The Captain’s House (已結業)

呢個商場好多餐廳都食過，呢間餐廳算係最…..嘅一間啦。兩個人叫咗一個海鮮set （五款海鮮）要五百幾蚊..過咗一陣之後話冇咗鮑魚！但又冇得轉返細set package ,結果改左魷魚同埋墨魚點知啲蟶子好多沙，同埋啲殼都碎晒㗎！八個蜆，但有四隻唔熟。問左，又好似冇得返熱喎！（個waiter 好奇怪的話氣…）呢個海鮮拼盤都好油！同當年在尖沙咀食過，太大落差了。七百幾蚊一餐，成個餐飲體驗都非常之唔開心，海鮮唔新鮮。可能我唔好彩，嗰晚個胃痛咗成晚！

Lunar New Year紅日一班friend去食，除左海鮮袋之後冇一樣正常🤣🤣最impressive係好凍的黑松露薯條，唔講以為係冷盤。Menu上有一半的飲品同食品都冇貨，冇乜選擇🙈 最後個個都食唔飽要去大圍食小食🙈

Captain House係大圍圍方開左分店，難得係屋企附近，梗係要黎encore海鮮拼盤 。海鮮拼盤 $418可自由選擇海鮮，而且會列明每一款大約有幾多，我地簡左Combo A，可簡3款海鮮 。🔸扇貝🔸海蝦🔸鮑魚仔鮑魚仔好大個😍，而且煮得岩岩好，好爽同好滑 ，扇貝幾鮮甜，海蝦夠新鮮 。醬料簡左招牌Cajun Sauce，可以簡辣度，鐘意呢個醬夠惹味同辣辣地 。除左海鮮外，仲有粟米、薯仔同腸仔，同個醬汁都好夾，薯仔冇煮到好淋，有d爽口😍法式煮青口 1.5磅 $198配白酒牛油汁，令到青口除左本身既鮮甜，仲有d酒香 ，配埋薯條蛋黃醬😋Witty Guy $68幾重益力多味，面頭仲有d 蝶豆花 。Hoegaarden $88海鮮拼盤比較濃味，Hoegaarden既果香可以清一清味蕾。

大圍圍方開幕後，一直都想到新商場走走看，今天約了好友逛街之餘，順道開餐。位於電梯旁的 The Captain’s House, 巨型的海報，甚為搶眼，一於入內開餐。餐牌上海鮮拼盤套餐想當吸引，可惜飯腳不吃海鮮，唯有留待下回 😄點了封門牛柳火箭菜沙律 $178，賣相五彩繽紛，極吸睛。燒牛肉味道偏鹹，跟清淡的沙律🥗菜配得剛剛好。再點了小食水牛城雞肉春卷 $88熱哄哄脆卜卜的，饀料用了雞肉，跟酒樓中式春卷有點似，但味道卻截然不同。另一款小食脆炸雞翼 $88，簡簡單單的小食，炸醬脆口，肉質嫩滑有點肉汁，味道不錯。狂犇牛肉串配美式牛仔汁 $158賣相夠氣勢，是客巨型烤肉串，除主角牛肉外，還伴有紫洋蔥🧅、青椒🫑及炸薯條🍟，夠份量！主菜西班牙爐烤乳豬配焦糖啤梨汁 $298乳豬皮脆肉嫩，一刀切下去，卜卜聲的，聽得到的香脆！配菜芝士醃菜，也甚有特式。非常愉快的一個晚上 😌😌

餐牌裏有幾樣 菜式 叫親都話冇 ，早同我講我就決定唔食走人。。。 價錢又唔係平。因為星期日menu 海鮮套餐話今日唔叫得， 今時今日仲有啲咁嘅 餐廳銷售方法 ！！另外，$88 龍蝦湯內竟然冇龍蝦肉！！！

Captain’s House大圍開左間新分店係圍坊 今晚年廿九嚟左食西式團年飯😂意式醃潰吞拿魚 用咗啲菠蘿同埋蕃茄莎莎配吞嘅嘅拿魚食 酸酸地好清新開胃 香草焗田螺 8粒田螺全部已經去咗殼 田螺嘅汁滲晒落啲薯蓉度 所以個薯蓉都好正要食哂佢呀芝士手打牛肉漢堡 成寸厚嘅牛肉 angus beef 叫咗5成熟 仲係好Juicy好多肉汁 薯條記住要趁熱食呀凍咗就唔好食 波士頓龍蝦闊條面 有半隻龍蝦 龍蝦鉗入面仲有好大舊龍蝦肉 鮮甜 闊條麵嘅份量亦都好多 2個人食好夠飽仲有叫左杯野飲 Simple Kids 益力多荔枝梳打 再加左蝶豆花所以有紫色 打卡一流

見到食評唔差，諗住試吓，1 點入坐 ，order 咗4 個lunch set, 但等了40 分鐘，一個 lunch set 都未黎，但餐廳內唔係full house, 點解要等咁耐🤦🏻‍♀️！見到前面嗰枱人已經等唔切，食物未到，好嬲走咗，我哋見勢色唔對，再催，結果等咗差唔多50分鐘，終於來第一個蟹肉漢堡包，但個包係凍，冇焗。等咗差唔多一個鐘，4 個lunch set 終於到齊，但2點要返office, 結果大遲到。以後唔會再光顧呢間餐廳❌❌

