SUGAR 甜品屋 (已結業)

前幾日,收左工之後等埋朋友諗住去食甜品,不過由於太夜11點幾,係尖少咀周圍行都仲未搵到有甜品店食,點知咁岩行過,就發現到哩間叫sugar既甜品店,已經比佢門口貼住果張雜誌吸引住,張相影既原來就係朱古力香蕉窩夫,於是同朋友入去試下,朋友因為岩岩食完dinner好飽,結果得我一個人食,就係叫左張相入面既甜品,整得好令、好吸引,雲呢拿雪糕放係窩夫上面,溶左小小再放入口,um~~~~~好好味呀>v<""仲有香蕉片同朱古力糖漿,最鐘意食朱古力口味既我,真係食到停唔到口。原本見到個餐牌有個叫朱古力堡壘,但由於太飽,變左只能夠下次先食到,但哩幾日我日日都掛住係嘴唇邊講要再去食埋個朱古力堡壘!!以後想食甜品,我一定會去哩間sugar呢~~

前兩日放工，同女朋友行經\"利時\"，見到一間甜品屋，就入去坐坐，果日都幾凍，咁我地就叫左待應介紹有什麼暖既甜品，咁佢\推介左兩款比我地，一個就係\"心太軟\"，水準可比美高級餐\廳，，另一個就係\"椰皇湯圓\"，呢個好潤，好岩女仕食....下次再黎既時候，一定會再試試其他甜品。

同朋友食完雲南米線，行左陣街，就特登黎左哩度食甜品。位置非常隱蔽呢，如果唔係之前上網check過都未必搵到呀！環境都幾舒服，我地叫左個香蕉朱古力奶凍&朱古力窩夫，賣相已經好睇，食落都好味，窩夫等左一段時間先黎，食落暖暖地，唔知係咪即整既呢？

間舖既位置真係有點兒難搵係利時商場再走入的巷仔的角落店裡都坐得蠻舒服看見它有一些冬日推介點了一個榛子朱古力窩夫及心太軟兩者都食熱呼呼上枱 的賣相亦不俗首先是榛子朱古力窩夫窩夫的裡層都是用朱古力做香味再加上脆脆的外層朱古力雪糕反而沒什麼特別接著是心太軟這個真的是推介濃濃的朱古力味加上湧出來的朱古力漿竟然沒有半點膩的感覺令一向不好甜食的我食不停口兩個甜品都有著驚喜一定會再試其他甜品

看過雜誌介紹，甜品款式十分吸引，決定週六下午來吃個下午茶。店子所在位置不在當眼處。和朋友分別點了仲夏甜夢和甜蜜軟飯。前者是以芒果為主題的，有芒果雪糕、軟雪糕、奶凍、玉米片、西米、芒果和西柚果肉…非常好吃，軟雪糕和奶凍十分香滑。甜蜜軟飯是以米飯為主題的，很特別；除了軟滋滋的米飯球外，還有雪糕、玉米片等，吃完整份甜品後會飽得很。必定要再來試試其他甜品﹗

之前睇完eason演唱會同朋友想食糖水，點知厚福街o個間又打o左烊...見有人派傳單就打個電話去問，又未收舖喎，咁就去食啦。見到個餐牌都花多眼亂，之後揀o左朱古力奶凍、士多啤梨奶凍同埋星星涼粉...士多啤梨我本身鍾意食，好正o既係呢度冇加糖水，感覺好新鮮好juicyyy...至於星星涼粉，老實講，味道就冇咩驚喜，但勝在賣相特別，剩係食呢份心思都值~~最值得要提o既就係service，真係勁好，我今晚就再去P

位處於巷仔, 好隱瞞, 又唔顯眼色彩繽紛甜品舖. 年青人經營, 服務有禮貌, 好nice.大部份甜品都要三十蚊以上, size大, 兩個人share食都夠飽.香蕉朱古力奶凍唔錯wo, 圓圓奶凍, 加埋雪糕球和香蕉片. 奶凍有好香香蕉味, 朱古力味就淡d, 唔算太甜, 食晒一個, 都唔會覺得膩, 但都幾飽下.甜蜜軟飯餐牌寫軟飯係意大利米造, 開初以為係意大利米混入d雪糕度. 上就知, 原來係雜錦甜品, 有雪糕球兩個, 意大利飯就做成一個球狀, 煙煙咁, 幾得意幾有口感lor, 味道就普普通通啦. 仲有軟雪糕, 麥片, 朱古力百力滋, 好豐富呀!

早兩個禮拜慕名去試吓, 8 點幾得我哋一檯客. 我叫咗個朱古力堡壘(其實唔係好記得個名)同老公share. 份量十足但就無乜驚喜. 軟雪糕都幾滑, 個朱古力奶凍就無乜特別. 幾樣味道加埋我覺唔係太好味, 我諗分開食會好味d.

嚟到呢間好評如潮嘅甜品小屋，叫一個招牌sugar芭菲跟太座兩份食....實際上即係大雜錦--- waffle、奶凍、雪糕球、軟雪糕、粉圓、雜果粒、cream等等，全部堆埋响一個杯上，好以一邊食一邊尋寶咁...年青人可能會覺得好過癮。我呢? 已過咗呢個年紀la...味道全部乸埋一嚿，唔知邊個打邊個...都係簡簡單單啱我D....

