SUGAR 甜品屋 (已結業)

今日同女朋友行街見到有個廣告牌係「SUGAR甜品屋」,記得o係Openrice見到好多人好評,所以諗住順路去試一試。開頭都真係唔太搵到間野...真係辟到唔信...-___-...仲要發現左一間隱閉霸王山莊o係隔離...不過Anyway,我地都冇咩所謂,就入去一試。入到去唔係好知咩好食,就去左Menu到話必食既「SUGAR芭菲(二人份量) $68」,揀左曲奇同芒果雪糕。個芭菲係兩個自選雪糕球+ 軟雪糕+ 兩條百條枝+ 少少西米+ 芒果+ 西瓜+ 哈蜜瓜+ 兩個格餅+ 兩個迷你芒果Pancake + 粟米片+ 可可片+ 朱古力奶凍一黎到就食個格餅先(因為係即製,仲熱),夾埋o的雪糕食。um~~都幾好食~~不過整體黎講又唔覺好特別,個芒果雪球好似係牛奶公司味咁,唔會好驚喜。另外有少少有進步空間既係,o的生果同埋個奶凍都唔夠凍,同食個芭菲唔係好match。不過總體黎講都滿意既,不過又未至於話會專登成日走去食啦。相信o係特式方面要多下功\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\夫,修補地點問題。

同女朋友慶祝生日,食完正餐就黎左呢度,由於女朋友鍾意食甜品,所以一早我已經預計食完正餐就去食甜品,見到好多網友都推介呢度,就之前打黎訂定位啦黎到門口,個侍應小姐好親切咁叫我地入去試下,咁我答佢我地已經訂左位,不過由於暫時滿左,雖然可以加位,不過我地都決定等一等,等無一陣就入得去了^^入到去環境都唔錯,不過如果話想浪漫既呢度應該唔太岩(因為都光線充足XD)坐低就睇下有咩食,甜品種類都唔算少,而且都比較獨特(部份我未響出面見過)睇左一陣,女朋友決定要香蕉朱古力奶凍,我就要左個甜蜜軟飯(我唔太肯定個名),女朋友叫既奶凍由於好多網友都講過,我都唔再多講,不過真係聞名不如見面,真係配合得好好,而我那個甜品都唔錯,飯既口感一流,軟硬適中,而且仲有奶凍,軟雪糕同曲奇雪糕,仲有生果同脆片配合來黎都好好食,唯一問題只係生果味比較淡,不過都係因為時節問題,所以感覺都係好好食!!食完呢次我決定會再黎過^^

食左香蕉朱古力奶凍朱古力味好濃, 口感幾實又唔會太甜$28來講算好好食但比想像中少野選擇呢!

同老婆行完利時,想搵地方坐坐,等夜d做節,（原本想去甜ｘｘ，ｂｕｔ有不快經歷）見有新甜品店,（我估）未試過,膽粗粗入去試吓,竟然有驚喜！裝修十分簡潔,but好鍾意張紅色櫈,有一種好舒服及暖暖的感覺,總之好warm咁啦！老婆試咗朱古力堡壘鎮店之選!（我覺得）軟雪糕是自家製的,屬頂級之作,（自家係行內人，知部軟雪糕機唔平，間嘢都肯落本，好感＋１）中間一層是朱古力奶凍,奶凍選用55%Valrhona朱古力整（佢\\\話！）,ｂｕｔ朱古力味又真係幾濃（睇返價錢，係都唔奇！），朱古力甘多甜少！我老婆最鍾意個底ｄ朱古力ｃｈｉｐ，口感十足我試咗Q版朱古力香蕉窩夫窩夫切得細細粒,買相好得意,配雲尼拿雪糕同ｃｈｉｐ,好咬口，有小小冰火位，唔錯！抵讚位：有水飲！一般甜品店都唔會俾水，局你叫嘢飲，呢間唔錯，會俾水，好感＋２班年青人服務好ｎｉｃｅ，有笑容，（甜ｘｘ學吓啦，串串咁！玩高姿態！全尖沙咀得你一間甜品店呀！最憎ｄ鋪唔憂做咁！討厭！！！）好感＋３一定會再試！！！尤其係有個甜品佢\\\話用意大利米做，（唔記得叫咩名！）極想試！！睇吓你玩乜！唔好眼高手低就得嘞＾＿＾有得俾分嘅話，我會俾９５＋，如果出貨再快ｄ

