四款海鮮都炸得好金黃香脆，推薦大家試呢個頭盤！然後到鮮蟹肉墨魚汁意大利飯，墨汁味道偏鹹，有幾粒烤粟米甜甜地中和返個味，份量適中，整體味道尚算可以。最後係經典卡邦拿拉扁意粉，奶油淡黃色嘅賣相唔錯，其中風乾豬面頰帶重咗個味，所以整體味道偏鹹，適合重口味人嘗試。

康城新開左個商場之後有好多美食餐廳，the point kitchen環境舒適，服務唔錯 推介炸海鮮小食拼盤，魷魚炸得香脆，點上蒜泥蛋黃醬好邪惡啊！仲有炸香嘅蓮藕薄脆片好特別，仲有一隻軟殼蟹同埋幾隻大蝦 Phama ham pizza係我最鍾意食嘅Pizza，Phama ham帶出嘅鹹味加上菠蘿可以中和返，加埋火箭菜就夠晒香口 主菜方面試咗兩個意大利粉同埋意大利飯，味道偏鹹，幸好有粟米可以中和一下 份量唔算好多，我地兩個人都食到三個主菜加一個小食

朋友话日出康城有新的大型商场，星期日就同太太去逛逛。去到己经中午决定食完先慢慢行。我们 入了一间意大利餐厅叫The Point Kitchen。我们首先叫了一个面豉酱三文鱼配牛油果薯仔沙律，好味。薯仔外包着牛油果蓉好特别而且好味。三文鱼应已腌好，鱼肉内外都好有味道，当然面豉酱汁把味道升华。推介必吃之一。主食order了泰式红咖喱意大利饭。意大利饭煮得口感黏黏的，好正宗。红咖喱不太辣对我们正合适。饭里面有粒粒的秋葵，吃的时候有不同的口感。芝士片把这饭更惹味。正呀。甜品点了Tiramisu Affogato。热热的浓缩咖啡倒入Tiramisu 杯内已好吸引，食下去先知真材实料。杯内除了云呢拿雪糕球和咖啡忌廉，仲有Tiramisu 的灵魂：手指饼吸满㗎啡酒。真是每一匙羹都是享受。超推荐呀。食完美食，开始shopping

今日特意安排咗一個活動：去日出康城睇樓，食我好來之前已經想試嘅The Point Kitchen。室內裝修簡潔舒適，食物選擇算幾多元化，因為有肉食、素食，由於是一間意大利餐廳，所以特別多薄餅類，連甜品都有用薄餅來做。紅菜頭牛油果沙律🥗牛油果打成醬，紅菜頭切粒，有些藜麥和沙律菜，甜的紅菜頭和酸酸的紅蘿蔔絲，好多從美國感受。最值得一提嘅係佢嘅調味，好似係紅咖喱一樣，有辣辣地濃郁嘅感覺，配合呢啲咁新鮮嘅蔬菜，第一道非常好嘅出色嘅沙律。泰式紅咖喱意大利飯這個就是素食意大利，因為全部只有秋葵、八椰菜、以及一些菜類，但係見到咖喱汁，所以吃起來很夜魅，完全不覺得是在吃素食，那些意大利飯有少少硬，但比起最難的他是非常合適的硬度。我喜歡🍋Lemon Ginger雖然都是用茶包，加茶包竟然是有淡淡的花香，加上一邊先檸檬和配搭非常有心的蜜糖，成杯嘢飲唔出席。麵豉醬三文魚扒真係好好味，快扒煎得啱啱好，外表好像燒焦的部份其實是麵豉醬，入味，配上薯粒，外層仲要鋪滿牛油果醬，真係好味同埋有誠意。Tiramisu Affogato一個好嘅甜品能夠為一餐畫上美好嘅句號。但係今次嘅甜品簡直係帶我去到一個高峰，又好玩又好食

第一次來到日出康城The Point 、歐陸式裝潢、坐位闊落、感覺舒服。午餐選擇頗多、堂食仲有八五折～餐湯是南瓜湯、綿滑濃郁。另外可加$18轉配田園虎蝦沙律、份量幾大、羽衣甘藍沙律菜爽脆、虎蝦大大隻好爽口。麵豉醬烤三文魚 三文魚烤到剛剛熟、肉質軟嫩、伴上麵豉醬日式與西式crossover 好好食仲有蘆筍和薯仔作配菜、十分飽肚。跟友人點了個海鮮拼盤、有我最愛的軟殼蟹、大蝦、魷魚、酥脆香口、比較特別加入白飯魚、細細條椒鹽味好香脆、正！

將軍澳康城商場開咗一段時間，今日同朋友入嚟逛逛街。商場開咗一部份餐廳、我哋揀咗The Point Kitchen意大利餐廳食午餐，這𥚃環境舒適，座位寬躺，而且價錢合理，服務員態度又非常好。Set lunch$128有主食、湯或沙律連飲品、幾抵食。檸檬薑茶茶包內有薑、薄荷葉，加片檸蜜，味道清香。南瓜湯香甜軟綿 ，加入香草和脆口麵包粒，增添口感。加$18可選虎蝦田園沙律大大隻虎蝦，鮮甜爽口，沙律菜配合羽衣甘藍，更覺健康。蟹膏辣椒醬蟹肉手工意大利粉意大利粉手工製作，麵質煙煙靭靭，配上蟹膏、蟹肉，鮮味之餘兼有少許微辣，食慾大增！另加餐後甜品：香蕉天堂披薩披薩餅底脆脆哋，上面放一球雪糕，烤香蕉、杏仁片，咬一口，感覺又脆又冰涼。值得一試。

新商場餐廳陸續開張 見到呢間餐廳裝修幾靚就諗住試下 同朋友最後嗌左 bbq chicken pizza同番茄醬燴烏賊墨魚汁意大利蛋麵 首先bbq chicken pizza個人覺得不錯 bbq醬非常惹味 亦有其他配料包括洋蔥、野菌等等令口感更豐富 但略嫌雞肉偏少 相反番茄醬燴烏賊墨魚汁意大利蛋麵有少少令我失望 本身對於手工意粉好高期望 但係食落意大利麵口感偏硬 而且質地唔煙韌 不過配番茄醬係有驚喜 搭配墨魚汁意粉不錯 總括而言 我覺得還好 可以考慮encore試其他意粉/ risotto