影片
開飯介紹
採用簡約裝潢的扒房，提供來自不同國家的優質肉類，晚餐主力提供西式主菜，例如扒餐，午市會提供日式餐點。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
環境5分：平民扒房格局，樓底好高，鐵色內籠好乾爽，一邊梳化非常舒服，牆上面D牛扒相好簡單，但到題，可以畀滿分。衛生5分：地方乾淨企理，冇油煙味又夠光，一目了然，非常衛生，一樣畀滿分。服務5分：服務員快手快腳唔囉嗦，埋位即畀水你飲，態度好，自己响張紙度落單，非常快捷方便，服務滿分。味道5分：1) 跟餐加十蚊叫左壺蜜桃茶，個蜜桃味好香，茶又夠清潤。2) 跟餐加十蚊亦可以揀個多片檸檬兼超級多冰嘅凍檸檬可樂，食到最尾Ｄ冰都未溶曬。3) 安格斯級封門柳足二百克，啱啱煮到五成熟，食落唔韌又冇血水，時間控制得好好，封門柳本身唔肥，牛扒好厚身但Ｄ肉好腍，跟左任食薯條拼茄汁同黑椒汁，Ｄ薯條好鬆脆，而且唔會油淋淋，非常好味。4) 美國安格斯肋眼牛排都係足二百克，依個大大塊但薄身少少，多D肥膏所以好juicy，薯條都係任食，非常滿足。抵食5分：兩百蚊据個靚牛扒，包埋個半鐘頭任食薯條，唔洗加一，非常抵食，滿硬分。
繼續閱讀
原本諗住喺銅鑼灣食嘢都幾貴，唔諗住喺銅鑼灣食嘢，但係行過見到這間餐廳封門柳190蚊，睇相覺得都好靚，就入去試一試封門柳抵食，係一條咁樣上，唔係淨係切幾件， 餐牌寫住「牛味極濃」引起咗嘅興趣， 即刻想試下到底有幾濃我比較鍾意一次過切開曬，之後慢慢食 肉質鮮紅， 的確好重肉味食落冇乜筋啖啖肉，肉質好嫩口朋友就要一份安格斯肉眼扒200g嚟講都好足，切開好多件肉質都好嫩，對比封門柳的確係冇咁重肉味，但係呢個就會多一點牛肉的質感薯條係任食可以refill， 覺得餐廳refill都好快 上菜的薯條都熱辣辣侍應亦都好細心會補埋茄醬總共refill咗兩次薯條見到餐廳原來仲有下午茶餐 價錢都好抵食50蚊有安格斯牛肉出前一丁平日夜晚唔使等位，但係都唔少人食有好多人都成班朋友嚟食感覺食下坐下，又可以refill薯條，真係好舒服餐廳竟然冇加一，真係好抵食， 加埋嘢飲食靚扒，人均唔使200蚊
繼續閱讀
和媽媽行完街, 她說想吃扒, 立即上網找尋, 決定去此店我們去到比較早六時半, 只有一枱, 我們可以慢慢享受美食, 環境超舒服一入去外藉職員已很禮貌地招待, 有笑容, 我們已即時加分餐牌只有款食物, 證明很專注食品我們分別點了 封門柳, 肋眼牛排套餐, 跟飲料最開心是無限加薯條, 太驚喜了飲料先來, 跟住主菜大約十多分鐘到, 份量很合我們女性吃我們很喜歡牛排,有汁不乾, 肉味濃, 七成也完全不鞋不硬, 肯定是一靚肉, 媽很滿意至於封門柳不用多說, 肉味重, 很適合我們食肉獸, 如果有更大分量更好, 太好吃值得一提是配角薯條 , 不油 , 剛剛好, 粗粗的像美式薯條, 好吃過多間大型快餐店, 我們添了一大碗, 也是職員主動問我們, 好服務, 滿足地埋單下次來要試埋和牛, 羊架, 相信也不錯在呢區真是很抵食店, 支持!
繼續閱讀
今日黎食牛扒🥩，夜晚黎到銅鑼灣，見到呢間店幾乎滿座，而且餐牌吸引🤩 雖然餐廳主打食牛，但都有鴨、豬、魚、牛、羊揀，照顧唔食牛嘅朋友👍🏻 而且價錢合理、仲要免加一，喺銅鑼灣真係少見呢😜呢度最大賣點係90分鐘薯條任食！但其實我地細食嘅係冇Refill到🤣 不過見到其他枱真係有添到，勁ah😋 薯條勁粗勁大條，實心薯仔🥔 好正式😝我地叫左安格斯級封門柳同埋美國安格斯肋眼牛排，我地覺得牛排好食d😙 好嫩好滿足😌 下次一定要試佢個比目魚😉
繼續閱讀
今日去嚟間度買個外買，我只係買個外買，但…態度和語氣使唔使咁樣呀，我喺佢門口等個外賣，佢知道我喺出面，但我見到佢叫個侍應指住張枱放喺枱面度，說咩意思呢，我心裡面諗，應該都冇人叫外賣呀，咁我就入去睇一睇呢個外賣係唔係我，原來真係我嘅，我已經有啲唔開心，跟住佢仲笑笑口同我講唔好意思。咁多人話香港飲食業服務態度差啦，所以真係唔好怪人哋去內地消費，我係見到有人介紹我先去試一試，點不知而家真係冇下次。食物方面，意粉ok，豬頸肉no ，熱奶茶一般。大佬呀，我要熱奶茶呀，佢就寫咗杯熱檸茶畀我，我睇到我咪叫佢改返囉，好似我唔啱咁樣喎。
繼續閱讀
您可能會有興趣的...