The Mix (已結業)

I love the Wrap there...many choices and GREAT taste~but it's even better if the price can be lowered ...

約人IFC Palace 看戲，之前想找個舒適的cafe坐坐，也吃點小東西，就到了MIX試試~ 　MIX的食物及飲品選擇頗多，沙發位也很舒適，還有上網service~ 可是搞伴機的聲音很吵耳(不知道是不是有點故障?)，令環境扣了很多分~ 我們坐了一陣，最後受不了，還是到了隔壁的Pacific Coffee Company~

去班鬼頭度開例會，食晏例牌又係叫三文治。要了Creole Soul跟杯Brain Storm，wrapps用個硬盒包住，送到上會議室仲好熱。賣相好一般，他們叫的有隻叫Texan的，紅色一條，仲唔掂。入面是菠菜包卡珍魚，加了salsa汁，外皮韌韌的，不可說難食，但一定不是好食。不算細條，但食完好似無食過野咁。杯Brain Storm 係芒果加香蕉加memory & vitality boosts，幾杰，香蕉味濃。可能資質有限，boost左都唔似醒左。唔知幾錢，記憶中是唔平的，有得選擇一定不會吃！三點三忍唔住，溜左去發記食左碗雲吞麵，好得多。

上星期同同事出去做野,lunch 返公司時經過國金,發現佢搬左新鋪位,仍然响同一層只係搬過隔離幾個鋪位(而家近Pacific coffee那邊),見好耐無去過,就又同同事去試下呢度打正健康招牌,午飯時間都幾多人,等左一陣先有位,放眼所見都係以外國人同白領為主.我揀番最愛既tandoori chicken wrap同berry buzz(係fruit smoothie),同事就要左thai chicken wrap同一杯mixed fruit juice. 兩個wrap即場烘番熱,size幾大胃口細既女士一定食唔晒. 兩款wrap都係較鍾意tandoori,醬汁較惹味,Thai那款的green curry sauce太淡,不過就較多蔬菜. 我杯berry buzz今次打得麻麻地,似乎落得太多冰搞到淡晒, 同事就話杯juice都幾唔錯. 呢度食物都係針對女仔口味為主,男仔可能嫌太清. 呢度既菲藉侍應服務態度仍然麻麻,冇笑容之餘講野仲硬崩崩,又成日催促你叫野食,都幾討厭~ 除此之外,呢度都坐得幾舒服, 仲有電腦可以上網添

Ｄ免治羊肉好乾，有Ｄ鞋。又唔夠熱，又比較漏，因為成個卷都佈滿免治羊肉，下次一定唔會再叫啦！依間舖比以前縮咗水，只剩下幾張椅子，Ｄ位都幾窄吓。可選擇坐露天的地方。不過我都係鐘意渣打銀行大廈嗰間，Ｄ食物新鮮Ｄ，而且服務都好Ｄ。見依度怪怪地咁，都係唔好喺度買嘢飲，寧願過檔去隔鄰嘅 Pacific Coffee 喇。

今日嚟飲咗杯細smoothie，stress buster，$30，呢度drinks好似貴ifc果間$2喎，講真好鬼貴佢寫住有life boost、immunity boost、guava、strawberry、bluberry、banana、low-fat yoghurt，好在味道都唔錯見呢度啲wrap凍冰冰，所以無試呢間係咁多間分店最好既

唔係同鬼食飯的話，自己是一定不會來吃的。要了Caribbean Soul，係魚加芒果salsa和黃飯，味道都算唔錯，原本諗住唔夠飽，食完卻也不太餓，當輕便午餐是OK的，鬼佬的Tokyo Joe都好似唔錯。Smoothees有好多種，老實講是不太相信果汁同nutritional boost有咁多神奇效用，對於我來說只有「好飲」同「唔好飲」兩種，不過價錢係幾貴就真。要了Brain Booster，係芒果加熱情果加香蕉同乳酪，仲有至勁的當然是Memory Boost。味道酸酸甜甜幾好飲，不過就唔好問我同威靈頓街幾蚊杯的三溝果汁有何分別。果杯Brain Booster係米對記憶有幫助就唔知，至少我記得D成份，但就唔係好記得個價錢，好似係六十幾蚊，幾貴，但食飯時間都幾多人的。

今日試左tandoori chicken，之前係太古個邊試埋店員推介的heil(定hail?) caesar，總是覺得不夠惹味，不及加入了garlic rice的東京牛肉卷好，可能個人口味問題啦...不過真的一分錢一分貨，呢隻我覺得最好味既卷要成$40，不便宜的。staff方面好像本地的較為週到，好像在灣仔分店的staff姐姐買野飲會連杯帶冰給我既；兩邊分店的staff(全部本地的)都會醒目地幫我將個wrapp分開兩件等我易d食。在ifc的清一色都是菲律賓/印度人，佢地雖然態度親切兼好好笑容，不過就無幫我將個wrapp切開兩半，同埋個wrapp唔多夠熱，好似唔多醒目wor，不過點都好呢3間既staff都好friendly既~~p.s. IFC呢間有好多張sofa好似幾cafe feel幾好坐，不過今朝我趕時間淨買take-away無坐到，真徒!