影片
話說朋友係網上禁到兩張香港美酒佳餚既優惠券，可以去餐廳或酒吧場所內享用美食或飲品，係網上睇岩左哩間酒吧既食物，地點方便又容易搵，於是放工後過去輕鬆下。到達之後，朋友首先向收銀既職員查問清楚這裡是否可用到那張優惠券，外藉店員帶點笑容，都算禮貌地回應了我們：是，但好快後面就有幾個人排隊買飲品，收銀位置既店員被換走，換來一個毫無笑容既西裝華人男仕負責收錢，於是我地表明使用coupon,並已掃描二維碼確認使用，該位收銀店員見到即刻黑哂面，用很快既英文叫我地企埋一面，他要做生意，處理後面既客人。我同朋友只好乖乖地企在旁邊，等待其它付款客人買完野之後，我們再次主動問該位收銀是否可點食物了，他用不洩既眼神望一望我們，以手示意我們過去，因為一張coupon只可點一份食物，我們分開點兩個餐，果位職員又再次黑面，用不滿既語氣以英文再次問我們有多少張優惠券，要用多少張，其實我們兩個人，正常都系用兩張吧？受完氣，點左餐，他叫我們10分鐘後才回來取，我們就去搵位及聊聊天，計準10分鐘時間就回去取，詢問剛剛收銀的華人職員，他冷淡地叫我們自己搵，完全唔想理我們，我們在出餐位置找不到，見到有兩份食物早巳被移了去一旁的垃圾桶位置，心裡面真的無名火起，果位職員當我們用優惠券的人是什麼呢，是無錢開飯既乞丐嗎？今時今日係香港仲有哩種態度咁差既餐廳、甚至職員，無笑容唔緊要，唔好白鴿眼，睇唔起客人，活動一方既機構是每份餐付足錢給酒吧的，不是做洩本生意，如果咁唔情願就唔應該當初答應接哩種計劃同這種客人。講返食物，幸好係正常狀態，兩款食物都係暖暖地，我食果款係芝士漢堡，都幾足料，有洋蔥絲、蕃茄、沙律菜、牛肉漢堡、芝士同千島醬汁，咬落醬汁爆出，塊漢堡無咩驚喜，比較一般，其它用料算新鮮，配搭起來都算唔錯。朋友點炸魚薯條：炸魚有兩塊，唔係好大塊，咬落都嫩滑香脆，但溫度只係暖暖地，熱一點應該更加美味，薯條有三份一碟，正常既份量，口感一般，比較硬。無論係對什麼客人，請保持應有既態度同服務，相信回頭客會更多，生意會更旺。
繼續閱讀