Table

營業中

休息中

將軍澳呢邊近排多咗好多Cafe🙂，最岩放假時約埋朋友一齊聚餐，今次揀咗係將軍澳中心其中一間人氣Cafe ，雖然位於商場開放位置😆，但環境都好大，設計偏向文青風，而且食物融合唔同國家嘅菜式😋❣️炭燒安格斯西冷牛扒配薯條$118+$17凍忌廉特濃朱古力西冷牛扒🥩充滿炭香味，牛肉味唔算好濃，薯條🍟新鮮炸起，配上少量沙律菜🥗解膩，呢個價錢可以接受😆，加錢配咗特濃朱古力🥤，忌廉同朱古力味超夾，甜度適中💁🏻‍♀️❣️唐揚炸雞北海道咖喱蛋蓋珍珠飯配熱奶茶 $88炸雞做到外脆內軟嘅效果，咬開仲好Juicy🙋🏻‍♀️，咖喱採用日式嘅做法，香濃得嚟唔辣😋，加上嫩滑嘅雞蛋同埋珍珠飯，呢個配搭冇得輸👏🏻🏦是次消費總額 $223（人均消費 $111.5） 👅好味度：8.5（10分滿分）餐廳係有限時嘅⏱️，但呢日放復活節假平日午餐嘅時間就唔滿座，職員就冇趕人走🤣，食物質素中上，仲要冇加一服務費，有機會再Encore🤓🍽️ Table 將軍澳唐德街9號將軍澳中心G樓G87及G90號舖

呢間餐廳響商場入面，位置方便，戶外位置仲可以俾寵物同bb車坐，星期一仲做緊優惠豬肋骨＄98就食到，我地坐低左之後叫左一份香煎西班牙杜洛黑毛豬鞍架配薯菜，呢度既薯菜好特別係真既蕃薯粒粒加配蘋果蓉醬汁，蘋果蓉配黑毛豬鞍真係好夾。豬鞍肉質嫩滑咬落多汁。炭燒頂級封門柳，伴燒蕃薯，時菜原個蒜頭，封門柳熟成度岩岩好五成熟，牛柳嫩滑又唔鞋口。配左小食炸雞香脆可口，外脆內軟。紅糖薑茶大杯又暖胃，西班牙咖啡配左雪糕球好味，咖啡味濃郁仲有百力枝食。

Table主打港式創意fusion菜🍽️除咗本地特色菜外，融合日式、泰式、美式等元素咁多款選擇，真係食過返尋味😜🔥招牌酒香乳鴿配野菌黑松露意大利飯即叩即整，大概等20分鐘左右乳鴿外皮酥脆，肉質鮮嫩，酒香味濃郁🥂配野菌黑松露意大利飯，黑松露香氣提升整體口感令乳鴿唔會過於單一🤔燒美國頂級封門柳北海道咖哩蛋蓋飯🍛封門柳肉質鮮嫩，咖哩醬汁香濃帶甜味同滑嫩嘅炒蛋完美融合咖哩蛋飯嘅滋味太幸福☺️黑松露蛋黃醬美式炸薯條🔥粗薯條脆卜卜，搭黑松露蛋黃醬，食唔停口啊~ 唐揚炸雞外皮酥脆的唐揚炸雞，肉質鮮嫩多汁若果有叫黑松露蛋黃醬美式炸薯條，可以試下點松露蛋黃醬，好夾😎伯爵茶巴斯克芝士蛋糕🍰口感滑順帶有淡淡伯爵茶香，甜而不膩白桃藍碟花梳打🦋 IGable清新白桃藍碟花梳打，口感清爽熱忌廉朱古力燕麥奶咖啡☕香濃可口，搭配燕麥奶絲滑口感好適合咖啡控~