返屋企途中又想蛇0下王, 諗起未0黎過的呢度有朱古力0野食, 走0左0黎試.叫了個香蕉朱古力奶凍(圖下)... 朱古力奶凍質感幾實, 都幾滑, 朱古力味道極濃(店內newspaper cutting 話係落了55% Valrhona 喎), 又唔會太甜, 非常掂! 面頭的cookies 'n cream 雪糕亦比出面好多同款雪糕好食, 一d 都唔甜唔漏, 驚喜! 香蕉就淪為配角-_-", 無乜特別.環境唔錯, 0個個鐘數得2 個客(ie 我, 同一個著校服0既女學生), 靜靜0地幾舒服, 只係個location 有d 隱蔽... 裝修簡簡單單, 亦俾人young/活潑0既感覺, 似乎都係target 年青客人居多. Service 都唔錯, 店員好有禮貌.唔錯0既一個閒hea 地方... 下次要帶"朱古力癡" 朋友0黎食!

早幾日出左去尖沙咀行街時,行過利時好似有間新開既野,見都有新野,就試下.個樣都OK就入去坐下. 好唔錯啊,環境同都好舒服呀,叫左個waffle,朱古力加D生果既味道夾得唔錯,唔太甜,賣相好靚好吸引,望左一陣先食佢,不過最驚喜係估唔到舖仔細細有咁高水準就真既~待應們態度好NICE,總括我都比高分既,只係再多D選擇會更大眾化,我好鐘意個感覺,第日再幫襯.抵讚~!

前兩日見完客，時間尚早，就行吓tst 啦，經過"利時"附近，見到有一間新開的甜品屋，見又冇野做，就入去一試啦，望住個餐牌，好多款甜品，又唔知食乜好，就搵職員過黎介紹吓，佢介紹左我食"古力香蕉窩夫"，佢果然冇介紹錯，真係好好食，好有口感，遲d 一定會黎幫襯，試埋其他甜品....

星期日晚同男朋友去o左霸王山莊後面呢間新開o既甜品鋪...環境不錯,小小的...裝修簡單但感覺柔和..座椅都很舒服...我食什果豆腐花,男朋友食o左"仲夏甜夢芭菲"...我覺得味道不錯...如果什果可以砌成大粒dd更加好..看到男朋友那個芭菲都很吸引..(忘記了影相><)..很大碗...材料份量也很足...佢牛高馬大都話食到好飽...味道也不錯吧..服務態度非常好...如果Menu有再多一點花款會更好...繼續努力吧~~~~~

尋晚我同女朋友去尖沙咀嗰間霸王山莊食飯，偶然間見到喺後街好似開咗間新嘅糖水舖，門口堆滿新張嘅花牌，咁我就同女朋友決定去試下啦...我地叫左好靚嘅朱古力香蕉窩夫...係等得耐啲...不過個甜品唔錯...我會再去幫襯架...大家都可以一試...

今日難得放假~~就同男朋友行下街啦~~諗住去利時行街~~行到過去有人比張傳單我~~原本0個度開左間新既甜品店~~仲話新張優惠有雪糕球送~~就去試下啦~~入去坐低見到個朱古力堡壘好似好靚~~就order佢啦~~~等左一陣~waiter就拎過黎啦~~第一眼見到就覺得佢好靚呀, 即刻要影低佢啦~ 上面有軟雪糕同朱古力雪糕~~點知食下食下~~原來軟雪糕下面有朱古力布甸架wor~~點知食到底又有d 朱古力脆脆~~真係估佢唔到~~上面仲有百力支~~~~食完好滿足~~~好好味$38都ok~~~有麻布茶房既水準~~另外見到個menu仲有星星涼粉叫~~唔知咩野樣架呢~~~下次要試下~~同埋我都覺得d staff好nice 好有hard~~~不過如果多d款式就更加好啦~~~~加油~~

今日下午行街經過某路口見到SUGAR 的廣告牌便二話不說拉左我個FRIEND去搵.. 倒沒有令我失望.我地叫左兩人份的Sugar 芭菲. 裡面有好多野. 其中我地最鍾意果個就係個朱古力果凍.D Pancake 仔都唔錯..唯一係要加快製作速度.. 或者可以同人講要等幾多分鐘. For 價錢算ok. 係TST 都差唔多ga la. 比麻布大杯好多..值得一讚老闆好有熱誠..加油!