影片
港鐵尖沙咀/尖東站 L5 出口, 步行約8分鐘
繼續閱讀
附加資料
STAY BAR , 賓客可享受穿梭於令人心醉的維港景色及兩岸高樓間，沈浸在香港的傳奇歷史
營業時間
今日營業
19:00 - 02:00
星期一至四
全日休息
星期五至六
19:00 - 02:00
星期日
全日休息
以上資料只供參考, 請與餐廳確認詳情
今日同fd登上擁有126年歷史的天星小輪，體驗不一樣的酒吧氛圍。我們將傳統渡輪變身成舒適的社交空間，讓你可以一邊飲酒，一邊欣賞維港夜景。 🎵每晚Live Band現場演奏逢星期五、六營業，每晚都有樂隊表演，伴隨着海風和音樂，享受悠閒時光。 🍹每月新款特色雞尾酒佢地定期與本地品牌合作，推出創意特調，例如： - 「STAY home」—— 靈感來自茶餐廳凍檸茶，清爽易入口 - 「STAY humble」—— 煙燻風味，層次豐富 - 「STAY foolish」—— 日本蜜瓜搭配蛋白泡沫，口感綿密 另有鮮釀原漿啤酒，風味獨特。 🌊 無敵海景 + 打卡熱點船上設有多個打卡位，無論是日落黃昏還是夜景燈光，都能讓你輕鬆影出靚相。 🚭 無煙環境，舒適飲酒我們提倡無煙酒吧，讓每位客人都能在清新環境下享受美酒。 🎉 包場派對 / 商業活動酒吧可容納235人，適合私人聚會、公司活動或特別慶祝，提供獨特的海上體驗。 📍神秘入口，等你來發掘酒吧入口隱藏在天星小輪碼頭，細節充滿驚喜，等你來探索！ 放慢腳步，享受當下 —— 「STAY」讓你喺忙碌生活中，搵到一個喘息嘅空間。📅 營業時間：逢星期五、六🚢 地點：天星小輪（秘密入口，等你來找！）
繼續閱讀
今日同朋友喺尖沙咀行完街想搵啲嘢做，俾我地發現哩間船上酒吧，好似幾得意，所以試下真係要喺碼頭上船㗎，一路飲住嘢一路睇住個維港view, 係真係一流其實佢啲shot真係好抵飲，所以我同friend 都嗌左一人一杯，下次再試埋其他cocktail 定價也正常，我地試左 stay sexy 同埋 stay foolish. stay sexy 酒味比較濃啲，仲有少少茶嘅甘香，聞落仲有紫蘇葉嘅香味，係唔錯stay foolish 哩杯啱想飲酒得黎，又想飲甜啲嘅我taste 係幾 fruity, 再加埋佢面頭嘅蛋白，好夾上船嘅飛包埋咖喱味蝦片，可以叫佢追加的仲有一個小禮物送
繼續閱讀
最近去咗Stay Bar，呢間酒吧好特別，原來係由天星小輪改建而成，喺維港邊飲嘢，真係別有一番風味。環境充滿懷舊與時尚感，坐落小輪之上，夜景配埋微風吹，氣氛一流，非常有格調。🌃酒單選擇多元，無論你鐘意經典定創新調酒都搵到心水。我叫咗兩杯特調：「Stay Sexy」同「Stay Foolish」。Stay Sexy入口帶有果香，味道層次分明，甜中帶點微酸，好易入口又唔會膩；至於Stay Foolish，酒味突出之餘仲有一點花香，感覺清新，飲完令人印象深刻。兩杯都見到調酒師用心之作，唔只賣相吸引，味道都有驚喜。🍹✨現場仲有人駐唱，音樂氛圍好正，坐喺船上聽歌飲酒，真係好relax，成個晚上都特別有情調。下次想搵個有特色又舒服嘅地方聚會，不妨考慮下Stay Bar，絕對值得一試！
繼續閱讀
之前上網見到有個海上酒吧係由天星小輪改裝而成既酒吧⛴️感覺超特別又有特色所以襯今個星期得閒就過黎chill下入到去好有氣氛🫢🫢現場仲有人係度唱歌 唱得好好聽👏🏻船前船後都可以欣賞到維港海景打卡打到唔捨得走😆維港夜景真係好靚同朋友叫左兩杯雞尾酒飲朋友話Stay Bitter比較苦我飲個杯Stay Foolish味道就甜啲見到餐牌除左酒類仲有其他小食可以嗌不過我地食飽飯先上黎就冇叫了😂呢度真係好值得黎下 好有香港人既回憶🫶🏻
繼續閱讀
天星小輪是香港獨特的文化象徵平時在船上短短數分鐘的旅程，能夠讓人快速將維多利亞港兩旁的摩天大樓和美麗景觀盡收眼底然而，隨著Stay Bar的出現，這段簡短的航程變得更加豐富多彩它不僅提供了一個欣賞美景的機會，還讓我們能夠在船上感受天星小輪的懷舊情懷搭配不同類型的雞尾酒，讓人在忙碌的生活中得以停下腳步，休息片刻再繼續前行當我手中捧著一杯名為「Stay Foolish」的雞尾酒，酒液散發出誘人的果香彷彿帶著我進入了一個甜美的夢境。儘管這款雞尾酒包含酒精，但我並未感到苦澀反而品嚐到濃鬱的士多啤酒果味，酸酸甜甜的口感令人愉悅就如同我這一年的生活，經歷了不少愚蠢的決定，卻也充滿了甜蜜的回憶與成長的滋味每一次的選擇，無論是對是錯，都是我個人旅程的一部分，令人無法後悔在這短暫的「stay」時光中，我透過手中的雞尾酒，彷彿在品味人生的百態與我同船的人們，他們的笑聲、對話以及彼此間的互動，都讓我意識到珍惜身邊的人是多麼重要或許在忙碌的生活中，我們常常忽略了身邊的美好，而Stay Bar則成為了一個提醒，讓我停下來，享受這一刻的寧靜與美好。天星小輪的旅程不僅是一次簡單的過渡，更是心靈的洗禮在這片海水與天空交會的地方，我感受到了生活的多元與豐富。每一杯雞尾酒都是一種體驗每一段旅程都值得紀念。無論未來如何，我都會珍惜與我同行的人和這些美好的瞬間讓它們成為我生活中的一部分，繼續在這條充滿未知的道路上勇敢前進
繼續閱讀