聽好多朋友講 呢間餐廳好高質講到咁誇張 就決定過黎試試佢🤣呢到雖然係半開放式既裝修一啲都唔會覺得好嘈 環境仲好闊落舒服😛今次試左佢地幾款小食 所有野都好新鮮熱辣香蒜牛油手工酸種包 好脆 好香蒜蓉牛油味🧄蜜糖芥末醬蕃薯條 上枱勁熱辣 新鮮炸起成件事好加分 新鮮熱辣已經令味道好味好多😋主食嗌左好幾款 呢到主菜款式都好多選擇🤩炭燒頂級封門牛柳 叫左五成熟 生熟剛好份量比我想像中多 夠哂滿足啊🤪另外仲叫左 香蒜辣椒欖油蟹肉蜆肉意大利麵🦀呢到蟹肉蜆肉比既份量好足 每一啖都會有蟹肉除左夠鮮味 辣味亦唔會整到太辣太搶 剛剛好😌當然要試埋佢地既招牌酒香乳鴿 好驚喜☺️平時坊間極少見可以用呢個價錢食到乳鴿上枱見到乳鴿皮燒得脹卜卜 油光好靚😍乳鴿調味岩岩好 鹹鮮鹹鮮 肉質亦唔會鞋平日經過絕對值得再食 性價比很可以😌🍯 蜜糖芥末醬蕃薯條 $58🧄 香蒜牛油手工酸種包 $58🫕 是日餐湯＋香蒜牛油手工酸種包 $38🦀 香蒜辣椒欖油蟹肉蜆肉意大利 $127🥩 炭燒頂級封門牛柳 $264🐣 招牌酒香乳鴿 $238🍑 凍手搖白桃炭燒烏龍茶 $19🍊 凍手搖西柚炭燒烏龍茶 $18🍫 熱忌廉朱古力燕麥奶咖啡 $38

🌸炭燒安格斯西冷牛扒薯條+是日餐湯+香蒜牛油手工酸種包+玫瑰藍蝶花梳打大大塊安格斯西冷牛扒，生熟度啱啱好！牛扒充滿炭燒香氣，肉質鮮嫩，牛肉味仲好濃郁！配埋金黃酥脆嘅薯條同埋新鮮嘅沙律菜一齊食，真係好飽肚又滿足！香蒜味十足嘅酸種麵包，配埋濃郁嘅蕃茄忌廉湯，好夾，蕃茄湯酸酸甜甜，好開胃！🌸百里香脆皮燒春雞+是日餐湯+香蒜牛油手工酸種包+白桃藍蝶花梳打大大隻燒春雞，外皮燒至金黃色，好香脆可口，外脆內嫩，啖啖雞肉都充滿肉汁好Juicy，越食越惹味！肉醬意粉超多肉醬汁，意粉都好彈牙，真係好足料🌸焦糖香蕉比利時窩夫伴朱古力雪糕擺盤好精緻，熱辣辣嘅窩夫外脆內軟，有蛋香味，配埋甜甜嘅焦糖香蕉，同埋朱古力雪糕，上面仲有爆谷，口感味道層次都好豐富
🌸凍玄米抹茶燕麥奶咖啡，咖啡味濃郁，入口口感好順滑，帶有淡淡燕麥香味，同時又有玄米抹茶香味，幾特別幾好飲呢餐廳舒適寬敞，裝修是簡約風格，環境都幾chill，好適合同朋友傾計食飯

將軍澳街坊應該對table唔陌生，試過午餐唔錯，估唔到dinner有好大驚喜。北海道刺身帶子海膽汁意大利粉完全符合到我嘅期望，海膽汁香濃creamy，配上彩椒同雜菌嘅香氣完全唔會膩，帶子大隻煎得啱啱好。炭燒頂級封門牛柳見到完個焗蒜已經滿意咗一半，封門牛柳有肉感，軟腍有牛味，連焗蒜一齊食一流。 焗番薯軟滑香甜，西蘭花苗保持爽脆，成個組合有營養有誠意又好味。三色醬雞翼炸得香口，重點係三款醬汁各有特色，松露醬、蜜糖芥末醬同甜辣醬都同雞翼好夾好惹味，每一啖都有驚喜。