最近經常到尖沙嘴,由森美小儀歌劇團,寧記火鍋團,理大的information day,我們喜歡走小路的都會路經這間非常隱蔽的甜品店。 跟同學逛完理大,累得腿都走不動,嗜甜的我便提議到這間試試。一進去,感覺很寬敞,而且人不多,沒有平時糖水店的嘈吵聲,是我們這些喜歡hea的年青人\\\\\\\"落腳點\\\\\\\"的好地方。 同學叫了一個士多啤梨奶涷,我也試了一口。士多啤梨汁是新鮮製的,完全沒有加進其他東西。奶涷很滑,吃得出香濃的牛奶味,令人想再吃多一口。反而雪糕球普通了點。而我叫的香蕉窩夫(忘了名字),賣相非常吸引,看得出是師傅的精心傑作。用上了新鮮的香蕉和即叫即製的窩夫,而頂部更細心得加了脆片,增加了甜品的可觀性。招牌甜品當然少不了小店的大名吧,用可可粉造出\\\\\\\"sugar\\\\\\\"的字樣,看得出師傅的心意。可能你會說三十多元吃一個材料普通和便宜的甜品不值得,但師傅的心機就已經值回票價。 另外,店員服務態度一流,值得一讚,毫無怨言招呼我同學的麻煩吩咐。結帳前店員更給我們2張填寫心聲的紙仔,我的名字從此名留此店,哈哈。

上星期六等男友OT完，已經十一點，他帶我這裏吃雪糕甜品，上次同事帶他來，他說不錯的.....他在office剛剛吃了盒乾炒牛河，我也吃了晚飯，甜蜜軟飯便無褔消受了......因份量太大，但上次男友跟同事2個大男人來吃，佢地都話幾正......今次我點了鮮果奶凍伴芒果雪糕(都喺芒果汁底)，男友則叫了香蕉朱古力奶凍伴曲奇雪糕。本來我想叫男友o個個，但我唔鍾意食香蕉，所以沒有叫，但就呷了一口他的朱古力奶凍，朱古力味都幾濃，唔過甜，幾好。我的奶凍我估是普通的Vanilla掛.....因為頗甜，真喺分唔到味......*~* 但就幾滑。水果大小適中(有D甜品舖切得過大件)，但就不太鮮甜，但就總好過唔甜攞去浸糖水....芒果雪糕就好好味，唔太甜，但好香芒果味，如果有埋果肉在內就好啦.....呢到實在太隱閉，無太多人來，結果有份難得在TST找到的寧靜，很久沒有跟工作過於忙碌的男友一起吃飯了，所以可以在這裏跟他一起靜靜吃甜品，很開心呀!!下次點飽都要同隻衰佬叫甜蜜軟飯.....

從山莊的後窗看過來, 就是這家甜品點.見芭菲係推介, 當然就要芭菲.Sugar芭菲$68: 9分, 要了個店長誠意推介的甜品, 二人份量, 果然係大大份, 一個人係無乜可能清到, 兩個人食其實都幾勉強. 內容認真包羅萬有, 包括朱古力脆片, 雲尼拿朱古力奶凍, 自選兩球雪糕球(挑了芒果同朱古力), 鮮什果粒, 西米, 兩粒班戟粒, 兩塊窩夫仔, 軟雪糕同朱古力汁. 講完. 真係好長的名單.賣相其實有點點扣分, 不像日店的精緻. 大大份, 好像肥了點.先講軟雪糕, 用雲尼拿籽來做, 食落口係相當滑, 同麻記直程有得揮. 真係好食到唔停得口, 係食完這部份先再吃其他. 生果好鮮甜, 特別係西瓜點了雪糕係好冰冷, 差點忘記留給文迪. 兩球雪糕球也相當不錯, 朱古力的味道濃郁. 兩塊窩夫仔係即整的, 熱熱的, 用來點雪糕食也很好. 精彩的芭菲, 喜愛芭菲的記得來試.

仲夏甜夢--底層有少少脆片係(玉米片同朱古力脆片),之後上面有一舊細細的白色奶凍(o華…..超滑….超好味…>0<),奶凍再上有一舊芒果肉(約半舊芒果左右啦..)芒果o既上面有d大西米同少少金柚肉,再隔離有兩球芒果雪糕同埋軟雪糕tim,係軟雪糕上面有d鮮芒果汁同七彩朱古力針…超棒……..d大粒西米加埋芒果肉，又甜又好咬口……有一種楊枝甘露雪糕版嘅feel ar……下次一定要叫佢地嘅白色奶凍同窩夫sin….

sugar 我諗起依個名就係諗起係中環果間sugar我同男朋友嗌左個朱古力堡壘黎食因為up左堆之後之後一齊點左依個黎食哈哈!! 開頭入到去我地冇俾人留意到當有人留意到就即刻唔好意思地過黎service 我地... 個感覺好似去左一間地面cafe咁... 好sweet 真係有sugar既感覺影左唔少相.. 唔錯!!其實開頭覺得碗野入面乜都係朱古力係會好"留"但又唔會喎有暖有凍有硬有軟... 走時留左兩個留言添... 下次我想試下星星涼粉同埋朱古力香蕉窩夫...!!

那天根據情報，懷有十足期望與盼望去品嚐甜品，點知我與同行友人一起講左一句，蘇絲黃曾講的「將d cheap 的朱古力放在一起!」當日我地叫左朱古力奶凍同埋什麼有意大利飯的那個，好失望!唯一好處:好靜,好咩人,可以坐好耐，同埋坐得舒服!