見呢間係圍方排名第三的 就即管試下但食完 發現一定有打手寫openrice comments所有菜式都難食到忍唔住要寫負評點左2個湯 龍蝦湯 稀到似水，蘑菇湯冇味 Carbonara 冇味 難食肉醬意粉咁上下的pasta 難食烤雞 $258 難食都不能，唔熟但啲肉好鞋青口 壞臭的服務態度好差 不停在小朋友隔離上菜 低級聽唔清楚個客講咩 佢大聲問 「咩話？！」🙄簽完咭 唔係比返個卡主，遠距離要其他客傳過嚟樓下茶餐廳啲態度都不如全餐 $1800 (減去 青口因為壞咗而沒有計）又貴但難食 服務態度又好很差失敗

新年流流 諗住搵間較多好評嘅餐廳（最近都係好評較多 只有一個比負評）開開心心食個新年飯 點知全部人都食到媽媽聲 異口同聲表示 錢就比咗 但係都唔知食咗啲乜嘢落肚😤😤 講真 上枱時 食物嘅賣相 一啲都唔差 但一放入口 完全係兩回事🤦🏻‍♀️🤦🏻‍♀️ 我哋有叫到沙律🥗 👉🏻菜唔太新鮮 至於小食 例如焗生蠔 烤章魚👉🏻不過不失 另外有雞同牛嘅串燒🍢 👉🏻 啲肉又硬又乾 用刀都好難切得開 佢個主菜 炭燒慢煮原條牛肋骨 肥嘅部位同瘦嘅差唔多各佔一半 唔食啲肥膏嘅話 件牛肋骨係好細 但要接近$500 我覺得一啲都唔值 仲有佢哋個經典牛肉漢堡🍔 上枱嘅時候只係微暖 完全冇熱嘅感覺 仲有我哋塊牛肉係叫三成熟 但一切落去 起碼八成熟 而且個漢堡嘅size 細到一個點 同另外兩間接近嘅餐廳相差好太（Ruby Tuesday & Outback) 間直以為自己走咗入麥記 至於餐廳主打嘅海鮮拼盆 🦐🦞🌽🥔 味道還可以 但係全份海鮮 總夾雜一啲唔新鮮嘅 啲🦞又超細隻😵‍💫😵‍💫 值得一讚嘅只有個肉醬闊條麵🍝 值90分 總結 間餐廳我係唔會再去 因為真係太失望😩😩

周圍食，今次嚟到圍方。行吓新商場，開業幾個月，人流依然幾旺吓，但通道濶，商舖種類多，都算幾好行。行吓行吓，原來已經到左tea time時間，竟然俾我見到之前食過幾次嘅The Captain's House ，仲見到有人食緊d幾精緻嘅tea set，咁一於坐低睇吓shopping 戰利品，順便嘆個tea。原來頭先見到人地食果d tea set係Brunch Board，有好多唔同選擇/組合，星期一至五tea time食會再平少少，而其他時間就可以再選多d。我地各自要了一個4 sides 嘅套餐。朋友：丹麥多士 + 龍蝦湯、凱撒沙律、日式煎銀雪魚、黑松露炒蛋。我： 紫菜飯 + 黑松露忌廉湯、炸魚薯條、火炙牛油果、黑森林蛋糕(是日精選甜品)朋友餐最正係個龍蝦湯，雖然食唔到龍蝦，但龍蝦味濃郁，而且個湯好綿好滑。銀鱈魚都唔錯，味道稍濃，所以我地share左紫菜飯，跟銀鱈魚一齊食好夾。黑松露炒蛋嘅黑松露味馥郁，味道甚至比我嘅湯更濃厚。而我嘅餐……到上枱果刻，先發覺自己嘅配搭極之奇怪，紫菜飯配炸魚薯條？選擇時根本無諗過配搭，只係叫自己想食嘅嘢。不過到入口時，發覺完全唔係問題。各樣食物根本就可以獨立吃

Openrice啲讚真心流架…我叫咗個一人set要$268杯果茶勁似卡啦ok杯fruit punch!已經覺得伏伏地個頭盤攞黎淹住塊有筋既吞拿魚刺身既汁竟然就係我飲緊杯果茶既果gem黎😂個龍蝦湯好希，唔面頭啲奶唔滑似放咗段時間，飲落都幾鹹，個湯質地唔夠傑身，配麵包食都唔會好食囉😤之後黎個牛肉漢堡🍔，個漢堡好乾好大個，個包烘得幾好，成個做型出黎好似幾好，但裡面係係醬既，塊扒又乾，真係好難可以一口咬哂包既所有層，要分開咬😢 個薯條係正常既，但一定要一黎就食，如果唔係好快淋x哂最後個甜品，唔知你哋有無食過啲餅店賣$4嗰啲甜品仔呢，根本就係一模一樣嗰隻朱古力味甜品，重要係切開咗一半咁俾你。真心明點解間鋪無人啦⋯請努力！