♥ 將軍澳大份抵食西餐廳！🥩 ♥將軍澳中心這間西餐廳Table的晚餐真的是大份又抵食！👍🏻難怪平日晚上總是排隊等位，人氣十足。我點了炭燒頂級封門牛柳 $242，當菜一上來，我們真的忍不住「嘩」一聲！🥩牛柳的份量非常足，真的是物超所值。牛肉的味道濃郁，不覺得有炭燒味，餐廳還貼心地幫我們切好，配菜是少見的紅蕃薯。🍠京醬煙燻鴨肉榲桴青瓜薄餅 $193，京醬竟然是以啫喱的形式呈現，薄餅的邊緣有餅乾般的口感，新鮮有趣。🍕而前菜凱撒蝦藜麥沙律$88，搭配的蒜蓉酸種麵包居然比沙律本身還要好吃。🥗小食方面，我們叫了黑松露蛋黃醬美式薯條 $58，薯條有薯仔香味，送酒一流。🍟甜品方面，心太軟$78 適合搭配雪糕和奶油一起吃，紅絲絨蛋糕$58 的口感則有點像布朗尼，而伯爵茶巴斯克芝士蛋糕$58 茶香濃郁，蛋糕比較乾身，沒有流心。飲品方面，看完了《苦盡柑來遇見你》，就好想點這杯濟州柑橘旺寶雪糕沙冰 $34！🍊是童年回憶的的旺寶雪糕啊！味道像是芬達撈雲呢嗱雪糕～ 雪糕好滑，奶味像濃縮奶精，朋友是喜歡這個味的～ 🍨雞尾酒 Gin Tonic with Grapefruit & Butterfly Pea $68

最近我去咗將軍澳嘅Table餐廳，真係食得開心！😄 每一間Table 既主題原來係唔一樣，將軍澳呢間係以Cafe嘅形式，我想試咗好耐。今次我哋點咗幾樣嘢，首先試咗黑松露蛋黃醬美式炸薯條，真係超正！粗身薯條外脆內軟，加埋黑松露蛋黃醬，食到停唔到口！🍟✨另外比佢個三色醬雞翼吸引咗，雞翼好大隻份量好多，超級脆但入面保留得好juicy，配埋三種醬汁各有特色，一次食到三種味度，勁開心！👍🏻再嚟就係炭燒頂級封門牛柳，五成熟煮到剛剛好，牛肉好嫩滑，好多肉汁，燒得好出色，配埋燒甜番薯同埋烤時令蔬菜，真係好滿足，整個組合簡直完美！🥩🥗最特別係招牌酒香乳鴿，乳鴿香肉好嫩滑，配上野菌黑松露意大利飯，仲有烤時令馥菜同牛肝菌忌廉汁，味道層次分明，好有驚喜！🍷🍚飲品方面，我試咗藍蝶花梳打，顏色靚靚，清新可口，仲有熱蘋果玫瑰花茶，佢面係粒粒蘋果肉，暖暖身心，真係好舒服！🌸🍏總之，Table真係一個好地方，食物質素高，環境又舒服，非常適合同朋友聚餐或者約會！下次一定會再來！再推介比大家！🥳

Table是一間人氣打卡Cafe，餐牌採用開放式設計，整體以木系設計為主，環境舒適。餐廳係掃二維碼落單，提供小食，沙律，薄餅/烏冬/肉類等食物。香煎西班牙杜洛黑毛豬鞍架:豬鞍絕無添加激素，脂肪分佈平均，如大理石花紋，煎得香口，肉質嫩滑有咬口。配特製醬汁味道更提升。波士頓龍蝦冬蔭公汁扁意粉波士頓龍蝦冬蔭公汁扁意粉：半邊龍蝦肉質鮮嫩，仲未鮮紅色的蝦膏，扁意粉彈牙掛汁，醬汁味道酸甜帶少辣，味道開胃惹味。小食拼盤：有炸蝦、、炸釀豆卜、香腸、薯條、雞翼。全部都係即叫即炸，香脆可口，送酒一流。胚芽芒果沙冰（奶蓋）：芒果味濃，加上胚芽和奶蓋，入口順滑又香甜。Gin with Lychee Honey Smoothie with Ice Cream：用金酒、檸檬汁、荔枝、荔枝糖漿、蜂蜜、香草冰淇淋調製而成，味道清爽解喝。

將軍澳中心依間餐廳性價比好高!我同朋友下午茶時間去到都大排長龍，真係好期待。下午茶好多款式選擇，真係樣樣都想試。食物既質素相當高，餐湯係濃郁既南瓜湯，配香蒜牛油手工酸種包，酸種包烤到脆脆，好重蒜蓉味。(+$22)推薦意大利黑松露煙肉野菌忌廉蝴蝶粉，黑松露好香，忌廉汁夠CREAMY。($68)安格斯牛肉芝士漢堡配炸薯條，賣相吸引，份量大，牛肉JUICY，個包仲係脆架，都只係$78!另外ORDER左水果藍蝶花梳打，好靚既紫色，打卡一流。(+$21) 另一杯係玫瑰阿薩姆奶蓋茶，甜度適中，清新既玫瑰味，出色既奶蓋。($+20)下次黎將軍澳會再試佢既LUNCH SET!

一進店，氛圍輕鬆愜意，適合休閒用餐。先說意大利黑松露煙肉野菌忌廉蝴蝶粉，上桌香氣撲鼻。黑松露獨特的香氣與煙肉咸香、野菌的鮮味完美融合，忌廉醬汁濃郁醇厚，均勻裹在蝴蝶粉上，每一口都層次豐富。搭配的雲呢嗱雪糕杯，奶香純正，甜度適中，為餐食增添了一份清爽。經典爆炸黑牛，蘇打與可樂的組合，氣泡在舌尖跳躍，味道新奇又上頭，很解膩。炭燒安格斯西冷牛扒薯條令人驚喜。牛扒炭燒香氣足，要的適中熟度，切開粉嫩，口感鮮嫩多汁，肉香四溢。薯條炸得金黃酥脆，外酥里糯。搭配的朱古力雪糕杯，濃郁的朱古力味在口中散開，絲滑香甜。滑州柑橘旺旺雪榚沙冰也很出色，柑橘的果香與雪榚融合，清爽冰甜，給味蕾帶來別樣享受。 這次用餐整體體驗很棒，菜品無論是口味還是搭配都可圈可點。環境與服務也不錯，是值得再次光顧的餐廳。

[📍將軍澳｜Table ］將軍澳中心既Table類似開放式既cafe，裝修幾好文青feel ，座位闊落，整體觀感都唔錯。叫左兩個主食，食物既質素都相當高。首先叫左個炭燒頂級封門牛柳，果然係頂級，牛柳煎得啱啱好，肉質嫩滑，七成熟都非常容易入口。牛柳帶有炭氣，簡單配烤過既蒜頭同埋配菜非常吸引。另一個叫左波士頓龍蝦冬蔭公汁扁意粉，龍蝦汁勁掛，食落口勁重冬陰功味，同埋都幾辣，意粉食落勁cream。龍蝦肉都算大嚿，意粉每一啖都有龍蝦味，扁意粉軟硬度適中👍🏻餐湯係南瓜忌廉，酸種麵包熱辣辣脆卜卜，好味。而家做緊優惠，咁啱今日係長薯條任食，好脆好香口，外脆內軟😋飲品燕麥鮮奶咖啡同凍檸檬茶，有機會下次試埋個甜品都幾吸引。