講起手抓海鮮袋就一定係呢間餐廳近排喺大圍圍方開咗新分店收工同朋友聚會傾偈食嘢真係一流船長拼盤海蜆、海蝦、青口、粟米、香腸同埋薯仔份量都唔少，每樣都起碼有10隻揀咗CAJUN SAUCE,好惹味粟米同薯仔如果可以嘅一定要加多一份超級吸收湯汁，濃郁嘅蒜頭同少少辣海蝦好彈牙，青口好新鮮真係推薦呢個拼盤香草蒜香巴馬臣芝士炸薯條好有驚喜嘅炸薯條上菜仲係熱辣辣有芝士嘅鹹香加上蒜頭嘅香味點上茄汁食真係好開胃香蒜欖油扁意粉意粉煮到恰到好處係我鍾意嘅硬度意粉非常惹味，香味十足意粉充滿蒜香，每一啖都食到豐富嘅蒜香味美式蘋果批甜品揀咗呢樣蘋果批蘋果批上面仲有焦糖香草雪糕一冷一熱好過癮蘋果批皮好香牛油味蘋果餡夠酸甜MAD ME/TASTEFUL LADYMad me 係由葡萄油菠蘿等熱帶水果加上薑汁汽水混合味道香味帶有少少刺舌既感覺Taateful lady 有好豐富既士多啤梨加上Yakult既酸味，層次更豐富

大圍圍方開幕數月後依然人氣不減，美式海鮮主題餐廳The Captain's House 亦於這裡開了新分店新店佔地廣闊，貫徹船艇裝修風格，配合與海洋關連的裝飾小物，猶如踏上航海冒險路程落地玻璃窗採光十足，中午時份能透進自然光，使整體室內風格和諧溫暖，邊進餐邊飽覽戶外花園的翠綠景致店內設置了魚缸飼養游水海鮮，確保質素新鮮星期一至日11:30-17:00有Brunch Board 供應，款式多達三十五款，自行混搭更有靈活性，3 Sides 價錢低至最平$118，今次就選了兩客5 Sides Brunch Board $168，套餐附上一杯餐飲，主食可選麵包或飯，而且可以無限添加。第一份5 Sides 早午餐選擇香煎波士頓龍蝦半隻、芝士牛肉漢堡扒80oz配黑椒汁、日式煎銀鱈魚、爆谷蝦、蟹肉炒蛋配意式香草包。香煎波士頓龍蝦半隻 +$128開邊波士頓龍蝦肉質新鮮爽彈，啖啖肉吃得甚為滿足，還有薯仔和紅蘿蔔作配菜。芝士牛肉漢堡扒80oz配黑椒汁 +$48漢堡扒大塊厚肉，口感扎實，保留著飽滿肉汁，牛味濃厚。日式煎銀鱈魚 +$38銀鱈魚表皮微脆，魚肉嫩滑細緻，調味不會過濃而蓋過本身的魚鮮味。爆谷蝦炸成

是晚又黎到圍方，訂左枱去Captain's House 食晚飯，準時入座，店內都幾多人，平日晚都full house。餐牌大部份都係海鮮食品，有少量肉食、素食等選擇。落完單，店員送上即棄圍裙、手套同濕紙巾，預備食海鮮包用。⭐招牌手工蟹肉漢堡最先到是漢堡，賣相還不錯，蟹肉炸得香脆不油膩😋可惜麵包同薯條都係微溫，唉唷…一熱抵三鮮嘛。⭐海鮮墨魚汁意大利燴飯見隔離枱投訴話啲飯生，即刻好有信心叫份一樣先，好怕食煮到淋晒嘅港式口味意大利飯😂黎到果然無失望，口感一流👍⭐貝類三食併盤海鮮包叫左貝類口味，大大隻螺又鮮又爽脆，醬汁揀左辣汁，惹味又唔會蓋過海鮮嘅鮮味，正😋味道真的不錯，想食海鮮的好地方。

Captain's House原來係大圍圍方商場開咗新分店！ 喺圍方行到攰， 就喺Captain's House食tea！Brunch board 5 sides法式酸種麵夠淋身日式燒汁雞肉串燒有兩串， 肉質嫩滑韓式炸雞球嘅甜辣醬好惹味， 炸雞脆卜卜芝士牛肉漢堡扒 50z 漢堡扒好大份， 配黑椒汁同芝士非常吸引！ 乳酪賣相吸引，酸酸哋，好吸引！+$15 有咖啡 丹麥多士好鬆脆日式煎鱈魚細細件好精緻！路易斯安那迷你蟹餅有兩件， 外皮好脆口，入面充滿蟹肉，非常美味！炸魚薯條配他他醬係絕配，魚肉嫩滑， 薯條金黃香脆！香煎波士頓龍蝦波士頓龍蝦好大隻，龍蝦肉鮮甜， 配白汁非常可口+$15 mocha 咖啡同朱古力香濃，仲有心心拉花！是日精選甜品係黑森林蛋糕，唔會太甜