💡人氣排隊西餐廳呢間Table 走木系小清新風，環境寬闊，好舒服，而且周邊都種左植物，比人一種好放鬆的感覺。🥩炭燒頂級封門牛柳選用澳洲和牛封門部位，七成熟岩岩好，經過炭燒的烹調方式，外表微微焦香，內裡保持多汁的口感。仲有烤得好香口的薯仔，好味又飽肚。🍕 日式和風鰻魚薄餅 薄餅外皮酥脆，內裡包裹著香嫩的鰻魚，搭配特製的和風醬汁，令每一口都充滿濃郁的鮮味。🧇 焦糖香蕉比利時窩夫伴雪糕 窩夫外脆內軟，搭配香甜的焦糖香蕉，散發著濃郁的焦糖香氣。再加埋冰凍呍呢嗱雪糕，令到口感更豐富。🍸Gin Tonic with Grapefruit & Butterfly Pea魔法變色特調！蝶豆花天然紫藍色遇酸變粉紅，金酒+西柚糖漿的酸甜組合超清爽，Tonic氣泡感十足，打卡必點✨ 🍓Table水果茶🍍 新鮮水果現切，茶底好清香，有熱有凍可以選擇。

🥰🥰係將軍澳搵朋友，順便食個晚餐又想坐下飲下野，所以就黎左e間餐廳食下🥳睇下餐牌除左西餐有嘅野之外，都仲有石鍋烏冬食😋岩哂鐘意食熱野嘅我🤩餐湯好高質，係蘑菇粟米湯配香蒜牛油手工酸種包😆🌺蒲燒鰻魚石鍋烏冬，烏冬滑滑🤤鰻魚口感彈牙肥美☺️🌺北海道刺身帶子海膽汁意大利粉，帶子用牛油煎香，味道好鮮味，意大利粉條條都掛到汁，帶濃厚忌廉味😍超creamy 😚🌺炭燒頂級封門牛柳配薯角蔬菜，牛柳份量好多，牛味好出，同埋好貼心幫你切埋😆🌼焦糖香蕉比利時窩夫伴朱古力雪糕，焦糖香蕉果味好香，比利時窩夫帶甜味，配搭朱古力雪糕岩好😉🌺玄米抹茶士多啤梨燕麥奶配雪糕&凍忌廉特濃朱古力，抺茶好香配埋士多嘩梨唔會太甜👍🏻特濃朱古力夠香滑❤️

今日傍晚經過呢間店見到已經開始有人排隊望吓餐牌都覺得啲嘢食唔錯就入嚟坐低試吓黑松露蛋黃醬美式薯條每次經過Cafe都會見到人食呢個惹味嘅薯條佢個醬俾得好多每條薯條都點到好夠味👅北海道刺身帶子海膽汁意粉如果鍾意食海膽汁嘅朋友仔一定超鍾意食呢個意佢海膽味好濃 帶子煎到啱啱好啲意粉又煙靭好味到停唔到口炭燒頂級封門牛柳 伴燒生薯 原個蒜頭呢度食嘅封門柳質素真係唔錯 叫咗五成熟燒到啱啱好唔會太韌亦都有好重嘅牛味 而且牛柳數量都幾多 性價比幾高然後薯仔點埋啱啱剩低嘅黑松露醬超惹味另外原個蒜頭又係 唔怕口臭嘅必食惹味之選招牌酒香乳鴿 配野菌意大利黑松露飯呢個乳鴿整得啱啱好塊皮係好脆 肉係嫩滑嘅然後最正係佢個野菌黑松露意大利飯味道好Creamy 同埋超級重黑松露味然後呢度嘅嘢飲係超多選擇咖啡熱茶沙冰梳打任君選擇我就揀咗Oreo香蕉奶昔佢有埋個朱古力嘅雪糕 飲落去亦都勁重香蕉味好似食咗隻香蕉咁樣👅👅另外仲叫咗黑糖薑母茶喺凍嘅天飲完即刻成個身都暖晒